I KAH A LING LE KHAO TAM JONG LE ANA PANG DET JINGIN
Seiboi leh Kimneo
Lungset Hinkho THUSIM
Part – V
Hello my dear kimneo, na dam lhon hinam, phat sot tah ka hin hel jing in, khat vei cha jong nei na nop peh kha pon, na pa kisan in jong, na hel dinga, ka loipa toh ka hung ni jan na, ei-hou na chu, tuni chan in, ….
SIM MA SA BAN JOM.
Hello my dear kimneo, na dam lhon hinam, phat sot tah ka hin hel jing in, khat vei cha jong nei na nop peh kha pon, na pa kisan in jong, na hel dinga, ka loipa toh ka hung ni jan na, ei-hou na chu, tuni chan in, kamil tapon, na chung uva, ka lunghan na asan val tah jeh in, na pa chu tha doh dinga, kana mat ahin, hi jong leh na pa hi gancha thang banga, thang khao va manchah ding kati jeh in, tuni chan damle bit in kakoi jin nai, chu leh na u seiboi mi genthei pa chun, aloi chapang ho toh kei leh ka loi chapang ho tha dingin ei-hol jing uve ti thu jong ka jah jeh un, na u seiboi leh aloi ho dam’a, ahung ki nung le diu ana kinem dan lang, nang leh na loinu, hinkho jong ni khat le, ka hung lah ding ahi. Na kho sung mi leh, nanu le napa te ho vang itih chan hi jong le that ta ponge, hiche lekha thot hi na sim chai chai le agan na thei pen in, na loinu sei peh in lang, na u seiboi ana het sah loi tan tin, ajo na pen in, hitin ajih e, keima Thanggin, kaum nau mun T.Kholui (Breach) lei lhang, tin, lekha thot chu, aloi chapang mi ni asol’in aga thah sah tan ahi. Lekha thah a, che te ni jong chingthei tah in ache lhon in, kimneo te kho aphah lhon ding phat in, kho sunga koi koi um em, ei that thei ding um jeng em, tin ave ma sa lhon in, koima aum lou phat chun, ama ni jong, gang tah in kimneo te in chun alhai lut lhon in, mi pha tah bang le seiboi loi ho bangin aki sei lhon in, kimneo kimneo na useiboi jin lekha na hin thot e, tin, kimneo in jong lungdong tah in, ipi thu jong hi ding hitah a, tin ima sei be talou vin thip beh in aki lah in, kipah ume heu teni, tin in sunga alut pai, kit tai. Lekha thah te ni jong, ki cha tah le chingthei tah a, um jing, ahi lhon jeh chun, ajo leh mi hung khan te tin, ama ni jong, vahcha aleng, gang jap jap bang khun, gang tah in, ki mu man lou khop in, achu ti jam tho lhon tai.
Kimneo in jong lekha thot chu a u seiboi hin thot dia a tah san beh seh lou jeh chun, a lunggel in, ajo jep a jong phone a, kiki hou chai bep a, lekha ahin thot ahi jong le a sei tei ding hija..oleh mi dang ka min kibah pi uma, kei eihi sah jeh uva, ei hung peh u ahi dem o tin, amoh boi den tan, vet ding le, vet lou ding angai ton, akhon nan, kive jeng mai hen, koi lekha thot hi jong le kive jeng hen o..tin a room sunga alut in, lekha thot chu ahong in, ave asim tan ahi leh, koi ma danga hilou vin, thanggin in, a u seiboi te ho tha ding ati thu le, ama le aloinu momoi tha ding mat dinga thu ahin thot ho chu ana hi kha tan ahi. Aman jong hito bang thu tijat um tah le gim nei tah tah, thu ki sun ho amu phat chun, apet pet a, ama le ama ki tha jeng ding ahin gel tan, hi jong leh, lung ahin gel’in, leiset jenga bon nop na le kipah na, lunggel nop na kinei jou lou va, thi nunga, jong, tonsot a, kana le, hagel na mun na, um ding chu agel leh, ati ajan, ki that ta lou vin, alhembi ding bei neosen kan ha kan ahung kap doh tan ahile, ki hom tho tah a, ajipa ngaija aum jing na le alunghel na, aol jep na ding ti’a, invel sutheng nu, kimneo nu chu, achanu lungna lhase tah a haka a ahung ka phat chun, aman jong adel loijin ahile, achanu lungset um kimneo in, jong anu hung lhai chu amu phat chu, aman jong anu chu adel phei jin, akom alhun lhun chun a kap toh akol atho jengin, hiti hin, aka pum chun, henu henu, ipi ka chang na, iti hinkho ka man ding hitam ong henu, tin akap kap jeng tan, anun jong ipi thu um ham sei jin boi, ipi dinga kap na him, ipi mong mong chang na him, seijin boi seijin, na nu kei ka um hila em, tin adong tan, kimneo in jong akhut a lekha thot achoi chu, anu asim sah tan, hiti chun anu cha lhon in, kitim jou talou vin achu ti ka jeng lhon tan ahi. Seiboi nule pan jong, kimneo te nu cha ka gin chu ajah lhon phat in, aki hou lhon in, seiboi pa seiboi nu ahi ta hih e kimneo te nu cha ka dan pi khu, lunggim na khat, tijat na, thil khat vang aum ma hitei jin te, khai, khai kipat doh in, ga ve loi hite, atin, ama ni jicha jong kimneo to anu ka chu aga ve lhon tan, ama ni ji chan jong kimneo te nu cha chu, ol ol lin, a hin lhem lhon tan, kimneo te nu cha jong ahung kitim ham, ham lhon in, aka lhon jong ahung hai lhon tai. Aka lhon athip phat in, seiboi pan jong, kimneo nu jah a, kimneo nu ipi thu mong mong na het lhona, ipi thu ipi la mong mong um hitam? tin adong tan, kimneo nun jong thanggin lekha thot chu abon chan asei peh tan, hi jong le, seiboi nule pan jong, ima bol thei na, sei thei na, anei chom lhon pon, mitlhi longa, ka jeng ti lou upai dang aum ta poi. Hiti chun ama ho ding in, ka ti lou bol ding him him thil dang anei pou vin, sun ni lhum jankho vah in, ama ho jong kana mitlhi twi chu, lonlhi thonggo bangin ahung pullha gam tan ahi.
A jing, jingkah in kimneo nu chule seiboi nule pan jong seiboi chu phone bol a, thu um dan ho pha tah a, sei peh ding atiu vin, call abol bol tauvin, hi jong le acall doh thei him him tapou vin, ama ho jong alung gim nau jong a sang cheh che jeng tan, gel lou ding, ding jong agel lo tauve. Kimneo jong aloi nu sei peh dingin, achen aloinu kom alhun phat in, aman jong thanggin te ho aloinu chule ama jong tha dinga ahin sei peh thu ho leh, seiboi le mamang tha ding, tia thu ahin thot ho chu abon chan asei peh in, ahile, aloinu momoi jong ki chat tijan nan adim min, ama ni golcha jong ipi ichang lhong ding hitam, thi chu la ithi tei tei lhon ding ahi tan, heu te ni beh damsel in hung ki nung le lhon tei tei le na, ti-in aki lhamon to ding le aki lhembi thei joh jong um ta lou vin, amoh ka kit lhon tai. Chom khat jou vin, aka lhon jong, ahung hai dom lhon tan, ama nin jong, a u te ni chu call a bol lhon in ahi le vangphat um tah in, kimneo chun a u seiboi chu aki call doh in, seiboi in jong, kipah tah in alungset pen kimneo chu, aw dam heu chan, ash…nao kidang sah a, tu jingkah lai tah a call nan bol jeng chu, na dam jing hi nam, henu te ho la, dam cheh u va hinam, tin aga hou vin, kimneo in jong a lungset pen a u seiboi aw agah, jah chu akipah lheh jengin, hi jong le, a thusei doh ding ho leh, a u seiboi lungim ding ho agel leh, athoh jou pon, chu jong le, ama tah jeng jong, ki tim jou lou va, ahung kadoh kit ding chu aki het masan, hi jeng jong le asei doh lou va thil khoh ahi tah jeh chun, kimneo in jong a u seiboi chu agah hou pin, henge heu kadam jing nai, he nu te ho le ka loinu momoi jong adam jing nau ve, hi jong le heu tu jingkah ma tah a kahin call na ajeh vang…ka sei doh gam…tin, asei ding jong sei chan man lou vin ahung kap lha jeng in, ahi le, seiboi in jong lungset um adongma nu kimneo chu, ni danga aki hou lhon teng le bon, kap kha lou nu adongma nu, tu jingkah a, aka jeng chu alung jong adong lheh jeng in, aman jong kimneo koma nao ipi ti na hi ham ni danga nei hin hou pi teng le bon kap ji lou va, kipah tah a nei hin hou ji hilou ham, tunia na hung ka jeng chu, ipi thu na jah a, kon ipi na lo ham, hin sei jin, ken ka hung bol chah ding ahi, tin adong kit tan, kimneo in jong, aka pum chun sei doh vah thei lou khop in, a lungset pen, leh thi chan na dinga ahinkho jong phat ngam ma ana lungset jing, a u seiboi kom chun, thanggin thusei ho chu abon chan asei doh peh tai. Seiboi in jong hito bang thu ho ajah doh phat chun nikhat, aloipa le chapang ho toh pha tah in aki gong tup un thanggin te ho loi um na mun, T.Kholui lam chun, ki dou din ache tauve. Lang khat a thanggin te hon jong seiboi te ho hung tei ding ahi atiu vin, niseh in kimneo pa chu lei breach a chun thang in, amang cha un, lei pang lah a chun aki sel’un duty abol jing tauve.
In lama um kimneo le aloinu momoi ga that ding in, hiche nikho a chun thanggin in aloi te mi ijat ham chu asol tai. Ache hon jong kimneo le momoi chu aman uvin gamlah a, apui jun ahile kimneo te ni jong vangphat um tah chun aki tom doh lhon in ajam mang lhon tai. Seiboi le aloi ho jong ache, cheu vin ahileh, T.Kholui lei aphah phat un seiboi in jong kimneo pa lei lai lung tah a khaova kihen a, ana peng peng chu agah mu chet in, ama jong gari chu angah sah in, aloi chapang mi ijat ham chu kimneo pa huh doh ding in, asol tan ahile, thanggin te hon jong ache ho chu, meithal, pum mei mang chan ahin kap pan tauvin, hiti chun abon chau vin ahung ki kap to tau vin ahi. Kimneo pa jong kichat tijat nan adimin, aman jong koi le koi, hung kibol chah hitam tin, jam doh thei na ding tia angai to jing lai hin seiboi in jong, mi kap pum chun alungset kimneo pa chu aga pui doh tan, kimneo pan jong seiboi te ho ahi phat chun alung among jep tan ahi. Hinlah vangset um tah in, aloipa mamang chu thanggin in ahin kap kha tan khohe lou vin aki jam den tan ahile, seiboi in jong kimneo pa chu aki pui jin, a loipa chu apon, gari um na lam chun alhai pi tan ahile, alungset kimneo le aloinu momoi thi jama hung jam chu toh aki suto tauvin, ahin del ho jong seiboi jin athat gam tan hiphat chun seiboi in jong aloi khat akou vin kimneo te ho le aloipa mamang chu gang tah a hospital a, pui din, asol doh in, ama thanggin te ho toh aki kap to pan kit tai. Thanggin te hon jong athi gam diu le, ajo jou lou diu aki het phat un, ahing cheng chu thanggin le a loipa lamkai nan ahung ki surrender tauve. Seiboi in jong thanggin le aloipa chu apet pet a tha jeng ding ati lai tah in, a sap len pan pao vin call ahin bol to aki toh kha khel khel in, thanggin te ni chu that lou vin camp lamin, hin pui jin, ti thu ahin sei phat chun, seiboi in jong adangse chu athat in, thanggin te ni chu, khao vin ahen in, gari sung in apeh doh thon, aloi lah a, alenpen pa komin, nang hon ana pui tauvin, kei hospital lama ka che ding ahin sap pa chu pha tah in ana sei peh tan, tin ama jong aloipa ve din hospital lamin, ache tai. Hospital alhun chun, ama inko te le kimneo nu, chule, momoi inko te leh aloipa inko te ana dimset jeng uvin, a loipa mamang in jong kho ana he dom tan, chom khat jou hin, kot ha kiu vin ahung ki kiu vin ahile, seiboi jong a ding doh in, a pistol chun, kot lam chu doisan akoi jin, kimneo te ni jong a u seiboi nung in aki sel lhon in, seiboi in jong kot ahung ki hon hon leh, kap jeng ding atin ahile, a lamkai pao leh, aloi ho ana hi phat chun akap tapoi. A lamkai pao vin jong seiboi te ho komin, hitin asei jin, tun gam sung nam sung ana suboi jing ho aki that gam tan thanggin le a loipa jong, ha jep in, aki jep in, dan dung jui ja, hito banga khanset na nei hou hi tha doh dia kilom tah ahin, hi jong le tha sanga ahinkho lhon akhel na ding le aki sem thah thei na lhon ding aki ngai ton, a in sung mite jong aki kou khom’in, a chung thu lhon aki tan in, phat chom khat bol gim nan jail a genthei aki thoh sah jo tai, tin seiboi le mamang te ho komin asei tan ahi. Seiboi in vang tha tei tei ding ana ti na laijin, hi jong le, ama ho lah alenpen pa le kimneo nu te hon ajah da phat uvin, aman jong amoh ngaidam tho tan ahi. A lungtup molso ta hih jong le alungset pen kimneo dama aum jeh in, seiboi in jong a sap pao komin phal na aki thumin, chuleh, aloipa le akho sung gollhang ho se toh namsepai a, kona ahai uva, kho sunga nom tah a, aum kit na diu vin, phat na a thum’in, asap pao vin jong seiboi phal na thum chu asan peh in, pha asah peh tan ahi. Hiti chun hospital a um se chu toh damsel chan akho lang uvin aki nung le tauvin, phat chom khat jou vin, aloipa mamang le momoi jong ahung ki cheng lhon tan ahi. Seiboi in jong a service na toh jong, a tong jom kit in, aman jong anu to apa le kimneo nule pa phat sah nan kichen na ding lekha jong asem uvin, akho sung aveng sung u vin ahom doh tau ve. Seiboi in jong a hinkho lhum keija, a innei pi dinga ana deilhen, alungset pen kimneo chu Pathen dan theng in, loupi tah in, aki chen pi tai.
THE END.
Hetsah na, koi hile hiche Thusim, lungtut tah a ana sim hon, aban jong um be hen lang kisem be le kanome ti aum jong leh, ki phalam lou hela, achung lama No ki pea khu, inbox, na hin bol uva, nahin sei thei u ahi. Chule ngei mo tah a ki sun doh hijong le, lunglut tah le gen ngai tah a hinsim jouse chuin kipah thu kaseijin Pathen phat thei na jong hung chang jing tauvin. KAKI PAH E.
