Heart Touching Story
[Lungset Um Bemshi]
PART – III
Seiboi Khongsai
8473864702
[ SOMASA PART – II ]
PART – II = Nikhat kanu thah nu le kapa chule kei kathum uvin kanu lhan na ka cheu vin kanu thah nun jong kanu athi nu kom chun ngaidam aki thumin chule ken jong kanu athisa hita jong le lungmong a aki chol thei na din, hitin kasei tai.. Henu tun vang ka genthei na ho le kaka na ho jong kipah nan ahung kile tan, chule henu nang jong tunia pat in lung mongsel in kichol maitan henu tin, pahcha ka choi chu kanu lhan chunga chun kakoi yin henu lungmong in ana kichol maitan che kit tau vinge henu, tin keiho thum jong kaki nung le kit tau ve.
[ SOMASA BAN PART – III ]
PART – III = Hiti chun ka thum uvin kanu lhan chu ka dalha uvin, inlam kajon un, an ho kaki hon uvin kaneh uvin jan jong ahung hi ngal in ka lup na mun cheh un kache uvin kaki imut doh tauve. Jingkho ahung vah in kapa jong na tong dingin achen kanu le kei chu in ngah ding le in munna toh thei thei ho tong din ei nganse lhonin hiti chun kanu to ken jong kilung toh tah in inna toh thei thei ho chu katong khom lhonnin, sun ahung hiphat in kanu komin henu ka loinu koma kholai lengin ga chenge katin kanun jong kipah tah in che o che o tin kei jong ka loinu te in chun kache tai. Ka loinun jong hung tou vo bhai ipi thu hita tutah a na hung in, eina tin ken jong kamoh hung kholai len ahe bhai, tin kaki hou lim lim lhonin, ka loinun hitin eihin dong in,
Ka loinu : Bhai nanu khun na bol engset jina lai em?
Kei : Bhai eibol engset talou pi, bang aphat tah akhu, ka dei kangai chat aum lou le thum khoh khoh ngai ji talou pi,
Ka loinu : Hi tijoh chu hitam, kipah ume bhai, kho khat ihi vang uva, gampama aki um jile ima thu kihe jilou, bhai thu khat kasei peh ding ham?
Kei : Henge, sei o bhai
Ka loinu : Bhai nikhat nia chu gollhang khat in nang chu ka lungset e ati a, nang chu ana sei peh in ati hichuo
Kei : Koi ahi jong kihe louva alim amel la kimu kha lou, ei het dan ham ama chun?
Ka loinu : E nahet chu aman, na hinkho thusim ho ito bang ham tia ei doh a ken jong pha techa kasei peh le nahin lungset ahe bhai, ama jong gollhang pha tah ahe
Kei : Ipi ding hi jong le khat vei kiki mu to tadi nante bhai, tin kei jong ka inlam uvin kaki nung le kit tai.
Ani lhah in ka loinun call ei hin bolin bhai Hemin chun jing le kimu to thei ahe ahin tie jing le ana ki go o ahin tin ahi. A jing nikhon ka loinun asei bang chun ken jong kapa le kanu kahet sah in Henu hepa kapot na ding kin khat aume ga chenge katin ka loinu chu kaga hopan kei ni jong gollhang pa to kimu din kache lhon tai. Mun khat a hin hemin kiti pa chu ka ngah lhonin ka loinun call abol in hung kinon ka loinu toh ka ngah lhon tai ati peh in, chom khat jou vin hemin jong ahung lhun tan ka loinun jong nang ni ana kihou lhon no ken nehthei ga cho vah inge tin apot doh in, kei le hemin chu thip chet in ka um lhonin, hitia thip chet a kaum lhon chu nop mo kasan hemin kom chun hemin hoija pat na hia kei pen tah to kimu ding nahin sei ham? tin ka doh in hemin in jong Nao ipi dinga kei pen tah nati ham, kei dinga sana tobang nahi bou ve, tin aum na kho min hole a hinkho um dan ho abon chan ahin sei in chule ei lungset na thu jong ahin sei doh tha tan ahi.
Hi phat chun ken jong hemin hinkho thusim ho chu kagel le ka lungset in kei banga genthei ana hi jeh chun ken jong lungset ka chan in, chu jong le ama jong mipha tah le mi ching tah ana hi jeh chun ka lungset na jouse abon chan kapen, ki tah tah a lungset hinkho mang din aki tem lhonin, hitia nom tah a kaki hou jing lhon lai in ka loinu jong ahung tan, aneh thei hin choh ho chu kane khom uvin, kaneh chai phat uvin, hemin kom chun heu-min kei ni jong ki nung le kit lhon tange katin kei le ka loinu jong inlam min kahung kile kit lhon tai. In ka ga lhun in kapa le kanun jong hoija na che ong Bemshi tin eina dong lhonin ken jong jouse lou vin kache na ajeh chu kasei doh in ahile kapa le kanun jong pha tah in eina hil lhonin kichih thei jin tulai gollhang ho aki chemse atam jin, hitia ki lungset pi na neile khat vei beh inna hin pui lut in ong, tin eina sei peh lhonin, ken jong henge henu hepa sei peh nange inna hung dingin, chule ka umin vang chu mipha tah ahe, ju le sa kham nathei ne mi jong ahi poije, ka koma a hinkho thusim ho abon cha asei ja mipha tah ahi naije, ka tin kei ho thum jong kaki hou lim lim uvin, nilhah ahung hiphat in an ho kaki neh doh uvin, ken jong an kaneh jou phat in ka umin chun call kabol in, jing le ka inn uva hung din kasei peh tan ahi.
Jing kho jong ahung vah in kasei bang chun ka umin jong ahung tan, ka nu le kapan jong pha tah in aki hou lim pi lhonin ahile kanu tenin jong ka umin phat na ho le a hinkho thusim ho ahet lhon phat chun kanu te nin jong alungset in chule kei to kilungset ding le ki cheng dingin jong pha tah in asei peh lhon tan ahi. Hiti chun ka umin jong chom khat aum min, kho sung ho jong amu nom dan thu asei jeh chun ken jong ka kho sung u ve ding in ka pui jin khosung ho kavet chai phat lhonin, ka loinu te in nin kache pin kei ho thum jong nom tah in kaki dai uvin kanui poh lah lah jeng uvin ahi. Ka umin jong che aki gotan kei le ka loinun jong ka kho khel chan u kaga thah lhonin, ka umin in jong ka komin “Nao ilungtup lhon imoso toh kah sen ana pang det jing in o” tin ama jong akho lang uvin ache pai pai tan ahi. Ka umin to ka hung kilungset na lhon jong kum pha bep ahung hitan, vangset um tah in kaki kah lhonin thulam leng ahung umpan tan, ka umin toh kaki lungset chu eihin dem pan tauvin, nao vop lou nu chu nao vop in eihin sei uvin, chule ka umin jong nasa tah in ahin sei se uvin, abol lou lou bol’in ahin sei doh uvin, ahile ka umin jong alung na vil in nikhat lungna tah in call eihin bolin ahin ban sei lhah in, ken jong ka umin chu aphat phat nan kasei peh in, hinlah phat ahung sot cheh cheh le nao vop lou nu chu nao vop dan dan na, thu ahung jal phat chun kanu le kapan jong jouthu kisei ho chu ahin tah san lhon tan, nikhat ka nule kapan hitin ahin sei tai.. “Boinu Bemshi mi ho thusei hi atah ham, nao vop na hi tah bah ham?
Chule na umin jong mihon aha sei lheh uve, tah ahi jong le pha te chan hin sei doh in” tin eihin doh lhonin ahile kei jong kalung ana valin kahung kap in, kaka pum chun, kanu le kapa kom chun, thiljou se chu jouthu ahi dan ho chu pha tah in kasei peh in, ahile kanu le kapan jong jouthu ahi dan ho chu a he doh lhon tan ama ni jong alung na lheh lhonin ahi. Hiti chun ka umin to chu jumle jachat thoh lhon jong leng kikhen na um louvin kidet cheh cheh nan ka mang lhonin, Pathen komin ka lungtup lhon ka molso thei lhon nading le mi ho jouthu sei jong ahung bei thei na din, ka um na mun cheh lhonin tao na ka jing lhon tan ahi. Lang khat a ka loinun jong eiki tho pi jingin, phat jousen ka lung mon na ding le pan ka ha lah cheh cheh joh na din eitil jingin, hitia min kau-min to kahi na lhon lou beh beh a eisei set jing phat uchun, kei ni din kimu to na aum thei ji tapon, hi jong le phone aki nei jeh chun them khat aki lungmong dom jin ahi. Hiti chun phone ho in kaki lhamon to jing lhonin min eiha sei set chan uvin kau-min ka lungset na jong asang cheh cheh jon, hi bang chun ka umin in jong ito bang sei set na toh jong le lunglha dai lou vin kei din apang det cheh cheh jon, ahi jeh chun kichen ding dan thu ho jong ahin sei pan tan ahi.
Hi bang chun kei ni jong lunglha dailou helin kilungset hinkho chu kahin mang jing lhon tan ahileh, jouthu sei lele hon jong ajo jou lou vuhi tan tin ahung thip chet jeng tau vin ahi. Hitia mi koma jou thu ana sei lele uchu min jong ahin het doh phat uchun koi man jouthu sei ho chu amu nom tapou vin, ahijeh chun ama ho le ama ho jah cha aki sa lheh jeng tauvin, lampi dung hihen hoilai mun hi jong le eimu jap u jong le eihou pi ngap ji ta pou vin, eipel doh lele ji tau vin ahi. Ni khat ka umin ka call in heu-min jing le hungo ka in uvin, iki mu lhon lou na jong asot val tan, hungo na, tin ka umin chu ka kou vin, jan ahung hiphat in kanu le kapan jong maicham sem kit ute tin kanun jong pha tah in eihil in, chu le kei jong jinei thei kahi tah jeh chun, Pathen het a ji nei kahi tei na dingin eisei peh in, hiti chun tao na jong kahin mang chai tauvin ahi. Ken jong kanu le kapa kom chun ka lunggel jouse kasei peh in, chule jing le ka umin ahung ding thu jong kasei peh tha in, ahile kanu le kapan jong pha asa lhon in, jan ahung sot thim phat chun imu din ka room cheh uvin kache un ka imu kit tau vin ahi. A jingin ka umin ahung ding phat in call ahin bolin nao lampin nei na ngah o ka hung lhun ding ahi tai ahin tin, ken jong ka umin chu lampi in kana ngah in, chom khat jou vin ahung lhun pai tan, kichol lou vin ka in lang uvin kache pi pai pai yin, in ka lhun lhon phat in nomtah in kaki chol sah in, cha ho neh thei ho ka sem peh in kau-min in jong tui tah in cha ho chu adon in, ka umin kom chun hitin kasei in, “Heu hi chan min jouthu a ei hin bol lhon chu na lung hang lou ham, kei vang kaja chat to kalung han toh numei ana hi lou hileng kabol chah ding ahe” ka gah tin ahile ka umin in jong hanui yin ei hin nuisat in, hitin ahin sei tai.
“Nao jouthu ahi jeh in kana olmo deh poije chule nang ka lungset na jong asang mong mong taije, nao lungtup molso ding ka nom taije” tin ahin sei in kaki hou lim lim lhon le kanu le kapan jong inkoma ana toh lhon achai lhon phat in insunga ahung lut lhonin ka bon chau chun nom tah in kahung ki hou khom tau vin ahi. Ka nu le kapan jong kau-min kom chun hitin asei lhonin, “Min, na nao nu hi nangin pha tah a nahin kiching jing ding ahin, chule ji nei dia na kigel lhon teng jong le Pathen lungdei ja ki chen na kin jong pha tah a inei ding u ahin, ahijeh chu nang nin jong kitup tah in hinkho mang jing lhonin lang misei set thei ding in vang um lhon hih beh in” atipeh lhonin, ka umin in jong ka nu le kapa thusei chu ahe themin, ahi jeh chun aman jong Pathen deiya kichen na kin nei ding chu atup jing sa ahi jeh chun kanu le kapa thusei chu pha asa tan ahi. Phat le nikho ahung chal jing bangin, kei nin jong kichen ding lang kahin mano lhon tan, ahijeh chun kitup tah le phatah in hinkho ka mang lhonin, kho sung veng sung chule houbung sung lah in jong kabol thei chan lhon le ka jo lhon chanin, ka um na mun cheh lhonin pan ka la jing lhonin, houin kikhop na ho in jong gen ngai tah in ka pang jing lhonin ahi.
Hiti chun nom tah in ki lungset hinkho chun Pathen dei lamin ka mang lhonin, ka umin in jong phat anei seh le aloi khat ahin kipui jin, ka in uvin kholai leng in ahung ji lhonin, nom tah in kaki hou lim jiu vin kah lah lah le ka hung kidai to ji un hanui jin kahung nui doh jiu vin ahi. Kum le lha phat le nikho ho ahung chal jing bangin kei le ka u-min jong kaki lungset na lhon le kaki ngai na lhon jong ahung sang cheh cheh tan ahijeh chun ka umin te jong kei thum din ahung jing tau vin ahi. Hitia cha ahin kidop uva eihung thum jing phat u chun kanu le kapan jong ajo na ding khat vei hung kit uvin lang chu teng thu ho sei toh tau hite ati peh lhon tan ahi. Phat chom khat jou vin kau-min ten jong ajo nadin ei hung thum kit tau vin, kanu le kapan jong aphat sah lhon tan ahijeh chun kichen na ding ho jong asei toh gam tau vin ama ho jouse jong aki hou chai phat uvin, kei thuma ahung ho jong aki nung le kit tau vin ahi. Hiti chun ka umin to chun ka ki chen lhon na ding nikho chu kinem tah in ka ngah jing lhon tan ahi. Phat ache jing bangin kei ni jong mipi het le Pathen het in loupi tah in Dantheng in ka hung ki cheng lhon tai….
BEI TA…
Asim doh jouse Pathenin phatthei naboh uhen.
Thusimbu Machal jing thei na ding a pan lanom ho kipah tah in lem ahijing in ahi anoiya button “Click Here” khu meh utin details anasim ute.
