By- Lalminlen Misao
Junenile Amusements (1797):
1797 kum’a Samuel Arnold in “Junenile Amusements” kiti lekhabu ana sut na a Humpty Dumpty te la hi ana jaosah in ahi. Hiche lekhabu a ana kisun chu ahileh Humpty Dumpty sat on a wall Humpty Dumpty had a great fall Fourscore men and fourscore more Could not make Humpty Dumpty where he was before.
Seige of Colchester (1648):
Seige of Colchester (1648) ahilouleh Second English Civil War a hi Royalists Forces holeh Parliamentary Forces ho ana kisat ahiuve. Royalists Forces hohi England Lengpa panpi sepai ho ahiuvin chuleh Parliamentary Forces hohi England Lengpa dou ho ahiuve. 12 June 1648 nin Sir Thomas Fairfax lamkainan Parliamentary Forces hon Colchester (England) munna pansa Royalist Forces ho chu ana bulu uvin ahi. Hiche gal a chun Parliamentary Forces ho 500 leh 1000 kikah athi uvin chuleh Royalists Forces ho 1000 vel ana thi uve. 28 August 1648 nin Colchester (England) kulpi sung’a pansa Royalist Forces ho chu Parliamentary Forces ho kom a akipe doh (surrender) taovin ahi.28 August 1648 nin Royalists Forces a lamkai Sir Charles Lucas leh Sir George Lisle chu Parliamentary Forces hon ana that uvin ahi.
Seige of Colchester leh Humpty Dumpty:
Colchester (England) munna Royalists Forces hon kivenna a ana man u pumpi (cannon) chu “Humpty Dumpty” akiti in ahi. Humpty Dumpty” kiti pumpi (cannon) chu St Mary Church, Colchester(England) kom’a um Khopi kelkot bang (city wall) a kikoi ahi. “Humpty Dumpty” mangchan Royalists Forces hon kho hin bulu galmi te chu tamtah ana that uve. 14 July 1648 nin “Humpty Dumpty” kiti pumpi chu a kikoi na khopi kelkot bang a kon a tol (ground) a akileh lha tan ahi. England Lengpa panpi Royalist Forces Sepai hole mipi hon Humpty Dumpty (Pumpi/Cannon) chu akikoi na khopi kelkot bang a tundoh kit di angaito uvin hinla pumpi chu lentah leh gihtah a kisem ahi jeh in adom doh jou ta pouvin ahi. Humpty Dumpty” hi Royalist Force a Sepai hangsan Jack Thompson kiseina joh ahi tia sei loi jong a um e. Jack Thompson in mit lang khat seh seh anei jeh in “One Eyed Thomson” tin ana minvo uve. St Mary Church, Colchester (England) kom’a um Khopi kelkot bang (city wall) a pansa Jack Thompson (“One Eyed Thomson”) chu Parliamentary Forces hon ana kaplha (kaplih) uvin ahi.
Humpty Dumpty:
Humpty Dumpty sat on a wall
Humpty Dumpty had a great fall
All the king’s horse and all the king’s men
Could not put Humpty Dumpty together again
BATTLE OF BOSWORTH/ WARS OF THE ROSES (1485):
Kumjabi 15 laija England a Leng panmun kichu nan House of York leh House of Tudor/Lancastrian ho chu ana kiboi jing uve. 1471 kum’a England a Leng ana hi King Henry VI (House of Tudor/Lancastrian) leh achapa changkhat-Edward of Lancaster in thina ana toh e. Leng panmun a on tah jeh chun Edward IV (House of York) in Leng hina chu ana tuh pan e. Edward IV (House of York) leng vai pohna chu Henry Tudor (House of Tudor/ Lancastrian) in adou dal jing in ahi. 9 April 1483 nin Edward IV (House of York) chu a leiset hinkho ana bei e. Edward IV (House of York) in chapa khat anei in ahin Kum 12 bep bou ahi nalai e. Kum 12 bep pasal chapang Edward V chu leng din tundoh ana hi e. Edward V chu chapang chakhat ahi jeh in Richard III chu kivaihopna ve sui din nganse ana hi e. 26 June 1483 nin Richard III (House of York) in England Leng kahi e tin phondohna ana nei e. Richard III (House of York) leng vai pohna chu Henry Tudor (House of Tudor/Lancastrian) in ana doudal kit in ahi. 22 August 1485 nin King Richard III (House of York) panpi holeh Henry Tudor (House of Tudor/ Lancastrian) panpi ho chu Bosworth, Leicestershire (England) munna gal ana kisat uve. Hiche gal chu Battle of Bosworth ahilouleh Wars of the Roses tin het ahi. Hiche gal a chun House of York mi 1000 athin chuleh House of Tudor/ Lancastrian ho jong tamtah ana thi uve. 22 August 1485 nin King Richard III (House of York) chu House of Tudor/ Lancastrian hon ana that uve. Henry Tudor (House of Tudor/ Lancastrian) chu England leng din phondoh ana hi e.
King Richard III leh Humpty Dumpty King Richard III (House of York) lengkou(shoulder) jet lang (right) chu a lengkou vei (left) lang sang in ana sang jep e.Hiche jeh chun Humpbacked King” tin ana minvo uve. King Richard III (House of York) chu Humpty Dumpty toh tekah ana hi kit e. King Richard III (House of York) in Sakol(Horse) khat anei in ahi. Hiche Sakol (Horse) min chu “Wall” ahi. King Richard III (House of York) in Sepai tamtah ana nei e. Hiche Sepai ho chu “Wall” (bang) toh kite kah a ahi ti a sei loi a um e. King Richard III (House of York) chu a Sepai atamjon gal kisat na (Battle of Bosworth, 1585) munna kon in ana jamsan (dalhah) uve. King Richard III(Humpty Dumpty) chu gal kisat khoh laitah in a Sakol/Horse(Wall) a kon in ana kilheh e. Henry Tudor(House of Tudor/ Lancastrian) panpi Sepai hon King Richard III (Humpty Dumpty) chu ana sat chen chen (hacked to pieces) uvin ahi. King Richard III (Humpty Dumpty) tahsa chu a sepai holeh milham hon ana sukhom thei tapouvin ahi. Hiche jeh a hi Humpty Dumpty La hi hung kisem doh a hi maithei ahi.
Humpty Dumpty:
Humpty Dumpty sat on a wall
Humpty Dumpty had a great fall
All the king’s horse and all the king’s men
Could not put Humpty Dumpty together again
Alice Through the Looking Glass (1872):
1872 kum a Lewis Caroll in “Alice Through the Looking Glass” kiti lekhabu ana sut na a
Humpty Dumpty hi Ahtui(Egg) toh ana tekah e. Hiche jou a pat a chu Humpty Dumpty hi Ahtui (Egg) lim a hung kisemdoh pan a ahi. Humpty Dumpty hi thusim tah tah ahi pon chapang ho thanop na dia kisem mai mai ahi bouve ti a sei phabep jong a um e. Humpty Dumpty thusim a kon a kihilna
1.Humpty Dumpty:
Humpty Dumpty hi Ahtui (Egg) toh akite kah e.Ahtui hi ahing thei Mihem, Ahcha,Vacha leh Ganhing ho hung kisemdoh na ahi. Ahtui hin hinna avetsah e.
2.Sat on a wall:
Humpty Dumpty chu Bang (Wall) a tohdi boldi he louva moh tou tou hi maithei ahi. Leiset chung’a mihem a peng ngal kahileh mi phachom hitei di ngaito ing e ti lunggel nei louva moh tou tou leh moh um um ho toh tekah thei hinte.
3.Humpty Dumpty had a great fall:
Humpty Dumpty in ipi kibol le phadem ti lunggel ngaito leh kigel lhah na anei lou jeh in mi phachom ahi doh tapon ahi. Mihem khat hinan tahsa leh lhagao a tohdoh anei tapon ahi. Boldoh ima nei louvin a hinkho amoh kichai del jeng tan ahi.
4.All the king’s horse and all the king’s men Could not put Humpty Dumpty together again:
Mihem khat in hiche katoh angai e tia kigel lhah na anei ngal louleh koiman bol tei tei in ati thei poi. Thunei Vaihom (Leng) holeh midang in bol in ati jeh mai mai a kitong chu a lolhing ngai poi.
