Home N Lhungdim HOU RELIGION MANCHAH A GAM VAIPOH THUNEI NA NEI HI ADIHMO...

HOU RELIGION MANCHAH A GAM VAIPOH THUNEI NA NEI HI ADIHMO NA UM EM?

30
0

Gam khangtou masa Europe leh America ah koi machan houthu mangcha in gam vaipoh thuneina neiding gotna leh neina ana neipouvin ahi.

Asun
N.Lhungdim
Thangting House
Molnom-West

n lhungdim
N-Lhungdim

4th September, 2021.

Hiche tobang Houthu manchah na hi alhangpi in Muslim gam ho ah ana um in gam vaipoh thunei nom hon Islamic hou feeling leh sentiment amanchah uva amipi Hou a kai hoi uh ahi.
Turkey,
Iraq, Afganistan ,
Pakistan,
Syria,
Indonesia etc ho hi ahi.

India gam ah 1947 Independent jou a kipat 2013 chan democratic Secular principle dungjui in Govt ana chelha peh in ahi.

Ahinla hiche hou manchah ding aphatchkomna chu
Hindu Nationalist hon ahin het phat uvin BJP party in aphudoh til uva pat ana manchah lou
Hinduitva Policy mangcha in RSS ho Evangelist a ahin goi uvin 1984 a MP 2 ana nei BJP party chu 2014 in 282 MP ahin nei un party dang 2 leh 3 toh Coalition Govt. ahin sem uvin India dinga vangphat naham vangset naham 2019 in two third majority 320 ahin mu uvin tuni chan in NDA min in BJP Govt. in vai ahin hom in ahi.
Tu tua BJPGovt in India avaihom uhi eiho thinglhang mi het them thei ding ahithih in India gam apui dan u hi a chom beh ahitan ahi.
Govt in vaihom boipiding kiveina hi dalhahding tin Govt nei le Gou ho Monetise bol a BJP ho Crony hon anei ding tia aboipi laitah u ahi.

Airports,
Stadiums,
Railways lands etc ho BJP ho Crony ho pehdoh ding agot laitah u ahi.

Hiche BJP Govt. hi aphat aset mijousen aki musoh kei in hicheva mipi ahoi nao thupi chu
VIKAS
kiti
KHANTOUNA
ahi achepi uh ahi.

Amahon
VIKAS
atiu hi eihon khantouna itiu toh kitoh chetlou maithei ahi.

Ipi dinga
VIKAS
chu thupi a anei uham iti leh India sunga hi avaicha mi 100 lah a 70 tobang ahiuvin 70 lah ahi niseh a nehding kihol atamjo ahi.

Hiche jeha chu mipi hoikhom na dinga thucheng hoitah ahijeha chu ahin manchah uh ahi.

Ama ho
VIKAS
hi atup leh adoi uh achom beh ahi.

Mipi muding leh hetdinga kisei hi achom ahin asung a seidoh theilou English ten
HIDDEN AGENDA atiu khatna achun India hi 2019 population dungjui a mi Crore 1336.6 ahitan 2021 Sept. tarik 2 chan a population ginchat hi 139.58 crore ahitan ahi.

Hiche lah ahi 220 million India hi nikhat hi Rs 32 sanga lhomjo expenditure nei kho le venga um ahi nalai in ahi.

Hiti jeha chu BJP te hin mi hipthei nadinga polanga ahil uchu hiche mi vaicha ho gelna a natong kahiuve tia asei uh ahi.

Ahivangin anatoh umleh athilbol hou alunggel u tamtah hi aki vet vetleh hiche lang sanga akhohsah u India hi Hindu 100 lah a 80 val umna ahin hijehchun India hin Hindu te umchan khanchan joha kivaipoh ding tihi athupi joh uh ahi.

India gamsunga Muslim population hi 14 percent bou ahin Christian hi 2.3 percent sanga lhomjo ahibou in ahi.

Adang hohi thuchom in phamo behseh hih jongleh Muslim holeh Christian hohin bongsa neh hi sa lah a aha nehpen uh ahi.

Bong joh ding bongtha ding bongsa nehlou ding kiti ho hi Christian te leh adeh a Muslim ho dingin thilbai ahipon ahi.

Panggal hon bongsa aneh lou uleh ipisaba aneh ding u hitam sane lou a hitheilou beh tobang ahi kit uvin ahi.

Ama hohin vohsa anehlou jeh uvin Christian hon bongsa leh vohsa aneh uleh Pangngal ho sangin sa nehding atam neijon ahi.

Ahinla India aMuslim population 14% ho lehChristian 2.3 % ho amehon ding uh kisan a Govt. ahung kikum hi kitolouna lentah hung um ahitai.

BJP ho hunglet akipat Muslim ho bongvah,bong joh bongtha bongsa nehjeha suh genthei a aum nao hi sei joulou ahitan ahi.

Vangphat um tah in NorthEast a thinglhang mi
Meghalaya,
Assam,
Nagaland,
Manipur
leh
Mizoram a um hohi BJP in thunei thaneina anei nom jeh uvin tuchan in bongtha leh bongsa neh chungchang a suh gentheina ito nailou uh ahi.

Tuthah in Assam a BJP Govt. in vai ahin hom na ahin bongjoh bongtha chung ah dan thah thah ahin sem uvin Assam a thinglhang mi hohi ichan hamkhat gei ahin suh genthei a hung um ding ahi.

North East gam a suh genthei a um lou behding chu Mizoram ahi.

Manipur a BJP Govt. um hi tribal MLA tamtah in thunei thanei na nei nom jeh in ahou uh Christianity toh kitoh kitoh lou ham ti gel phalou in
amit singin support abol uvin ahi.

Khovei 2022 Feb. a
Assembly Election dinga jong BJP ticket khuchenga dela a imu theilou a umloi aki aum tan ahi.

MLA tetding ho kathu mop nom uchu BJP Ticket boi pi hih un lang MLA kaidoh ding joh boipi uvin .

BJP MLA hilou a jong MLA khat in Gam le Mipi ho ding a thil tamtah atoh thei ahi.

Manipur a thinglhang mi hohin BJP hi itobang party ham ti ahetlou ahilou leh ahou u Christianity hi ipi mong ham ti ahet chen lou uh ahi.

Bailam tah hettheiding a seiding in Hindu hon Pathen alen aneo abon in Crore 33 anei uvin Christian te Pathen khatbou aum e tiho Pathen khat houleh Pathen Crore 33 hou hochu
lupna khat a iti lumbom a kikoi kigo hiu vem?

Politics a
Strange Bed Fellows kihekhaloumi 2 Lupna khat a lumkom kiti chu hung hiding ahitai.
Achaina kei a kahin seinom chu eiho jong Pathen lungset najal in kum 110 hin 100% Christian ihitaovin Christian ihinaohi Hou in a bou akimang thei in Assembly Election District Council Election ho a mangthei lou Hou inei uhi Theory a bou Christian
Practice bol khat cha ki um lou Houbung Upa leh Pastor hon hong BJP support bolding kigo hi ipi ding a Christian ihi mong uvem kikhol chil in aphan ahi.

HOU IN SUNG CHRISTIAN PHATAH HOU IN PAM A CHRISTIAN TAHSAN TOH KITOH LOU BOLA KISALAL.
Ahileh Hindu ten
Hinduism mangcha a India pumpi kum 7 vaipohna anei thei leh Christian ten Hou mangcha a Pathen thahat na a kingam a MLA kaidoh na nei thei lou ham?

MLA TET DING KIGO HON NAKI SON NAOHI SUMTHAHAT BANGOL THAHAT,
THINGNOIMI THAHAT
N BIRENSINGH THAHAT
KHATCHA JONG PATHEN THAHAT SONG LOU HI IPIDING A CHRISTIAN IHI HAM?
TAHSA HINKHO A MANCHAH THEILO A PATHEN TAHSAN TE IHIO AHI
Thu kajah a dih le Pu Mangcha Thangjom Intending Candidate Churachandpur Constituency in vang Youth Association hilou Houbung Kiloikhom ho koma imacha kisonna kanei poi Pathen leh mipi song a kadin ahi.
3 Bills boi jeh mi 9 thilaiya
Joint Philanthropic Peace Committee Chief Convenor
kana hi toh ban tongding a kadin ahi atin ahi.
AHOI E PATHEN SONG MIKHAT BEH AUMCHU
.
MIPI THALHENG DING IN JATLEH NAM
KHENLOU A NATONG DING PATHEN SONG MI AKIDEI IN AHI.
Let the will of God prevails .

Articles hi anom lheh e nati le anoiya “LIKE” button khu meh in writer ho na support nau vin, chule seinom nanei le anoiya comments nahin bolthei u ahi.

Site nalut a notification pop up hung potji ho allowed anabol ji uvo maban a thusim thah ahung ki post teng notice namu ji diu chule Bell button a subscribe kiti chu meh un.

Previous articleLUNGSET’IN JOLEL ANEI POI
Next articleHINKHO LAMLHAH THUCHIN PHABEP-IX

LEAVE A REPLY

Please enter your comment!
Please enter your name here