KHAAL TWI THENG
presents
(True)
~St kuki
(7085383639)
Niseh leitoul a lhei le a kichep jong hi games khat chu ahin akilel tei, hinlah hiche ho sang a nomtah a toumun a kichep ding lung nagel khah em? Mi themkhat in bolding hetlou man in aphat ong neisung uvin Spiritual games kiti (lhagao phalou/athisa lhagao) hotoh kichep khom nathei games ho anabol jong aumda tapoi, hijeh chun ama hoa konna athilto dan uleh hiche games kikchep naho chu etobang bang ham tichu anoui lang a point themkhat kahet kham-kham in kahin jih in anavekhom u hite, hichea kahin seiho hi mimeisan nahileh anabol da phot jeng tan….(anabol kha lechun velbol nom tapon nate)
(HICHE HOA KON IN AHITHEI LEH KIKANGSE GUO IN)
THREE KINGS:
Akichem saho seidan in hiche kichep nahin akichem ho lung gel achoum sah in akikhel sah leuve akiti. Hiche kichep nadia angaicha hochu— room lenthim khat light ema hung lut nathei hilou ding, Candle lom khat tobang, phetvet(Mirror) lenthim nii(2) toh, chair thum leh neolai a kichep nathil khat beh hicheng se hi ngaicha ding ahi.
Thiljouse ejakai chu semtoh sa leh gotchai san koi inlang, namut masang in na alarm clock chu 3:30am ding a kikoiding, hichea chu na alarm clock chu ahung gin teng, hiche nagontoh sa room a’chun chelut inlang chair nado holah a khat chun pung 3:33am alhin lhin tah leh gatou inlang candle detsa khat nakhot a choisa a nakoi ding, eti hijong leh candle chu nakhih sah or namitsah louhel ding,naga tou lhah-lhah chu hiche khojin nalang muthim um nalang chu jangkei a navetding nasuboui ding umjong leh phetvet toh candle kitung chu napum vet louding navet na muthim lang chu jangpet a navet tei ngai ahi. Akichem saho sei dan in hiche phat tah lechun alung gel, athil jah u ahung kikhel jeng in mi ahung ham aja uvin achesa hinkho phat ho hethen thei lou tampi aseudoh jiuve akiti. Alung gel boui uham hinlah akichem jengsa hon aseijeng dan uvin akom uva lhagao nii in ahung houpi jeng dan u asei uve.
BLOODY MARY:
Thusim in anasei jeng sau aphu lanom jeng dawithempi(witch) khat lhagao kisei na ahi. A kichem nom hon aboldiu chu jankhang kimdon leh a room light u atha diu phetvet(mirror) mai a candle detsa khat akitun ding, mirror lang nga a “Bloody Mary” tia kijom thel a somle thumvei(13) vei aseilhah ding chuteng chuleh phetvet akon thisan hung putdoh chan anga ngai ding ahi, chuteng leh hiche nupi nu(Witch nu) chu thisan kaipum a namasang a ahung doh nanga ding ahi, akiti.Nakichat val a nangah nom tah leh “Bloody Mary” tin Somle thum vei koukit inlang let’s end the game good bye tin mangpha thot doh loi jeng in.
DARUMA-SAN:
Hiche games jong hi Japan akon a’hin akichem ding pen-pen chun bath-room lang a lutding sagohkeuva a bath-tube eiho dia tinkong a twi sunlut sa nakoi ding hilai sung achu natou lhah ding nasam ho nakisop panteng “Daruma-San” fall down tihin na mantra chu tijeng lechun namasang lang a achung lang akon in nupi kisil kiguo khat hung kum lhadan a nahet ding ahitai, chuteng leh namit nasin chah kheh a na towel a nakitheh got a bathroom chu kot nahin khading nahung pot ngai ahi, chenia pat chu games Start ahitan, ahithei chan a nakimat khah sah louding ahi, ajeh chu hiche nabol niapat chu naman ding a na nung ajui jeng ahitai, hijeh chun nangah nom tah leh ajeng in hiche nakisil na bathroom a’chun lut kit inlang nangah nom tah a nanung ahin jui ho dung nahet leh namit sin inlang kinung hei vang vei inlang akong tuh chah kheh inlang “Kitta” tin peng lechun phatan te.
THE MIDNIGHT GAME:
Hiche kichep dan hi tehse lhagao phalou tah khat hiding in asei uve amachun mi engbol ding hi atup jeng ahi. Nakichep nom leh jaan teng polam a lampi dung a “Midnight man” tin peng inlang nakou kouva hichea pung 3:00am tokah a ahung pot lou leh najo ahitai, hinlah ahung doh a nakichat val teng angah nading in “Old Pegan” tin peng lechun phatan te..Akisei dan hin hiche hi egah gel leh abei tan dan in egel uve, hinlah akichem saho seidan leh todan in tuchan hin alung gel kisuhmo den jong aumtai akiti.
Hiche kahin sutlo najeh chu kichep na jat-jat ana um tajong leh hiche ho tobang hoa konna ena kicheh theidiuva kahin sut ahin hiche kah lah a koitobang ana patep nom eum khah tah ujong leh akisei bang in angah dan chu phaten them in, achuti louva ahile vangsetna nato thei ding dinmun in aum e. Mimei san nahile bol ding lung jong anagel dan e Christian hindan uleh ehou dan utoh jong akitoh poi, gam khangtou hon anabol tajong leh amahoa konna athil to hou ejasoh uvin hijeh chun kiven chu aphapen loi ahie, “Prevention is better than Cure” kiti chu geldoh jeng utin , nanabol khah a jendam lel kheh a naum sang in anabol datan, nahinkho a emuthei louva nakoi thei ding in aum e..
“DON’T TRY THIS ALONE “
“BE SAFE”
OR
“STAY AWAY FROM IT”
Thusim hi anom lheh e nati le anoiya “LIKE” button khu meh in writer ho na support nau vin, chule seinom nanei le anoiya comments nahin bolthei u ahi.
Thusimbu Machal jing thei na ding a pan lanom ho kipah tah in lem ahijing in ahi anoiya button “Click Here” khu meh utin details anasim ute.
