April 16, 2020 by ThusimBu
{Hoinu leh Kengpu kilungset; Ngahpi hi ai-lam(care of)}
By: Letpao Touthang
PART-3
(Aum dan hi Hoinu dammona hi nasa tah a hi jih a hi hoinu nu le pa hin damsot na ding agel hun ana ki houlim na hun ki houlim hun jong le koima ana seipij ji hun lou ahi.)
Hoinu maiso chu ka vet le a ngui hiu² in lunglhai mel a pu in, hitia dammo na nei ding mel toh a ki lou mong² thei pon ahi. Alang khat ah kei toh umkhom ka hi jih a chu a lungthim aki pah in, damlou mel chu aput lou dan ana hi joi. Ka ki guong un ka ki pan doh tauve. Alang khat ah Ngahpi jong ahung in, Hoinu nu le pa toh chun ka ki tho khom uvin ahi. Suun 11:00 am a ka hung kipat doh ahin, Hospital chu 1:30 pm in kaga lhung uvin, chu in hospital ka guolnu Hoinu umna ima ka sutuoh un ka buoi lah² jieng uvin, kei chun ka kho het nung a khopi sung ga ki chi a hi jih chun neolai a Hoinu toh school kana kai kjom lai hun sang in ana thupi jon ka lung amo lha jieng in ahi.
Guhthim in Hoinu le Ngahpi chun eina ve lhi jing hun in, ka um chan chu akah le einuisat hun in, a kah le wi na khoto lheh ji hun dan ana hi, ajih chu kapa athia khopi sung ka dalhah jou apat chi ni chu kei dia khopi sung ka mu masat pien na ahi. Chu in Hoinun ei hin kou in “heo…heo…” tin eihin kou le ka hung kin dot in, ka kom a hung tou o atin hichun Ngahpi chun Hoinu nu le pa aga kithopi tan ahi. Phat chom khat jou hin ka pi le kapu jong a hung in Hospital a chun Hoinu chu doctor hon check up bol ding in ahin kou un, amanu jong ei hin ven ki suonglel mel puthim tah in, Doctor umna room lang chu a juon tai. Ipi a hung ti dem? tin ka ki gel² in ka lungbuoi lheh tai.Ajihchu hoinu hi a dammona ichan din mun ham? ti jong ka hetlou jih chun ka lungkhampi lheh in, koi ma hetlou in lungkham lih guo ka na hitai.
10 minutes jou hin Hoinu jong a hung pot doh in, anu le pa jong doctor pa toh ahung ki houlim nalai un ahi. Hoinu maiso chu ka vet le a muol deh tai. Ka lunthim a hitin ah hiti hin ka lunggel a hung um pai tai:’Ka nao hoinu hi damna ding ni kho hi sot lou ding a hi ta dem?’ Chu in Hoinu in jong ka maiso chu ana vetlhih jing hidi dan hintin ka kom a hung tou in – “He o, koi nungah na gel ham?” tin me siu siu vin ei hin dai phat chun kei jong ki dang ka sah in, hiti hin ka donbut e – “Hoinu, nungah khat seh bou ki nei a ama nu tahsa din mun ka gel leh ka lung moh kham kham jieng hita hi” ka gah ti le Ngahpi toh ahung kive to hun in ha nui in ei hin nuisat hun in, ka kom ka vel uva mi um jouse jong chun lung dong tah in ei hin vet phat u chun thip beh in kei kom a chun ahung tou hun in ahi.
Chu in Ngahpi in jong hitin houlim ahin bol kit tai – “He o, nang ni bang ikipa ni ikaa ni jong le va kho teni nupa bang a ium khom le ipi kiasei di hei…?” atin chu in ken jong assahhh Ngahpi kipa ni jong phat sotpi daijou lou a hinhko hi kaa na in ahin le jui pei kit jin a num deh chuom hih e” ka ti le Hoi nu in “Heo hi na chu…ka upa ma² future di gel sao ji e…” tia ei donbut a nu le pa jong maiso muol thim in a hung pot doh hun chet in ahi.
Chu jou chun kapu pa chun Hoinu akpu vin x-ray la din apui doh tai. Kei jong ka lung a theh cheh cheh tan, kapi nu chu doh jieng ding ka ti kit le la num mo kasa jep in, hitia chu ka um² le Ngahpi phone ah call a hung in Sum 10000 hin choi in lang hospital toh ki toh chet a Clinic a chun hunglut in tin kapu in ahin seipih tai. Ken ka gel gel leh nup kasa thei ta pon kapi kom a chun “Hepi, hoinu din mun ichan ba ham?” kagah ti le mai muol deh pum in aki hei mangjel in chom khat setpi chu anumg eu ngetkhum in, chu jou in kei lam ahin ngan in, “Boipu, ka he ta hih e, na minu jong hi i jen dam jou dou hi nam?” tia lungkham tah a ei hin donbut chun guhthim in ka nuhgui abing jieng e. Ajih chu numgah golhang dang ho pi khula kipah tah in a inn sung mitoh aki kim um, chule a ki lungsetpi teu hotoh num in hinkho amang un, kipana jaila a oi un, kei chaga hinkho hi iti ba hitam!! tia ka ki gel lai in X-ray la a chi ho jong a hung lhung chet tau vin ahi.
Kapu pa in jong ka maiso chu avet le nup mo asah thim hitan tin, ka kom ahung tou in, “chapa lungkham hih in, nikhat le ….” atin aban jong sei be lou in athu sei chi a nga dot kit in, Hoinu mel ka vet le amel hoi na chu kei mit mu chun a hoi cheh² jieng in, ngui hiu hiu vin, second cha hi jong akom apat gam la aum ding chu ka gel thei ta poi. Doctor hon x-ray result vet toh aban iti bol ding ham? tia ki houlim ding in Hoinu toh a nu le pah room sung alut kit tau vin ahi. Hichi kah chu Ngagpi kom achun hitin ka sei tai – “Ngahpi, na guolnu hin hi mona khat hin nei le assshhh ika ti ta dem? Anjo a amaiso ka mu chun kei mit mu in a hoi cheh cheh in ka vechim thei poi” ka ti le Hoinu lungchang hi akhel lou u le Kum 5 jou teng a hinkho bei ding a hi tai tin ei hin seipih in, aphatmo le kum 5 jong himg joulou ding ahi ati tai. Kei jong ki dang kasa val lheh jieng in ahi.
Kitiem jou talou vin ka mit lhi a hung valha tan, ka lungthim a chun ima dang jong aum thei ta poi. Ka Chun leh Zo in la ei dalha tan, tua ka sen guol ngei Hoinu a hiti kit le kei jong ka hin nom tapoi. Ka vetna jouse chu Hoinu mel in ka mu in, chutah chun Ngahpi jong ipi jong ka sei doh pih mi ka hiti suh genthei jam tin ana ki phatlam lheh kit tan ahi. Chutia ka umpet chun Hoinu te ahung pot doh chet un, ka kom ahung lhung masang in achuom lang ka nga in ka mit lhi ka ki theh hul in, ima helou bang chan ka um pai kit in, hinla ka lungthim a ima he lou bang a um ding kati vang chun ka maiso in ka lungthim a ka pohnat na ho jouse chu a sel guh jou ta pon, Hoinu in jong Ngahpi chu akou doh in ‘Ipi ti ham He U khu, anjo lang aum chan toh aki lou tapoi’ tia asei le Ngahpi in jong ‘ mmm…Loinu ei ngaidam o! na tahsa dam mona seeious dan ho chu ei doh doh jieng phat a iem jou talou a kana seipih ahi e’ tia a seipih le Hoinu jong adin na hun chu ka umna apat ki gamlat lou a hi jih chun a hin ve mai ngui hiu vin aki hei mang jel tan ahi.
Hichun Hoinu jong a lungthim a naa val in alungchang chu a vang (hole) um a hi jih chun akam apat in thisan ahung pot doh in kho helou vin alhun den pai tai. Ngahpi jong ahung peng jah jieng in a hi le akom avel a ho chun ipi hitam tia agah vet u le Hoinu hitia aum u chu amu pai uvin chu in Nurse ho toh chun emergency ward ah ka tollut pai tauvin ahi. Ama la kho helou in hospital bed chung ah aki jam in, lunggim a thi lo pai dung ka hitai. Nurse ho in jong lou le aii ija kai bol pih thei chan agang thei pien in abol pih uvin, heart specialist doctor pan jong chom lhat kho ngai un, kho a hin het teng khatvei check up kit ding ahi tin ahung sei in apot pai tai. Kagel le Hoinu hin ei dalha guot hitam ole Pathen phatsah lou ka hi hun khah hitam tin ka lhaset toh ka lunggim lheh in ahi. Ka umchan chu ka pi le ka pu jong chun ei vet hun le ana datmo hun phat achu hou jong ei hou ngam hun lou ana hi dan ahi. Ajihchu hichan geiya Hoinu ka ngeilut a ka serious dia ana gel phah hun lou ana hi.
30 minutes jouvin Hoinu in jong lho ahin hedom tan, chu in Doctor pan jong check up a hung bol kit in, abol jou chun room chom khat a ka pi teni chu toh ki hou din apot kit pai un, Hoinu kom achun ka tou in, ima seithei lou in ka mo den tai. Chu in Ka pu le pi jong ahung le pot hun in, Hoinu jong houpi thei a hi tan, kapi chun “Na U Kengpu le napa inn lang a angaikhoh le a poimo ho suhtuoh a chi hun ding nang le Ngahpi toh hospital a ium den ding u ahi tai ahin ti taj chun ka lung in a thuohlel beh seh jieng e, hichun ka pi nu kom a chun “Hepi ei poi, nang le kapu joh inn lam a chun chi hun in lang kei joh hospital a umden tange” kati le Hoinu in jong support ei hin bol pai Henu ka U sei chu ken jong pha kasa e a hinti pai le ka pu pa in jong ka pinu kom a chun ‘Hung o…hung o nangnu’ ichan hita chu asei le iba kilo di ham ati le ka pinu in jong ‘ipi a hi hih e nang khangthah a fel/pil joh in um pin tan’ atin agang gang a abuoi apoimo aum le tin ka pinu in 50, 000 cash in ei dalhah pih un apot hun pai tai. Ajih chu Hoinu hi ICU ward a um a hi jih chun mi ni khel in umpi phal lou ahi.
Jan hin lha vah chu a iem sel in lunghel jong aum in, guhthim in ka umpi feni chu ka dalhan inn chung chun ka kal doh in, lha vah nuoi a chun ka tou in ‘Aw henu, hepa ei hin ve tiem hun in, lhakih sa bang a na suon na pah kei ma hi iti genthei ing ting kipah jong leng nang nin la enei hetphah pih hun ta puon henu hepa kei jong nei hung pui hun tan, ka gentheina chung chon ah ka gentheina a ki belap jing jieng e,’ tia kana ki lhaset in, alang khat ah hoinu jong chomkhat chu damsel bang in ahung um doh in Ngahpi toh chun ei hol mo hun tan ahi. Nurse ho kom a kei ei hol hun in a dong le le hun koima jong ka mui ati lou phat in ana lungkham lheh hun tai. Achai nan Ngahpi in jong lhavah nup toh hin inn chung a um hinte tia Hoinu kom a asei le Hoinu jong ga ve hite, hilai khuba um hinte tia ei hung vet hun le kho he phalou khop a ka na ki lhaset na ho jouse chu ahin mu doh hun in hinla direct in ei hin hou ngam hun poi.
Chom khatsetpi chu hita eina moh vet jou hun phat chun a lie (shadow) lha in asal a kuon in ka hin mu in ka kin dot in, ka ki nung hei le amani ka mu pai in hiti chun thip chet in ka touna a chun ka touden in a hi le Hoinu chu a hung in ka kom a hung tou in hiti hin asei e- “He o, lhavah a num in hinla na lungsung a ngui lheh e” ahin tin chu in ken jong “Hinge” katipih in ima dang jong seilou in ka um kit tai, ama jong “Heo, lhavah nuoi a hi lhakih sa ichun le zo vang lha ngai a um na him, Chun le Zo ban na a na nei ding na Nao Hoinu kei ka um jing e, heimil lou jen in” ahin ti kit tai. Chu in ken jong Ngahpi kom ah chun nang jong hung tou aw ka kom hun ah tin ka kou in, ama jong ahung tou tai. Chu in hiti hin ka sei tai doctor hon eina hol mo get un te masa hun aw, ium sot tauve ka ti le Hoinu in “Eiyoo, heo Hoinu jong hung tou pan bep…” tin ken jong eipoi ka ti le Ngahpi in jong Hoinu kom ah na hero pa sei chu adih e chi suh ute, tin nui pum in ahin sei in ka kipat doh tau ve, hinla amani ka masat sah in ka chu ka din den nalai in Hoinu a hung ki nunghei in ‘Heo sot oilou’ tin achi pai hun tai.
Alang khat a sei din Hoinu hi adam doh na dia Lungchang (heart) ngai a hi jih chun chu ama a dam sot na ding ahi jih chun ka ki gel² tai. Inn lang a ka pi le ka pu in la mi donor (lung chang tuoh doh ding) ding hin mu chuom hun puon tin ka lungkham lheh e. Hinla kei lungkham a ima phachuim lou ding a hi jih chun room sung a chun ka lut in Ngahpi kom a chun ka pu ei call pih o ka tin, pam a ka pot kit in kapu toh ka ki hou kit in, “Hepu mi donor ding namu em mo?-” tia ka doh le “Chapa hahsa bou ve” tin khuoisa pum in ei hin donbut kit in ahi. Ale hepu thil dang avat ho joh chu kapi toh hin ki guot kit hun tan room sung a lut tange tin thil dang seisah man lou in phone ka koi kit in, room sung a ka lut kit tan ahi. Jan 12:00 am, ahin ka ki gel gel in a hi le kapu in la, hahsa atin kanao hoinu damna ding a hi pou le tin kei lungchang pih ding tin ka ki gel lha tai.
Hinla koima ka hetsah pon chief medical officer chu guhthim in ka ki mupi tan ahi. Aman jong nang na nupna sign natahsa tah a nabol ngai e ei tih pih in, keng jong guhthim in sign ka bol tai. Chu jou in room lang ka hin juon kit tai. Room sung kagah lut le Ngahpi in eina holmo in, lung numlou thim tah in “Heo hoiya nei na lhah ji hun ham? keini numei ni dalhah ji hun le ka kicha ji hun e” tin ei hin donbut in ken jong ka gel le num mo kasa in hinla kioah tah le mei lhaisel in lung himo na ima umlou in “Eeeehh jan khitih chan na dongma pa toh nang ni bou tou jia chu…” tin a nui toh asei toh ka kop in a hi le Ngahpi in jong “Eiiyoo…ei nuisat kit e, ama toh ka toukhom a chu ka dongma pa chi pasal hi jia ki lung mong chula” atim anui toh ei donbut kit in, hitia chu chon khatset pi ka dai dai hun le Hoinu jong a hung khang doh in, imu lou in ka kho vah tau ve.
Ajing in ka lungthim a chun ka heart (lungchang) aki lah doh kah a hi ni dang sang a Hoinu kipa sah ding chule Ka pi le la pu jong kipasah ding tibou chi thupi tah in ka gel in Hoinu nui nui na ding bou chu ka sei in, hitia chu ka eu eu u le, phat chi lam jong ka na he phapou vin kapi le ka pu jong ahung lhung tan ahi. Bu ne doh uvin lang doctor pa check a hung bol kit di ahi tin ka pinu asei in, bu k ne uvin a nui toh a neh ka kop uvin ahi. Gangchel in bu ka nen, ka neh jou in kapu kom a chun hepu, ga vah lip inge tin ka sei in kaga pot in guhthim Chief medical officer pa chutoh kaga ki mutu in ka ka heart lah doh na ding phat chu kaga sei tuoh hun in, ama in jong confidential in ei koipih in ahi. Ajih chu Hoinu in he doh le numlou ding a hi chu ka het ahi. Dr. pu nilhah 3 pm leh nang heart chu lah doh ding chule chiphat toh kituoh a Hoinu Heart jong lah doh ding ahi atin, ken jong pha kasa tan ahi.
End Of Part 3 to be continued)
