Excerpt from my book
published on22nd February 2017 on the occasion of the Golden Jubilee Celebration my marriage on 22nd February in 22nd 1967 at Mata Lambulane Church duely solemnised by [L] Rev V S Liankhopau ,Kangvai.
From: N Lhungdim ,
Thangting House,
Molnom West.
19th Setember 2020.
Dibrugarh a ka umlai 1992-2001 in Manipur a Kuki Inpi hon Kuki Inpi President Pu Haujakam Chongloi hiIai in Assam a Tinsukia District Sadya Sub-Division a 1917-1919 laiya Anglo-Kuki War jeh a Kuki Haosa len 12 tah British ten ana mat uva ana koinao het jing na dinga Assam Government henga gam thum ding ti khat ahin gong uvin ahi. Kei jong katoh thei dom ti in kana kilhonpi in amasa pen in Anglo-Kuki War Patriots Foundation kiti Charitable Trust khat kana bol in Manipur a Society Registration Act noi a registration kabol jou uvin Income Tax Department injong Income Tax Act 1961 Section 11 le Section 80G noi a tax Exemption Certificate kana bolpeh kit in ahi.
Hiche to kimat hin amasa in *Dr.T.S. Gangte ,ajinu Dr Pryadarshini M Gangte Pu Dr.Lamlal Doungel Professor DHKCollege Dibrugarh ,Pu Zampao Lhungdim IOC Engineer le Pu Paolen Chongloi Indian Railway Engineer ho toh kaga che uvin chule Sadya SDO toh kakimu uvin, SDO pa in plot identification dingin officer 2 toh eisol uvin plot mun hoitah khat kaga veovin ahi. Chukitleh Dibrugarh Range sunga cCompany lentah tah IOC Digboi ,Oil India Limited, Duliajan chuleh adang dang phabep pi donation pe dingin kana kimupi ahi.
Ahinla 2002 February a kahung retired tah jeh in nungjui lou in ana um in ahi. Hiche masang jong chun khatvei Halflong a um *N.C. Hills Autonomous District Council a Executive Member* ana hin, *Pu Athong Lenthang le Pu Haujakam Chongloi* ho tojong khatvei kaga che kit uvin ahi.
Ka retired jouvin kaga nung che kit khat Pu D.P. Haokip IRS toh Tinsukia D.C. kom a kaga sei kit lhon in ahile a file ahin podoh uvin D.C. pu chun hiche hi SDO Sadya in forward ahin bol le keima discretionary power a gam acre 7 kapeh thei ahi ati in eina hil uvin ahi. Ama seidan in hiche thu a gam lentah nathum uhi, Dispur a Assam Government noi a thot ding angai in chukit le District land Allotment Advisory Board in ahin vet kit ding, phat jong lut ding chukit le ahin phasah ule phasah lou jong kihelou ahi tin eihin thumop un ahi.
Hitichun hiche thu hi kum sot tah don louvin ana um in, vangphat umtah in kum 10 val jou in Pu Lamhao Doungel APS ,Assam Police Service, Additional SP Tinsukia a ahung pan jeh in ahin gelkhoh in achaina in Assam Government in gam Bigha 4 tah ahin Anglo-Kuki War Patriots ho dingin allotment ahin bol taovin ahi. Hichu 17 February 2016 chu ahitai [achunga order photo]. Hiche thu kiseina hi achaina a keima jeh a kibol doh ahilou vangin abul phu na a imajouse kana gontoh jeh a hung kibol doh khat ahi jeh in kakipah nale kalunglhai na kaphondoh ahibouve. All credits goes to Pu Lamhao Doungel APS .
Hiche Sadya gam kiti hi adihtah a 1917-1919 lai a gam Haosa len ho:
1.@Pache , Lhukhomang Haokip, Chassad Haosa
2. Ngulkhup Haokip, Mombi Haosa 3. *Chengjapao Doungel,* Aisan pa
4. Heljason Haokip, Loibuol pa
5. Pasut Singson, Kanjang Pa
6. Engjakhup Kholhou, Thenjolpa
7. Kilkhong @ Khotinthang, Jampipa
8.Pakang Haokip Henglep pa
9.Nangjapao Lupheng, Tonglhang pa
10. Tintong Haokip, Laijangpa
11. Leothang ,Chief of Goboh,
12.Nangkho on,Chief of Tingkai,
Amaho chu Open Jail kiti a English a Exile kiti tobang a ana koi u ahi. Hiche gam hi masangin Tuikol kah-Island um ahin, agamsung a chu thinglhang gam lentah um ahijeh in gam lenna sakap ima jong ana bol u ahi. Ahinla tu in kum 100 lhing lang ahung hi phat in hiche Tuikol kah chu themkhat themkhat in abal-erosion jeh in Tun Tuikol kah chu aum tapon ahi. Ahivanga amaho hetjing na ding a gam kithum chu Assam Government in Kuki te gelkhoh najeh in khohtah a ana gel uva sum leu na lou beh a Bigha 4 ahin peh uchu kipah umtah ahi.
Bigha 4 hi Assam Govt gam simdan ahin eiho het bai dingin 11,520 Qq.ft. area ahi.
Hiche Anglo-Kuki War Patriots Foundation gam Bigha 4 chu 11,520 sq.ft. chu Pu *Lamhao Doungel, APS* Additional SP pon pan na jeh in fencing abol uvin Anglo-Kuki War Memorial Park chu Official tah in February,22,2016 in Sadya SDO Mr.Manajyoti Kutum ACS in Foundation Stone kibol chu hondoh na ana nei tan ahi.
Hicheva Anglo-Kuki War Memorial Foundation a Chairman Pu Thangkhokhup Kipgen le Managing TrusteePu Haozakam Chongloi jong aga lha lhon in Sadya gamsung mileho leh Gaon Buras student leaders ho leh Kuki Community a lamkai phabep pi in aga lhaovin ahi.
Hiche Anglo-Kuki War Patriots Memorial Foundation natoh hi Sadya Sub-Division a Circle officer Mr. Rintu Bora ACS in pachatna le phatseina nasatah jong anasei in ahi.
Hiche hi Pu Lamhao Doungel APS Additional SP Tinsukia in lung le tha le sum le pai lut a ahin boipi ahijeh in amahi pachat lou theilou ahin ahi.
