Home Lahkhom HINKHO JONG AKIKHEL THEIJE-IV

HINKHO JONG AKIKHEL THEIJE-IV

113
0
HINKHO JONG AKIKHEL THEIJE
HINKHO JONG AKIKHEL THEIJE

(Based on a real Love-story)

(Part-4)

Compiled & Arranged by:
Max @Hegou-Dimngel

Max @Hegou-Dimngel
Max @Hegou-Dimngel

Recap: chujouvin kipahtahle thanomtah in ann chu tuitah in kanekhom taovin anahi.

Chunijanna kabonva nilhah-bu (dinner) kaneh jouphat uvin keichu Dukan’a naosen teni nehthei chohpeh din kachesuh tai, chuin kanunga Lhingnu’n eihin kouva eigah khutjap chu kamun kalung adongin kangahtan ahile; ama’n “Heu ibonva nehthei dinga nangin phanasah hochu hinchotei2 in ong lungset tah in” tin Rs. 5,00/- eipetai, keijong amanu komma “Kin offer kabol dingjoh ahie ajehchu nangho kholjin nahiuve” kativangin kakhut chutoh sum asipbeh thatai. Keijong sumchu kalatan amanu jong ka innlam uvin akiletou kittai, chomkhat jouva thille nehthei ho kachohjou phatnin kakile toutan;

Gate maija ajipa (Hethang) jong anadingin chuin ajinu’n nehthei chohna dia einapehchu anoplou vangin kalepeh tan ahi, chuin innsunga katoukhom uvin kihoulimna jat2 kaseikhom uve. Jaan 09:00cn ahung hitan keijong ka ute inna geding katile maljinnu (Lhingnu) chu adachah kheh in, keilupna a lumden din eiseijin amaho innsungmite chengchu kakomma lhong (floor) achun akijam gam taove; chomlou kah in Hethang le achateni chu a imulhu paitaovin, keijong Lhingnu imutheilou hinte tia kagella light chu ka off jongle torch chu akhole2 kitne. Amanu chu ainn hilou jeh a alungthim kichollou ham ole kichaham itihamla kidong nomlou, chomkhat chu kagellin “miginmo hisangin imudoh tange hibanga kiphalam uhi” tin kale jachatnin kaimutan ahi; nipilai (summer) hijeh a pon paset chu adapkhatle kisil nange tin kapanga kakoijin ahi, jingkah lam 02:45cm vellin kahung kinkhah chu kakomma pon kakoichu eina kisilpeh tan ahi. Kagah galvetle nomtah a khohepha talouva abonva imuchu kalung asetheije,

Chuin jinga damle bitna achennau Dongsum agalhun nathei diuvin taona kachangin kamanpeh tan ahi; chujouvin kalumpha kittan ahile jingkah matah 04:30am donnin ajinu chu akithouvin akisuthengin, akichaijin kabonvin eithoudoh un breakfast asemtan ahi. Chupet in ka Nu (mom) in jingkah-ann (meal) chu phatah in ahonmin loijin, chomkhat jouvin kanekhom taove chuin kakichai jouvun maljinte vailhahna maicham kasempeh uvin; Hethang le ainnsungmite jong akipahvin avella phatkhatle thanom tah a kimuto kitdin, Lhingnu chun keiho chibai boltoh kopmin aseijin abannin Parking chan kin kagathah tan anahi. Chomkhat jouvin Mahindra pick-up in atoudoh uvin bye2…kakibol kitnun achepai taovin ahi, kagelle ginchat louva milung dong kakhoto theichu katha anomdennin, abanle chutobanga mihahsa akitoh kitthei khahle katin Bazaar lahdunga domestic wiring kasemjin kana ngahtho jie; jankhat janni hijongle hetkhah lou mihem pasal tampi ka inna kaumsahjin chule kagekhompi jin anahi,

Ijemtia numeiho ahiteng jongle ka ute Guest room’a kapuijin kagalhunsah kitjin ahikitne. Phat ahungche jingtolhon in kakho noilang u T. Gamnom’a chun Area sport anaumin, keiho khojong Team-A & B in kasemmun kagachesuh taove; chuche tournament kibol laitah chu Bulte (february) kipat til ahinalai jeh in mipi anatame, jantengle Concert aumjin khojetle khoveija um natongmiho lenkhom (social gathering) beh a jaodin ahung kitol2 jiuve. Nilhah khatchu charity bolding ahinseijun ahile Phainuom akonna hungkon nungah Lency in a wallet chu aholmo tan ahi, chuin keile Hemin jong amanu komma katoulhon ahin nommo kasah chun; “Sister hinjoa nakomma tou pasal mingaho chun amumaithei uhe gadong ute” katile, Lency chun “Henge heu aphae naloipatoh gachekhom uhite lungset tah in” ahintin kapotdoh taove. Kotpi (Kotbul) panga anading Luncha chun “Boinu na purse chu keiho loijin nahungdoh nadia kaguh uhe, nadeile Lhangnom veng langa khun nachangin tumaman hungkilah in kangah uve” ahintin;

Chuin Kalung ahangin “najahchalou uham? mithil naguh uva akilahdia naseichu, gangchel in chenlang billfold chu hinchoi uvin achutiloule usher hokomma kapehdoh diu nahiuve” katitan ahi. Luncha jong einangah tao atin aloihochu agakouvin chomkhat jouvin ahunglhung paitaove, Miphalou lamkaipa chun “hey…..nang koi nahija kalampiu nasuhboi ham? agannathei pennin Lency chu kalhohgot u ahie lhadoh in” atin; chuin ka mobile chu Lency kachoisah in Hemin toh pasal mingaho chu kakidelpi lhontai, alamkaipao komma wallet kasalhah jouvin Lency chu kagah sephei pehle akilah in ajamtan ahi. Chuin lenkhom noptoh ahile koiman kakidel uchu ahebehpouvin, chomkhat jouvin Lency chule khonei youth ho chu ahungun miphalou pasal ngaho amat utohlhonnin custody a koi ahitai; keijong eisuhkhahnau maha chu nungah melhoitah Lency in a del achun eikanpeh in, chupettah in compere apang nungah Vahcy chun “Phainuom khosunga kon Ms. Lency in Vahchoila eihungsah peh uhen;

Ahindeilhenho Balcony langa touho kahiuve ijemtia asahloule kabonva kachegam diute” tin ahinphongtai, Kiging manlouva achutiphatnin Lency chun kakomma “Heu Max @Hegou hungo Keyboard neihung mehpeh jengo kakhouva keyboard master pala hunglou” atin mipilah akonnin kakijotdoh lhontai. Amanu stage (dais) chunga perform dinga akaldoh masangin, alasahding aseijin Transpose le Style chule Tempo ho adjusted kabolpeh jouvin jaila chu ngeitah in ahinsapan tai; chuin audiences hojong mitam’n stage chunga sum ahinchoijun agakoi2 jengtaove, Lency jong atheptoh amelhoi kittoh ahile alungthim noplouna jong mipi anga akihet dohsah dehpon ahi. Lasah kichaijin sumho chu Organizing committee hokhat in ahungpen kasim ule vangphat umtahchun Rs. 27,000/- anaphan ahi, chuin nungah Lency in keini komma “Heu teni nangni jalla tujan damle bitna kahoidoh ahin; chutolhonna kasum bag jong alhingsetna sum kakinung muthei ahije, chukitle kau Gou nangin Music lampanga jong kanatahsan bangin nanabolthei jeh in boilou hella mipite lah a vahchoila kasahchai ahije.

Kakipahvalle Sports kichainile keiho khoa hunglhonnin chule ka inn’a nadei chan2 naumlhon tei2 dingchuo uu” atin chibai (handshakes) eibollhonne, Lenkhom kikhenna ding ahiphatchun avellin Lency chu khonei Youth te’n lasadin ahinkou kittaove; chuin keikoma “chedoh kit hite ka u chule Hoineichong-Touthang Gospel Track nakoichu samai tange, kaseinom aumin kakichai tengle music hinlha tana” atin stage achun agadingtai. Lency in “Hello!….mipite einahethem tadiuvin chule komma kaseinomchu tujan sum neipeh uhi lamkaihon Orphanage Home in anapetaovin atin compere pachu agapen, chubanle tujanna pasal minga custody a umhochu lungsetnin neilhadoh pehtaovo” atikitnin; chujouvin vahchoila chohthet in aoilha kittan anahile ahung kikhomho jouse akaploi akipahloi adimlhajeng tan ahi, Jan pung 11:00 ahitohlhonnin kagena cheh u kakijot taove. Chomkhat jouvin Lency le aloinu Lhingcha chule steward hotoh kagenaova ahungun, chunijan ma2 a Lency nu ahadamlou jeh in phone ahinbol2 ule keitoh kilhonkhom din ahung seijun ahi;

Keiho kho Youth lamkaipa komma thil umdan kaseikit uvin eihinphal utoh ahile Lency tekhoho Yamaha achun Phainuom khosung kadeltho taovin, T. Gamnom khella lei (bridge) achun pasal mingaho chu kakitohkha kittaove; Ginchat louvin abonvin Lhingnu phatna jalla lhadoh (released/set free) ahiuchu akipahvin ngaidam keihothum kommin akithum johtaove, chuin bike achun kahung lhai2 ule 11:52pm vellin boina tohkit talouvin Lency te inn kagalhung taove. Chuin Lency pa chu akipahvallin keichu hoitah in einalem uvin agehden din aseitai, ahinla kakinungle lou akhohjeh chun nidangle avella kachekit teng gehtadin kaseijin ahile; anom mai2 uvin chuin Lhingcha kagathah toupai2 kittan ahile, Lhingcha in “heu kanaopa Gigin toh chekhom lhonno” atin eisolpai lhontai. Keijong mangpha kathotnin abannin ainnkom uva dukan chu kahonsah lhonnin win cigarette le zalda kakichoh lhonnin, handsfree gahkibu ding tia katoka sakhao kamaile anaumtapon chomkhat kagel2 le Lency komma katoukhompet uva kanachoisah chu kageldoh tan ahi; Gigin toh yamaha achun kahungsuh2 lhonle gate maija nungah Lency in ama mobile no. kijihle earphone anachoichu eihinpetai, kabonva mangpha kithotjou uvin keini jongchu T. Gamnom khosunga ajinga sports jaodi deinan kalhaipai2 lhontan anahi.

~Hiche thusim lunglut tahle thanomtah a einasimpeh hojouse chunga kakipana kahin phonge,
=chule abanna Final_Episode-(v) lungneng tah in anangah kit uhite.

Presented by:
LENLAAI-HUILHI WHATSAPP GROUP’S
.

Thusim hi anom lheh e nati le anoiya “LIKE” button khu meh in writer ho na support nau vin, chule seinom nanei le anoiya comments nahin bolthei u ahi.

Site nalut a notification pop up hung potji ho allowed anabol ji uvo maban a thusim thah ahung ki post teng notice namu ji diu chule Bell button a subscribe kiti chu meh un.

Previous articleDIVIDE AND RULE POLICY KITI HI IPI TINA HAM?
Next articleVE’N KUMSOM ACHETAI-I