Based on a true Love-story
(Episode-II)
Story narrated by: K. Joicy
Compiled & Arranged by: Max @Hegou-Dimngel
Somasa banjom (Episode-I), Vangsetumtah chun Class-(VIII) kasimma patna gentheile boina ahung kipantan ahi.
Mitin dia kipana kumlhun Ollha (December) chu ahunglhung tan, Jankhat hi kainn uva chun keiho khuo Houbung Upa hochu akikhom uvin; Hijehchun kanu’n adondiu le anehdio Dukan a gachohpeh tan eihintin chutahchun kaloinu kapuijin kachelhon tai, Gahsei diajong chu kapahi Houbung Chairman anapoh in ahi. Alangkhatna Haosate chapa chun guhthimma eina juilhon ahi kahepuon, Kaloinu toh thilho kachohjouva innlang kahin nungjot lhonle lampia eihin kituh in; Kagah kinungheija kavetle hitin ahinseije “nakomma kaseidi atamvalle” atin,
Chujongle kathilchoi chu kaloinu ape’n nang anache jengin tin asolpai tai. Chuin keivang chu kanompuon kaloinu komma chun “einangah in” katin kading dentai, Ajehchu kakitom jongle kajolou dichu kakihetne; Chuphatnin Haosate chapa chun ka sam (hair) a eiman’n hungin tin asottoh akaitoh atho in chule kaloinu chu asolpai2 kittai, Chuin Pasalpa chu akapmin “kalungsetna vel hijat kaseija nanoplou ahi. Tuni lhah vanghi ijemtia nanoploule nangjong kathadi chule keijong kakitha (suicide) dhe, chuche nanop kitlouva leh kaguh a kajaampi ding nahitai” einatikit nin ahi; Keila kakichat dan2 chula atepi ding umlou ahie, Ajehchu chapang jong kahin dongma kisan kananei khapon chubanna lungsetna ipiham kanahepha poi. Chutia thu aseija alhiluon phatchun kapotdoh nathei ahipoule tin lungthim kanabol tai, Jahcha pum2 le seingam lou sasan “kanomme” katin kahung lhaidohle; Eihindel eiman kitnin chuin kinjong “epi hikit tam? katile, Amapa’n “atah hinam?” eitin kenjong neilhadohle atahhe kagahtile amanjong eilhatai.
Chomkhat jouva Inn🏚️kagalhunle kanu’n lungdong tah in einadongin, keiman jong kaseingam tapuon ahile kanu jong alungdong cheh2 jengtan ahi; Kanule kapahi miphatah chule lunggel thiemtah ahilhonjeh in eihethem lhonnin eiphoh lhonpuon, Ajing nikhuo jingkah achun eidong kitlhon tan keijong chun kicha sasan thilsoh umdanho chu kaseipeh lhontai. Chule phatsehle kachie najouse a eitin jing jong kaseipeh in, Chutahchun kanule kapachu alungnommo lhehlhon tan anahi; Alangkhatna Haosate chapa chun chuche jaan akipatchun keitohin kakingai lhontai atin alung anamuong lhehjeng tan ahi, Keivang kanomtai kativanga chun anommin kakigel dehpuon ahije. Hinlah ama lunggel achu lungsetna kajoplhon dannin akigel jengtai, Kei kigeldan chu ahile kakihuhdoh nathei mai2ja nomdanna kigeljo kahibouve; Winter vacation laija school holiday (suty) chu nuomtah (fairly) in kamangjou vun, chule Tolbol (January) lhaa chu ahung hipai ngaltan ahi. Tolbol lhasung chun kainn uva ahung kholai lengjin chule kinjong puon kakhong jin,
Chunakah in jaanteng nehdi (eatables) ipi2 ham ahinchoijin kanule pa lungholnan anehpijie; Ahin kanule kapa vang alunggel lhon akicholthei tapoi, Ajehchu ken ima kahetlou vanga chu khuosunga akingaija kakithan lhondan ahitai. Chapang kahijeh in ima kana hepha puon, Kanule kapa’n vang lunga milthei lou phatchesa a thusim khat ananei dan’u ahie; Hichu ahile Haosate chanu chu kapaneo chun anadei ma2 jengdan ahin, Vangset umtah in Haosaten achanu uchu anaphal pouve. Ajehchu achanu kom’uva “gentheite innsunga ipiti nachen joudiham?” tin kapaneo chu anadei tapouvin, Amani chula akilungset lhondan aseiji beihel ahiphatnin Haosate chun lunggel khat ahinnei taove; Chuche ahile “amahohi ikhuosung uva konna deldoh taote, achutiloule ichanu uhi gentheite innsunga galuut tei inte” tin anakihou un ahi. Chuin kapile kapute chu khuosung dalha tadin thu apetauvin, Khuo-chaga tedia chu bolthei ima umlou hijehchun mitlhiluong chut2 in kachennau khuochu anadalha taove. Phat ahungchen ahile tuhin kapaneo jong sepoy officer ahitan,
Hinla Haosate chanu vang mihaosa khattoh akichengin; chule daa umtah in tuhin anehkham diu nah-changsal in amunah2 un ahi, Chapang kahia ima kana hetlou vangchun khuosunga kana minse lheh jengtan ahi. Kaminsetna pentah chu ahile “khubanga genthei hahsa uva haosate chapa toh kingai” tia eiseise adimlha jengtai, Langkhatna machun nungah engse jong akivat kittapuon, chutolhonna nungah khat hin anadeichat jing ahi kahe e; Ahivanga amapa’n la deichuom lou adeichanu tohin classmate kahilhonne, Hijehchun kin amanu komma “nangin kilah jengo kin kadeipoi” tin kanasei jie. ajehchu adeile alungset kahetjeh in kilungnopmo dingchu kanuompon ahi, Phaat ahung che2 in Bulte (February) ahung hitan chutolhonna themjil abanjom kitdin school kakaipan taove; Keijong Class-(1X) kasim pantan alangkhatna jong loilegol akuon mitthipna kahin tohpan tai, Haosate chapa deichanu chun khuosunga kaloile golchengho aban tilset in ahi. Chujongle aman aitih a jong anakivoppi khahlou kaloiho jouse jong akivoppin chule apui in atille2 jeng jitan,
Chuche nuchun atilji danchu ahile “Joicy toh nakivopleh khosunga naminsetdi ahi” tin aban tilset gamtan; Hijehchun kivoppi ding loilegol kaneiji tapon ka ule kanaote tohbou kakivopji tan hinlah nommo kasadeh jipon ahi, Chutichun school chu kakai jingtaovin abanna kakhuo kom uva loiphatah kaneijin amanu chutoh phatseh in kakivopji lhontan ahije. Ajingkhuo hungvah achun school juonna kache pheile kakhuo gal uva chun Lei (bridge) khat aume, Chua chun Haosate chapa chun nisehle einangah jin chule school kelkot (gate) chan einathah jin ahi; Nilhah langle kakikhen kitteng ujongle einangah kitjin, Hitichun kamel mudi kalbou chu anangahlel lhehjin ahi. Amapachun kamel amuteng kipanale nopsahnan ahinkho aluodim jin, Chutia hinkho ahinman jingphat chun adeichanu chun kakilhon ahinsuboi jingtan; Ahinla kinvang khoh kasadeh jipoi Haosate chapan vang aponajin alunghang jilheh jenge, hinlah kakivop jinalhon phat tamjo ahitah jeh in kinjong kahin ngaipan nin chule kalungset pantan ahi.
Hitia masanga sanga kakivop theilhonle kakingai chehlhon phatchun, Adeichanu chu alungthim naval hitantin Haosapile Haosapu komma thuhilou2 agaseijin; Eivetda nadiole amou dia eideilou nadiu thujoule thuphalou tampi agasei in, amanuchu amou uva adeitei nadiuvin agakikhum luttan ahi. Hijongle kinvang khoh kasadeh naipon kadih nale kapan nachu kalhaakang dehpoi, Haosate chapa chun hitin aseitai; “hitia iminset lhonna thujouva ihiti minset sahjing sangun lungtup molso tahite” tin eina temmin, Ahin keivang kananom poi.
~Hiche thusim (story) lunglut tahle thanuom tah a einasimpeh hojouse chunga kakipana kahin phuonge.
=Chule abanna kahung kichen lhonna (Episode-III) lungneng tah in anangah jing ute.
Thusimbu Machal jing thei na ding a pan lanom ho kipah tah in lem ahijing in ahi anoiya button “Click Here” khu meh utin details anasim ute.
