Based on a real incident LIFE-STORY of ma beloved Dad.
(Episode-5)
Arranged & Compiled by:
Max @Hegou-Dimngel
KAPA HI MIPA LOLHING AHIE:
Chuphat laija chun keijong themkhat ka innsungu ngailutji daan athahbeh a kahin hepankit taan, Hiche jehchun kapa chu atha ana nomval jeng tan hapta (week) sunga amuthei sumho jouse agomkhom jin hopsom dingchun som-mani (tithe 10-8=2) chu ahinpe jingtan; Chulaija keiho khoa kahetkhel loule som-mani kapa’n phatchom khat setpi chu amabou in anapei, Chulaitah chun Saikul a um kanao Kikim jong Gl. Stony @Seipu Sitlhou tochun damsunga innchen semkhom dingin anakicheng tai tithu kajakit taan ahile keijong kalung amongsel taan ajehchu isopi midei mingai ana chan thei jeh ahi. Keijong chu kalouva chun kana konnom lou ahinla milouva kathachu ananom jin ahi, Midang techu mitampi ahijehvin alangkhatna tohle tham ahiteng kana otcha jin ahinla nehlang ahiteng le keiho mithum bouchu kadu kangai jong kana nethei jing taove. Khut-thepna a konna sum-kalo (earned) jongle innlanga le Pathennia peh ding akagel hochu hoitah chun kana pejingin ahi, Vangphat umtahchun kei jong nisim 22-December-2010 (vaanghomni) nichun kasenji Ng. Genevieve, Leimakhong chutoh innchen semkhom din kana kichenglhon taan ahie.
Hitichun hinkho chu anopna mai2 a jinei jin kanagel khatan alangkhatna jule sa kaneh louvanga chun kalunga kagelkhat chu boldoh joulouva aumdichu kamajin ahile kachenpi singsung mite lunglhai najong kaboldoh behseh jipoi, Vangphat umkit chun chapa melhoitah (Gugun) chu apute (numei te inn) a peng/soh (born) jehchun anadei vallun apupachun totna asemjin amin analosah/putsah gotan; Innlanga kapa kipadan chu Tupa aneina masat pien-nikho 31-July-2011 (Misemni) jinglam 10:30cm ahitan ama (naosen) mindi chu amadei tah Gugun anakisah tan anahi, Hitichun kapa chun innsungteni kikah a kijopmatna (relationship) phatah a sem dingchu anatup ahinla mihiem te lunggel anakibah loujehchun alosam joh kahitaove. Kapa vang kineosah tah a kanutoh kithoa kapalen komma aseilhonle keijinu chunga agannatheija kajiten amankhumdi ahinsei u “Man le Muol” chu ngailutnajalla kapa-len chun abonna eina bolpeh e, Ahinla keini chu chen khomsah louvin numeiten amaho inna kachapa tochun aumden sahtaove; Kanule kapa’n mitlhi pumma phat le sumtampi sumang jing jongle atupa le amounu (achanu asimtha) ngailutna jalla gavilla inna hinpuidia agakou lhonjongle achanu u kiella thiding anabahsahji uvin anahi,
Nikhat chu ka upa (ka chungthu seidipa) le ajinu jong kei senji Genevieve kouva chun anachen hinla anadel dohkit vin anahi. Ka tu le kabe hoto eihinkou va kache ujongle thilken la bollou u kathemmona dingbou eiseipehvin, Kichen jou kumthah apat kikhen nigei (kum 3 vaal) amanu inna cheng’a chule keiho inna lhani le keh tobang bou anacheng manne. Keijong kacha le kaji umma tia kanavil jingin ahinla eina gesah jipouvin kaloipa Soson inna kanageh jitan ahi, Anaonu Ng. Vahni Haokip injong kahinkho genthei nahochu einakhoto lheh jengjie; Vangset umtahchun eina teppeh kit u nikhoa kabonva kajinu koudia kanache kittao vun ahinla gelbang hitalouvin kajinu naovop (conception) jong anasumang (abortional) vin chukeo hilouva khenna thujoh chu 26/Bulte/2014 nichun amaho kho Haosapu inn achun amale ma(kajinu) kidaa anahitai, Kapa vang atupa aitva athum vangun kapa (naosen apudih tahpa) chun kadam sunga katupa genthei sahlou ding kahi tin apangin kanu chu naosen kumni lekeh hinalai Gugun ahin pohsah tan chuin kabonva lhasetah in kanung kile taove.
Keiho jong inna kagalhun uchun kapupa le ateh akhanghon mabanna hinkho phatah manna chule naosen kanu’n avetna abanle ken Sum kaholding Aputo atupa hi kidon dinga chukitle Gugun chaga hinkho mansah poute ati, Kapa hin tohding bolding thaselou tah ahinla ahinkhohi thidinga kon ahindoh nunga naaham (hard work) atohjom le aphaatlouva hinkho beiding ahijeh a amachu kahetthem diuvin jong einahil uve; Phaat chomkhat jouchun naosen vah (adopted) dinga ahungthum vin kana daphat uchun Court a FIR chan einabol khum uve, Ahinla Thudih in galjo (victory) umji angaina ahin alangkhatna jong sopi ulenao chubanna khosung-miten aumnacheh uva panhatah a einalah peh jal ujong anahi. Kapa genthei hinkho chu kapalen le ka utenin analungset le keikomma anakitepnau, Molso nding chun thinglhang adia inn nomtah (miphah chan kiphalou jongle) einasah peh un keihon jong kana kithokhom uve. Phaat chedung juija mihem tejong thinglhang a kivah jingdichu ahahsatan hijehchun eiho gamvella (interstates) natoh (job opportunity) hollin mitampi chu khosung dalha’n anakal-songdoh taovun ahi, Chutia gamsunga kihinsona di alhahsam (deficit) jehchun keijong gamdang a korte (country) a kana che’n vangphat umtahchun tohmun (job) hoitah kana la (joined) tan anahi.
Keijong kapa lungtup chetchu kana hitahlou vanga adanga service kaneiphat in genthei hahsatnaho jong aol-dom tan kapa jong akipahtan ahi, Kum 2k18 Phallha apat Ollha chan kapa sotpi akal (kidney) nasatah in (seriuosly) damlou chu Imphal City Hospital a kana jan (treatment/hospitalized) uvin Pathen lungset chun anadam tan; Ahinla vangset umtahchun akal langkhat analadoh pehtaove, Kapa damjou akumkit in ka innsung mite gamdang (foreign)ahungun; Chunia kapa damsella kipahtah a kimutova kaneolaija vakhu (dove) einahonpeh a kumsottah saa (meat) kahinneh talouchu, Chunikho’n hoitah a kahonna kanehsah le abonva le keichu kakipah uvin ahi. Alangkhatna saa atamjo leija (land) a Saa🐂 le twija (water) a um Sumkong (tortoise)🐢 kaneh hochu gamdanga kaumna kon kanane dohtan hije. Tunvang gamchom cheh a kaum vangun kapa hin jingkah matah a keiho le adeh (special) a eigataopeh nalai jingthei jallin kavang jong apha’n, Chule innlanga atupa Gugun jong lhagao le tahsa a phatah in ahinkhou-khahle kum 2k19 a keiho kho Houbung a jong kipaman (reward) ni chule School Final Exammination a Cl-11 a jong Rank-1 ahinmun keiho Dept. injong kipaman hoitah kanapeove chuhojouse chu kapa pasal tahchapa ahinale ana genthei thuohna agaa kamuthei taovin ahi.
Moral:
Mipa kitup tahchun gentheina, hahsatna, lhepna tampi meipi bang kinong jing jongle Pakai suongpum’n ahinpal jouvin achaina le innsungmite le amapa dia lolhinna le kipana ahinlhut pehtheije.
[THE END]
=Hiche thusim (story) apatna le achaina changeija lungluttah le thanom tah a hinsim jing jouse Pathen in na innsung jouseu phatthei nahinboh taohenno, Seikhel le bolkhel aumkhahle neingaidam un; Kapa’n ahinkho’a ahinto thilho achomlam tah’a kahin jih ahibouve, Kakipah e
