Based on a real incident LIFE-STORY of ma beloved Dad.
(Episode-3)
Arranged & Compiled by:
Max @Hegou-Dimngel
KAPA’N KINEPNA NEI PUMMA HAHSAT NAHO ANA KIMAITOPI (impact):
Nikhat chu kapa Saikul, S/Hills a ka u (kapalen chapa) Army (A/Regt.) chu Annual Leave (suty/holiday) amua damma Inn ahung lhunthei jeh a maicham sempeh din anache tan ahie, Vangphat umtah chu ka upan hitin anadonbut ne “Hepaneo kei ho ucha hola (Hegou a uteho jouse) lekhasim kana nga (give up) gam taovin; Hijehchun kanaopa uhi kasemdoh tei2 angaije, Chule kanu-neo komma jong chun phaten anaseijo agan-nathei ja admission kabol diuhe” ati;
Hitia khotona le ngailutna thucheng jalchun kapa jong ajingin thanom tah chun kakhou ahung kilelhung kittan anahi, Kapa jong ajinga (next day) chun Vakhu (dove) agakap in nilhah a ankam-thao (mustard oil) a tuitah chun anakangin (fried) ahi; Chunia tuitah a Saa (meat) kana nehchu amasapen ahinalaije chujouva pat Saa kiti nelouvin anche bou (vegetarian) kahin nejing tai, Kapa jong Nisim 05/Tolbol/2k02 chun ka ute komma ding chun eina puilhung (arrived) tan ahie.
Janna innlanga loile guol chengho kangaile chule ihetlou miholah a iti hinkho kimang tadem? tipou kagelle kaemuvah theitapoi, Kapa chu kaven kamitlhi (tear)😥 analuong manne. Kalung thimma chapang neolai kahi jehchun kanule kanao abanna kapa ho iti anakhosa nadiuvem ti kagelle, Kalunga Pathen in eihoulim pibanga kahingel dohchu “Hepa Tahsa tibukim louva umtajongle chun innsunga khompi (pillar) kahiding vang natup (goal) ahie; Kalung nase valle Pa damsellin lang nacha’n kakhan-khuo ding hingel jingta o! chule kenjong lekha phaten anasim jing nange”, Tin kapa imunom tahchu amaai (face) katham in taona (prayer) kana mang nge. Jingkho kikhenni (departure) ahung hitan kapa chu khopi (town) a umsot dichu kajachatpi jehchun a kana lhadoh tan ahi, Ache dingkonna Boineo sum nehthei kichohnadi Rs.50/-hi kilah o atin eipen;
Ahinla (L) kanulen le kapalen chun keinin imajouse a hinvelhon tange anadamsel uvo chule na bahara (fare) din kikoi jengo anatilhonne, Phatle nikho ahung chaal jing bang in themjilna mun juondin munchom2 akon ahung2 pantaove chutolhonna keiho umna veng (ward) a High School achun Cl-V11 kana kaaipan tan ahile; kaumna venga Ng. Them @Roniah Touthang chu kalunga acheng pantan anahi, Keini chu classmates kahilhonna banna Houinn (church) a jong kakimuto jinglhon tan ahi. Keidia kaletdoh nunga ka lungset masat (first love) pen ahitan kadeina jong ani2 a kaljeng ahitai, Ahinla aman ka lungchom (short temper) chu ahetjeh chun eina donbut jipoi; Ajehchu anaopa hogeija kanavoh gotji ahie keichunla lungthim kabol ahi ahetlou u himaithei, alangkhatna kadeilou honla eigahdei kit jiuchu o kahinkho janmang himaile kanomme;
Nikhat Assistant H/master pan Nero lengpa thusim aseichu kin “RONE” kitile o kagahti chu aseidoh in ojapu eijepsah tan chukitle Bazaar veng, Saikul maman ajinei tai, Vaangphat umtahchu Churachandpur, N. Buoljang a nungah hoitah Ng.Tracy alies Chongboi Haokip chun lungset hinkho a din einanop pehtan ahile keidinga imalam jouse eisuhatnin anapange. Phatche dungjuija keijong Cl-X11/Sci chu 2007 kumma kanajou vin kum gup (6 years) inn cheloupa chun 2008 nin kangaitah ka Chunle Zo chukitle singsung mite abonna damsellun kakimuto theikit taove, Kapa’n akinepna chu Govt. Officer kahia inn (home) kajot dichu analungtup (focus/purpose) ahie; Ahinla kihetthem tolouna (misunderstand) kana umnalanga chu anaumjeh a abanna simjom (further study) jong umthei talou chule Ng. Tracy jong kana lhaso (missed) kitna lai ahite, Chuapat keijong thepna (professional) kaneijeh chun kachang ding bepma ning lhingset kahi. Chubanna Innsunga Nu le Pa toh jong aban eisotjou lou jeh’ a boina sem (trouble maker) in kana pang jotan ahile, Kanao numei khatseh Ng. Kikim jong kei kana umna kau ten umpi ding chule themjil abanjop (further study) dinga ahinsei phat uchun ka innsung miten anasol taovin ahie.
Kanao nujong achingin (wise) hijehchun kana engbol valjeh chun angaidanna agella kachunga ima lhasetna le lungnopmo najong ana neipoi, Kapa la khosunga tole don atamtoh innsunga emajouse a sumhol ahile kanu jongchu kapa bang2 a mifeltah le midamthei tah ahikitne; Hijeh a chu kana kingoicho mai2 uhe, Nikhat chu kapa’n “Boineo mite achate lekha simsah joulou le simnom louhon anule pa ulenao toh lou naa kipahtah a tongkhom jiuva, Nangla eikithopi lhonno ahiloule eiho loubeh a chomkhat2 hijongle gache jitango boi” tia kilhasetle einahil chu kana lunghan pi’n, ken “Hepa mite ucha (siblings) tamva nopdhe keila ka changa kathase (laziness) jin ijatvei seijongle chun bolponge” tin kanasei jin ahie. Kapa chula amit langkhat le akeng chatmo tahchu achomma agella oh! kacha’n minei ahin thangset lounadin kipan dohtange, Phatkhat le ka taona gaa chu kachapa ngollheh nalai jongle hung ching nante tin akigellha (conviction) tan ahi. Jingkah matah 03:30 am chun kanutoh Houinna agatao lhontan ahi, khovah masanga Bule me agotup (arranged) jouvin kapa’n “Boineo Nanu toh tuni eiho phailei a min lou eikhoipeh (plough) diu ahin matah a thil ho kasemtup lhon angaije hijeh a chu kaseipehhe kithou tan chelhon tange” atin matah chun loulang ajuon lhon tai.
=Hiche thusim (story) lunglut tahle pontho tah a simjing ho Pathen in phatthei naboh taohen!
~Chule aban najong anangah jingute.🙏
