The real life story-Gugun Dimngel
|||…HEPA, “KA CHUNNU DING CHU HOIBA HITAM!”…|||
(Part-111)
Compiled & Arranged by:
Max @Hegou-Dimngel
————————GUGUN AHUNG-PIENNA:
—————————-(Part-11) abanjom, Ken achutile neo (Kimboichong) olle kihoutate Bu kaneh got hitai tia phone katha (cut) gotle Kim chun “na Sms anaven buto chun ananeh koptan” eitikit nin phone chu kameh mit pehtai.
Keini jong chuni apat message le call chun kahung kihou jing lhontan ahile gentheina tampi umjongle kichendi kalbou ngahlel in hinkho kana mangjing cheh lhontai, Chutichun keijong nikhat hi Keishampat Bazaar, imphal a von (dress) hokichoh dia kana cheleh Ruthy le anuchun call ahinbol lhonna kakile tengle amaho’n Guun vadunga nel (sandy) analo na uva chepa dingin eina tiem lhontai; Chutichun kahung kile tan nomtah a vadung (river) a chun eitousah un nehthei tuitah2 hojong eina peove, Nilhah masangin anu (mom) chun keini chu naote school kikhen masang’a nilhahbu huon din einasol masa lhontai. Chomkhat jouchun Ruthy in kongle bel (utensils) hochu aganot tan, Keichu living room’a Television a album kilhaa chu kana vetle anaote numei minga hochu school ahung kikhentan ahi (Lency umtalou chule Jenny @Hoicy Ccp, Don Bosco School Boarding aumnalai); Chuin Olivia @Hethem chun “Accha He o etih a nahung lhun hitam? Dukan a keidi nehthei gachote von kahin kikhelloi dhe” atin akichaijin Ruthy komma kaseijin anaonu toh Dukan jondin kana chesuh lhontai,
Olivia in hitin anaseije “He u kaunu toh nakidei lhon dan ham? Ijemtia anahilou khah jongle keijong kumkit (next year) le Hslc kajoding ahitan eini ekichen dhe neina ngah in hibanga naphat hi kalung nasevalle” ahintichu kadeitoh ahile kakipah lheh tai; Thilho kachohjou lhonna innlang itih a kalhun lhonjong chu nomvalla kana heman lhonpoi, A unu Ruthy @Kim vangchu alung nommo thimmin kaumchan lhonjeh chun anaonu komma buhon dinga asol tan amachu kakomma bolthei2 ho ima atongtan anahie. Jaan ahung hidiphat chun anuchun keini bouseh chu khojing noija Motbung, Aithuh venga airtel recharged anudinga kappeh din einasol kitlhonne; Kahung kilelhon le chuni janna chun matah a emugam uhitaove (Anuchun imajouse abolthei he ama innsung bepma), Keinichu kalupna anasemva chun kachephei jin chomkhatpi katoutan ahile Ruthy jong ahung touvin lumdinga ama room langa kasolle ada’n chuphat chun keini jong “Honeymoon” chu kamang khom lhontan ahile ka virginity hina kasuh-keh (break up) khah joh anahitai.
Ajinga innlanga dia kile ding katile abonva chun eina khaam2 uvin nichomkhat setpi kaumdentai, Anu chun interviewed jat2 einabol jin anahi keijong chu chuphat laija officer hosanga jong nomkana sahdan chu atepi ding umlou banga kagelle; Innlanga ka innsung miten eingalel jing phat uchun kaumna ten eisol uvin abanle amaho komma kakile vah chelkit nadin eitemkit nin innlang chu kana juontai, Dt. 01st-November-2010 nikho’n CHIKIM te dia ina kinepnau golnop “Chavaang Kut” chu District level adia Kangpokpi Thomas Ground a dia anakibollin chumunna chun jingkah lam’n kimutodin kakitem lhontai; Jingkhuo ahungvah tan keijong golnop kin akipat masanga chun KCC church opposite a milah’a chun kana dingin ahile kanunga kon’a kakhut hintuh tobang khat kahin hetan kagah kinung heijale Nungah melhoitah Ruthy @Kim chun mailhai sellin einaven hitin ahinseije, “He u neina ngahsot hitante che o kanaote toh munkhat a tou ute chule nehtheiho (eatables) tampi jong kahin pouve;
Koima kom’a nache loudichu uu chujongle kana haijing khatchu namin kahet loulai chuo ikihou2 jilhon vanga chun” ahintitai, Chuin keiman “Hegou ahie” kamin katile Kim chun angeivalle ugou atin kinjong tuni eihobou naotetoh kivopdiu ahie kanati chu anakipah vallin kabeng chu khatvei olcha’n ahinchop (kissed) tan anahi. Chomkhat jouhin naote chu abonva katouthim sahlhon’n chuin keini chu Hydro lampi langa chun “Meet me in the Garden of love” kiti namun achun khonung (future) adin thu kagasei khom lhonne, Kanilhon chun kana kikoito hon in hitin kaseitai “Neo Kumhei langle kichengle hen kagenthei vang uvin nadu nangaichan kabolpeh theidiu ahijeh chun anakigo tan!” katile; Ruthy chun “He U Gou achesa thilkhat khonunga seitalou ding kaseidhe nanom dem darling” eitin ipiham seijeng tango honey katile, “Jiribam lang hokhat in eijolla kapa’n eideipeh in ahinla keima le kanu le innsung mite adangsen vang nanghi kadei sahjoh uva kahin kilhen nahite hinjole naseipoi tinlang lunghimo hih o ken nang kalungset val nahite ka u” ahintin amitlhy😥 aluong’e.
Chuin keini jong naote’n eiholmo diujeh chun function umna lang chu kahingel dohlhon in kani lhonchun kahung kihoulim suh2 kitlhon tai, Chomkhat jouhin jaan kin (concert) adia umkitna vetding chu kanom taove. Kahung phei ule Kpi a Kani(aunt) DTO chun “tujan bongsa (beef) kana huondi nabonva hungtei2 dinga uchuo” ahintichu, Ruthy chun anaote apuijn kabonva bule me kane taove (kinvang anche louhing bou kadue). Kanehva phat uvin kakipah theilheh uve chuin kani (aunt) chun mipi kimanchah hove dingin eina solkit tauve, Ruthy chun He o keiho khuoho Choreography aboldiujeh a special a ADC, Kpi chun Bus alahpehva keiho jong chua chu kabon chaova kahungjao uhe tua amaho komma igatou lou uleo min eina holmo khauvinte; Chuin janna Miiranda Singson lasahpet chun Nam Gollhangho alangteni kikah a kihet khiel naho jehchun programme akichaijin amaho Bus achun kakal doh gamtaove, Pung 30 minutes tobang kache2 ule L. Canaanphai vangkhuo chu jaan-khang (midnight) chun kanalhung uvin;
Alangkhatna Ruthy nuchun Vohsa (pork) anahuon kit vanga chun naote numeiho chu alumpai taove, Jingkho ahung vahtan kijachat tona kanei lhon tapoi alangkhatna anule pa injong phat hoi (opportunity/chances) hojong einapeh jiuchu umchan a kihedohji ahitaije, Innlang kileding kahiphat chun Ruthy le anuchun sum 1,000/- eipelhonnin “Henu kipah e chule kanei naije kilah datange” katile Ruthy nuchun “Boinu na uhi parking chan gathah inlang chale nehthei anakichoh nalhonno” atin Rs.500/-chu achanu ahinpen ahi. Keini jong chun line Bus anache joupan ahijeh a Ruthy chun Lhanmol-inn (cemetry shed) a chedin kakigolhon in dukan a nehthei le donthei tampi agachoe, Nomtah a hinkho kimang (enjoyed) jouchun innlanga din kahungtan Ruthy chun eina lhalel lheh jenge. Mitin’n ikinepnau kipana X-mass chu ahunglhung tan ahile keile kaloipa jong Sekmai a amadia Ju (alcohol) ladingle Motbunga kumhei von kichohdin kahung lhontai, Nilhah langhin Bus chunga kiledia katoulhon tan gari kipat dipet chun call ahin bollin amakoma chedia eina chuti teptai;
Kaloipa adaphatna keichu Ruthy koma kachelou thei ahitapoi nang anache paitan katin gari a kakumtai, Kipah tahle thanomtah chun ama innsungmite’n einalem uve ahinla pasal alenpen pa Hyderabad aum ahinla khatpa gaal (war) laija mel-ma (enemies) ten anathat taove, Keichu achapa bang2 a ngailutna bukim kana chang nge chuni jaanchun a buhonnau-inn (kitchen) achun abonva imuta jongleo anuchun Pu. Kamboi lasah “Golngai nunnem nainna len kachimdeh poi goldei” tekhu avel2 chun anu in analhaan ahi. Chuin Ruthy chun achung-gih a ginchat (concept) ana hiphatna kichendi chu aseijin, Ahinla keichun kumlhun kanagel jeng vanga kakhou Houinn’a mopohna (portfolio) kaneijeh chun Election tengle ki resign ding kagellin kanada tai; Ajinga Dt.22-Dec-2010 (Thursday) jingkah Bunehjou a innlanga kiledinga verandah a kakihou2 ule Ruthy chu a leitol (campus) achun adingin eingah2 e, Chuin anu (Hatneo) chun “Gou nanao-nu Father pakom’a cheding gakilhonpi o Hyderabad a aupa (Helen) koma cheding ahitan sister hon janhi ahungsei uve” (achateu hochu apa Catholic a caesar anapoh khahjeh a Roman Catholic ten anasot/anavah (adopted) uhibouve.
Keijong kathahpa ding abanle inna cheding kagel ale amachunla kichen jeng tading anagel hitantin kamasanga che ahin Catholic school campus lang achun eipuijin anoija main road short cut lampi achun eipuipai2 tan ahi, Bus khat Kangpokpi langjuon chun ahung lhaitou tan chuin keini komma ahung kingah in Ruthy chu atoudoh in keijong akaldinga eikouvin; “Hoija igache kitdi naseiham” katile katile aman (Ruthy) chun hitin aseije” U Gou N. Suonglunga ponve le sumgalah dohjou’a abanle Catholic Father’s pakomma ichedije atin, Lungmonga kahung2 lhonle akimut lhemsah in kachunga akingaije ache kigotna khuo chu gari in ahinphatan kasuh khangle “He u Gou tuni neikipuito kangai valte; “Hyderabad a kachenom tapoi lungset tah a kataove uu”, Amavang neikipui nomloule seichennin hilaija kakuma kakiledi ahimaije” ahintin; Kei cha/naosen ding jumleja thuoh pum’a hinkho amandi kanoplou jehchun kana kipui tan anahi Kangpokpi kaphah lhonchun anuchun phone ahinbollin switch off ama ale kei phone chu einabol sah e, Lampia A/R ho patrolling anacheu vin chomkhatpi kaumden uvin chuin janna ka ute inna damsel chan kagalhung lhontai. Ka innsung-miten jong einaliem (welcome) jouvun inna eipuitaove,
Chuin kanagenthei jehchun amaho innlanga chenpidi lunggel eineipai tai (kichen masanga mihaova einagel); Jingkho avah hin kakhou a Olympic umjongle achedia lomho kiphuong din kasopite ho anachetao vun, Ruthy tenjong kipahtah in analiem uvin achanu vonho jong tampi ahingot peh uvin kumthah (new year) joule “kitwi-neh” din ka innsungmi chengse koma anaseipeh uvin ajinga kumhei kipatni (24th-Christmas welcome day) achun innlang ahung kilekit taove. Chutichun nomtah in kumhei kamang un Ruthy jong moupha tah anabange, Kumthah chu mipite dia kipana ahijeng vanga kei innsung adia 2011 chu genthei kipatna abange alang-khatna jongchun kapienpi kanao nungah Rose @Kikim jong anajinei kittai chule kaloinu tojong keinao nuchu anakihe khalhon poi; Gelphah louhin Ruthy nule pa chu kitwineh masanga keiho komma khuoljin kisa in innchen danho velha (surveyed) dinga ahunglhon tai, Kagenthei jehchun Ruthy nulepa kaupa te inna kagesah vun ahinla keiho inna bu kanehsah ve chukahlah chun achanu lhon koma thutampi anahil (taught) lhonne.
Ajinga maljin teni Father in law & Mother in law) chu meding ahlu le Hawai (potatoes & peas) tampi akipoh dohlhon in akile (returns) lhontai Dt.16-Mar-2k11 nihin kitwi-neh dia kasopite ho acheule keini jong hinpui uvin atijehva kache lhonle hitin ahinsei taove, “Boinu tehpu le tehpi chule Gogou nangho jong nahahsa uvin alangkhatna kilahna ahahjep in naosen jong adamle sohvah ding ahitai hijehchun nagel khel lou uvale hilaija chateni umsah taote” anuchun ahintitai, Ahinla kapupa’n “Boinu nu ipina hile keiholanga jong naochu adamle imatideh ponte hijehchun nagelkhel loudiu ahile aloipa (kei) in sumhol intin Ruthy in bolthei2 inna ol2 in hinante” atitan; Numeite inn ahijehchun anu Hatneo chun thu aneijehva keinichu dalhah kahilhon in kasopite chengse mai muon deh chun innlam anajuon kittaove, Keini vangchu khatnu dia kipana ahinla keidia jachatna ahimaitai.
Phaat achejing tan keini jong innlanga chedi tia kaseile anom tapouvin Keijong innlanga Electric hosem din kahung kiletai, chukah lahchun lekha einason jing kanulen saikul ahinkho Dt.16th-April-2011 a leiset hinkho abeija kacheu vun; Kenjong Ruthy kaga hetsah a puidi katile amanun “Lungthim’a nabol kigottai nachethei loudhe Boinu” ahintin lhasetah chun kana dalhatai ajehchu kajinun jong kanompoi anatihe, Kapa komma “manle muol” nahung khum louleo Boinu kahin sollou diutai atiuvin; Kasopi achedia lomho toh Dt.30th-April-2011 a kaga khum taovun amahon vohcha khat vang anathat uve, Chuche phat chun anima ma’n Ruthy innlanga kahinle puidoh nah2 uve ahinla chomkhat jouhin ipi2 ham kabolsah dhe Gogou le Boinu chule naonei nading jong anaitai ahintiu vin; Ka innsungmite anomle ada kibangchet jenge ajinga kenjong kagahthah din kapa’n aseijin kachetao vun ahivangin keivang jankhat kagea kilekit kahije,
Nikhat hi kainn maija nalaa (drain) kana suhthengle nilhahlang 02:27cn chun kajinu anu’n Ruthy naonei na a kachedin apet2 (emergency) adin eihinkou vin line gari (vehicle) umlou ahitan; Gamlah a anaailam (short cut) in kadeltan ahile vangphat umtah chun Maohing te Bolero pick up kiledinga umchu kaga tohkhatai, Hichun kahung2 ule Kangpokpi chelha talou ding atiphatvin kenga (on foot) in kadel suhkittai. Vangphat pichun Senapati Bus imphal cheding achaina pen kaga kidelpha’n mijong anateh (tight) vangchun katou suhle janna khothim kon (dusk) in L. Canaanphai a kaloinu Ruthy kom kana lhungtan kaleljouse jong akichaije, Vangphat umtahle Pathen lungset najal’a ajing Dt.30th-July-2011, Jingkah 10:30cm chun kanu-pate inna Dr. Boicy in angaija bang (normal) chun chapang chu analadoh tan naosen melhoitah Master Gugun-Dimngel chu leisetna damselchan ana piengtai.
Chutichun keijong bolthei2 tampi kakithopi jingin chule Electric hojong chubanna ajinga chun kanu le kapa’n innlangva konna jong loule-ai kimanglou anche (organic vegetables) ho tuuitah2 ahinpouvin ahi, Naomin sah na dingchu Ruthy pa adia atumasapen ahin amamin losahdi aseijin hinla eiho Kuki te Daan (Kuki customary Law) ineijeh uchun kapa adia atu (cousin) masapen ahijeh a miho masanga Lenggunhao @Gugun chu anamin losah tan anahi. Anilhahchun Ng. Jenny jong Ccp akona inn ahung kile lhungkit tai, Naosen chu apom in janna naote hotoh lamlen (main road) lang a Sexmai juche vohcha dia gason vin atin Jenny hotoh Thelagari kason uvin kachetaove; Jenny chun “Guhthim lungset ahah” techu choh thet in alha’n nomkasa lheh uve, Keijong ni chomkhat jouvin amani hunglou vanga innlanga natongdin atam jehchun kana kiledoh tai.
=Hiche thusim (story) lunglut tahle thanom tah a achaina geija simjouse Pathen in phatthei naboh tauhen, Kakipah e!
~Chule abanna last (Part-1V) channa simkit din anangah jing ute.
=Author.
