KHAAL TWI THENG
Presents
(H⭕RR⭕R* ❣️ *STORY)
St kuki
(7085383639)
(Part-1)
(Aji thilha)
World war-2,leiset khang adia gal pi/gal lenpen anii na ahung kipan tan, hiche khang chun thinglhang khoneo cha akon nupa kingai tah khat hi anaum in amani chu mamang leh a in neipi Kimneo ahilhonne, akicheng thah til ahilhon jeh chun akingai ma-ma jeng lhon in hoilai hijong leh ajinu jong chun ajipa thusei chu angai jeng in , kisei ngaitah leh kilungsetah chun hinkho ahin mang lhon e..hiche khang chu gal aum jeng lai ahijeh chun nom in lungmong in hinkho amang thei pouvin, akoi-koi khosung mi hijong leh polam a kholai cha kilento louva mitin in ama-ama kot akikha cheh a vahdoh loubeh a kichatah a hinkho mang jeng ahiuve.
Mamang jong chun Kimneo alungset dan chu akou jiteng jong leh “Nao” tin ngailutah chun akoujin ajinu Kimneo jong chun akingailut na vetsah nalhon chun “heo Mang” tin kam dam heu-heu chun akikouji lhon in hiche khosung achun amani bang in akingailu,akilungset ding anaum poi, amani jong pathen jangvop najal chun mamang loinu Kimneo chun nao ahin vop tan, hichu mamang in nao avop ahi ahet phat chun akipah lheh jeng’e , aniseh in aloinu kimneo oipoh chu angai jengji in naosen ahung penlhah nailou vang chun ahung penglha bang chun nilhahseh tobang in anu palhon in a inn chung kemchung lhavah noui a naosen anu oisung a umchu ajut jut ji lhon in Kimneo jong a u mamang lengkou kikhop in hitichun anilhah seh tobang kemchung a atouji lhon e.
Hitia nao so kal ngah lel a aum jeng lhon a kilungsetah a hinkho aman jeng lhon chu sotmanlou, chomkhat seh a ding bou chu anahitan, gal khoh lai ahijeh chun khosung a’chun pasal upa, gollhang khentum umlou chun agamsung u huhbit ding leh aji achateu galmi te hoa konna huhding ngaito najal chun Sepoy sap lang hochun hiche khosung a him leh thal choi thei phot-phot pasal ahung hol tauvin, mamang jong chu upa khangthah til ahijeh chun atha hat jeng nalai mi ahin, hijeh chun acha hung pen a asomai mukal ngah lel lheh jong leh khonung a amani vendoh nading leh aji acha khohsah najal chun mamang jong chu hiche Sepoy kitha lah nading lah a’chun pang ding akigotai. Hijeh chun aman jong aji ngailu lheh jong leh vaikon doh ding ahitah jeh chun alungset pen leh a angkoi jeng a naonu kimneo toh chun akiveto lhon in mamang chun anao kimneo chu kivailhah na in khat vei abeng agah chop in kimneo jah a chun:-
Mamang:- nao, kapot doh kah in nom in ana um inlang, nao hung peng lhading gelnan phate ten hinkho hinmang inlang, kahung kile a naosen nanapom a kipah tah a neina vailhun ding kakinem e. Ahinti chun,
Anao Kimneo(ajinu):- heo, mang!! Napotdoh ding chu nangailheh jong leng eba eloding ham? khonung a ding gel najal a kalsong ding nahitah jeh in nanao nu keiman kham nading tha kaneipoi, hijeng jong leh ache ding nahitah jeh in adang ema gel louvin damsel cha inn lang hung kileding hin ngaito jeng in kei leh naosen injong nahung lhun ding kal chu etih hijong leh kana nga jeng lhon ding nahi, (amitlhi kitheh in) “Kana nga tei-tei ding nahie” heo mang! Achuti titai, hichun—
Mamang:- (alhi atheh peh in, a nao Kimneo somai a sam jang hung kailha chu abil in akoidoh peh in) hey!! Ebola nalhi nalon sah ham? Oleh, keihi ahung nung loudia neingaito ham? Nang leh echa lhon ding ngaito na a hung thou-thou ding kahie, ebola potkon tah a nalhi neilon khum jeng ham? Nang in chutia nalhi nalon sah ding leh kei eti vaikon doh thei hen neiti ham?, tichun lungthim nommo tahchun ahinseikit tan ahile, kimneo jong akigel doh in alhi ahinki theh gang chel in kiphatlam tah chun ahinseikit tai—
Kimneo:- Ahipoi heo! kap taponge, moh a kahin homtho behseh a leh acham louva mitlhin eidonbut joh ahijoi, (tin mae seu-seu chun lungthim lam napum chun aji masang achun somai kipah tah bang in aum e.)
Hichun mamang chun aji ngailut tah nao tia akouji Kimneo chu a angkoi in akivai lhahdoh lhon tai,mamang chu athil, apot kipoh louvin ache kiguo in ahile, anao kimneo chun, “Heo mang, nathil naki hei e” tia ahin kou leh mamang chu ahung nung lhei loicheng in anui in “kanao tah hi eikhoh sahji dan hi ong” tia anao kimneo lang jon a ahung nui chu Kimneo in aji pa a umang anui na amuna achai napen ana hiding dan ahitai.
Mamang jong chun athil apot hochu ahung kilah vang vei in ache nadiu gari chung achun ahap doh tan kipat doh ding chun ama jong gari chung a akaldoh tai, akaldoh jeng vang chun mamang chu window akon ahung dah doh in aji angailut tah anao kimneo chu akhot ahin vai khum a mangpha ahin thot peh nalai in Kimneo injong gari lhum mang jel tokah chu akhot avai in mangpha achuti kithot lhon tai. Gari jong ache jeng in moul leh lhang thingna louna in ahin khu-khu phat chun amani jong akimu thei lhon tapon, Mamang chun amuthei louphat chun ale dalut kittan lungnom mo tah pum-pum chun gal um nalang ajon tauve, alang khat a anao Kimneo injong a u mang amu phah lou phat chun lunghel mitlhi kitheh in anung ngat tai.
Ani lhon chun gal akon chun akilha ngai lheh jeng lhonne, mamang leh aloi phabep hochu alhun nadiu mun alhung tauvin, a galmi ho hat nalang tah chu ano ding uvin aumtauvin amahon anano butjou lounau Front line lang ading chun order amu tauve, hijeh chun Sepoy Commander pachun amanchah diu gal machah ejakai um nalang camp mun achun apui lut uvin ama ama manthei cheh ding galmanchah ahin kigot tauve, hiche kah lah a Camp ho ahinjot pa nauva chun akitong kha akeng umlou loi, alujah loi, akhot bong loi, akisukha athimang hitichun mi atamval jeh chun jenchai theilou khop chun anaban kise khum jeng uvin, mamang chun hiche amudoh doh chun ati ajajeng in aloh asoh jeng in, akitim joulou phat chun polang a alhei doh vang vei in agalolha nah-nah e.
Hiti ngen ahijeh chun amajong akisong lel lheh jeng in kisonlel nan hinkho ahin mang tai. Hinlah, a sap teu thupeh dungjui in front line a ding diu ahijeh uchun plan asem uvin a galmi tehou chu attact bol a ga bulhu ding angaito tauve, hijeh chun reinforcement themkhat kipui in hiche ni jaan ma-ma chun ambush bol ding chun akigong tauve, abol nadiu mun na phatechan akigong tauvin panmun dettah akisem cheh tauve, a gal miho hung diu anga jeng lai uvin mamang chun aji acha khankho ding chu agel leh alung gimpi jilheh e,hitia anga jenglai uvin mei ahung kai in kho jintoh ahileh, koichu koiham jong akihe behseh tapouve hitia aum jeng lai un akigot bang uchun, phulou helouvin a galmi teu chu penkol mut toh thon thal kap pum in alhei chop jeng tauvin ahile koima akihe khen tapouve, hichun mamang loiho jong koima akihet khen aum lou phat uchun ajam gam tauve.
Hitia ajam gam u mamang jong chun ahet phat chun amoh lhei jeng in ahile, meichang kimoh kap-kap toh bomb amoh lhah-lhah jeh uchun mamang jong chu ahung jam na in bomb halsi chun ahin sep khatan akijem den in athimil tai , hiche athi mil sung chun inlang a aji Kimneo leh naosen chu amang mat in, amang achun “anao kimneo chun naosen ahinpom a chubangse mi kikapto lah achun angailut tah a umang hol in ahung in, heo mang tin ahin kou-kouve” hiche chu mamang chun amang chun amu in atah ahisah in chubangse gal lah a atin aloinu huh doh dia hahtah a ahung kitom leh, mamang chu athimil na alhuh namun aKon chun ahung khang doh tan.
Ahung khah-khah chun ana kawl a ngengsi akhong in chomkhat chu kho aja tapoi, chomkhat jouvin anakawl chu abeng le-le in ahile, anah nah chun ahung limdoh in kho ahinjah soh keiphat chun amang ahi ahin hedoh bep in, akom avel chu anathip chet chut tan, bomb in asekhah a thiloi, meikhu Kitung henhun chun ana umnalai in koi macha ahing ana um tapoi. Ama jong hilai a umsot thei lou ahiphat chun amang a athil muho chu athah gel-gel leh ajinu hin cha anei hiding in agingmo tan, hijeh chun inn lang Joh del a gal akon hung jamdoh ding agong tan, mamang Jong emadang bouipi pi ngailouvin inn lang jon in gamlah lang achun alhei tho tai, hitia alhei jeng lai in…….
~aban ngah hat ute~
Upcoming :— koijoh thilha hitading a naginmo em? (Mamang inn aga lhun aji nun Candle anakidet a ananga) enasim kitdiu ahitai, asim nom jousen a full a nasim thei nadin achung lang a ka Contact number akhun kiphatlam na beihel a nahin seijeng thei u ahie.
Coming soon
Thusim hi anom lheh e nati le anoiya “LIKE” button khu meh in writer ho na support nau vin, chule seinom nanei le anoiya comments nahin bolthei u ahi.
Thusimbu Machal jing thei na ding a pan lanom ho kipah tah in lem ahijing in ahi anoiya button “Click Here” khu meh utin details anasim ute.
