Home Gogou Chongloi HENU NACHAPA CHU KEI KAHI-II

HENU NACHAPA CHU KEI KAHI-II

149
0
HENO NACHAPA CHU KEI KAHI
HENO NACHAPA CHU KEI KAHI

HINKHO THUSIM

BY- GOGOU CHONGLOI

Episode (2)

Kapan eida lhah jouvin keijong kapenna Manipur jon in ka insung mite holding in Manipur chu kahung lhungtan ahi. Manipur a hungki lhuntah vangchun keidin ka insung mite chu ahol je jong aum theipon hijehchun chomkhat a din Jesyka te inna kahung pansa kigo tan ahi. Nilhah an kaneh jou phat un jesyka to keinin jong ka inkote kahol dingdan thu jouse chu jesyka inkote kom chun kasei lhon tan ahile jesyka pile puchun kanu leh kapa min kasopi kanao teho min eidong lhon in ahi.

Kenjong ipi atidem ti lunggel pumpum in kenjong ka insung mite ho kanule kapa Minho kasei achun jesyka pinu chun boi……..nang napenna Nanu hi vengsung anoilang a chengnu meithainu khu ahi tin eihin seipeh paitan ahi.

Hiche thu kisei kajah jahchun kalai ana lheh jeng in kalha jong ale lam a ase leu jengin ahi ajehchu min kanu chu meithai ati chu kapoh nat var kanu chu meithai dinga jong kaphal loujeh ahi.

Apet pet a cheding kasom pai jeng in ahi. Hinlah jesyka pile pute nichu anompon kajah in boipu jingleh keini toh lhon in chekhom Naote ati in hijehchun kada theikit tapon ahi.

Ajan in kanao le kanu mel kamu nom var jeh chun khoto lang a kanu leh kanao umna inchu guh in kaga viltan hinlah kalut dehpon ahi keijong chomkhat setpi inmai achun katou in masang a kanu leh kapa kikah a hi ipi thu um ahidem tichu kagel in lunggel to hitichun kanu le kanaonu umchan chu guh in kave thotan ahi. Chomkhat jouvin kanu chun kanaonu jah ah boinu hungo imu tate jingkah leh Kithou lal leh jing a ikon nading lam asao in kivaigei khante atichu kaja in kanu leh kanaonu jong a imupai tan ahi. Hichun kenjong guhthim in inlang kahin jontan ahi.

In kalhun in keijong kalamjotna kachol jehchun hetman loukah in kana kimut lhahtan ahi. Jingkho ahung vah in keijong jesyka tochun luikhuh a tuithal toh kisuhtheng toh gom in kache lhontan ahileh luikhuh achun nungah chapang khat tuithal ana ummin kenjong akivonna hochu kavet leh thinglhang mimong mong ahi jeng in akivonna jong vetdin mi genthei ahichu hetthei tah in akilang in ahi. Keijong umhel tah chun nungah chapang nu chu atuido petchun kano tho jengle kiphalam tahkhun eihin ve in atuibel adomdoh in kamdam onem hiuheu chan heo nakino ahile nang kichai masa tan tin eihin otdoh jengtan ahi hichun jesyka kachung a ahung lunghang tan ahi.

Hichun kenjong jesyka lunghan manchu hilou vin nungah chapang nu kom ma chun nao kaki no deh ahipoije kiphalam hih in nangin kido dim masat tadin katipeh in atuibel achun tui kado peh in atuido peh pumchun amin ho kadong in a in u kadongtan ahi.

Hitia a in ho kadohjou achun hiche nungah chapang nuchu keidia kapenpi kanaonu ahi dingchu kahin gingmo tan ahi. Chomkhat jouvin heo che tange atin kenjong atuibel putchu kagah patdoh in amajong inna achetai hichun jesyka chu tui kathal sah in ken chapang nu chu achena lampi chu kagal vettan ahile khoto langa in noinung pen umna jan a kaga vil kanule kanao teni tia kaga vilna inchun alut in ahi.

Langkhat a numei chu kanao ahimongleh tia kagah gel achun ejou a atuido pet a kano thethu jengchu kaki sih lheh jengin ahi. Hiche nilhah mama jan an kaneh pet un jesyka pile puteni kom chun adihchet a kichen sel din ka nule kanaochu ahimong mong lhon nadem tin kadong kittan ahile jesyka pile pu chun hoitah in kanule kanao ahichu eiseichen peh lhontan chujong leh anneh jou leh kanu le kanaonu komma cheding in asei lhon in ahi.

Langkhat a kenjong kanu leh kanao ahi mongmong e ti kahet chet phatchun cheding chu kei kanom tapon ahi. Ajeh chu khosung mite chule vengsung nule pa sopi umcheng leh kanu leh kanao hinkho mandan chu vet tadi dingchu kei lunggel ahi.

Kalunggel bang in keijong kanu leh kanao komma jong kache naipon jesyka te inna chun ka umjing in ahile nilhah khat houin dahpung ahung ging in jesyka to keini jong houin kaidin kaga che lhontan ahi. Program jong ahung kipan in phatmun changho lah achun kanaonu jong a pang in kanaonu chun lung’a chinpha in pathen lekhabu theng ahin simlha in lunga chintho din bible chang chu asao lheh jengin ahi. Guhthim in koima hetpeh lou in kanaonu chung’a kakipah lheh jeng in kaki thang att pi lheh jeng in ahi. Hiche nilhah houin kaikhom kikhen jou achun kenjong kanaonu a din kipa thilpeh khat hijongle tin pehding kanom in bazar chena ding jong sum kanei kit pon Langkhat a aboikit in ahi.

Ajehchu ken cash a sum kakoiji loujeh chun bazar chena dingchu winger a touna di sum cash a kaneilou jeh ahi. Hiche phatchun kaki gel gelle Shilong kana umlaija jesyka dia kana chohlhon toka sangkhol umho aneo jepjep chu ahinpoh kan geldoh in jesyka kaga lahdoh sah in toka ni to sangkhol houin kaina thei nga ham to kasem in jesyka tochun apet pet in kanule kanaonu umna inna chun kaga che lhon tan ahi.

Hinlah jesyka to kaga chelhon achun inkot chabi ana kikam in upai aumlou phatchun inlang jon a kahung lhon leh in kelkot pam achun kaki toh un ahi.

Hichun inna kaki lhon lut un chomkhat jouvin kanaonu jahchun boinu Ven na u hin kipa thilpeh kapeh nom jeh a hunglhon kahi lhonne atin sangkhol leh toka hochu ahin ladoh in kanao chu apetan ahi hinlah kanaonu jong jahcha kisa hintin ada in akilah nompon Langkhat a kanu geijin anom pon ahi.

Hichun jesyka chun kanaonu komchun nakilah louleh kalha seding na u jong lhase dinghe Kilah in tia apeh teitei phatchun kanaonu injong aile kakipah e heo teni ati in kanu injong keini jahchun cha teni boinu Nang hila kahet nahi in nagolpa hila Kahe khapon koikho hija koicha hijaham ahin tin jesyka chu ahin dongtan ahi.

Langkhat a jesyka la seidi hetalou in aumtan keila jesyka to kanule kanao hetlou in guhthim in kanuhgui abing jengtan kanu thudoh chu Kalai ana var jengin guhthim in kana thoh jou pon nahchangsal in kaki tim hamham in hichun kenjong kajou kaseijin kanule kapa achombeh in kasei tan ahi.

Khatlang a kanaonu injong keiho kihouna chu alatan in jesyka komchun ajah in
KANAONU– Heo teni tunni lhah a neipeh lhon kipa thilpeh hi ipi kipana thilpeh ham tin ahin dongtan ahi.
JESYKA– Nao….. Tunni lhah Bible lungchin a nasim chu nathep intin le…..na u hin nan kipapi var jeh a kipa thilpeh a kan choipeh lhon a kapeh lhon ahi e.
KANAONU– Heo katahsan hih e keibon ki themlou va ahintin kenjong kanao thusei chu kalah tanpeh in keiman jong boinu na u in asei chu adih ahi e tunni lhah chu na bible sim them kan sa mama jeng’e hiche kipapi na jeh a chu thilpeh kahung neilhon ahin maban a jong tua sang a sango in hung pangta ong katipeh tan ahi.

Hichun kanao injong aile heo kakipah varle nangni lungset leh ngailut kachan jeh in atin kipa thu aseiyin jesyka toh keinin kanaonu chung’a kipathu leh telkhou nathu kasei lhonchu ama dia pachat naleh telkhouna neipeh masapen kahi lhonchu hidan ahin kanaonu chu seijou louhel in keini chung’a akipah mama jeng in kanao umchan chu kavet leh kalhi asohsoh paijin kapaobe theita pon ahi.

Hichun lunggel tampi kaneijin abangle kalunggel in ken kaneo a kipat genthei hahsat hepha louhella kapan Shillong a eina umpi a ipi atile kapenna kanu leh kapenpi kanaonu hin thinglhang a hesoh genthei thoh pumma hitia hinkho aman lhonham tiho kagel in Langkhat a kapan nanu themmo na aumpoi ati kahet kit jehchun kapa chu kalunggel la ka oimo in kapa chung’a chun Kalunghang tan ahin athu kahet chen loujeh in ima la kalo theikit pon keichu thoh jou lou in hiche janchun kanu le kanaonu masang ah ka genthei thohna chu asang lheh jeng in kalhi jong guhthim in kaki theh theh jin ahi.

Koiham leiset a apenna achunnu komma HENO NACHAPA CHU KEI KAHI. Tia seidoh louva koija aseljou ding kihol jongleh umponte. Chule koiham apenkhompi anaonu chu het khahlou houva houva het khahlou bolla abol ngamding koima umponte.

Hitia keijong kitim joulou khop a kathoh joulou phatchun guhthim in jesyka chu kakhut a kasih sihtan ahile jesyka chun ahetthem jeh in kanule kanao komchun imut soh dan in ahin seijin keini jong kanule kanao nu komma kon in kahung potdoh lhontan ahi.

Jesyka tochun inlang kahin jon lhontan hinlah koima jong kihou jo sang umlou in thipbeh chan kahung kahung lhontan ahileh kanule kanaonu umchan ho leh ahinkho manlhon agenthei lhon danchu kagel leh kalai ana val jengin jesyka kom in kanaonu katileh thusang seibe theilou hellin kamoh kalhah jengtan ahile jesyka chun eihin koijin heo kapta hih o tia lhep tailou chun amanjong thudang asei ji ahepon eikoijin eilhem tan ahi.

Ajing jingkah in keijong kakitho jouhin kisutheng Inge katin kachanga luikhuh lang kajon kittan hichun luikhuh jonta louvin kanao teni komma kachetan ahi. In kaga lut leh kanaonu chun bu ana hon in meipanga ana tou kaga toh kha tan ahi.

Thusim chu hichan hin episode-2 cu akichaitan ahi aban jing nikho abullang deihon 👉🏻9612154488

Thusim hi anom lheh e nati le anoiya “LIKE” button khu meh in writer ho na support nau vin, chule seinom nanei le anoiya comments nahin bolthei u ahi.

Site nalut a notification pop up hung potji ho allowed anabol ji uvo maban a thusim thah ahung ki post teng notice namu ji diu chule Bell button a subscribe kiti chu meh un.

Thusimbu mobile app ki install nom hon Google playstore a “thusimbu” tia search nabol u le namu lei diu ahi.

Previous articleTahsa thi na hi Pathen thilpeh ahi
Next articleBRITISH INDIA GOVT. AKON MANIPUR THINGLHANG GAM KUKI HAOSA GAM LEKHA NEIHO POIMO TADING’A UM