Home Chaga Thusim HENO KANGAH JINGE

HENO KANGAH JINGE

581
0

 (Thusim Kidang)

By: SMARTMYN DOUNGEL

Masang laihin, Thinglhang kho neo cha , in somle nga bep kho khat ana um min ahi. Hichi kho sunga hin nupa genthei tah khat anaum, min ahi. agenthei lheh hon vangin hichi teni nupa hi kingai lutah le kilung set tah in ana cheng khom honin ahije.

Ama ni jong genthei tah in inchen ahin semhon nin, vangset umtah in chale nao anei thei hon pon ahi. nupa teni jong , jankhat aki houlim hon tan, e atile leiset chunga hi hibanga vangse ehitam, chale naola eneipon, eini din vang kho nunga kinep pi ding chala enei pon neile gou jong enei pon, hijeh hin ehin lai dam sung hon nin, genthei jongle hen, kingailu jing hite tin aki lhem to lhonin ahi.

Jingkho ahung vah tan, nupa teni jong angai banga vai kon din akipat doh hon tai. nikho chu nidang to abang ta pon, van anim min meibol akai let lut jengin ahi.

Lou alhung lhontan, hinla go ahung jupan tan, natoh je aumlou jeh chun, loubuh sunga mei aki t honin, mei a oihon tan ahile, aji nu a emut ahung soh in, loubuh sung chun a emutai.

khohe lou va a emu laihin, mang kidang tah khat ahin neijin, amanga hin chanu hoitah khat anei jin, acha nu toh nuiseo va aki nou pet hon laijin, gam sa hang ho ahungun, athatnun neh din aki lhoh mang taovin ahi.nupi nun jong bol ding helou va acha nu nung ahin della aka toh apen atho jing lai hin, ahung kap khang tan, ahile loubuh sung a emu ahi ahin hedoh bep me, ajipan jong namang se ham tin adongin, nupi nun jong amang chu gim nei asan seidoh ta louvin a im mangtai.

Go juh jong ahung pha domtan hinla nilhah lam anahi tan, vaiche tahite ena kitong man ta lou ding tin inlam ahung kile hon tai. Jan ahung hitan, nupi nun jong amang chu epi ahung soh dem tin agelin alung kham pi lheh jenge. Phat le nikho ahung che jingin, amanga jong amat phah hon lou vin, nupi nun nao ahin vop tah beh tan ahile, nupa teni ding chun, khonunga kinep na ahung um doh tan , aki pa hon dan chu asei je bei asange. hiti chun, nile lha achal jingin, amanin jong chapa meldei um tah khat ahin nei hontan, ahi.

Nupa teni din abol atoh hon asei asah hon, anom chomin, ama ni din alhing set nin aki gel jeng hon nin ahi. Hinla acha hon chu kidang tah in, janle a emu g pon, abang le jan khang kim lai2 le ahung nui ji in, ahi. anun eti alhim vangin a emu g pon, suntah le kho helou vin, a emu jin ahi. Anun lung gim tah le ghenthei tah a ahin sin jingin chapang chu chele le thei ahin phatan, ahi. jan khat hi jan khang kim lai tah hin, anun mang ahin nei kit tan, amang masa a ana mu gamsa ho chu ahung kilah kit nin ahile, atija beh set nin, hapen na ahung penle ahung peng khang tan, ajipa avet le nom sella emu amun, acha pa agah vet le lup na a ana um ta poi. ati jat na kah in, pung avet le 12.30am ahin,  inpolang avet le, muthim lhang khal kiheh jeng,  nupi nun jong ajipa asu khang ngin, lungdon le kichat pum2 min acha pa chu akou hon tan ahile, achapan jong kitchen room ma pat hoi ahin tin, aga vet honle chapang chu nomtah in mei ana oijin ana kichem me.

Chapang pan jong heno pi da nei kou2 ham kaloi hon na aw ajah ji teng leo alung hang gi un ache gam ji tao ve ati. Anule pa jong sei ding helou vin aki veto hon nin thip chet nin aum hon ne. Jingkho ahung vah phat nin, anule pa jong, aki hou hon tan, echapa hi louthem evet sah lou le, adih tapoi, atihonin, chapang emut lan kah in, thinglhang lou them mijen ho kom ma apui hontai.

Loule aithem pa in mai ahung lhun phat nun chapang chu ahung khang tan, amit ahung salin anun apom na akon ahung kitel lhan, amang tai. anu eti aka a akou vangin, amuta pon, louthem pa kom ma alhai lut nin, kap pum min, acha nei masanga amang a ana mu ho le achapa asen na kipat aum chan lam dang thu abon nin asei peh tai.

Hichun, louthem pan jong, hichan gei chu ahile avon asil achen ho ka kom ma hinchoijin ati.

nupi nu jipa jong achapa sille chen ho, la din in na ahung tan ahile, chapang pa sil le chen avon khat cha ana um tapoi. Chuphat nin louthem pa jong nupa teni in chun ahung tan ahile, in sung ahung lut2 in louthem pan thil um dan jouse ahe doh tai. Hichi nachen na hon hi, inpha lou ahije, dalha gang hon tan, ahin tujan nom ma na emut thei lhon nadin , boina nato hon louna din, phun kasan ne.

Ven, nang ni hin etih in jong cha lenao nanei kha hon pon, naji nu taibuh akon chapang kijil lou ding ahije, na jinu hin nao avop jin, hinla lha khat joule na jinu sunga hin lhagao boh alut jin naosen chu aneh chai ji apot kit ji ahi. Tu a nasei hon chapang chu ng ni cha hilou vin thilha ahije atipeh tai. Chule nahet hon ding khat chu, ng ni nupa hi khat jo2 in suh khel na nei hon ahije atin ada lhatai.

Hichi thuki sei ajah phat hon chun tijat nan adim hon tai. Nupi nun jong, kataija kon na hungpeng doh ka cha, asen atuija pat na kahin sin, genthei tin cheng kahin thoh pi, janmit sing lou jen na kahin khou khah . otunin eka ti ding hitam…??  Kangailut tah kacha tin sang jong leng mihem lethilhah kah a kimat na aum pon ekati ding hitam tin mitlhi long pumin aji pa kom ma aseitai. masanga mang kidang tah kana nei g hochu hichi tuni nikho hi tan te. Mihem min suh khel bol khel aki nei cheh in, hichan lom2 echan na dinga hi etabang lom, nag le keijin suh khel enei ham…??

Kahung pen na pat chaga cha kahin, mibanga g le cha neija khan kho kile doh kal ngah jinga hinkho kaman laijin, g kahin neitan, mibanga cha lenao neija hinkho kile ding kagel laijin, kaki nep na chu guilhung jou lou hitan te tin amit lhi aki theh hullin, alup na jalkhun ajon nin , aki nuh2 le ana emupai tan, mang ahin nei pai kit tai.hichi amanga hin acha pa amun , achapa chu tuigal vadung gal lam peh khat nin aum min, heno, heno, kangah jinge ahin tin, anu lam ahin sangin ahi. A nun jong a don but nin, boi ven, kei mihem kahin ngto kei ehin lai dam sungin cheng khom thei po hite, ka cha banga kana ngai lut jing ahin tugei jin jong, hina kibang lou hita jong le hen kacha mit nin kahin mu jinge, hinla eini nucha kah in thilse aum lou nadingin, tunin thil khat kasei peh nom me.

kahin sasah na ho nalung lhai louna aumle nei ngai dam min, tunin e p doile tup na neija, keima panpi ding neilou nuhi nei suh genthei ja , khoto na neilou va hiti a neibol hm…kabol peh thei aumle hin bolpeh nange seijin ati.

Hichun, chapang pan , vadung gal lamma pat ahin sangin, heno , ka ngah jinge, keijong nang banga chaga kahije, nule pa neilou kahin, kaloi le paite nule pa nei banga, ken jong nule pa nei ding ka nom me, masanglaija najipa to lou kon na nahunga chun chale nao neilou nahi kahen hichi nia kipat chu na oi sunga cheng den na, tah mella hung peng kahi ati.

Nupi nun jong, nanule napan pi dinga nadon lou va hita um nahim tin adong kit tai.

hichun chapang pan adon butnin, masang lai chun nule pa kana neije, kaneo laijin kapan kanu anada lhan, kanuto to, genthei tah a kaki vah honin, nikhat sun thip khat nin, mipha lou hon kanu ahung man taovin, anung kadel le, kanun boi, eina ngah jingo kahung pai d tai atin, ken jong heno ana ngah jing nange nahung ki le kah in, katin, kanu akai mang taove, kanu ahungkile ta lou phat nin kagil kel valtan, an neh ding jong kaki hon thei nai pon, koima chan neh ding eipe pon, kalha se valla kanu akai mang nao in lam ma, ka che le, insung khat nin kot aki hongin, kaga va lut le, kanu chu ana suh set chaiju va atha doh uva along chu ana da lhah u ana hitai.

Hinla kanun acha keima khan kho ding agelle thilhapai thei lou, eina nga jing danin ana hai2 nalai jin, kenjong kanu kamu chun athisan pum ma tollaija lum chu kamun, heno kagil akelle katile, kanun boi ng kana nga2 jeng ahije atin, kenjong hema neidalhah hih o bu hoilai kaki lah ding ham ka ti le amit na milhi ahing longin, akam ma thisan ahung long doh in kanu chu athitai. Kho thim ding kon ahitah jeh in kaki chan, kagil jong akel val tan, heno tin ha kap2 min kakap jengin ahile,  pasal kanu that teni chu, ahung kit nin, acha pa jong etha lou le nikhat le boina ahin sem ding ahi ati hon nin, kalol ameh hon tai, hichun kanu lhagao kamun, kanu chun akhut hon chu e alo ham kahe pon, tollin eipai lha hon nin, na kasah val jeh chun kading thei ta pon, thou thei ta louvin kalum den tai.

Ama nin jong, muthim lah a chun apot doh kit hon tai. Amani pot nung ngin ka mit kahin hasah le ka komin neh thei ana um min, neh dinga kagah kilah got le kanu lhagao chun ama long damsa chu dalha louvin ana tou pi jingin, hitin ahin seije, boi neh thei chu nen lang vaset nin, ng da kahin choi ahije, nanu keiman naum pi jou ta ponge,  nahin kho man ding kagelle kada lhah thei lou ahitai. Hijong le keima hi christain kahin, leiset hi dalha tange, nikhat le nanu ngaitah keiman, Ana ngah jing nange chule achai na kahin seipeh nom chu, Nagen thei ni hijong le, nathang tomni hijong le, kei ma nanu phu hinla lou din katem me, mihem hina kanuphu lange ti a nagel le, nung jongle avella eini nucha da kimel mu na umta lou ding ahin. Avella nikhat le kamel namu kit nom le thilse bol hohi hin ngai dam tan boi, atin amang pai2 tai.

Heno ana ngah jing nange tilou sei ding kanei tapoi. Kanu lhagao la kamu ta pon, kahung kihei le along damsa thisan pum ma kamun, hung kitho ding katile kanu that tenin tolse na ei neijeh in, kakhut kakeng achat thei ta pon kamoh kithin pum min thiding ngah in kalum den tai. Jan ahung hi phat nin, kanu suse a that tenin, tupheng ahin ki choihon nin, insunga chun kanu longdam sa sel mang na din leiko alai hon tai, thuh tah alai doh hon phat nin, kanu long chu leiko sunga asep lut honin, ahung kihou hon nin, achapa pum ma vuitha ding ahi ati honin kahing pum min eiman hon tai.

Keijong katao vin, kanu seibanga thilse bol ho chunga phu la ponge, kangai damme tin kakitep me nakom hon na, lungset tah a nakom hon na katao ahi, kanu thita jong le keibeh nei hing hoi tei2 hono hepa ka tin kakap kap jenge. Ahin leiko kilai sunga eileh lut honin kahing pum ma ei vuitha hon tai. Kathi nung in kalhagao muntin na avah len, hinla kanu kaki munjou ta pon, lou kon na kapa toh nahung hon chun, nanung hon kahin juile, na chen na in mun hon hi, kanu ngaitah toh kana kivui na mun hon ahije.

Hijeh hin kangai jin kada lha joupoi je heno. Neihin sin sah naho kakipah e, keijeh ajan emu lou va naum jing,  hinla kaloi kagol tetoh jan le kaki chep g ho jong phun lou va na um kakipah e. Keiman kanu sei banga phu lading hileng tuni ahi kapahi katha ding ahitai.

Ahin kaki nep na khat umsun chu, phat khat le kanu tah2 mel muding kanom jeh a, tuni kapa hi kahing hoi ahije, kanule keima eina that chu naji pa ahije tin.

kaloi hon kahin kho man dan avet g leo alungu ahang jin, hijeh achu nasunga naoki jil hochu asuh set g uva nao nei lou va um nahi. Heno nang man bolset ema na nei pon, khonung le chale nao nahin nei thei nadin, hichi inmun hi dalhan lang,  kanuto kaki vui na hi, laidoh unlang miho kiveija ji lhan mol la neivuijun chuti lekei jong, kanu kangai na mil ingting, avella hung kilah kit ta ponge ti asei jouvin amang deltai.

Nupi nujong ahung khah le nisa ana soh tan, ajipa komin, thil se bolkha loukoi ma aum poi, hijong le ethil boldoh sahi mangthei ahipon, apha , bollin apha amun ase bollin ase amui kiti hi ng chunga jong alhungtai. Mipi jouse mit mu le hichi nathil boldoh sa te kom ma ngaidam nathum ding ahije ati. Hichun, khosung mite chu akou khom hon nin , insung chu alai juvin nucha teni gule chang ho chu phate chan thing khong a akoijun ,lhan molla avuijun, nupi nu jipan jong mipi te le nuchate ni kom ma ngai dam athum min ,lhan song asem peh in ahi.

Hichun , nupa tenin jong,  in munchom ma akisah hon nin, acheng hon tan, masang bangin lou abol honin,  phat le nikho che dung juijin, ajinun nao ahin, vop tan, nao ahin , neijin chapa khat ahingin ahi, hinla vangset um tah in chapang ahung pen lhah le, apa chu ading laijin alhun athipai tan ahi.

Hitichun chapang chu anun achangin ahin khou khah in, damsel le melhoi sellin ahung khang lenin, anu toh nomtah in acheng khom tai. asim jousen thilkhat beh phat chom na enei dio katah san ne. kaki pah e.

Moral: Hichi Thusim ma kon na kihil na theichu. Leiset chunga hin, mihem min , apha abolle apha aki san nin, ase bollin ase, aki san nin ahi. echunga thilkhat hunglhung ji hohi ajeh khat ume ti kikhol masat jong angai jin ahi.

Kaki pah e

THE END

Thusim hi anom lheh e nati le anoiya “LIKE” button khu meh in writer ho na support nau vin, chule seinom nanei le anoiya comments nahin bolthei u ahi.

Thusimbu Machal jing thei na ding a pan lanom ho kipah tah in lem ahijing in ahi anoiya button “Click Here” khu meh utin details anasim ute.

Previous article𝗖𝗛𝗔 𝗞𝗛𝗢𝗡 𝗞𝗛𝗔𝗧
Next articleNOTI KITI THUCHENG HI IPI TINA MONG HAM?