Home Lahkhom HAPPY MOTHER’S DAY 2021

HAPPY MOTHER’S DAY 2021

98
0
Nute nikho 2021
Nute nikho 2021

By Shonkhogin Hegin Haokip
Maranatha Cottage Hebron Veng
Phaipijang Langol Imphal West # 9774096152

Shonkhogin

Amavang Pakai ging jing numeihi Pachat chat dinga kilom mong ahi.

PROV.31:31B.

Miss Anna Zarvis in anaphudoh Nute Nikhohi aphutdoh nu thusim lang a a detail kiseita hihjong leh, aman hitobanga nute nikho khat ana phudoh a tunia Nute Nikho khat ineithei jeh uvin, genthei le hahsa tah ana phutdoh Aumtalou Anna Zarvis jallin Pa Pathen thangvah na ipe uve.

Nute nikho iman utoh kilhonin Nulun Neijoycy Khongsai in asah HENU NAMAN ATAME, NACHA KEIDINGIN GENTHEI NATHOH IN, JANKHO JENGJONG NOMA CHOLDAMJILOU, HENU NEINGAILUTNA ASANGE tila hi kangai sang mama jengin, kangaijouse leh mitlhi puma kangaiji ahin, hiche lahin nasatah in achesa hinkhoa kanun ingailut na eigeldohsah in, atah tah in Nutehi aman atam mong monge. Mi tamtah in inule ipa ahinpet in aman tamlam ihejipou vin, athinung phatulebou amantamdan akihedoh chehcheh jin ahinla imacha aphachomji tapoi.

Sopiteho, tuni Nute Nikho ahitoh kilhonin, inun eingailut naohi chomkhat giltah in gah ngaito khom uhite. Lasempan, janna jong noma lungmongsella kicholdojilou, nangdinga asun ajanna nang phatna dingjeng ngaito a lunggel ngaito neija chu Nanule Napa ahi geldoh jingin. Nanule napan nagelkhoh kalvala nangphat na ding a lunggel ngaito umjong leh amanin akhokhel sohkeiye. Nagol napai injong nalungsetnante, ahinla nanun nalungset banga nalungset ding leiset chungah aumpoi. Pathen tilou leiset chung a nalungset penchu nanu ahi.

Hijeh chun, nanu ahinpetchan aphatna ho holdoh in lang nalungset ding bang tahin lungset in, athinunga kanun eilungsetna tia naseilele sangin tunin nanu ahin petchan aman nangdinga thingamleuva apana ho donlou dailouvin nahsah mon koihih behin. Naneo laiyin, nanun nangailut behseh jehin nahaka jongleh alunggim in, naka hihbeh jongleh alunggimin, ipi dinga lunggimham itileh kacha hi adamloukhat ham, lhinlal na khat aneiham tin phat jousen tipheleu va naboipi jing ahi tihi inule ipa ahinlaipet chan sumil pou hite. Nu kiti mantam dan chu, ichana mantam ham itileh, itobangin kinahpi jongle chun, nangailut thouthou ahi. Nangman kanu kaki nahin eivetnom taponte nati maithei ahi, ahinla aman nangailutna adai deh poi. Chenlang henu neingaidamin gati pou pouvin, ipia nahindonbut am nahetjeng ding ahi. Nule paten chate dingin a-itih in jong in jong athi nading aman nading angaito khalhon hih beh e. Hiche jonghi Minun acha angilutna sangpen khat chu ahi.

Achaina a iseinom pentah u chu ipi ham itileh, Minu mantamdanle achate angailutdan chungchang thudol phabep khat iseitaovin, chonset thisana kona hung kijil Minu khat in bon chuchangeiya aman atama achate angailut theileh, chonsetna neilouhel Pa Pathenin ama limbang banga asemsa achate itobangin angailun, itobangin akhohsah tadem ? tihi alena pat aneochan geiya ihetjeng theiyu chu ahi. Nasempa Pathenin nangailutna hi amangbei tichu a limit umlou ahi. Hijeh chun, tumasangin hinkho itobangin ana mang jonglechun, Aman nagailutnahi nanun nangailutna sangpen sanga jong nangailut joh ahi tihi nahetleh, chen lang Pakai achesa kahinkho ho a kachonset na ho jouse neingaidam in tukal bol kit taponge, nasei bang bangin umtang kate gatipou pou vin, atahtah a nagatao poupouleh ngaidamlou kiti umlou helding ahi. Pathenin asimho jouse phatthei boh tahen.

Articles hi anom lheh e nati le anoiya “LIKE” button khu meh in writer ho na support nau vin, chule seinom nanei le anoiya comments nahin bolthei u ahi.

Site nalut a notification pop up hung potji ho allowed anabol ji uvo maban a thusim thah ahung ki post teng notice namu ji diu chule Bell button a subscribe kiti chu meh un.

Previous articleIMAJOUSE HI AKIPATNA LEH AKICHAINA UMSOH HILOU HAM ?
Next articleMOTHERS’S DAY NITNI