( Boipu leh Boinu ki lungsetna thusim chomcha: Boinu hi lhagaoboh (kaosie) ahi. )
7 April, 2020 by: Letpao Touthang
Masang in kho khat aum in, hichi kho ahin a cheng ho hi kaosie jong a na tam lheh in ahi. Kaosie lou te inn khat chun an me atui thim ahilou sa le nga kihuon tieng ule koi ma damsel in ana umji pou vin ahi. Ahin la kaosie ho jong chu kaosie lou ho in a het doh na lou diu vin ching thei tah in ana um jiu vin ahi. Inn sung khat bang in aki kholai aki leng tuo uvin, kingailu tah in a um kit jiu vin ahi. Hichi kho ahin Boinu le Boipu jong nungah kht le golhang hinkho ana mang khom hun in hatah in ana ki lungsiet hun e. Phat a hung chi2 dung jui jin amani ki ngeina jong chu ana saang lheh jieng in, ni khat cha jong kimutuo louvin aum thei hun pon ahi. Ahin la Nungahnu hi kaosie ahi lam Boipu in ana hedoh hih beh jieng e. Ajih chu Boipu te hi mipi lunghol thiem koima thet neilou va ngeilutna nei mi ahiu vin ahi. Phat a hung chi chi tan, amahni jong nikhat suunkim tah leh khopam aki mutuo na hun ngeiya mong phung nuoi a chun kimutuo din aki tiem hun ta in ahi. Hichi ni hin Boipu in vang Boinu chu ji dia kipui tei ding ana lungsiet jih chun kaosie ham lou ham chu het tei dong lunggel ana nei tan ahi. Suun kim a hung hi ding phat in Boipu chu aki tiepna hun mun lang a chun ana chi in mongphung a chun ana kal doh tan ahi. Mi ching tah ahi jih chin Boipu in jong kho sung leh veng sung a meithainu kht kom ana kidoh na kuon a Boinu ahin gin mo a kaosie ahi chu ahi ahilou hetdoh tei din atup ahi. Phatchom khat jouvin numeinu jong a lungsiet ma ma jieng Boipu toh akitiepna mun juon in hoisel in a hung kisiem in a hung pot doh tan ahi. Boinu jong aki tiepna hun mun a hung lhun2 in Boipu amu ta puon, a nga nga leh a ngahlel thim tan amanu in jong a lu buh (head) chu aki lah doh in ama leh ma in hit aki vet tan ahi. Thing phung chung a pat in Boipu in nungahnu umchan chu a ve ve in, hinlah nungahnu hin Boipu in a thim vet lam chu aki het doh dieh pon, Boipu jong a hung tija val val jieng in thingleh vum a kuon in a hung kileh lha tan ahi le Boinu jong a kin behseh jieng in a lu buh agah kinungtu leh a lubuh chu aki tuo khiel in amao lang in a nung lang a nga in, a tuhkhuh lang in ama lang a nga in aki jumsuo dieh jieng tan ahi. Golhang Boipu chu thingphung apat khielha ahi jih chun phat chuom khatset pi ana thimil liu vin kho he pha lou ta bang in a um in ahi. Hichi nia pat chun amah ni ngaina jong a dai jep2 in, hinla lung in a pul a kidou pih tuo hun in a chai2 na in, tahsa in thina chan geiyin thina a tuoh hun tai. Boipu in jong a lungsiet val jieh chin mi het din Boinu te chu kaosie ahi tin ana sei doh hih beh jieng in, hinla Boinu chu aki jumsuo jieh chu Boipu a ngailheh vang aga nung vil thei ta puon ahi. Hitia hahsa tah a aum hun jih ani hun aki thi khen hun tai.
The End
