Gollui Thusim
Smartmyn Doungel
Masang lai Hin Nupa kingai lutah khat thing lhang gam ma ana cheng hon nin ahi. Hinla amani kinep na bangin chale nao anei hon pon, Niseh le thinglhang lei abol hon nin lou na kilung to tah in atong khom ji hon nin ahi.
Nikhat hi aji pa ha dam min ahung dam mo tan ahile, adam joudin aki gel ta pon, aji ngai tah kom chun hitin asei tai. nang nu adam jou din kaki gelta pon, kho nunga kinep piding la chale nao enei lou jeh in, kada lhah nung sang teng nanop sah thei nadin ji thah ana neitan ati peh e.Hinla ajinun, nangpa pi dinga hita chu thu sei nahim… ven nadam thou2 ding ahije, vangset pin dam doh jouta hih jong le chun, chule kinep pi ding khonunga chale nao nei hih jong le hen , keiman vang kanop sah nading mai2 jin jithah nei ponge, kathi tokah adinga nang kahin jot nahin, e insung le elouma, na nung sang jongle dalha chom louva ken jong kahin thipi ding ahije tin aseitai.
Hiti chun ajipan anat ahin lel cheh2 jengtan ahile, ajo nan, ahungthi tai. Aji nuchu meithai asoh tan, hijong le aki tep na bangin, jithah nei deh lou vin, louma abollin hiti chun ama kihin so nadin na atong jing tan ahi.
Nikhat hi nupi nu jong aki gel2 le ahinkho man dan le a inchen dan ho chu alung ana valtan, chale nao kanei lou naki kah in, kajipa athikit atile, alung na cheh2 jengtan, kinep nabei hinkho hi ka thile thitange , keithi jongleng koima la eipo na ding jong aumpon, kalong chunga mitlhi vat khat vat sah a eipona a kap ding jong aum poi atin,
in kam chunga akal doh in, inkam chunga chun athal ngan alum min hakan akap tan ahile, pathen pan aka na aw chu ahin jatan, gophel la a oipoh tah chu ahin kap le, hichi nupi nuchun nao ahin vop tan ahi.
Nupi nun nao ahin vop phat nin tijat nan adim tai, kajipa la athina asot tan, pasal to la kaki tong kha pon eti dan na ken nao kavop thei ahita dem atin, abang le atijat pin abangle akipah kit jin, hinla akho miten ahet dio agel le jachat nan adim kit jin in jong pot ngam lou jen nin aum ji tan ahi.
Hiti chun, phat ahung challin ahile, nao ahin neitan, hila amanu kinep na bang lou vin, acha chu Gul ahitan ahi. hichi Gul chu thal mit nei khat toh ahungpen tha in ahi. nupi nun jong acha chu aven aka pi2 jengtan , Gul ahi jeh chun thading ati le la, lha hijat genthei kahin thohpi a kahin vop ma kathisan na katai jolla peng atiji teng tha ding anom kit ji pon, mihon ahin het ding agel le jachat nan adim kit jin, pihile echa tin ahin kivah tai.
Nupi nun, thalmit nei chu lel todop ma kitup keichan akoijin ahi.
chapang gulchu akhan chan nin, thalmitnei jong chu akhan tha peh in ahi.
Nupi nun jong hiti chun sunle na atong jin acha Gul chu in na ada lha jin ahi.phat le nikho achal jing bangin acha gul jong chu akhang jingin, ahung kikhan lhit tan ahile, tapsah achun kilhu gei guijin aki vei jin ahi.
Guljong ahung kikhan lhit tah jeh chun, nikhat anu kom min, heno ji kanei nom tai, hijeh chun chenlang ekho gal luva haosate chanu khu neiga thum peh tan tin ahin seijin ahile, anun jong boi, koijin eini nucha gul ji dinga acha aphal ding ham, chujong le nungah khat chu aji dinga gul eti aki lhen na anop peh jeng ding ham…gul nahi naki kah in haosate chanu natup kit nalaijin , kache ngam poi, che nama jong leng eiphal peh hon din katah san poi ati tai.
Hichun, achapa gul chun anukom ma , heno aphal leo aphal lou vu chu amaho thu hitan te gathum phot2 jengin atile, anu jong kisong lel pum min patsum jop ding aki choijin, akho gal lam mu va haosa te chanu thum ding chun ahung kipat doh tai.
Haosapu te in aga lut tan, ache lo nathu chu seiding ati le ajah chatan sei ngam ta lou vin patsum jop da akichoi chujat pi chu ajop chai phat nin in na ahung kinung le tai.
Achapa gul lin ana dong tan heno epi nahin seipeh uhinam atile, anun jong boi kasei ngam pon seilouva kahung kile ahitai ati.
Hichun, heno chekit nin lang sei jengin, ada u le anop muchu amaho thu himai hen atin, ajing ngin anun jong pat mit lentah khat jel ding aki choijin akipat doh tai.
Haosate in aga lhungkit tan gah seidi ati le ajah chakit nin, dongman nin apat kichoi chu ajel jel leh akijel chai kit tan , hichun haosapun jong, hekate meithai nu jong nini set hung ta a, buka ducha hinte buka hinpeo vin ahin tile, meithai nun jong kathi le thitange kisei jenghen atin, vo haosapu , nabu kaducha jong chu kahi nai, hinla kasei nom chu ahile, nacha nuhi kachapa ji dinga thum ma kacha pan eihin sol ahi ahitai.
Haosapun jong, ahile, nacha pachu etabang mi ham atile, meithainun jong hekate haosapu, min cha aneile mihem ahin, kencha kanei le Gul ahi ati tai.
Hichun Haosapun jong epi hile chanu ni kaneijin, amani ki gel2 himai hen, jangai lou jen na nahung thum ahitah le gah dong inge atin, achanu kom chun, boinu meithai nuchapa gul ji dingin nahung thum mun nanop le nache a pha ahi atitai.
Hichun haosapu chanu alen nuchun, kaloh nasoh uve gulji dinga neisol ngam mu ham, kaki dah sah un, phi3 atin a room sunga poh dah in aki kholut tai. hichun haosapun jong eiho chon na dollin aneo vin alen adalhah a ajinei khum chu dan nin aphal lou jeh in nom mo sa hih in lang kinung le tan ati.
Hinla haosapu chanu aneojo nuchun, meithai nuchu agelle alungsen akhoto lheh jengin, hitin aseitai, hepa eba elo dioham, migenthei khoto chu man na umpon te, ka u nun agelthei tah lou jeh in kei che nange ahin ti tai, haosapun jong chanu gulji dinga nakipeh doh jengchu kapah chai, naki gelhuh joule che tan atin meithai nu chapa gulji dingin ahin solpeh tai.
Meithai nun jong kakipah valle, meithai khoto na a namin set ding jong ginglou va neihin jui phat thei nan nabom hen ati tai. in ahung lhun hon le, gul chu tah sah a anaki lhu geigui jengin ahile, nungah nuchun aki cha vallin, kaden heno keivang nang kom ma bou kalup ji ding ahi atin atehpi toh jan le alum khom jin, sunle loulhou din louva ache ji hon nin hiti chun hinkho amang lhon tan ahi.
phat le nikho achal jingin, ahile meithainu chapa gulji neina chu lhakhat avaltan hinla aji nutoh jankhat jong gehkhom khalou ahije, ajehchu ajinun akichat valjeh achu alup khompi ngam lou ahi. gul jong chun ageltan , haosapu chanu vanghi mipha tah ahije, gulji da kigel lhu a kanu meithai tehse ngailut na neitah a ahinsa sah jingin, phun lou va aumhi mipha chungnung , michingtah ahi ti ahetai.
meithai nun jong amounu lung nikhat ave tan, boinu vetem min, naji la mijito abang pon hiti a hinkho naman hi nomkasa deh poi, ahilou ngap le naki nungle ding hitam atile, amounun jong, heno kato ding jouse kamasang ding jong hena sa hinjon na hungkipat doh kahin, kei akinung le dinga hungki pat kahipoi ati peh tai.
Hiti chun phat achejingin ahile, akichen nahon chu lhani ahunglhing tai. lhani jouvin, Meithai nule amounu jong lou akon ngai hon bangin akon kit hontan ahile, akon doh2 hon chu, gul chun apho ahin sutlhan ahile koi gul malah in, golhang melhoi tah ahin, amelhoi na chun insung asal vah jengin ahi, hichun insung asutheng setnin, anun lel todop ma akoi thalmitnei chu ahinla doh in, lou lang ahin jon tan, alou nah uva chun achom len vacha akap jin ahile, lou to langa bung anu le aji nun ahin mudoh tan, anun jong hekaden lounah a vacha kap pa tah khu amelhoi toh echa pa hile koijong ki otcha ta ding ham, min cha aneile mimel hoi2 chan aneijin ken cha kaneile gul ahi tin ahungki lhaset ham tan ahile, amou nun jong kaden lou nah a gollhang pa tah khu ong amel hoi toh ejipa ba hile koijong ki otcha ding ham…minba ji anei le gollhang toh aki chen le kenji kanei le, gul atin amoh nuilo hon tai.
Gollhang pa jong agah vet hon le amukit hon ta pon, nilhah ahiphat nin vai ahung hontai. in ahunglhun honle nidang avai lhun honto aki bang ta pon, a insung hon ana ngim sitset jengtan, tuibel tui ana dim set2 jengin bule me kihon minsan ana um tan ahi.
Amani tehcha jong lung dong tah in akiveto honin, akisil theng hon nin, bu nehda agah kithuh honle vacha sa me anahi tan alung don man hon chun akive to hon nin, koijong eingai lu hon um hitam tin aki hou honin ahi.
An aneh jou hon phat nin, ateh cha hon nin, khoto apat khonah geijin ahin chon hon nin aban chan ahin dong hon tan ahi mijousen hibang kaki ti mo ka na bon ki2 silman lou nang ni in etih kah a kasuh ngim ma na an hon kahon ding tin asei soh taovin ahi.
Hichi ni akipat chun niseh le angai jin aki bol bang chun akibol jingtan ahile, amani tehchan jong gelkhat anei hontan ahi. Nikhat lou akon hon bangin akon kit hon nin, khomol la atou hon nin, tuni vang kinung le hitin evet lhih ding ahi, hita eingai luhon chu koi ahi het nom aume ati hon nin, ahung kinung le hon nin, kunjih a apang lhon nin bangkah chun insung ave hon tan ahile, vo henu, tapsah lum gul chun apho ahinsut lhan ahile , amelhoi nachun insung asal jengin phatah a avet hon le, lou nah a golhang vacha gakap jipa chu ana hitai,
ajinu le anu jong amit hon na aki hou toh honin tha khat tah in kot asat hong hon tan, amounun pasal pachu akong nga aman nin atuh chah den tan, anun gulpho/vun chu meija halvam jeng ding atile, achapan jong, khongai jin hichu thil lou pi ahi, banglhanga ga thing ngin atin, agathin le changpang lam nga dim ahung umdoh tan, tun insah inlhanga gathing kit nin atin, agathin kit le vohcha , ahcha aphu demdum jeng kit tai.
hichun lhep tup chet nin lang lelsunga gakoijin atin asei bangin akoi taove, anu le amounu jong agelphah hon lou beh thilsoh ahijeh in kipanan alo dim jeng hon tai.
Nilhah ahung hitan ahile, amou nu chun , lupkal amoh nga lel jengtan, ash kaden ka emut asoh e tin asei non tan ahile, ajipan jong, nidanga lou nakon pet na bon emut so seikha louva , tuni nabon tong lou ina um ma ati le, mounun jong seidi het mo manin, nang katuh na a kamoh lel ahi ati hichun pon aphan ajipa kom ma alum tan ahi.
Jingkho ahung vah tan, lou athum mun akon tao vin, achapan jong heno tu akipat na koiman na hatoh a etoh tah loudio, nomtah a eum dio tai ati.
hitichun phat achal jingin ahile, ajinun nao ahin vop tan, cha ahin neile, pasal ni apeng kop ahin neitan, atehpin jong, tunin vang kagenthei na akile tai atin
kipana jallin amitlhi along jenge,
mounu in jong , apa haosapu lekha agah thot tan, hepa nang gel lechun kachanu hi ajipa gul ahi tin natin, ven tun chapa ni jong kanei tan, naopui ja kahung dio ahi atipeh tai.
ajingin naopui din ache taovin , manle mol hoitah in apo un , sel leloi khichong, khichang , dahpi dahbu ,lutom laisui, apou vin in aga lhung taove,
Haosapun jong aven ahile agellou beh thil lhung ahijeh chun kidang asan akipah lheh jengin ahi. hichun haosapu chanu alen jo nun anao nu jipa ahin mudoh tan ahile adeicha valtan, ana thusei ho ajol pet nuva ada ho chu agelle akisih vallin , aguh in akap kap jengtai.
Haosapun jong vochal tuh nga atha peh un, phat thei aboh un chom khat umbe din atem tan ahile, amaho jong ni thum anichong be un, ahungki nungle kit taove.
Ache nungun, haosapu chanu alen nun jong hepa, nasei kangai lou jeh in avangse nu chu kahi tai, tun keima kakul valtan koiman jong eijol eidei aumpon , kaji ding mihoi kanao nu abang bang kadei jeh in keijong gul neihol peh in ati tai.
Hichun haosapun khosung mite akou khom min gollhang thahat cheh pasal sagi alheng doh in, thinglhang gam ma gulpi holdin asol tai.
pasal sagi hochun thinglhang gulpi lentah khat ahin man nun haosapu te in na ahung thah taove, jan ahi phat nin, haosapu chanu chutoh gulpi chu alup khom sah taovin ahile, jan nin, acha nun, hepa gulpin eileh ji e atile, apan jong , nanou ji ahi bouve atipeh tai.
Jingkho ahung vah phatnin, achanu akitho lou phat nin, alup na agavet leo, gulpin, achanu chu anaval lhum ahitai.
hichun gulpi chu athat nun asung akho leo achanu chu anathitai.
seingai lou jeh in, haosapu chanu len nun ahinkho achan lotai.
sei ngai jallin aneojo nun, mipha mihoi akimun nomsa tah in hinkho amange.
genthei masat hi,khonunga nopna ahi.
ti thusim makon emudoh uve.
kakipah e.
THE END
