Home N Lhungdim GUL CHUH CHUNG CHANG

GUL CHUH CHUNG CHANG

77
0

Snake Bite

Thinglhang kium nop lai in chapang themkhat in, Gul kaman uvin ahileh upa khat ahung in, ibol a gul chu namat u ham? Anjou le nachu kha leu nahin lou diu hichume, hin choi uvin kin agu nalah doh peh uvinge atin, hichun aman ALEI(tongue) asat doh in eile peh uvin hiuvin agu kasat doh tai atin inle peh un, keihon jong kagah ki o lele kit nalai set uvin ahi.

Tijat um tah khat chu Gul kiti hi alei a agu umlou hel ahi, ahin aha achunglanga Ni hung don doh a kon a khu agu ahin lha doh ji ahibou ve, thinglhang mi tahsan dol a chu Gul hi aleija agu um ahi atiu vin hichun alei asat doh jiu vin alang khat a hiche gul jong chu angoi tah bah ji het uvin mi chu thei lou chun aum thou jihet uve.

GUL CHUH A KON KIVEN DING DAN.
Gul chuh a kon kiven doh na pha pen chu KICHUH SAH LOU hi ahipen e, ahin nahin chuh khah tah a ahi leh ipi nabol ding ham?

Apet pet a doctor nadel jel chu thilpha ahi, ahin doctor nailam a naumlou leh achuh na chu leiko nalai a leija navuh dap ding ahilou jong le leilah a dia leidap pen TANGTEL EH khu naloi ding ahi. hiche hi gul chuh na a dia FIRST AID tobang ahi. Tekah nan, Gulchuh a thiho khu ni2/3 jou le ahung hing kit ji e tin asei uve hijeh a chu ni 2 cheng vuilou va akoi jiu ahe, adeh a aki vui jou leh ahing ana um ji e atiu ve.

Chapang khat hi Gul in achu tan athi tai, hichun, avui tao vin ahi leh ama chu avui jou leidap in ahin chop a chun agul gu chu akile in ama jong ahung hing kit tai, ahinlah akivui ahitah jeh in ahin kit koiman ana he ta pouve.

Ahin anu mang a chun ahung kilah in heno neihung khot doh loi uvin tin chapang nu chun asei tan ahi leh athai nin aga lai doh uvin akong chu ahon u leh athal langa kilup sah chapang thiluong chu akhup lang in ana lum e akitin ahi.

Ipi hileh hitia nikhat nini a hin thou thou thei ding ahi leh ibol a gul kiki chading ham? Athu umdan chu gah kisei maimai ahibouvin, dam na dia doctor vang alou thei lou va na del angai e ajeh chu Gul hi jat tam tah aum na ban a agu in atoh doh jong jat chom cheh ahikit e.

Gul gu hi alhangpin jat 3 in aki hom in, 1.Haemotoxic, 2. Cytotoxic,3.Neurotoxic.

  1. Haemo-toxic kiti chu gul gu jat khat CARDIOVASCULAR SYSTEM(Lungchang leh thijung tongkha thei Gu chu Haemotoxic Kiti ahi, hiche Haemotoxic kiti hiho adang bang in agang pon ol tah a na atoh ahi nat jong anat se hen hun in ahi, hijeh a chu Agan na thei chan a medical attention ilah leh koima pou moh thiman lou ti na ahin ahe
  2. Neuro-toxic :
    Hiche Neuro-toxic gu nei gul hi Haemotoxic Gu toh aki bah lou na chu hiti gupo gul in achuh khah khat chun, agul chuh lam cha jong aki het ji lou ahi ajeh chu ana beh set ji pon ahin tijat aum na chu ama hi agu ahat in, Thajung a che ahin, gangchal a lhoh lang atoh khah jia, abang kho helou va um abang alang thi atha jung kichem ji lou ahi agan na thei pen a Doctor aki pui lou leh khat vei khohelou va ahung lup kal u chu kho amoh het ji lou u ahitai kho ahet na diu va phat lut ji ahi.

Hijeh a chu pute pate chun, Gulchuh jouse hi Neuro-toxic A agel khah uva sot tah tah vui louva ana koi jiu ahi.

Ahin hiche Neuro-toxic pa jeh hin mi aha thi in ahi, hiche neuro toxic Gu po gul ho chu, BLACK MAMBA: Eihon Gulsum Gulse iti hou khu ana hin ahi.

  1. CYTOTOXIC VENOM.
    hiche cyto-toxic kiti gulgu jat khat pa hi Haemo-toxic leh neuro-toxic sang in kichat aum mo jep in ama hi alhang pia CELLS ho atha kit ahi, hijeh a chu achuh khah na mun hi mon thei a khut achuh leh mon a cells ho kido doh jou lou va khut le keng ham chu ten ngai leu va kichat um gu khat ahin ahi. Ama hi Eihon Gulsoh iti hou khun hiche Cyto toxic venom apoh u ahin ahe.

Ahileh Hiche Gul gu thum ho lah a hoiche pen hi kichat um pen ham?
Neuro-toxic hi kichat umpen ahi ajeh chu minute 15 kah a mi thiman thei ahi. Ahin anat lang a sei dia chu Cyto toxic po gul Gulsoh iti hou khu na jong ana se deh set in akivang set leh ikhut ikeng kitan thei dinmun ahin thina rate vang asang pon ahi.

Articles hi anom lheh e nati le anoiya “LIKE” button khu meh in writer ho na support nau vin, chule seinom nanei le anoiya comments nahin bolthei u ahi.

Site nalut a notification pop up hung potji ho allowed anabol ji uvo maban a thusim thah ahung ki post teng notice namu ji diu chule Bell button a subscribe kiti chu meh un.

Previous articlePU LALTHLAMOUNG KEIVOM 1st INDIAN FOREIGN SERVICE FROM MANIPUR.
Next articleARE MANIPUR MEITEIS MOVING FORWARD OR BACKWARD?

LEAVE A REPLY

Please enter your comment!
Please enter your name here