Home N Lhungdim GOLPHA KITI HI LEISET HINKHO A INEI LEH MANLU TAH AHI

GOLPHA KITI HI LEISET HINKHO A INEI LEH MANLU TAH AHI

41
0

FRIEND

Asun
N.Lhungdim
Thangting House
Molnom-West

n lhungdim
N-Lhungdim

21st September 2022

English thucheng FRIEND kitihi CHENNAGAM DICTIONARY a ale dungjui in GOL AHILOU LEH LOI TIN ALE IN AHI. Friend kiti hi English ah Boyfriend, girlfriend, fair weather friend, false friend, pen friend, school friend kiti in mihem hinkho khat ah gol le loi jatchom chom in aum in ahi. Boyfriend akitileh nungah hoding in adongma titobang ahi in girlfriend akiti jongleh hiche tobang machu ahi. Fair weather friend kiti chu nop ni le bou gol le pai ahi in false friend akiti leh loi le gol dihlou tina ahin, pen friend akiti leh gamla taha mikhat toh kihetto a lekha kithotto ho khu loi le gol a um thilpeh ima kipehto ho seina ahin, school friend akitileh school kai lai a kivoppi kilungtopi loi le gol tina ahi. Hiche tilou in natoh na service inei leh inatoh na a kihetpi, kilungtopi, kingailutpi ho khu seina ahikit in ahi. English poet minthang Samuel Taylor Coleridge in Youth & Age kiti poem ana sut na achun ngaitah in ana sei in ahi. Khangthah te tehse kikhehna chu khangthah hon malam ave uvin tehse hon phat chesa ho anungvet uvin ahi. Vetsahna dingin chapang neo ho apu leh api toh akivop uleh api le apu hon phatchesa hothu aseipeh uvin masang lai a akilim lah nao ho photo ho anungvetnom uvin ahi. Ahinla khanglai ten amalam uh ave uvin khonung dingin bou ahing uvin ahi.

Itobang mi hiding ham ti amang uchu amaho kinepna ahi. Tehse hon ahileh ahinkho uva atup uh alolhin nahou atamjo aseinom uvin hiti hochu asei uleh nom asa uvin ahi. Tehse hon in a khangthah te toh umbom a chenbom ding adei uvin ahinla khangthah hon in dalhah a ama changa hinding adei uvin ahi. Kum tam hon akom uva insung miho toh chenkhom anom uvin 10 lah a 9 tobang tehse kum 65 leh achung langa hon cha le nao anei uvin hiche lah ahin akeh khat tobang in achapa leh achanu toh niseh in akihounom uvin ahi. Thuchih khat in You Live and you learn ati bangin kum tamho experience anei uvin abolkhel uva konin chihna amu uvin hiche hi khangthah hon anei pouvin ahi. Hiche jeha chu khangthah ho in kumtam ho koma thumop adeijiu ahi. Thuchih khat in hintin asei in ahi “Every old man that dies is a library that burns” hiche hin sei chu kumtam hohi ahetnao leh achihnao hi kumtam tah akona ahinmudoh uve tina ahi. Tehse langho hi alouchal nomin thil kikhel behseh hi adeipouvin ahi. Hijehchun kum tamlang hohi amaho lunggel in ahingnom uvin ahi.

Achunga English poet minthang St.Coleridge in “Friendship is a sheltering” ati chu a meaning thuhtah ahi ajehchu mihem khat hinkho ah golpha kiti hi thil mantam tah ahi. Mihem hinkho suh le tou a hinna ahin kipana, lunggimna akitoh jingin hoilai lai ham ah vahchoi na leh deisahna kitoh jongleh hahsatna leh ja umna hoa jong ana kitoh jui in ahi. Hiche tobang dinmun achun leh lampi dang dang ah mihem hinkho hi ihin hetpi ikipapi lunggimni ahilou leh hahsatna ni ahilou leh jachat toni ihin lekhu dung chu golpha ahijui in ahi. Gol khat leh golkhat kingailut nahi nu le cha kingailutna tobanga thuh ahithei in ahi.

Alhangpi in mihem hohin ikivoppi nom hohi iki bahpi lekha simlai a kihetpi ahilou leh natohna a kihetpi hitia chu golpha tahtah akinei jui in ahi. Kahet khat chu IRS 1973 batch a ka batchmate hochu mi 80 tobang ahi in IAS leh IPS a eidalhah jou uvin mi 60 tobang aum nalai in amaho laha khonung a ei ngailutah khat kamu dohin ama chu Ashwani Kumar ahin ahi. Ichan gei a ei ngailut ham katileh Bombay akonin 2018 chun Manipur ah keivil in ajinu toh ahung kholjin in kenjong Imphal a chuleh Moreh a ajinna ah kakithopi in Imphal a konin Moirang ah ahung in INA Memorial Museum ave in chujou in Churachandpur ah ahung in ahung laichun ka Autobiography kasun in sum kanei hih in ka print theipoi katileh keiman naprint peh nang kate ati in kei dinga thisan kimatpi jong hilou kakho leh kaveng jong hilou service kaloi mai mai ahi in ama chun ka Autobiography chu lakh 2 lhingdeh in ei print peh in kakipa dan leiset chunga hitobang golpha kanei chu kidang kasan ahi. Pathen in eipeh hiding johin kagel in ahi. Ama phatchomna ding hilou kei dinga lakh 2 lhingdeh hintoh dohthei chu kidang kasa mong mong in ahi.

Achaina a iseinom uchu golpha loipha kiti hi hahsat genthei ni, nopni dani a kingapna mi ahin ahi. Hiche tobang golpha loipha nanei leh nagou lutah ahi ti ihet diu kadei in ahi.

Nang dinga mi hi golpha ham? Ahilou leh midinga nang golpha nahi em? Eima dinga mi golpha neisang in mi dinga golpha hichu phatthei channa joh ahi.

Site nalut a notification pop up hung potji ho allowed anabol ji uvo maban a thusim thah ahung ki post teng notice namu ji diu chule Bell button a subscribe kiti chu meh un.

Previous articleTHINGSAN (T.PHAICHAM) VANGKHO SIET THU
Next articleENGLISH PHRASE MAN IS A SOCIAL ANIMAL KITI AKO THUHTAH AHI NAHET KHAH EM?

LEAVE A REPLY

Please enter your comment!
Please enter your name here