Short Moral Story
Episode-2
Written by: Cicy Neihsial
Arrange by: Naocy Haokip
Nikhat chu hitin lunggel khat kahin nei tai………
Hitobanga ka kho sunguva pasal phalou hon tahsa nopsah na suhlhah na a,eiman thou thouvu,,ka chungthu sei dila umlou,keini uchan la ima kisei ngamlou hitobanga hinkho kimang thou thou khopi sunga che a kijoh a sum lo jeng di ahi ti lung kahin gel tan,,kanao koma kasei tan…..
Kanao koma Boi….khopi sunga kijoh hon sum tampi pi amu jiu eini jong che jeng hite katile kanao chu athanom lheh jengin,,,kaki go lhon tai…..
Kanao Moite chun….He-u iche di jongle bahara di jong ineilou iti iche di ham…?atin…ken Boi bus tolpa (Driver) pa kihou pi nange kati in kaki pan doh lhon tai…..
Bus chung ka lhunu chun miho chun eive nom ma ma jeng uvin,ajeh chu vonse dihdeh a kivon kahiuvin,akhel na ding jong neilou hitobanga vonse puma hi hoiya che go ahi diu vem ti chu bus chunga tou ho lunggel ahi……..
Kache cheule Bazaar khopi sung chu kalhung tauvin mi jouse chu akum chai tauvin,,Bus tolpab(Driver pa) chun eihin dongin,,,nangni ucha hoija na che got lhon ham…?na bahara jong neipen ati phat’in,,,
Ken…driver pu….hitobang hi ka chanchinu ahin,bahara lahna di jong kanei lhonlou ahi bahara ding chun…jankhat na thu thu in um lhon tange katile Driver pu jong alunglam tah ana hi e…….
Jingkho hungvah le hoija na um diu ham eiti kit’in,,kache na dingu jong aum deh poi katile Driver pu chun hotel khat a eipuiyin,,,,
Driver pu….hotel a ge man di leh neh man di jong kanei lhon lou ahi katile……Driver pu chun,,,Na naonu toh ithum(3) uva ige khom diu le ken abonin podoh nange atin,,Hotel a chun kageh khomuvin….kanao Moite toh alum uvin,,light a off in ka ihmu tauve……
Jingkah ahung hi phat’in,Driver pu chun,sum jakhat (100 rupees) eipe lhonin ei dalha lhontai,,……kijoh dinga che kahi lhon vangin,kijoh na di mun jong kahe lhon pon hoilanga che a ipi bol di ham ti kahet lhon lou manin,,,lamlem dunga chun kamoh valele lhonin,,,midang ho smart dan ho kave lhonin,,midang ho chu kin khat/che na di khat neiya kino tahtah a smart tah tah a chele vahle ho chu ka thangse ma ma uvin,,hitia ka vah lele laiyu chun…..Tehsepu mit-thim khat hi atupa chapang khat’in ahin kai chu kamu hon uvin…..lungset um kasa ma ma jengin,,,kadel phei ngal uvin…
Hepu hoiya na che got’u ham…?tia kahoupi pai ngal le….
Tehsepu mit-thim pa chun,,khutdo a vah lele kahiuve…vBoinu….kachapa le kamou nun eithisan phat uva katupa la natong thei hilou,,khutdo a ka va leleu hi keini Pucha kivah na ahi jenge ati tan……kasei kangai jing lai chun ka mitlhi ana long chut chut jengin,,,
Hepu hung uvin cha don khomu hite katin…Bus Driver pan sum 100 ei dalhah peh chu,,kasum mu na lhon chu hoimo lheh jongle adang kanei lhonloy jeh-in, Mit-thim te pucha to Cha don na a kamanu angai tai…
Hotel a cha kadon laiyu chun,,keini ucha jong mi genthei Che teni pucha jong hi migenthei tin kalung kagelgel jeng tan
Tehsepu koma chun…..Ale Hepu migenthei lungset dingle khoto ding hi mi umlou hitam…?katile tehsepu chun……
Boinu…..lungneo hih-in, mijouse lungset ngailutna bulhingset a ngailu mikhat aume
Kei….Hepu ama chu koiham…?
Tehsepu…..Boinu ama chu Jesu ahi,,ama Jesu hin itih laiya jong ei dalhah lou,genthei hahsat nikhoa jong ei kithopi nom jing ahi ama bel te dingin ima alhasam poi ati tan…
Kalungthim atongkha ma ma jengin,,,Jesu hi iti hol leng kamu thei diu vem o…….leiset’a migenthei ho ngailu koima umlou ham kati laija Jesun eina ngailut….kei mi chonse kidah um mi jouse lah a mi neo pen eingailut’a ei lungset dingle Jesu kahol teitei ding ahi ti chu kagel tai.
Tehsepu te pucha to kaki khen jou uva kon chun kalungthimin imacha dang aum thei tapon…. JESU thu bou chu kagel gel jeng tai…..hitia khopi sunga kava sot thim phat’u chun kanaovin He-u kadang achah-e atin twidon na dingla kahe pon….
Khopi sunga pat chun themkhat kache chon jep’un,lampi chom khat kajui lhonin ahile,,, Building hoitah khat kamu lhonin,,,inmaiya chun Tehsepu khat’in lekha khat hi ana simin,,
Hepu twi neidon sah thei di ham…?katile henge Boinu hoilang ho nahiu ham hungun hungun na donsah inge atin twi don dingin kache uvin…..Bench chunga katou lhonin,,
Tehsepu…Boinu ana tou lhon ta o twi dondi ga la inge…
Kei….Henge…..katin katou na Bench chunga lekhabu khat um chu kavetle…. HUH-HING NA LOUPI ti thucheng aki jih-in ka lungsung atongkha lheh-e.
Tehsepu chu ahung tan….Hepu Huh-hingna loupi kiti hi hoiya mu thei ham…?neisei peh thei dem katin,,,
Tehsepu chun…….henge Boinu…..taona mol kiti khat aumin cheva chun sunle janin, pastor ho leh evengelist hon camp aboluve che lhon le chun, huhhingna loupi naki mu thei lhon ding ahi atin,,,,
Taona mol a Camp kiman jingjeng na muna cheng di chun kahung kipan doh tauve.
Kanao Moite jong chu athanom ma ma jengin,,Ache na ding chula gamlha tah ahi kit’in, bahara dingla kanei kit pouvin,,,hijongle Gari Tol ho Driver ho koma kimoh thum jeng hen ti chu kalunggel ahi tan,,kache lhonin kalunga kagel bang chun,Driver pa koma kathum jengle vangphat um tah in, eiphal peh in,touna vang kachang jou lhon pon,,,anunglam a bus lhonga chun kamoh tou jeng lhone.
Amun kalhunun,Driver pan in khat’a eihung thah in chete ni ucha hi na jin diu ahi tin ei dalhan,,in nei nu chu apha ma ma in,,,Boinu ga kisil lhonin eiti in,,hinla keini ucha chu von khel na di jong neilou kahi lhon jeh chun kisil di jong kanom pou vin,,,achanu nungah khat aumin amin chu Nenem ahi….Nenem kom chun,,,Boi…naloi te ni von khel di hinlah peh-in ati in, eihin lah peh lhonin, kikhomin ka che tauve……
Kikhoma kache uchun thusei pan thu ahin seiyin,Chonset ngaidam thu sermon in amangin,,ka u cha lhonin kamitlhiu along chut chut jengin,,,kanao Moite jong alunglut ma ma in,lungsung kipana kahin. Nei lhon tai.
Kikhop kikhen ding konin,kipathu seilou thei kahi tapon phat ong ka thumin,ka testimony kaphongin,,la khat THISAN LUIKHAT ALONG MI CHONSE HO DINGIN CHE LUIPI CHU CHONSET SILTHENG NA AHI tila chu ka lhengin kasa khomuvin,,,che nia kon chun Missonary na kahin tong pan lhon tai.
Phat chomkhat jouvin,,kana tohpiu houlam kai phabep ho toh,,,kaneo laiya kachen na khou kanu le kapa um na kho a lhagao mangthai ho huhdoh dingin kavai kon doh uvin kakhou chu kaga lhung tauvin
Kanu le kapan vang eina he lhon tapoi…..ana teh thim lhontan…..kache khom piu Pastor pa chun,,,Henu Hepa nangni in cha nanei lhonlou ham tia adoh le
Kapa chun….Chanu ni kanei lhonin ei dalhah na lhon asot tai aumna lhon kahe tapoi ahin tin…..kanao Moite le kei chu kaki ve to lhonin kamitlhi lhon alongdoh paijengin…….Pastor pan asei kit’in,,,
Henu Hepa tunilhah houin kaiya nahung lhon di ahi tin atemin kadalha tauvin ahi.
Nilhah in kahung kikhom tauvin…..kei thuseiyin kapangin, Huh-hingna thu,,chonset ngaidam thu ho kasei chai phat’in, ka testimony ho kahin seiyin,,keihi chelai khosung mi hi kahin Ju-ngol vei te chanu koima hetkham lou Nenglalsangii chu kahi tia kap pum puma thu kasei lai chun,,,khosung mi akikhom ho chu akap’un,, la asauvin,,hiche jan chun khosunga lhagaova halthah na thupi tah alhung tai…. kanu leh kapa ahung dingdoh lhonin,,,ki tim joulouvin kanao le kanu kapa chu akikol to un aki chibaiyun,kikhop na chu aki chaitan lhagaova halthah na toh kipatah-in kaki khen tauve…….!
Jingkho ahungvah-in ka inu chu kavet le ka dalhah bang bang chun ana um jing nalaiyin,,insunga imacha mu ding aum pon,,bel neocha vom dihdeh pasitset ni bou aumin,,kanu leh kapa jong ana teh thim man lhontan…….ka inu chu kalungset mama jengin,,,hijongle Kana tohna PAKAI na katoh na dalhah theilou ngah theilou na toh loupi tah natong kahi tahjeh chun,,,,,ka um na lama che dingin kanu leh kapa kaki puiyuvin,,,kachen nao kasei let nao kho leh ka inu chu lhalel tah-in ka dalha tauve…..
“(Gentheina akon Pathen bel ho avangphai…..) tunia nangjong,genthei kisa hing jong hing nom talou leiset’a kinepna him him nei talouva kigel nahi maithei ahi,,, hijongle nang gel khel lama,,naki thopi nom lampi pha nako mu dingin,,,nahin Ngailu Jesun na ngah jinge… naum naa konin hung kipan doh tan,”
“Leiset mihem mit’a vet dingin alhinglel penle alhasam pen,leiset mi jousen nahin dalha jongle, itih laiya jong nahin dalha lou,leiset mi mit vet’a hinve lou,,na PATHEN aumnai,,,, genthei hahsat jeh-in touden jeng louvin, genthei hahsat naa konin,pan thah la dingin ikitemuve,”
(THE END)
Ahin simchai jouse lungsunga Pathenin phatthei eibohpeh uhen, “GENTHEINA AKON PATHEN MUDOH,” naa ineicheh theina diuvin Pathen eingailu jinguva dalha louva eiumpi jingpao huhhingpu Jesu Christa khut thengin kahin lhan’e Amen.
©️Copyright
Thusimbu Machal jing thei na ding a pan lanom ho kipah tah in lem ahijing in ahi anoiya button “Click Here” khu meh utin details anasim ute.
