Love Story
Writer: S.Lien
Arrange: Naocy Haokip
Part – 3 (Final Episode)
Recap……..
A inuva kaga lut gotleh kot ana kisungkamin mipaogin kajah phat’in bang vangkah khat’a kagah vet leh Richard Nu le Pa atu abe hou tamtah kagah mutan ahi.
Chephat chun thudang ahitapoi tichu ka he jengin, aga thumu lela apeh teidiu hetsa ahin, Calorine in ipi ngaidan aneidem tibou chu het kanomin, ain compound polang uva kaki sel’in ka call leh nivei tah ahin cut kit nalaiyin, kati kalu athah jeng tan ahi.
Kalunggelin…..
Ipi dia ahin cut ahi de o🤔 inmaiya ka um lam hi helou ahidem
Common rooma tou ahijeh a acut ham oleh aroom sunga uma tunilhah a programe chu da-kisa val’a aka laitah ahijeh ham, ahilou leh, anop thou jeh a kakoma seiding ahet lou man ahi dem tichun kalung aboi lah lah jengtai,
Chelai tah chun Kholaileng hochu mailhai tah-in ahung pot doh lah lah uvin,
Ka gah ngaileh, Upa lang tah khat’in,
Aban leh itih a iche kit diu hamo afelsa tobang hijongleh khankho jui ngaidi hija thumvei beh iche thou thouvu ngai di ahin chaidoh vah a pha hilou ham na. ahin tileh Henge adih e Bepa seichu atiuvin, alu’u chu ngong gu poh sot sot’in a su lah lah jenguvin ahileh alah uva upa Neu kingkeng ngol thit thet leh kilom khat’in,
Kahe hih-e Anu leh Pan phasa lheh jongleu, Amihing Nu’u chu ka datmo lheh e, athusei chu nanghon najah lou maitheiyu ahin, aroom kot bul’a tou kahin, Anun aga kouva chu, Kaa pao neo nouvin, Nangtoh kicheng tauvang, nabol phat henhuna atichu kajah a kalung nommo kei ahe ahinti leh
Amit’uh ahah sal put put uvin ahi.
Che thu kajah phat chun ka-nakol 👂pal seng sungpi chu amaho langa chun kagah do in kagah like👍👍 hiti bol’in inlang kajon tai.
In kaga lut leh
Kanun: Mangpu ipi tiji nahim veikhat khat leh na mailhai heu houvin, veikhat khat lela na khip behbuh ji in Tulah hi koima hetlou chakhat’a hi ipiham boipi khat vang nanei dan ahe onk.
Kei: Henu imacha kaboi pi poiye,
Ka top-up beiya leh ka lunghanga hija hi
Jio sim jong hi apha e itileh Kuki UG ho banguva, igah pachat leh, achavai lang ana hilei,
Kagah ti laitah chun call hung chet, kagah vet leh Calorine ana hin, gah pick ding katileh, Kanun koi hamo ahin tin, kajachat man chun call ka cut’in,
Company hon ka top-up umlou chu, ei khohsah lheh danu ahe….
Ka-eh soh val’e katin Latrine’ah kalut’in kagah call leh,
Switch-off…..in anaum kit tai.
Call ka cut chu, a chanchin ka het jeh-a lunghanga ka cut peh ahisah jeh a switch-off hitei di ahin, gah kila jeng ta chu hileh o katin, khoh kasa lheh jengin ahi,
Ni thum(3) jouva ka call kit jong leh a off nalai phat’in thupha vang ahitapoi katin kakinep na jouse jong abeihel tan ahi.
A inn uva gache ding chula mi a didana um ahitah jeh chun kanom tapon,
Hapta khat jouvin kholai thua konin A pasal nei ding thu kahin jadoh tan, kholai kavale le jongleh kamu doh pon, ipi hileh aloinu Pahnu gadong inge katin ka ga che leh ama changin anaumin pon ana khongin ei mu mu chun,
Pahnu: Nathoh di hichu o Nangpa hi, ahin tin
Kei : Thohbe hih jongleng tu chan kathoh jonghi ka homtho hih beh-e.
Pahnu: “Kahom tho hihbeh-e”🙄
Ipi dia nilhah khat’a chu na inmai sah jep uva kona ka hin call uleh phone neitha khumu hamo?
Calorine thaset dan dan chu seidi jong helouvin amoh kaa jengin, che nilhah akon chun phone jong achoi tapon ama la kamudoh tapoi, chenilhah a chu Anu toh kinaova avon bag khat’a ahinpoh doh intin a inn uva lutkit lou dinga kisa hija, call na cut khum phat’a lhase val’a kaga thah lut kit thei nah nah ahi, tua vang akikhel ahi mai tai, Adong te toh amaho insung akihou lha ahi tauve, che masanga chu ama doh ngai di ahe atiuva, tua chu ama jong nom hita vehta, ahin ti tai.
Chephat chun thil umdan chu kasei peh-in ki pasal sah ham ham kagot vang in ka mitlhi khamjou louvin a chimlha jeng tai,
Chomkhat chethua chu ka houlim lim uleh Pahnu phone chu ahung gingin agah ven, Chiit🤫 ahin tin loud speaker in ahin koiyin.
Pahnu: K.. Phone nachoi kit hitam, tulah ihin call leh switch-off ahi jing keiyin,
Ahin call nu: Umm, ka choi kit hija hi, Imajong ka thanopna aum tapoiye
UMang hung leng kha lou hamo tulah,
Pahnu: Umm, kamudoh kha hih-e,
atin eihin ven, ame thim tet tut’in
Aseijomin , Oo veikhat chu ahunge, thukhat aseiyin Inna nahung lou leh kasei loudi hichu agah tileh
Cln : Umm, tun hung inge Kanu le Kapa jong aga pot doh chet’uve
Atin ahunglhung pai jengin kotbul ahung lhun phat’in eihin mun, inmai lang’ah ajam doh kit tai, Pahnun adel doh paiyin kei chu angol bangin kana touden gehguh-in
Pahnu: Kaa ngailou pichu, hunglut inlang kihoupi in, Na dongma cha lhona na kane ne lhon toh, ama jong khu kana lhep bi panbep ahe
Ati gin chu kagah jan ahi.
Ahin pui lut’in imacha jong sei masa louvin eihin kol’in achuti kaa tai, alhep je jong helou chun keijong ima sei louvin ka kinuh dup dup in,
Calorine in ama mitlhi kaineu nou chu don louvin keiya chu akhut nem ngih ngeh chun ahin theh-in hiti hin ahin seitai…
He-U, Nang tilou koima toh kicheng ponge, ipi dia nei thetbol hamo, Ka inkoten ipi seijongleu kanop lou na a chu kache louhel di ahi, Nakoma jong kaseisa hita lou ham, tunilhah a hi ka dalhah lou di nahitai, nanop lou leh neithat inlang eidalha tan, atin akap tan ahi.
Kei: Boi, Nanglou kinepna dang kanei poi, Nang jaolouvin kahinkho hi Pahcha bel’a kitu twi pehlou tobang kahi
Hijongleh O Boi, Humpi masang’ah Sa dang asohcha jouji poi,
Ven, Jingvalpa leh ahsi dang ho khu khovah masangin avah hoina jouseu in de let let jongleu jingkho ahungvah a amaho sanga avah (power) hat jo hungsoh ding kicha a mol dih deh jiu khume,
Calorine: Ahinai He-u Hijongleh ….
Humpi jongkhu hat lheh jongleh nehding amulou phatleh gilkel’in athiji tauve,
Ahsi ho jong khu, Nisa sohding phatleh mol dih deh jongleu Nisa lhum kit ding ngah a kinem tah-a umji hilouvu ham??
Kei: Nao, isei leh aban ban um ding ahi,
“GENTHEI KEI NEI HIN GELDATAN,”
Katin Kap pumin ka dalha tai….
🔚🔚 (Beita) 🔚 (Beita) 🔚🔚
“Chunlejo cheng phatsah louvin gel gelda maita hite, naphung channan hamjangpha maitan, ” GENTHEI KEI NEI HIN GELDATAN,” kati chun kam chengin seidoh jongle lunglaiyin athoh jou poi, tunvang nakeng neitan nopsah nan najui jing jeh-in kakipah-e, Calorine.
Note:
“GENTHEI KEI NEI HIN GELDATAN,” Love Story chu hichan hin akichai tai, abul’a pat ana sim jing ho jouse chungin kakipah-e, asim jouse Pathenin phatthei naboh cheh-u hen.
Thusimbu Machal jing thei na ding a pan lanom ho kipah tah in lem ahijing in ahi anoiya button “Click Here” khu meh utin details anasim ute.
