Love Story
Writer: S.Lien
Arrange: Naocy Haokip
Part – 1
Chavang laiya Mol leh Lhang dum dil del kah a khovui kai chii chei ho leh Thingphung len tah ana nou sit set chung ho a Saheilaidum leh Sahei jat chom chom pah ho chu ka ven gal langkhat langa U-leng ham det det gin kija chun, Ka neolaiya Kapa toh Loukon a kache uva nilhah lang leh thang a Vagih, vengke kamat’u kahin poh uva in kalhun uleh Bu le Me honmin sa a Kanun eina nga jilai nikho ho chu kagel doh-in ka lunghel’in, a umtalou Kapa ngaiyin ka mit lhi chu Jingdaitwi bangin ava chut chut jengin ahi, Kum som le get (18) lang kahitah vangchun Kapa ngaiyin chapang bangin kakap tan ahileh, Kanun Mangpu, namanga Napa na mu khat hamo ahin tin, kahung khah leh Kanun jong amit lhi ana kitheh chu kamu leh kalha asen, Kamanglam ahi kahet nungin jong ka bi theipon ka mitlhi achimlha hut hut jeng nalaiyin ahi.
Lunghel leh thomhao tah chun kahung kithou doh-in bu kaneh jouvun, Ka Naonu Themboi toh School kai ding kaki sauvin Kanu chun Von Second-hand New Bazaar a toupi din, katoh na cheh uva din ka kigouvin ahi,
Nilhah langin….
Ka buneh laiyuvin kanun ka koma jong a seikhah loubeh khat hitin ahin seiyin,
Mangpu Chapanga ka hin koi jing jeh-in, imajong ka hinsei peh khapon, kholaiya na umchan hi mi houlim na a ka jah-a konin kahin guh vet jingkei leh, Calorine khutoh aki-ngai khat tou nahiu hamo, naki lhon’uh kamu jap jap jin ahin tileh Kanao nu Themboiyin ipi ham khat sei go abangin Chiit🤫 kagah tileh athip kit’in, Kanun Ipi ham Chiit !! ahin tileh kaki veto uvin kame tet tut’un ahi,
Ahin seijomin…..Aki-ngai nahiu leh Kintah-in kikhen pi o, Eiho a ding ahipoi ama khu, anu Vet-len dan dan khu nahet lou hamo, a Nu khun hin hedoh leh na lujanga chu a-Eh athah jong kahe hih-e, ahintileh Kanao Themboiyin Kakidah val’e Phe!!! ipi ha buneh lai laiya kidah di nahin sei ima seibe hih jong lechun jong Beche hul me hi amo moa mit toljen a dining table gei tuh koma kival lut ham ham hija hi ati toh adindoh atho tai,
Kei: Henu, Kahenai kenjong,
Nahin seidoh ngal leh kenjong hin seijeng ing’e,
Ka Neolaiyu Class six (VI) kasim laiyuva kona kana ki-ngaiyu ahitan aman jong eimoh ngai jeng, keijong chuti ma chu kahin aki hel akijol jong kahi pouve,
Kanu: Chapang nahim katileh nana phah sang lheh dan hita chu o na?
Mangpu, akikhel kah-in kasei bang chun um uvo o Boi, ki-chapang ngai chu umthei ma ma ahi, ama chu kadei mo ahipoi, kei hi Mi Nute banga Ichapa chu Nungah jousen adei jeng ding dan dana kisah theipia mi Chanu moh dem dem kahi poi, Anu khu kahet chen beh a katija hibouva chu, akam a Khoiju valha, asung gil a Dragon cheng hikhu ahin tileh,
Kanaovin Wauuu👍 aseinal kit tai, akama khoiju valha asunga Dragon
Kanun: Thipmo nang tit tet jonghi, Kholai mi hon Mum loulaiya Pah kigo, ahin tiu hichu o.
Kanao: Anal cheh kittai twi ga khaiyinge atin belkhat a choidoh-in apot tai.
Apot phat chun
Kanun : Nikhat nia na loiho toh Picnic kabol’u ahe, nati nia chu, Ju nadonu hamo Khaikhomang eihin tin
Ka dip a phu dut jengin koiyin anasei doh’u ahi de o……🤔
Kei: Kadon poiye, Koi ha eimu ?
Kanu: Min eimu lou leh khoh lou na??
Kei: Henu kaloihon butui nading them chakhat donin atiuva glass khat kagah tep mai mai ahibouve.
Kanu: Napan athi kona nahin vailhah a chu Boi, Nangbou chapa chang khat’a kinei nahin Nanu mulou kah-in Ju ana don ji in ati hamo, atin adang seita louvin a kap tan, “Mangpu Pa, nachapa hi kaching jou tapoi neingaidamin, Hungkit jeng tango ipi dia aphat lou tah a nei dalhah-u hamo” ahin ti chu keijong ka kitim jou tapon.
Kei: Henu, Neingaidam tei teiyo🙏tukal na jahda mong mong bol kit ta ponge katin keijong kakap tai.
Hitia kahung kaa jeng phat chun Kanun, eihin koiyin “Boi, kahin it val jeh-a kasei ahibouve chetobang kamcheng chu Nanga kona jah ding chu Khal-twi banga ka-nga jing ahi,” Na judon chu sei dinga kaki got jongleh Nanao nu muhjol tittet jeh-a kasei nomlou jeh-a tuchan ka kituh ahi lungnom mo tah-in um jongleng ka maiso a nahet ding ka noplou jeh-a, kaki mailhai sah ham ham ahin, tua Nanao pot doh pet katia kahin sei ahi, ahin tin,
Kei: Henu, Lungnop lou nakhat nanei chu kahe nai, Tua konin nathu thun um tange katin, Ka Lupna lang kajonin kahung ki ngaito pan tai..
Ka lunggel💛
Calorine chula kangaiyin Kanu seidan chula Calorine Nu a kona het khat nei abang kit’in,
Calorine chu phone a
Kanun iki ngai ding aja nompoi ti ding la kinom kit lou,, Kanu koma la na thu thun um tange kiti kit, ka ngoldoh leu tan ahi.
Gah call mong mong inge katin, ka call leh ahung ki pick in Pasal aw khat’in, Mangpu, Caroline aga pot doh-e hungo, ahin tin, A awso a kon chun Richard@ Thangneo ahi chu kahe jengin
Ka lunggel 💛
Nangna umleh hungda jeng inge, Kei Nungah kichu kanom poi….
Koiham ei call chu kiti Numei aw khat kagah jan Nupi aw khat’in, Hatneikim, kon hin call leh na ipi di nati ham?? Kiti khat jong kagah jan ahi…..
Thil umding dan chu ka hejengin Kanu thusei “Anu vet-len dan khu nahet lou ham” ati chu kahin geldoh-in, Richard te chu Mihao sa tah amajong lekha them ahin, ki tet pi dinga chu ki-son umlou hel mikhat vang chu ahi.
Chephat chun phone chu Calorine in ahin lan, U-u Neihin call hamo? Kaphone ka charging a inmai langa kaga potdoh chu o, hungo Kolbu jong kahon ahe,
Kei:Hung ding chu kati hija ……….kanoplou…… hung nange leh katin ka che tai.
Inmaiya chun Bolero thahset khat anaumin akomtah a chun kei Yamaha RX-100 alui pa tah khat khu kagah koiyin kagalut leh Kaginchat dan tah-in Richard chu Calorine Nu chun ana khurum lou bep’in mailhai seo souvin ana houpi in, eihin mudoh phat’in Vohpi eh-nam ja bangin anah akhong thut thut’in amuh apih-dah vut vut’in ahi, Calorine taget chunla a Nu leh Richard chu mitlhep dil del komin eina nuisat tit tet’in, katou nading aboipi thu thu in anop nakhat la um kisonlel aumna khat la umkit,
Kalunggel💛
Richard , Nang Anu changin lang kei aChanu o 🤭
Richard chu Lekhathem tah ahitoh dungjuiyin miching tah ahin, Calorine angailheh vangchun, keimu chun angaibol nom beh pon, keijoh chu ei le lunghol’in, Calorine toh ka kah thu lhon chu a het beh jeh jong chu hiding ahin, ching kasa lheh-in ahi,
A Nu’u jong oi-mo aumlou na khat chu misei na a kajah danin,
Thinglhang a genthei tah a ana khosa a lekha jong simlou amin kisan jong jihthei lou, amel hoi mana Apasal khun a kichenpi bou ahin, Hao lom lom hih jongleu Sepai chu aje umjep teiyu ahileh ama khu a nungah lai to te a Thupi kisa val ta a leh chuti ahi atiu ka ja khan ahi.
Calorine chun a kolbu hon chu kong dimset’in ahin lui doh-in ahileh,
Anun Hatneikim kolbu hi athon a kimu hilou pi chu o ? Koineh dinga chujat jat na hin luidoh hamo, ahin tin
Achanu chun eihin ve jap’in chiit🤫 ahin bolin
Kalungel 💛 chenu hi ka ngailheh vangin keiya di chi hina di hamo.. ngailheh jongleng kikhenpi jengin a pha e, a Nu umchan pihi..
Achanu: Eiho neh ding hichula em, Kanu chip tah jong hi johdi ati kit hidi hija, Neuvo U Richard, U Mangpu ahin tileh anu chun Ha neh o Richard atin akong chu a gah kainai peh-in…
Richard in, Hin nai pheiyo Mangpu, nehdi ahijenge ahin tin, Neh lou ding la nomlou, nehding chula jachat umthim,
Kine hih leh Colorine chu akhoh pon, Richard in nommo sa ding ahi phat’in ka gah ne mai maiyin tousot ding chu Anu mit-heiya konin anop lou nakhat aum jeh-in Richard jah a, Bhai nang hungtou tadi o na, kei ka bol ding khat jong aume katin kahung dindoh leh.
Richard in Bhai tou tadi o pot doh khom naite atin, nilhah dangleh o katin ka hung pot thou thou tai,
In kalhunin ka lupna chung’ah kaki gel gel leh Calorine hi kaki khenpi louleh dihlou di ahi katin call tho leng Anun ja khante katin message hitin kajih tai.
Kasen ngai Kamil theilou Calorine,
Nakoma sei dinga kakigot loubeh khat Nanga ding kagel leh aphajo dinga ka ginchat jeh-in hin seimai tange.
Chapang hinkho imanlaiya konin, ina ki ngai lheh-in Nungah Golhang ihung hitan, tuni geiyin Kamse chan jong ina kihou khapoi, Lungtup molso a phatkhat teng Twi le Nga banga lenkhom ding chan geiyin jong kitep na ina neitai, ikitep nachu molso taleng, Keiyadin vang hiche kalvala kipana ding um pontin, hijongleh Nanga dinga Nung le Ma a na genthei kipat nikho hungsoh doh dinga kamu jeh-in, Sengolngai natdan he jing pumin Pathen koma ikitep lom jong ahilou jeh-in Lhap kitmo hiponte ti lungel kanei tai, Nangin jong phatah-in ngaito lechun hethemin nate tichu kakinep na ahi, Kenvang Nomsa tah a umding khat Gentheina gama puilut ding chu Ka thisanin jong ajou pon bol tei tei vang ka ngam poi,
Kaseinom atam val’in veikhat phat lemchang khat’ah kamcheng tah a seikhom kanome
Mangpha, Chibai🤝
Tin kajih-in kasend leh a vepai jengin hijongleh jan khoa ka-nga jong leh reply eihin bol tapon ahi,
Chephat chun ka phone Flight-mode in kakoiyin ka lum tai..
Kathu jih chu , ipi ti agel dem, pha-sa taleh Ka thohjou ding hinam, ka gah jih jeng vangin, ti hopou kagel leh Ka ih-mu thei tapon ahi, 1:30am lah in Ka message jih chu kaven, ka mit lhin eichup lha jeng tai, kathu sei chu phaje sa a ei donbut dijong nom talou hinte katin, Flight mode chu kagah lahdoh leh..
Calorine message khat a hunglut chet’in…..
Ka gah sim tai..
He-U Mang🙈
Tunilhah in hin donbut dange, ka lungthim ana val behseh e😭
Jingnilhah leh ……atin akhel chu a online tapoi
Ajing nilhah a asei ding chu ipi bepseu ahidem katin, ka lungboi lheh kit tai
He-U Mang nathusei chu ka lunggel hihih jongleh nang sei chu hin nel ponge, ati dem katin, ajingin nilhum keiyin, ima dang kalungin aumpon, nilhah kah chu dip-dom pumin ka-ngah jing tai.
Nilhah til 6:00pm chet’in Message ahung lut’in, kagah vet leh Caroline ana hin, kagah sim leh………..
Aban jingle simkhom kit taute, Part-one hichan hi ahitai.
Lunglut tah-a simchai jouse chungin kakipah-e, asim jouse Pathenin phatthei boh hen.
Thusimbu Machal jing thei na ding a pan lanom ho kipah tah in lem ahijing in ahi anoiya button “Click Here” khu meh utin details anasim ute.
