-M Mangcha Haokip @Che, Guwahati
Manipur a hi tupet in ivet le eiho area lah hi unbank areas tam pen dan ahite. Het man lou kah in naga le meilhei area ho hi bank/financial institution atam lheh tan, khantou machal na lam a dalhah a ium diu ahitai.
Lhangsung a MLA, CSO ho atamjo in jong social issue bou aboipi uvin, economic development boipi hi aum lou tobang ahi.
Eiho lah a bank branch alhom na hi infrastructure(bank branch building) ding jong ahah in, staff ho pansah na ding rented house ahah kit in, bank staff ho threaten/kidnap/demand ho jong ana um jep ji jeh in Bank branches akihong thah alhom e.
Bank branch umlou jeh in, govt a kon DBT jong ahiding bang hithei lou, gamlha tah a banking service avail bol a iche ule nikhat nikhotha mang jeng, bank a loan sang a percentage tam tah a sumthoi kila kit, business i set up nom hou jong finance na ding lampi umlou. Khangthah ho lunggel/dream le atoh doh nom hou- entrepreneurship support na ding um lou phat a, daily wages earner ngan hita.
Business alhom jeh in employment opportunity a lhom in, khangthah hon gamdang ajon un, genthei tah in showroom, service sector, labour works, security guard, etc ho ding in puhsui in ache un ahi.
Eiho gamsung a farm, tourism, trading, services sector, manufacturing tiho hi tuni chan in atamjo NIL tobang ahi.
Bank branch um lou jeh a mipi te gentheina, ahinading bang a development aum thei lou hi, Local MLA, CSO, Chief, UG ho in gamsung ngailut na jal in Bank ho co operation peh a, ahithei chan a unbank areas a hi Branch hon sah ding in phante.
