Home ST Kuki FLOOR-6,ROOM NO.6-VIII

FLOOR-6,ROOM NO.6-VIII

128
0
FLOOR-6,ROOM NO.6
FLOOR-6,ROOM NO.6

KHAAL TWI THENG Collection
presents

(Based on Horror story)

21th June, 1998 keihi Mumbai Munna lekha simjom dia kana kalson ahin, kaumna Munna kathilto ahi. A thusim isei masang uva igah geldiuvin mihem hi athi jouva jong alungset pen angaipen lhahlel jeh ajong alha langji Jong um inte tia Nagel khahji em?

Arrange by: St kuki & Nengcha
(7085383639)

(CHAPTER-8)

“Chomkhat jouvin nungah khat chu kagalmu in ama nungchu kajui juiyin ahile elevator Chung Lang a akal tou chu kamu in kenjong anung kajui in ahi hinla Aman Vang eimu theipon ahi. Kahung pot lhonle kei kana umna Floor-6, Room no:6 chu anahitai, chomkhat jouvin……”

…Somasa banjom.

Scene-18
MASANG A THILSOH ANAUM DANHO KAHIN MUDOH TAI.

Nungah khat hi kamudoh tan amachu mibang a kivop piding neilou lungneo tah leh kidim tah a hinkho mang khat in kamu in ahi. Avouso chula ei thinglhang mi toh akilouvin ahi.

Amanu chu kei umna floor-6, room.no.6 a anaum ahidan kamudoh theitan ahi. Amaho umna chu boarding ahin numei ngen um ahijeh un pasal koima lut ding phal ana hipoi, hijeh chun amaho lamkai ding leh avengtup ding aching tup le a pangdin Sister Claire Nun nuchu nganse na anachang in amanjong Warden tuh togom in hilai Munna Chun ana pansan ahi.

Nungah nu chu amin Vang kahe naipon amaiso vang eiho Lang mi ahiding Vang kagingmo tai. Amachu ahung umtil ahijeh chun alung ana neolheh in loileh gol jong ananei naipon hijeh chun jatdang hon ana munem lheh uvin ana noise lheh uvin ahi.

Amajong ahung umpeh peh in ahile mihem khat chu loileh gol neilouva kium theilou ahijeh Chun amajong akiloi piding loileh gol chomkah louvin ahin nei tai.

Hinlah mihem khat adia loileh gol kilhen khel kiti jong ahinkho set kipat nading jong anahi nomjin ahi. Hijeh chun amajong loileh gol khentum neilouvin hinkho ahin mang pan tan jatdang hon anoise na aphat dom khah leh tin a umkhompi College mate kol nungah hotoh ahung kiloi pantan ahi.

Hinlah aloi numei hochu itobang mi ahi Vang anahepon lunggel Mitcho chu anahitai, hijeh chun aman aloiho chu tahsan tah in neijong leh aloiho chun amanu suhmin set nading leh muset nading lunggel ana neijing uvin hinlah nungah nu chun ana hepha pon lungset umtah anahin kenlah kaga seipeh thei tapon amanjong eimu thei tapoi ajeh chu kalunggel a kaga mu ahi.

Chomkhat jouvin munchom khatna hin kana umkittan ahile chomkah louvin hiche nungah nu deicha kol Gollhang khat hi kamu kittan amapa chu miphatah danin hiche nungah nu masang achun aumjin alung sung avang nagilutna dihtah Vang ana umpoi.

Hiche pasal pachun adei chat tahjeh Chun nungah nu chu anahel in anajollin akiloipi numei hochu toh kitho khomin nasatah in hiche kho mulou nungah nu chu kol gollhang pading Chun apang chah kheh Jing uve.

Nungah nuchun apum gelthei louvang chun aloi hon ahatil valjeh uchun amaho kikah a kihetkhel naleh kitomona kilung nopmo na aumsang in atin hiche kol Gollhang pachu ananop petan ahin kingaipi tai.

Kol chu kol lungthim kol lunggel Jing ahijeh chun lungthim kichem tah in ahung um in chomkhat Chu nungah nu kitahsan sah nadin amasang angailu beh kisan thilpha ahilou leh agenthei nahoa ahin kithopi pantan ahile nungah nujong chun tilla anamoh nop peh-pehvang chun athil bolho jeh chun ahin lungset doh tan jat leh nam chom cheh ahilhon Vang in lungset na dihtah chu ahin chanlo tai.

Aman hiche kol Gollhang pachu tahsan tah in ahinnei pan tan alunggel jouse seinan atamjon ahin neipan tai. Hijeh chun khatpa ding chun alung gel Suh bulhit naphat ahung naitul tultan, alung gel bang chun numei nu kitahsan sah masat ding ati chu a plan jouse ahung umtan ahi.

Nungah nu Chula achung a ipi kibol ham Vang ana pum hetphah pon gelphah injong ananei pon lungset mitcho chu anahitai.

Nikhat hi hiche kol Gollhang pachun hiche nungah nu loiho akivop piji a umkhompi hochu akou khomin alunggel jouse ahinsei tai hiche asei jouse chu koiman amuthei pon kenvang aboncha kaga mudoh sohkeiyin imavang kabol thei poi, hiche aseiho chu ahileh “nungah nu umna boarding Munna chu pasal alut theilou jeh Chun hiche floor a aumkhompi akivoppi aloi numei them khat chu ahin kihoupi tan numei nu Chung a masang a pat lunggel ananei tahsa ngai chat naho chu aseitan itih leh kalut theidem? tihi aboipi pan chu ahitai. Sum in jolel aneilou jeh chun aloi numei hochu atildoh sohtan janteng leh Warden nu sister Claire round ahung chejou leh window kot ahin honpeh uva hiche konna Chu amaho hung lut thei nading u Chuteng leh adei angai chat u akibol uva hiche kah sung a koiman ima aseidoh loudiu kihetmo sah tah a akot cheh u akikam diuvin aloi numei hose sechu atil toh chettan aum diudan Jong abon chan ahilsoh tan sum tamthim khat ahoppeh soh keitai.

Kenvang athil seiyu athil bolgot u abonin kajasoh in kamusoh e hiche phatnin kenjong numei Nungah chu ka lung aseleh Jing in aumna munchu kadel pheiyin ahile amachu room sung a lung mongsel in ana um in a phone a akingaipi pipa to Chun ana kihou lhon tai.

Kenjong hiche kamudoh chun numei nuchu warning kabol gon kaseipeh gotna iti kakhot kajap a ama ijat vei kapen Vang in Aman aja thei tapon kenjong ama katong khathei tapon ima aphachom tapoi.

Hichun window Lang kaven ahile a dongma pa chu aloi mini toh aguh a ama um nalang jonna bang a ahung Kal uchu kamu tan kenvang ima kabol thei tapoi, numei nuchun la angaiya a table maiya atoujing laiyin khatho loi kihouna bang chun nungah nu umna kotchu ahung kikeu Tai hiche pet chu Jan Pung 11:45PM Warden nujong round hung chai Lang ahitan mijouse thip chetna a room cheh uva imu uchu ahitai.

Nungah nu bouseh chu a dongma pan ahin call jeh a akihou nalhonna hahna lai ahi hinlah a dongma pa chu amakom hung lhung a kot chu ahin keu ahitai. Nungah nuchun earpiece ato a laa angai ahijeh Chun kho ajavah pon kenjong nungah nu chu katijatpin ijoleh kot chu ahin hong khadem tin kalung gimpin ima kabol thei tah loujeh chun keichu kaul in eichup dentai.

Hinlah kot chu avel avella ahung kichup phatnin ahin jadoh tan nungah nunjong lungdong tah a kot chu ahonna agahve len ahile tijatah Chun akam ahung kisip in a dongmapa loite nichu amai ahin kitom lhonna akam anasip peh lhonna nahung pen leh atin chamcha chu avetsah lhonin ahi.

Room sung’a Chun ahin Kai lut lhonin ahile aning Lang khatna konna a dongmapa ahung lutchu amutan amanjong amahuh dohdia hung ahisah in amalang jonin alheiyin aga angkoi tan ahile hiche pet tah Chun khat tenin ahin nuisat tan a dongmapa Jong chu aven ahileh ahung nuitan hiche phat Chun amaho hi kithokhom u ahi tichu ahin hedoh tan akin Jing in tuolsenan akinei tai.

Amalang a pang ding leh apan piding aum Lou phat chun khat tenin akhot Lang khat khatnin ahung tuh gollhon in ahileh nungah nu Jong athanei sunsun Chun akitom in ahileh kot phung Lang a ahung jamdoh manin hichun ama umna floor 6. sung’a aloiho umna room hochu akeuvin iti akoujing Vang in koiman lah kot ahon peh tapon sum a atil chai ngen u ahiphat chun aloihon Jong kot ahonpeh tapouvin aloinu u kale mao bouchu angai tauve.

Ama hung bulu a hunglut a dongmapa leh aloihon Jong koiman apan pilou ding ahettah jeh uchun chomkhat chu amoh vet uvin aloi ho henga kithopi dia aka leh akou naho chu amoh vet uvin bol asugenthei lheh uvin ahi.

Chutia nungah nun aloiho iti akouva akot u akeujing Vang a koiman ahonpeh tahlou jeh un amajong last upai in toilet ward Lang a ajam tan ahile ahindel phei uvin numei thalhom Chang khat ahitahjeh in ema anabol thei tapon a dongmapa jaonan nungah nu tahsa Chung a tahsa ngai chat na ananei uchu ana subulhit tauvin gihna neipum in toilet ward Lang a lhase tah in ahin dalha tauvin ahi, ijem tia ngohna ahilouleh kholna ahung kineiya kiminphah na ahung um a ahile tunia sang a khohjo nahinkho Jong nachanlo ding thina chan natoding ahi tin gihna nasatah ananei kit un ahi.

Hiti Chun ahin dalha uvin khatho loichu ajamdoh kittauve. Numei nujong thachol pum leh lung lhadai tah in lhase tah in a room Lang a aluttan amajong akap kapjing tan achesa hoa a dongmapa anatahsan naho chu athah geldoh in tunia abolna toh agelin anatahsan natoh akikheh del jeh in alha asebeh seh in a room sung achun akap kapjing tan ahi.

Akilha set nachu atang thei tapon akap kapjing in aloihon abol natoh koiman ahin panpi loudan ho ageldohjin koi kilhamon na umtalouvin akige gellin ahile apah hoina jouse jong achul jou ahi akihet phatnin a lunggel ana sang lheh tan amadin kinep na mong2 ana um tapon jingle thaiya mi muset ding leh seiset a aum ding ho akigel doh tah jeh in ama gellin kahinlo aumtapoi thileng keidin damna hipen inte atin ahinkho chu kingaiset najing a adim phatnin ajonan a room sung’a pon banna a kinei tinggui a Khao chu akichoiyin toilet ward Lang chu ajon tai kenjong hiche chu kagalmu in hinlah akom chu kaga naithei tapoi, khamding iti kagot Vang in kei chu mangneiya hung kanahijeh Chun humpi haneilou tobang bep kana hitan ima kanabol thei poi.

Toilet ward Lang a last row Lang a akisuh setna mun laitah a Chun agalut in achung a fan kikhai namun khatna chun akhotna Khao ahin khichu kagalmu in kot akikam khum a khatvei “kathi jounung leh phuba kalah thou2 ding ahi” tia gal akon apen toh akaa atho a bang vong kah a kiseh dotdot a ahung kikhai lhah chu kamudoh Tai (amale ama hinkho anakilah Dan ahitai).
Hiche pettah chun akom avella light bulb ho Chu ahung phejap japtan bannei Cha row khatna ahung pokeh a ahung thi phei-phei chu kamutan keijong kichat tijatnan eibom in keikom ahinphah Chet Chun Sister Claire Chun eihin koukhah in keichu houin sung’a table maiya kanatou ahichu kahin kihetdoh in kathil mudoh hochu kichat tijatnan kadim Jing tan koiman anamu phahlou khat chu keibouvin kagamu ahitai. Hiche chung Chang a hi koiman anakhol dohlou lai tuchanna hi ana kihelou lai ahi.

Sister Claire Chun eihin dong in ipi pi namu em? Namudoh hochu nahet soh hinam? Namel chih hinam? Imajouse nang khotna um ahitai ahintin kenjong kathil mujouse abonchan amachu kasei sohpeh keitan ahile kaseijouvin sister nuchu anung kin Jing in lunggim nakhat ahin neipei Tai. Hiche chu ipi jeh ahi kenvang kahe pon kadong in, “ipi itiham? Hiche jouvq athi jouva ipi pi thilsoh um em? Um nalai em? tin kadong tan ahile amanjong atijat naleh hiche thilsoh kamu jouva thil umdan ho keikomma ahin seiyin hiche thilsoh jouva thil ana lhung jouse keimu banjom in ahinsei kittai.

Aban jomding…

Upcoming: (CHAPTER-9): “Hiche nungah nu lha chu alang Jing in Satan thahat natoh kitho a hiche nikhoa pan analajouse thadia anahol Jing ahin chuleh mi thina leh vangset natoh ahung ha tam phatna hiche boarding chu meiya anakihal lha khah danleh hotel a ahinsem uva thilsoh ho” inasim kitdiu ahitai.

▪️ Ngailut temna: koitobang hiche kahin sutna a tuchanna pontho tah a hinsim jingho Chung’a kipathu kahin seiye, nang hojalla kahin jihji thei ahin like leh Comment ding lhasam poute nang hoa konna nasim nomnau thu akijah teng jihding Jong thanop aumchom jilheh e hinlah keiya dinvang akan behseh pon hichan ihung geinau Jong nangho jal ahibouve. Lungset tah in neikithopi nau vetsahnan kenjong YouTube channel khat kahong in Amin chu ©”Khaal twi theng media” tin kahong in nei kitho pi nauvin analut uvinlang like subscribe leh share anabol tei2 ute.

Thusim hi anom lheh e nati le anoiya “LIKE” button khu meh in writer ho na support nau vin, chule seinom nanei le anoiya comments nahin bolthei u ahi.

Site nalut a notification pop up hung potji ho allowed anabol ji uvo maban a thusim thah ahung ki post teng notice namu ji diu chule Bell button a subscribe kiti chu meh un.

Previous articleNENGCHA, NAVAIGEI TAI-III
Next articleTAONA HI PATHEN HENG A NGAICHAT THUMNA BOU A NAGEL HAM?

LEAVE A REPLY

Please enter your comment!
Please enter your name here