Home ST Kuki FLOOR-6,ROOM NO.6-VII

FLOOR-6,ROOM NO.6-VII

152
1
FLOOR-6,ROOM NO.6
FLOOR-6,ROOM NO.6

KHAAL TWI THENG Collection
presents

(Based on Horror story)

21th June, 1998 keihi Mumbai Munna lekha simjom dia kana kalson ahin, kaumna Munna kathilto ahi. A thusim isei masang uva igah geldiuvin mihem hi athi jouva jong alungset pen angaipen lhahlel jeh ajong alha langji Jong um inte tia Nagel khahji em?

Arrange by: St kuki & Nengcha
(7085383639)

(CHAPTER-7)

“Alex in eisehpeh bang chun jingkho hungvah sun lam hin kaloi teni kaseipeh in Catholic Church Street.4 Mumbai munchu kajon uvin Sister Claire nun anahi chuleh masang a Warden nu chu kahin kimupi tauve.”

Somasa banjom…

(Scene-17)
NUN ANAHI SISTER CLAIRE CHU KAHIN KIMUPI TAUVE

Hiche mang kanei jouchun kale emut their tapon kaloi teni chutoh chun jingkah chanchu kahah khovqh tauve. Ken jong kaloi teni chu ka mang a Alex in eihung kimusah danho thilsoh chu abonin kaseipeh tan ahile keiho jong hilai Mumbai Street-4(Catholic Church) munlang chu cheding lung kago tauve.

Jingkah ahung hihin College jong che talouvin bu matah in kakihon uvin kaneh jou uvin kakigong uvin Street-4 lang jon ding in kakisa tauve. Keiho chun amunle mol kahet loujeh uleh kache khah loujeh uchun Taxi khat hi reserved din kakisei uve.

Taxi driver pa komma Street-4 (Catholic Church) munlang a neihung thah theidiu ham? katiule hiche taxi driver pa chun tijatah in eihinve uvin “Kanom poi,keiho dia hiche lang zone khu prohibited (akiphal lou ahitai) chuleh koima jong moh cheche lou ahitai” ahinti.

Hiche ahinsei jouchun keiho jong kakivetto uvin kalung u adonglheh jingtan hinlah chelou thei kahitah loujeh uchun keihon jong taxi driver puchu phaten kakihoupi uvin kajol uvin eihung thah doh uleh a bahara seijat sang a tamjo pehdin kakihoupi tauvin ahile hichun amajong ahung nom tan ahi.

Keiho jong gary sung a kahung toudoh uvin hiche munlang chu kahin jotpan tauve. Lampi kahin jot sung uchun Driver pajong chun eihin houpi uvin lungdong tah in “ipi mong-mong boldia nache got uham? Naote ho!” ahintin keihon jong kache najeh uchu kamoh seipeh pouvin kalep lele jing uvin avah a cheding kahibou uve kati peh tauvin ahi.

Hichun amanjong vanading dangjoh kihol uvin hilai munkhu mun hoilou munpha lou tah ahitai. Government leh archaeological lang a thepna neiho kitho uva hilai munkhu Prohibition zone a akoiyu ahitai, ave a cheleh aga visit hojong dam a hung kileji louvu ahi. Nache jong leu Khojin masang in hung kilego tei-tei uvin” tin euhin seipeh uve.

Hitia kihoulim toh lampi jot kahin koppeh leu chomkhat jouvin mun thiplang khat kalhung tauvin hiche mun chu Old street-4 Munbai adia aganing koilang peh chu ahitai.

Hiche mun chu ka hung lhung pan tauvin, hiche khosung chu kahin jotpan tauvin kichat tijat aumlheh in ahi. Amun chu athiplheh jing in sunlai tah lhung kahi vang uvin amun chu ngengsi gin tei thildang ima akijapon, khosung chu masang a mi anachen lui namun khatnin aum inn sedeh masang a khonom tah anahichu tuhin munhoi motah mun tijat umtah asohdoh tan ahi.

Khosung chu kahin jotchai tauvin.. Driver pu chun lampi lailung khatna ahinkham in hichun keiho jah a nasei namun uchu ilhung tauve. Gah che bejap uvinlang hilai munna khun kihai lut lechun namu diu ahitai atin bahara kapeh jou uvin amajong akinung le tan ahi.

Keiho Jong kahung pot uvin eikopeh nalang uchu kahin Jon uvin ahile gate lenthim tahkhat kamu uvin gate kotchu ana kikhah in akom a sign board achun Street-4(Catholic Church) tihin ana kitah in anui Chet a chun warning sign khat akitah in hiche Chun “Don’t enter after sunset” tihin anakijih in ahi.

Keiho Jong kalung u atheh tan Jing in hinlah mission neiya hung kahitah jeh uchun gate kotchu kahin khen hong uvin kahung lut tauve. Hichun lampi chu cemetery in ahop in kahin jui-juileu masang a Alex thilong anavui namun uchu kahin mudoh uvin alhansong chu analui lhehtan ahi. Amalhan song achun kahung kibangpa uvin a cross achu hetthei beh umkha diham?tin kavet levang uvin amin teilou thildang ima anakijih pon hiche phat Chun keihon jong kahin dalha uvin cemetery komma Sign arrow mark a kikoh road to Catholic Church kiti munlang chu kahin jonphei tauve.

Kalhun uchun hiche houin chu mohmoh houin hilouvin lentah leh thupi tah khatchu ahi hiche chu kaga mudoh tauvin, ana thim chetnin kavet toutho tauvin huise ahung Lang in kolphe ahung phelap lap in kichat chat aumjing in ahi.

Hiche munkim vellah chu a thipchet Vang in hiche houin sung hochu candle meivah in anasal henhun in kagalhun uchun nilhah lam Pung 1:45PM vel ana hitai. Hiche ni weather chu gu ajuh Chet louvang in ajugo tobang in aum in keiho umna lhang sese chu meibol in ahintum jingtan gal apat koima akimoh muthei pon torch light a sign leh light vah akon bouvin akikihe theiyin ahi.

Gah lutdung Katiuvin hiche houin kotchu kagah hong go in ahile hetman loukah in kakom uva lartine hin kidet a keiho Lang hinjon pheigo mikhat chu kicheh mosesun kamu un, kaloi teni chu akichalheh lhon tan hichun kenjong koi hiya ipi mong2 hintem? katin phatah a kagah vet leh masang a Mumbai kahung lhun tilla kapu patoh kaum nading mun room eihung hil lhon tehsepu chu anahitan ahi.
.
Hiche phatchun kaloi teni chu kaphoh in “kichat angaihih e amahi mipha ahibouve ken kahet mi ahi” katipeh in ahile ahung hainem dom lhonin hichun tehsepu Jong keiho kom ahung lhung tan kenjong “hepu, hilaiya tutah ipi nahung bol ham? nachang a nakicha louham?” katipeh in ahile tehsepu injong “chapa keidin kisa lunggim hih in keihi eitih a hilaimun veng tuple a anapang peh Jing kahi, nahung lhun ding hi Mumbai nahung lhun apat kana mu masat ahitai, keijong tuni nikho hi kana ngajing ahi nang bouhin hilai munna konna neilhatdoh thei diu ahi, ahin tin kenvang ipi aseina hi kana henai pon ijolang leh kahinsei ding ahie.

Phat chomkhat hitia kakihou Lim jou uchun houin sung akonin aw..kithong jejun eihung kikouvin kalut got leu, gal akon Chun Mangboi nang bou hung lut in eihung kitin” hiche phat Chun kaloi teni chu houin kelkot maiya kakinga sah tan hinlah kaloi teni chun ijole boikhan Nate eiti lhonin eilung gimpi lheh lhonne hinla kenjong kaseiyin ima tiponte Alex in einganse nabang a che kahi in Aman eiveng Jing nauve katipeh in, keibou chu kalut tan houin sung kaga lut Chun hiche Nun nu sister Claire chu houin kulprit Lang nga in ana dilsun ana taojah Jah in ahi.

Kenjong kamoh suhboi nomlou jeh Chun akomma a bench ho khatna Chun katou lha in kangah tan, chomkhat jouvin Sister nuchu ahung ding doh tan kilang jonin ahung in ahile amachu ana teh lhehtan ahi. Kei eimu muchun” Mangboi chu nang nahiham? Eihin tin” kenjong “Sister kahie” katileh kanung hinjuiyin ahintin room khatna eiki juilut sah in Ken Jong amanung chu kajuipeh in room neosung khatna ejpui lutnin round a candle tampi ana kitung chu kamu doh tan Sister nunjong kotchu ahinkhah in ahile keijong kati ajathim tan, kaloi teni chu i-atidem katin kadong in ahile Sister nunjong ima boipon te touna achun touvin atin katou tan ahile kot leh window hochu ahinkhah tan abonin “ibola nakha ham? katile nanung jui aumme tihi nakihet loulai ham? ” Ahintin keijong Kati ajalheh in kamoh toutai.

Chutia kot leh window ho aboncha ahin khajou chun amajong touna khatna Chun ahung touvin table Chung’a chun “nakhot inpe tadin ahintin” kenjong kakhot Lang khatchu kape in ahile amasapen in kasou chu ahin tham in namit sing in Lang ipi namu em? Na thilmu jouse chu hilai note book ahin sundoh in atin note book khat Chu eihinpe in ahi. Hichun ka souchu ahin jutle pantan kenjong kamit kahin sin pan tan kasin sin Chun kahet khahlouna muthim jing nuilang lab hetkhah Lou na Munna kagah lhung tan kache beben ahile keiho umna hotel chu kaga mutan kana umnau chu hotel hita louvin numei Chapang ho umna boarding joh anahitan ahi. Hichun kagalutnin ahile Sister Claire Jong ana khangthah nalaiyin numei ho vengtup le a Warden a ana pang in ahi. Chomkhat jouvin nungah khat chu kagalmu in ama nungchu kajui juiyin ahile elevator Chung Lang a akal tou chu kamu in kenjong anung kajui in ahi hinla Aman Vang eimu theipon ahi. Kahung pot lhonle kei kana umna Floor-6, Room no:6 chu anahitai, chomkhat jouvin……

…….aban jomding

Upcoming: Chapter-8(Scene:18) “Hiche kahet khahlouna Munna Chun masang a ka room sung’a floor sung’a thilsoh jouse chu kahin mudoh sohkei tan ahi.”

Het louva khoh: Ngailut jalla ka thusim jih ejna simpeh jouse Chung’a kipathu kahin seiye tulah phailei bol khohlai ahijeh in deibang in phat ong kanei theiji pon aban simnom a continued ding nom jousen hin Comment cheh ute keiya dia imavang Phat chomna aumbeh pon hichan kahin jih thei najong nangho jalla ahibouvin, ka netpack Jong date 5/07/21 leh kichai ding ahitan warning eihung kipe pejing tan koitobang eikithopi nom a eingailu aumle nei kithopi nauva neihin kappeh theiyu ahie. Chutile kenjong tanglouva kahin jihpeh Jing thei ahie.

Kakipah’e

Thusim hi anom lheh e nati le anoiya “LIKE” button khu meh in writer ho na support nau vin, chule seinom nanei le anoiya comments nahin bolthei u ahi.

Site nalut a notification pop up hung potji ho allowed anabol ji uvo maban a thusim thah ahung ki post teng notice namu ji diu chule Bell button a subscribe kiti chu meh un.

Previous articleMEL MULOU LANU-II
Next articleDOCTOR THEMTAH A CONSULTATION FEE JONG RS 300 CRORES CHU KOI HAM?

1 COMMENT

Comments are closed.