Home ST Kuki FLOOR-6,ROOM NO.6-VI

FLOOR-6,ROOM NO.6-VI

224
4
FLOOR-6,ROOM NO.6
FLOOR-6,ROOM NO.6

KHAAL TWI THENG Collection
presents

(Based on Horror story)

21th June, 1998 keihi Mumbai Munna lekha simjom dia kana kalson ahin, kaumna Munna kathilto ahi. A thusim isei masang uva igah geldiuvin mihem hi athi jouva jong alungset pen angaipen lhahlel jeh ajong alha langji Jong um inte tia Nagel khahji em?

Arrange by: St kuki & Nengcha
(7085383639)

(CHAPTER-6)

Somasa banjom…

(Scene-15)
ALEX IN ATHI MASAT DING THU ANASUT MASAT.

Hiche anaum Khompi kol hochun a hinkho thusim akiman chah jidan’u ahinsei chai uchun kei chu kalung aboicheng tan, amacham a moh thi hilouvin ipiham khatjeh avang thi hiding Chun kahin gingcha tan masang a ka room chu ama umna anahijeh chun kenjong kahung lhun tilla room sung’a anaumsa thil lello luiho kana hedoh kana koidoh hochu kahin geldoh in ama evidence neokhat beh kamu khah leh katin lekha lui kana koina mun drawer sahlang chu kahin hol khucheng tai.

Photlot a thil kahin hol phatchun kaloi hojong chu atiu ajalheh in keum chanchu chomkhat amoh vetden tauve. Hiche sung chun kenjong holna thei chan kahol in imavang kana mudeh kit tapon, chupet na ima kamulou hitam katia lungkham tah a kadeh kakisot a kaum jing laiyin lekha luiho chu kaphit le in apeimang toh ahol kakop jingle nga tange tia kagah koidoh got chetleh lekha neokhat notebook sung khatna konin ahung khelhan hichun kenjong ipi lekha hiya katin le koidoh ding kagot leh hiche lekha chu moh lekha anahi taopon thisan naisan a ana kijih Alex adia last letter chu anahi.

Hiche kamudoh chun kakin jing in kaloi honjong eihin dellut uvin tijatah chun kakivetto uvin kilungtoh tah chun hiche lekha a anakijih chu kahin simpan tauve.

Hiti hin anakisun e:-

“Keima hi kamin Alex ahin kaum na Saikul Naphai lang ahi. Kanu kapan chapa Changkhat tia 1993 Kum keiho dia Naga gal akhoh jing lai ahijeh in ka lekha simding eina khohsah pehlheh lhonin Mumbai munna ka lekha simban jomdin eihin sollhonne keima jong Mumbai munna inbahara hotel khatna room kana kilah in kanaum in hilai munchu Floor-6, Room no.6 akiti. Kahung umtil chun keima jong kalung ana neolheh in kakivoppi thei kajat chankhompi khatjing Cha jong kamupon umjong ana umpoi, hinlah phat chomkhat kahung umjouvin kajatmi hilou kakinaipi room a mi phabep toh kahung kihetto tauvin nom kahinsa pan in ahi.

Kahung umnau lhakhat lhani jouhin jankhat kaumna mun u Floor-6 lang ka toilet munlang uva chun pampot din kanachen ahi. Hiche nijanna ipi ham jong kahetdoh theilou thilkhat kamu doh in ahi, toilet sung’a kaumpet hin kaumna toilet pamlang akonin kabanna um toilet chu pohlah lah in ahung kihong in kengto nung gin akijapeh in ahi hichun keijong kalung atheh in jannoiya kaloi hokhat toujong hung ahidem katin toilet akon chun kahung pot kittan kaumna banna toilet Chula kavet leh kot anakikam chu chabi honsan anaum in ahi.

Kenjong koi hung potna nung hintem? tia kotchu kagah hol in ahile kahin khoa jong kanato khahlou beh janmang a matdia jong deium loutah toilet sung’a konchun Sahlang konin kikhailih sa amonsa nungah khat kanamu in ahi. Amaichu asam in akhujeh chun amel tahbeh kana muman pon tijat kichatnan eibom in ka bucket kahin dalhan kanajam e.

Hiche pet chun room dang a um kaloi ho chu kakoutan amhojong ahung pot doh uvin ipiham tin lunggim tah in ahung pot uvin keichu ima kanasei doh thei pon toilet Lang a ka thilto joh chu gathah vetdin kaloi ho chu katem in toilet kamu nalang chu kakopeh in kagah vet leu ima anaum kit tapon kotjong chu chipeh a jotpi toh anakikil be a anaum chu kamu tauvin, keichu atot kabang tan kaloi hochun jousei danin eigel tauve.

Hichun keijong kalung adong lheh Jing tan leiset a sahem toh kicheng khom ahivang kahe doh tai. Kalung dong manin kamoh nuilhah jingtan abang in angol eihisah tauve.

Hiche nijan apat Chun kalung gella hiche thubou kathilto bouchu aumtan kalung mitna kamasang a numei khat ahung kikhei lhahbou chu kamu Jing tai. Hiche nijan apat chun kanung juiya eivelhi Jing khat aumme tivang kahetai. Ama chun eihung vilji jiteng leh kalung gel akisuhji pon angol kabangjin ahi. Hichun eihin suboi peh jingtan eihin imutsah theipan tapoi.

Hijeh chun keijong chomkhat khat angol kana bangji tan, kahinkho genthei nan ahung pang khatan, college ho chethei talouvin kana um in ka phatdom khahle katin pharmacy a damdoi guli Chang kaga kilah in hichu kanehji teng ahung phadomjin kho kahin hethei domjin ahi.

Engbolna nasatah katojing vang in hiche kathilto Chung chang hi kholding in lung kanagel in kana khol in hiche sung chun lungdon naleh tijat umtah tah thil kanamu in ahi. Hiche eisuboi jing chu koi hiya ipijeh a eihin suhboi jingham tichu kana lunggim pin nasatah in kana khol in ahile ka thilto jiho teilouvin imadang amatdoh nading kana mudeh kit pon keidin lung thim kichol naman phat anaum pon ka lunggim na kibe nakah in ka damdoi neh tablet Chang jong kakineh chaikon Cha ahitai.

Hiche hapta khatsung chu college jong kana che tapon kot kakikam a kachang a ka room no.6 a umden Jing chu kahi.

Thil kakhol gotvang in kajou tapon thale Jung lhasam tah in kaum tan, keimatah injong kahin sotlou ding kakihet tan kapoh gih ho hilai lekha note neocha a kajih ahin khonung a ahung umding ho ding gelna jalla kahin kho kakilah masang a kahin jih ahi.

Chuleh hilai room.6 hin eiheng tangden khat aumjing jeh in keiman kathoh jou tapoi, koi hijong leh hilai mun hinlo ding jouse dam a asoh Cha hung umlou ding hi kajan mang in hiche eibol gimnu hin eina musah in, chuleh kathi nung teng jongleu ka lhagao houhi hilai Floor-6, Room:6 Munna hi kakihen tang den Jing did ahitai. Eilhat doh diuva mi a hung dingkal kangah Jing nalai uve. Hiche lekha peh neocha hi nahin simdoh teng leu keivang ana um taponge, hinlah kabei jou nung’a hiche lekha mu naum leu kahin panpi jingdiu nahi tin hiche lekha kisun akon chun kahin simdoh tauve.

Scene-16
KEIMAN KANA MUTHEI LOUVANG IN ALEX LHAGAO CHUN EINA VEN JINGDAN’U AHI.

Hiche lekha peh Alex in amale ama hinkho akilah masang a anasut chu kasim doh jou uvin kakivetto uvin ulkai leuvin tijatah chun chomkhat kamoh touden tauvin, hiche pet chun kalung sung chu Tv kive bang in Alex lekha sut kasim jouchun bannei chan kalung sung a Chun masang a thilsoh ho kathah geldoh in acham a fan hattah a anakilha jiho chuleh Floor-6 Lang a toilet lock kibol namun Lang akon kathilto bouchu amasei toh ahung kibang sohkei tan, hichun hilai munna vang thilha thahat tahkhat vang aumtai tichu kahedoh tauve.

Alex lha chun eibol gimji kana hisah manvang in amachu hitalouvin ama masang a anathi nungah khat lhagao Vang ana Lang masatai tichu Alex thiljih akon Chun akihedoh thei tan ahi. Amanjong keiho tobang a achang a anatojing a aloi agolho komma seidoh manlouva ahinkho anabei anahitan ahi.

Alex chun kahetlou Vang uva hiche Floor-6 toilet Lang akon Chun phatah in eina venjing dan’u ahi. Chuleh hiche koi ahi kihelou lai thilha nungah nu lhagao chun kei umna Room-6 chu a Target Jing in hinlah keihon kamit uva kana MUTHEI louvang uvin Alex chun eina venbit jing uva hiche lhagao hattah nungah lhagao akonna Room a ahung lut thei nalou dia eina kithopi Jing dan’u ahi.

Room sung’a ahung lutkhah ngei2 leh kei hinkho Jong next Target a aumtah jeh Chun akichai thei dinmun kon chakheh anahin ahi.
Hiti ahiphat chun Alex jong hilai room sung’a ana kikhailih ahijeh Chun amalha gaochu ka room sung’a um nalai ahichu kahin hedoh tan Alex..Alex..! tin kakou pantai hinlah hiche pet Chun eina kimusah pon kaum nai ti hetthei nading chun fan chu amacham in ahung kilha in ahi. Hichun kaum jing nalaiye tichu signal ahinvet sah ahi.

Hiche petna Fan aCham a ahung kipei Chun masang a Alex in anakiloipi aloi hochu akicha theilheh uvin, hinlah chomkhat jouvin acham in Aki off kittai.

Hiche thilsoh Chung chang’a vang hin nungah nu lhagao chu ipijeh a analang ahi akihe naipon a thusim Vang umtei din kagingmo tan hinlah Google a kahol kitvang uvin masang a hilai munhi Boarding ahi tibou akipe in source dang thilsoh aum e tivang imacha kamudoh pouvin ka lung agim lheh in ahi.

Kol hojong a room cheh a kasol tauvin kho anajing mantan kaloi hotoh keijong ka room uva Chun kaum den uvin keichu ka laptop toh kakiseimo cheng in kakijam in kalung a thil umchan ho kagel Jing in ahi. Kaloi teni chun bu nedin eikou lhonin keivang kalung gel akichol Lou phat chu budu najong kanei Thei tapon kakijam a kana kigel gel jinglaiyin hetman louvin kana imulhu tan hiche nijan chun kajan mang a Alex chun eihung kimusah tan kalung gimna a eikithopi din ahinseiye, hiche nijanna eihung kimusah chun Alex in kakomma, “Sopi.! Mang keiho Jong hilai Munna konin kapotdoh thei tapouve amanu lhagao hattah hin eihen tangden Jing ahitai, keiho Vanna kile thei nadin mopohna lentah naneiye tihi sumil hih in, ven…! hiche nungah nu thu hi kana kholgot Chun keima Katha ana lhasam tan kana hedoh jou tapoi hijeh hin kei boljou loukhat nahin boldoh a nungah nu thu hi kicheh tokah a ihet masang uva sochatna Vang ahamsa lheh e, keima hi hilai Room-6 sung bouva Tha kanei ahin kotbul apat ima kabol theilou pot Jong kapot theilou ahitan ven.. thil khat naseipeh Inge, keiman kadam laiya kana kholchun hilai munhi masang Chun Numei ho umna boarding anahin Father ho nganse nanoiya Sister Nun phabep vetsui nanuiya anaum e tivang kana he in, aban asung thu hetbe nadin Masang a hilai munna Warden anapo sister Claire komma gache in amakomma thuguh tampi um inte keima kana che manta pon tun nangma keikhel in jingma male avaigei kah in amanu umna Catholic Church Street.4 munna gachen amanu chu houin sung Lang a anaum inte gakimu pi tan keiman Jong kithopi thei chanin nahin kithopi jing nange ahintin Alex chu amang peipei kittai. Hiche pettah chun kahung kinkhang in kana haisam dehchetnin ahile kakom a kaloi teni Jong ahung khangdoh lhonin table a twi chu kadon in Alex in eihung kimusah a hiche che ahi tia athusei jouse chu kasei peh tan Jing khovah Kal kangah doh tauve.

……ban jomding

Next upcoming: (Scene-17) “Alex in eiseh bang chun jingkho hungvah sun lam hin kaloi teni kaseipeh in Catholic Church Street.4 Mumbai munchu kajon uvin Sister Claire nun anahi chuleh masang a Warden nu chu kahin kimupi tauve.

Hello.. hello…!
Ka thusim simnom fans jouse komma kahin hetsah nomchu thusim hi deibang in masang abang in phat ong kanei beh tapon ajih Naman phat ahahsa lheh tan Asim Vang nomji nante hinlah ajih Vang ahahsa jilheh e jihlou ding katiji teng asimnom phabep ngeh hat najallin kahin jihjom theiji nah-nah in koi hileh tua pajong hi aban Chapter-7 i-continue diuham? nang ho khotna akingam in hin Comment cheh ute. Asim jing khat kahinai ti versahnan comment nalunggel u hinsei uvo.

Thusim hi anom lheh e nati le anoiya “LIKE” button khu meh in writer ho na support nau vin, chule seinom nanei le anoiya comments nahin bolthei u ahi.

Site nalut a notification pop up hung potji ho allowed anabol ji uvo maban a thusim thah ahung ki post teng notice namu ji diu chule Bell button a subscribe kiti chu meh un.

Previous articleKOIMA JONG KATAHSAN TAPOI
Next articleMidang nangailut masang in amasa in nangma kingailu in

4 COMMENTS

LEAVE A REPLY

Please enter your comment!
Please enter your name here