Ipi a kikheh na nahet kham em?
Pass hi anop dan leh fail hi a nopmo dan.
Asun:
N.Lhungdim
Thangting House
Molnom-West
Date-17/06/2020
Examination kiti hi school kai simlaijousen ipi tina ham ti ahetsoh kei uh ahi. Hiche hi bailam tah a hitin kum khat a lekha kihil leh kisim chu kum lhun phat leh vetchil na ti tobang hiche va chu alhangpi a 100 lah a 30 noilang muho tobang chu a fail ahi ti hiche va hin a division 3rd division, 30 to 49 % 2nd division, 50 tp 59^
1st division 60 % chung akitin 75% lhung ho chu letter mark akipe in 50% mu hohi 2nd division akitin ahi.
Exam kiti hi aum leh pass leh fail um ding mong ahi tukum in
BOSEM noia HSLCExam 65% bou apass e akitin ahi. Hiche hin avetsah chu 35% ho chu a fail e tina ahi. Hiche hi kum dang to tekah in anem behseh pon ka hetkhel lou leh kum khat chu 33% bou a pass kum jong ana um in ahi.
Manipur a alhangpi in a pass umlou nabeh Govt school jong aum in chukit leh Govt. school hohi a percentage pha um pon ahi. Percentage pha akimkhat hi private school ngen ahi. Hiche jeh ahi nu le pa ten nei hih jong leh ahol thu thu a hahsa tah a Private shool a achateu akaisah ahi. Churachandpur a percent hoi a akithang phabep aum in hiche ho lah a aminthang pen khat chu ,Salt Brook School ahi. Kum dangin 100% pass ana hijui jong leh tukum inchapang 4 in compartment amu jeh jin 100% ahijou tapoi tin a Principal pao Pu Vanlallen Haokip akilhaset [lamentation] in ahi.
Tuni a isei nom uchu keima hi tulai a brilliant student iti hou kana
hilou vang in kahinkho sung aExam lekha kasim til apat khatveicha Exam ka fail khapon ahi.
India sung a Exam hahpen a kisei IAS Etc. Exam 1972 ajong khatvei bou kabol in kana lolhing in interview a kabol hoilou jeh in IAS kamu hih a IRS joh kamu ahi. Hijeh chun Exam fail ho hahsatna hi kahetpi behseh poi. 1956 kum in Manipur pumpi a ME School Competetive Exam ah 14th Rank kana mun hichu kahin kho a Scool,College leh University Exam kabol ho lah a asang pen ahi.
1969 kum in Gauhati University a M A History kExam ah 2nd Class 3rd postion kana mu in hiche to College leh University a sang pen ahi.
1959 kum a class-x kasim lai in ka ojapu u khat Prof.Nalini Sarma kitipa chu Imphal College a Vice Principal ahi. Imphal College chu chuphat lai a night college ahijeh in kei kaina The New Girls & Adult High School, Khoyathong a chuphat lai aImphal khopi a High School lah a dei umlou pen leh mi munempen a chun Assistant teacher in ahung pang in ama chu M.Com ahi Geography leh Commercial Geography chu phat laia Manipur High School a kimang text book anasun in ama in Exam fail chung chang a asei khat kahet mil theilou khat aum in ahi.Aman ka upa B.Com Exam a fail in apona behseh in lupna ah kangkal aki khai khum in kithou lou a an nelou a aum ni ija ham khat a um phat in ken jong kithou in an ne in Exam fail chu ipi ding ana chuti poh nat lom lom ham kati leh aman umthim in Exam fail kiti chu ahah dan nahet khah lou jeh a nasei ahi kithip in tin eidonbut e atin ahi. Exam fail jeh a kikhailih tamtah um jong aja kha taovin ahi.
Tuchung HSLC Exam a gollhang Satmunchon Kipgen, Pu Ngamlal Kipgen S.Zalenmol Village, Kangpokpi district a Manipur Board a 11th position ahin lah hi kahet khel lou leh Manipur a thinglhang mi chapang lah a amasapen hinte. Amahi inchen hahsa nu le pa niseh jing an jan an nehding kihol thu hijong leh Manipur a ding a exam bol phalah a 11th na a ahung pan thei hi a insung ding leh agamsung ding leh ajatmi ding a *MIRACLE John Gospel a Jesun Changlhah pheng 5 leh nga 2 a mi 5000 anavah tobang ahi ajehchu tulai in nu le pa te aki engbol in school hoi jep a kisei ho ah achate school fee tam tah tah lut a akaisah hijong leh Govt. of India Public School Eklavya Model Residential School Gamnom Sapormaina a ana kaijeh ahi. Hiche school hohi Rajiv Gandhi P M hilaiya a ana boldoh JNV School ho tobang a Govt. in apum vah leh apum chop school ahi. Anu leh apa jong hahsa tah a nehding kihol thu hijong leh achate agel khoh lhon a hichan ahin lhut lhon hi pachat louthei ahipon ahi.
Tuni a kipat a hi a insung uh muthim lhangkhal ana leng chu khovah loupi amu niu akipat ni ahi. Aban a class-xii Exam aum in aban a Degree Exam aum in hichan gei a ahin simdoh leh India sung a ama ding a kot jouse hung kihong hiding ahitai.
Graduate B A ,Bsc jou le bolthei tampi aum in graduate masang a jong class-xii a jong Medical , Engineering leh Army lang ho kihong pan ahitan ahi.
Hiche tobang a Rank holder ho chun IAS, IPS ho chu amulou nading imacha aumpon ahi. IAS a jong ST Quota a muloi aum in General list a muthei loi aum in kahet dan in Manipur a Haulianlal Guite, Rajasthan Cadre IAS tua Manipur a kum 3 ding a deputation a hung pa khu ahi akitin ahi.
Gollhang Satmunchon jong hi IAS a General list a ahung lhun na ding kinep lal nading aumpon ahi.
Lekhasim a Exam fail thusim ngaitah khat aum in hichu ,
Nagaland a Mokokchung Tiwn a Mokokchung Law College a Principhal pa Temjin Ao kiti pa chu Nagaland a Law Graduate LLB masa pen ahin amachu College chapang khat ahoupi na chu ngainom umtah ahi.
Hiche pasal chapang pa chu Mr Temjin Ao koma ahung in Sir Exam kafail in ahinla lpanpina kngaichan ahi agatileh Mr Temjin Ao in College regular a nakailou ham atileh Sir kakai nai atin niseh a nakailou gam ati leh Sir kakai na ati kit in in a lekha nasim jui lou ham ati kit leh Sir kasim jui nai tia adon but leh Mr
Temjin Ao in chutia regular tah a Class mai a na fail nah lai leh
CHENLANG KA IN NUNG LANG A PUKHRI a khun gakichomlut tan tin aseipeh in ahi.
Lekhasim kiti hi Fashion mai mai leh jiding holna na sim ding ahi pon ahi.
School hileh College hileh tulai hin nungah kim khat hi hin jiding gollhang holna kailoi aum in gollhang kimkhat chu College Student hi pestige deina maimai a kai lou FASHION dan a kijepna kivon na Dress a neiloi
aum in hiche tobang hi hi nule pa ding a Sum leona bep ahin amahi hin lekhasim lou in tulaiya eiho lah a tohding mu bai napen MISTRI insa ho nung jui KHALASI ati hou khun pang uhen nikhat in Rs 400 ham tohman mu ulehamahoding leh nule pa ding in olna hi jonte katin ahi.Tulaiyin nule pa in Exam pass nading in koiman a chate lekha asimsah behsehtapon ahi. Ahehchu tillai in To
hmun ong atam inp lekhathem alhom in tulaiyin toh mun tamjong leh lekhathem asang asang a aumtah jeh in chate hi michung a lengtheiding a lekha nulepa in a tip leh adoi ahitai.
Kei Collehe a BA kasim lai laichun Manipur Govt noi a UDC chu idei leh mu paijeng thei ahi.Ahinla la tu 2020 in MULTI TASK FORCE WORKER MTFW ho munading Rs 10 ,lakh angai tai ti kajatan ahi. Mi tam behseh a alheng ding ho ajong thil hahsa ahijeh apetam tam a lhen chu abai lam pen ahi atio himo ponte.
Thingkhang mi adeh a KUKI te hin Education kibol leh kihol hi,
BREAD AND BUTTER POLICY ahi pen in ahi.
INCHEN SEMNADING A SERVICE KHAT NEOLE LEN LEH GOVT HIHEN NON GIVT HIJONG LEH LHA SUM SAN NA MUNADING A THEPNA IHOL U AHIPEN IN AHI.
Hiche hi Bread and Butter Policy of Education kiti ahi.
Education kiti hi VAICHAT [poverty] , HETLOUNA [ignorance] leh HESOHNA [suffering] akona
SOCHATNA KOT AHI.
