21 April 2020 ThusimBu
By: Letpao Touthang
Part 2
Group dang leader ho jousen jong Tongpu chu ahung veu vin, a hunglut masa a hung lut nukhah in Tongpu kom a chun “Veinem maipah na ding na gel jih hitei inte ong…” tin a dai uvin, koi keng kisuh khah nat lam helou vin aki dai un ahi. Venem in jong jahthim sa² in “Ka u Tongpu chu ki vet un, group dang leader ho…” agah ti le leader dang jouse anui toh ha hoh in an hoh vin a hi le Veinem jong amaisan doh liu jieng e, ajih chu jahcha sa² a ahin seidoh ahi.
Day 3rd (sport)
Ajing in guolsih chu a hin pan kit tauvin, mi ho chu a ul lah² jeng uvin num asa thei lheh uve. Guhthim in Tongpu leh Veinem jong ki alunggel hon in ana ki lungset hun in, hinla koima aki seipih to hun pon ahi. Ama dia chu ‘Critical Stage’ lai tah ana hi dan ahi. Hiti chun Numei volley final match ahung kichiem pan tau vin, Veinem jong guoljo na a neite na diu vin aki habawl lheh jieng e. Alang khat ah, mipi hon Tongpu pahcha ha bol in, anjo le bol khiel in nate atiu vin Veinem chu a dai² jeng uve.
Tongpu jong inn a pat ground lang ahin juon in a hi le miho thusei chu aja doh in, me thim hiu huou in ahung in, mipi ho kom ahin phah phat in golhang Tongpu jong Apahcha hoipen nu a kichiep ve num in ahung doh tai atiuvin a nui lah² jeng uve. Tongpu in jong ka sei di jouse na sei tau hila ken ipi ka sei ding hitam atin nui siu vin Veinem kichiep chu a ve tan ahi. Kinep na bang in, phat chomkhat jouvin, Veinem team in women volley ball champion a hin la tau ve. Chu in Tonpu in jong chibai aga bol in Nabol hoi ye, kei ho jong ball peh ding in ki guong pai uvinge atin, ki guong ding achi tai.
Chomkhat jou vin Pasal ho jong final match foot ball kichiem ding a hung uvin, aki chiem pan ngal tau vin ahi. Tongpu chu ha lhai thei beh lou in aki chiem in a hi leh pam lang apat in mipi hon Tongpu tuni iti nahim Veinem lung himo inte phaten ki chiem o tin ahin hoh lha liu jeng uvin ahi. Final match a kichiem a hi jih un, a lang a lang ah aki habol thei lheh jeng uve. Half jou vin jong goal ki khum tuo lou in aki chiem uvin, aban in addition time 5 minutes in goal khat khat ahung ki khum tuo uvin, Penalty peh din aum tauve. Penalty ahin peh u le vangphat um tah in Team A pasal hon guol jona champion ahin la kit tavin ahi.
Chi nilhah chun mipi ateh akhang in lentuol dim in an a nekhom un, numsa tah in guolsih thu chu an ne pum in ki houlim nan anei uve. Nilhah night programme ahin mang uvin, chia chun prize ijakai a hom doh un, mipin jong totnan tuchung guolsih hi Tongpu leh Veinem guolsih ahi atiu vin, tot abol uvin ahi. Chi ni lhah vang chun Tongpu leh Veinem jong aloite ni toh a ki lhon le² uvin ahi. Chu in jaan asot tan prize ho chu Tongpu te inn ah, aga thah uvin, aban Tongpu le Senpu in jong Boineu leh Veinem jong aga thah doh hun in, Senpu jong inn juon louvin loipa kom ah chun ajaan gie tan ahi.
Nilhah jaan in lupna chung ah Senpu in aloipa Tongpu kom ah “Bhai, Venem khu phaten kijol ngap o, numei pha ahin, chapa changkhat nahi toh ama kho nang toh ki cheng di chi ahi” atipih tan a hi leh Tongpu in jong guhthim a Veinem jih a lung gel ho go ju bang in ahin seilha tan a hi le Senpu in jong loipa ken nahin kithopi na inge atin ahi. Alang khat ah Boineu jong aloinu kom a geh den in, Tongpu in aloipa kom asei bang chun Veinem kom ah asei tai. Veinem jong dongma neikha lou a hi jih chun ati kithing doh liu jieng e.
Boineu in jong Veinem umchan chu aven assshhh loinu na hahsa bet e chi ki sei mei² a na chuti ki thin le ji nei doh hih in nate tin aseipih phat chun Veinem in jong assshhh nang tah chu ki experience khalou a chu ipi pi hile tujan ki gel nange tin a imu lha hun tai. (Aum dan chu Senpu leh Boineu hin Tongpu leh Veinem chu ki ngeidoh sah tei na dia guhthim a plan ana guon kit hun dan ana hi).
Ajieng in team leader hon ama ama team member ho aki kou khom un, nekhom abol kit tau vin ahi. Senpu leh Boineu in jong Tongpu leh Veinem chu chance apie hun in, aki frank tuo thei hun nadin thil bol di dan ho aseikhom sah hun in ahi. Alang khat ah Bouneu leh Senpu in jong ibol hoi hun e aki ti hun hiti chun nekhom na ding chun aki sa buoi le uvin abol jou phat un an a ne uvin, aneh jou² un thil leh lo ho asutup uvin chujou chun Tongpu te inn ah, chiu te atiuvin achi phei tau ve.
Inn a lhung uvin, Tongpu nu in jong Veinem kom a chun hitin ahin seiye “Chanu tuni ka inn uva na hung chu ajih umbou inte, nang mi inn a chi khalou hilai a na hung jieng chu? Ole ka mou ding na hi ngap hitam….hehehe 😁😁😁😁 tin agah tot in ahi. Veinem in jong hepi nasei kha e, iti na het ham? atin a hi le Tongpu nu in jong “Tulai a bang in jong bilkuol a nei ta hi me” atin thei tui don uvin atin Maza bottle khat ahin pien ahi. Tongpu, Senpu chule Boineu le Veinem in jong kipah tah in don khom uvin ahi.
Aban in, ei poi kho mol a thinglim nuoi a khun ga tou ute lhang le muol vet toh gom in atiu vin, akho uvapat chun khomol chu 2 km vel a gamla ahin keng in ki houlim toh kop in, akal tou tauve. Veinem leh Boineu chu nei tha nem tha lhom a hi hun jih chun kho mol thingphung lim nuoi a lhun uchun alel lheh jeng hun e. Senpu in jong Nem lim kap ute atin Tongpu kom a chun atou sah tai. Lim akap in chu jou chun Nang ni na lungthim a thil kiseipih tuo louva na ki iem tuo pih hun ho chu ana kiseipih tuo hun o atin Boineu toh asah lang jep achun ling thei min (kind of fruit) aga lou hun in, amin jong ana tam lheh e. Tongpu teni chance pih toh gom in ama nin nuom tah thei neh toh a lo akop hun in ahi.
Tongpu in jong “Nem, guhthim a ka hin lungset e, hinla seidoh jeng ding ka ti leh lung agel vang in kisuon lel nan ka dim jie” tia asei leh Veinem jong jachat toh ati aki thing pan kit tai, Tongpu in jong Veinem chu adam a hi sah in ana lunggim man in ahi. Nah² in Veinem heo ima seida jeng aw ima jouse “Yes” hi tange atin Tongpu tungtun achun amai asel chah kheh tan ahi.
Chu in Tongpu in jong guhthim in Senpu teni jong hinmti hin message athot te “Everything success accordingly buddy” chu in Senpu jong ha nui in a nui a hi leh Boineu jong alung dong in kate Heo Senpu nang tah jong nei kichatsah man e atin chu in Senpu in jong message Boineu avet sah leh Whao….Veinem hin ipi ti adonbut ei diem janlhah thu um dan kasei pih a jong chu ti kithing liu ahe tin Senpu chu asei pih tai. Amani jong theimin a lo doh hun ho chu ahin choi hun Tongpu le Nenem touna lang chu ahin juon hun tai.
Chujou chun Senpu in Nem na kithin kit am anjoa chu ati le jacha sesun pum in a hung nui in, Tongpu in jong Bhai ki thinglou tah sang a, kei chun a dam mo ka hisah man ahi ati le Nenem jong ajahchat man in Tongpu chu asih in ahi. Boineu a hung houlim in theimin aneh pet uvin hitin a hin sei e “Nem, nang in ka experience poi tin moh ki thin ji ta hih in pasal in ei houpi le kipah tah le mai lhaisel a i nup le nuplou thu donbut ji di ahi” ati pih phat chun Veinem in hinge akit teng “Let me try my best…” agah ti le aloi ho thum chun ahin nuisat kit uvin hiti chun a nuikhom un, aki tot un, theimin chu ane ne uvin ahi. Theimin ahung ki chai tan, Inn lam poh ding atiu vin ama choikham ding cheh Tongpu leh Senpu in jong nungah teni ding toh gom in aga lo be hun in ahi.
Chomkhat jou in ahin lou chai hun inn a hunlhung uvin ama ama inn cheh a achi tauvin ahi. Veinem leh Boineu vang Veinem te inn ah aum hun e. Chu in Veinem nu in “tuni chu hoiya ga vah sot jep nahi hm? Boi, nungah khang donlai ahin na pot teng le na nu keima kom a hi lou le napa kom beh a seijin ati pih tai. Veinem jong aki phat lam henu theimin kaga neh uh he, nang jong hung ne aw atin anu chu akou tai. Veinem nu hekatei…theimin cha chu aum talou na Upa neo lai thinglhang a ichen lai u ka gel doh agah ti le Veinem pa ahung pot toh aki tuoh chet in Veinem pa in jong hoiya naga lo u ham atin a hi le Boineu in Hepa ikho pam u farm a kho kaga lo u ahi atin Nenem pa jong a hung ne lunghel sah a atin aki hei mangjel tai.
End of Part 2 (to be continued)
