Ipi lang toh kimat ham?
DYKE kuti chu Tuibang tina ahi.
Asun:
N.Lhungdim
Thangting House
Molnom- West
Date- 30/07/2020
Dyke kiti hi Geological term ahin hiche hi hetbai ding pen a Flood Wall tichu Tuibang kigen tina tobang ahi.
Vadung ahilou leh Tuikhanglen panga cheng gam le kho hon tuikhanglen leh vadung len a kon a go hung ha juh jeh ham a tui hung lendoh Govt. hon *Flood Control atiu to kimat a kho le veng huhdoh na ding a Tuibang kigen chu DYKE kiti ahi.
Ahileh Tuibang chu ipi a getding ham? Tuibang chu leichang Earth ahilou leh Song Stone a kigen a Bangkisem ahi. Hiche bang chun gam le kho ho chu tui ahung let jep jep a ahileh ahin lonkhum a ahin chup lou na ding a tui tho leh bang kigen ahi.
Hiche hi leiset chung mun dang dang a um jong leh Europe a British gam to kinai Netherland kiti gam a chu hiche Tuibang [Dyke] hi kigen ahi. Hiche Netherland gam hi North Western Europe a gam khat flat landscape of Canals, Tulip fields, Windmills and Cycling Route kiti a kihe leh minthang gam pahi.
Netherlands kitichu leiset noilang a um gam tina ahi, Land beneath the surface of the Earth tina ahi.
Akhopi Capital uhi Armsterdam ahin Armsterdam a Rijiks Museum, Van Gogh Museum a In a chu Jewish Juda mi Ane Frank kitinu chu 2nd World War laia ana kisel na mun ahi. Hiche khopi 17th Century Golden Age ahi laia Artist lim jih them minthang Rembrand leh Vermeer ana cheng ahi. Hiche hi independent Sovereign gam ana hi in agam let dan hi 41, 543 sq.km ahi. Population hi 17,184,872 Million 17 val tina ahin , hiche 0.22 % of World pupulation ahi. Seiding achu Manipur a cheng misang a tamjo tina ahi. Manipur a hi lakh 30 lhing kigo ahitan ahi. Netherland gam a population density chu Sqkm a mi 488 um na ahi.Chuleh Hou Religion ahileh Christian hi 43.8 % ahin,Catholics 23.7%,Church of Netherlands 15.5% ,Hinduism 0.6 %, Islam 4.91%, Judaism 0.1% ahi.
Hiche Netherlands gam hi tuikhanglen pam ahijeh in agam uhi gam nem Sea level sanga nemjo ahijeh a *Tuikhanglen chu ahung khan leh agam uva hung long ahijeh a chu agam huh na ding a hiche tuibang hi ana get uh ahi.
Anaipen a eiho North East a Brahmaputra tuidung len panga cheng Dibrugarh khopi khat jong hiche Netherland to bang a Brahmaputra Tuidung level sanga nem Dibrugarh town tui ahung let leh achup louna dinga lei Tuibang [Dyke] ana kigen khu amu khalou tamtah na um intin kei Dibrugarh a kum tampi kaum jeh in hiche Town pam a Brahmaputra Tuipang a TUIBANG [Dyke] kigen chu vei tamtah kaga che in Brahmaputra Tuidung hi go ahung ha juh a tui ahung let leh kichat aum in ahi.
Dibrugarh a ka um na veng chu Jevan Phukon Nagar Dibrugarh khopi jong hi amun cham lai ahijeh in go ahung ha juh leh a khopi sung hi mun tamtah tui in ana chup ji in ahi. Ka office kana kaina jui Central Revenue Building kiti jong chu ka posting masang kum khat tui analen in ka office jong asung lang chan ana chup e atiuvin ahi. Ka um lai a kachenna in jong chu chuhlai leh tui ahung len ji in leitol a kipat a ka chenna in verandah a lutna ding a chu ka Car toh thingpeh kado a insung a kana lut jui ahi.
Jan khat chu keihon kahet louvang uva Brahmaputra tuidung chu ana let thim in Dibrugarh D C pun ibrugarh miho lhohdoh [Evacuate] na dinga gari ho gontoh sa a ana koi a Brahmaputra luidung in ahin chup leh polang gam pam a pohdoih EVACUATE na dinga tohgon ana neidan ahi. Tulai banga mobile phone umna ahi hih in keiho chu nomtah a kana um vang va town pumpi chu imu lou a ana um dan uh ahi. Jingkah a kahung thodoh a miho seidan chu town chu tui in ana chup ki got ahi. Kei umna in chu 1st floor ahin ka umna chu 1st floor lang ahijeh a ahin phahlou ding ahin ahi.
Hiche tobang tui khanglen pam a cheng Sea level sanga nemjo leh Dibrugarh kom a long Bramaputra Tuidung a kon a huhdoh na dinga hiche Tuibang kiti hi vadung pang a ana kibol ahi.
Thusimbu Machal jing thei na ding a pan lanom ho kipah tah in lem ahijing in ahi anoiya button “Click Here” khu meh utin details anasim ute.
