KHAAL TUI THENG presents
based on true story collection..
Episode: 1
By: St kuki
ASOH SA THIL..
Amun : Kerela
Kerala gam a insung khat aum in amau chu mitam te ahiuve,ucha Numei thum(3) pasal li(4) ahiuve, insung genthei tah lou natong a kivah ahijeh uchun alah uva lekha themdom pen atiuvin anii channa nuchu phatea lekha simsah ding atiuvin, a insung pumpi akitho uvin hiche atah penpa ban a nuchu a lekha sim na a ahinson uvin ahileh, ama nujong U.P.S.C noi a I.A.S try theiding in ahung umtai, exam ahin bol uvin ahileh ahung lolhing kit tan, hiche ahung lolhin nichun kipah tah a insung mi pumpi in anneh khom ding atilai tah uvin, hetkhah lou number khat akon phone call ahung kibol in apa uchun agah lah le melhetlou mipha lou hochun, sum lakh som(10) ahin kichoi uva a chapa u aneo pen pa ahung kihuh doh diuvin ahinsei tauve(achapa uchu a school kai na akon thimcha a kidnap anabol u anahitai) police ho nahin hetsah uva thu kisei nanahsah lou uleh na chapa uhi ahing a namu loudiu ahi tin ahin gih kit tauve. Hiche insung mite chu ema seiman sah lou in phone call chu athat pei ngal uvin lung gimtah in alha tauve…
Abon uvin a insung mite jouse chu kipana nehkhom umtalou in lung gim tah in akihou know tauvin, sum khujat chu apet a moh luidoh thei ahilou jeh chun amahon jong hahsa jong leh ni phabep sum khol khom ding ati tauve, hiche sum ahol jeng lai uvin…. Ni thum jou in phone call ahung kit in miphalou hochun:
Nacha pa’u hi ahing a nadei lou u hitam? Katep peh nau phat val ta, tuchan a thu kisei tot na a nalah uham? Atiuvin, atahsan nadiu leh akino jep nadiu chun jingkah matah in a varenda uva box neo thim that ana koipeh uvin, phone abol uvin na varenda uva kikoi khu epi ham? Nahet nom leu gaki vet uvin atiuve, insung miten jong kichatah leh dip chah pum chun ahong doh uvin ahileh, khotpi ( thumb ) anahi, anao pa uva ahiding aging chatauvin hakan akap kit tauve, amahon jong sum asei jat uchu anah nah in ahin khol khom uvin, hinlah aguh in ana uchun Police ho ana hetsah uvin ahileh insung chu kholchil ding in ahung uvin khotpi ( thumb ) chu fake ahi ahin hedoh uve. Hiche thu hi police hon moh² thu ahipon, sum nanthah louhel diu ahi nathah diu jong leh police keiho jao na a hiding ahi atikit tauve, ajeh chu hitobang thilbol hohi akimat doh lou leh ahin bol be² diu ahi atiuve, chuphat in sum chu athah tapouve, a nilhah lhah in phone call ahung kit in hiti hin asei uve:
Miphalou ho : aw!! Fake ahileh police ho nahin kisonpi uham?aban epi kabol thei u ahi nanhet diu ahitai atiuvin, tuchung vang atahbeh chun anaopa’u khotpi ( thumb ) chu ahintan peh tauvin a inkote chu box neokhat a akot mai uva ana koipeh kit tauve, hiche chu a inkoten amu mu uchun akap uvin, apohna lheh jeng uve.
Hita sumthah ding leh thah lou ding asat kah le² laitah uvin, anaopa’u chu melhet lou ho khot akon in ahung thim jam doh in athi anang in houpi thei lou khop chun inn ahung lhung nah² in , a inkoten amu mu uchun alhi akithih uvin, ajen le² jeng tauve….kihoupi thei ahung hidom phat in police hon chapang pachu thudoh anei uvin, aman ho chu alim ahet em? Ti adong uvin, hinlah amit u akan peh jeh uchun ema ana muthei poi, ahivang in amaho lah a chun paodang khat ahin tho jejiuve ahinti tai..police hon jong akhol jeng uvin,hinlah tahsan thei mihem amudoh nai pouve.
Nikhat hi hiche chapang ahung jamdoh pachu bath room a gahlut ding atilai tah in anung lang akon chun melhetlou khat in chamcha in ahin sun in,hinlah vangphat pi in aban anasun kha in hospital a jenthei ding in ahung umtan apolut tauve…
Hita abul apat ahung kipat dan chapang pa che najouse he le a eah thah nachan gei report pethei chu police hon athah gel² leu insung mi holah a khat toh vang kikhot jop na um hinte ti aging cha tauve, aguh in police hon akhol jeng uvin khat² in a insung mite chu thudoh na ahin nei pan tauve, hita ban neicha ahindoh jeng lai un abul akon thilsoh hung kondoh naleh ahung kipatdoh na hiche insung mite lah a anii(2) channa nu chu ahung kiseidoh tai, aman asei na achun, ‘dongma kanei in, kadong mapa chu high class urdu ho ahijeh chun exam kabol jou leh kichen ding kati lhon in hinlah, kakichen nalhon ding a sum lakh som(10) nahin sun lou leh ekichen thei lhon louding ahi, atiphat chun keini jong plan kahin gon lhon a ka inkoten sum chu ahin lhit jou tei² nading a kagon gut lhon ahie’ ati in,
Police : ahileh, epidia nanao napen pi khat hija, I.A.S khat jong hitading a hitobang a toltha na nanabol gut jeng ham?
Numei nu: (mitlhi long pum chun) thading vang lung in kana gel khapoi, hinlah sum a katha lah hoa kon na ahung jam doh apat chu police nang hon thudoh nahin nei uva, nahin matdoh diu kichat najal a kadong mapa amatah hung lut jeng a anasut khah ahie..kathil bol hi adih lou kahin kihet doh leh ana vaigei tan ka insung mite ho kom a ngaidam thum ding jong kave ngam tapoi, hinlah ngaidam vang kahin thum e.
Hiche thu ajah doh² uchun a inkote chun alainat pilheh jeng tauve, ajeh chu amaho insung adia akinep pi pen leu aha sot pen u ama anahi jeh chun lai nathei lou uchu ahitapouve,
Police: na inkoten na lolhin kipa pina ding a um uva, hinlah nang in tunia lhiso na nabol doh pehtai..na pass nichun phaten lung gel anathem hilechun hitobang hin nadinmun um ponte atipeh uve..
Athu hetchen ahiphat chun adong mapa jong akisel na akon in aman tauvin, mi a thalah hou jong abon in aman tauvin, athu tanding in apotauve……
Beita
Aban teng hiche ho tobang thilsoh episode:2 ena sim kit diu koi tobang athanom aum leh kija mat tojeng u hite.nathil het khat milah a simdoh thei ding nadei leh
Hiche whatsapp no: 7085496462 a kijamat tojeng u hite..
Thusimbu Machal jing thei na ding a pan lanom ho kipah tah in lem ahijing in ahi anoiya button “Click Here” khu meh utin details anasim ute.
