Kichai tih anei di ham? Ahilou leh kichai tih nei lou hiding ham?
Akipatna aum leh akichaina um teiding ahi.
Asun:
N.Lhungdim
Thangting House
Molnom- West
9th September, 2020.
Corona Virus kiti natna hi miho jouse ngaidan leh mudan a ningkum November lai a China gam Wuhan khopi a
Wuhan Virology Institute, ahilou leh Wuhan Wet Market[Sahing kijohna] a hung kondoh ahi akitin ahi.
Hiche hi atil abul a kipat a ahung kisuh louna chu China thunei hohin selmang thei ahilou leh im mangthei ham tia ana gel uva ahin mudoh masa Whistle blower Dr Li Wenliang kitipa jongchu guhthim a ana hen uva athimasa a ana pang doh ahitan hiche kahlah a chu Wuhan khopi a mi lakh tamtah Europe gam a By air a ana jamdoh uleh ahung kon na mun sanga Europe gam Italy, Spain, France, Germany kiti lah a hung kiha thethang hitia chu ol ol a England gam, USA, Brazil gam a aha thohpen na leh thina tohpen a hungpang ahi.
Hiche hi akitoh loukhatchu World Health Organization WHO ho in khat le khat kilahto thei ahipoi anati jeh uva lenna a kholche ho jong ana kham uleh phading ahin ana lhakang jeh uva ana khohse ahi.
Ai pi chu hitale abul abal thu atam in achen achai a hetjou ahi tapon India ten iki maito pi uleh ahoilou dan leh adihlou dan jeh a January 30th 2020 a Kerala a mikhat China a kon a hung khat in hiche natna ana nei chu Total Mismanagement jeh a tua lha 7 jou a Covid19 positive mi lakh 42 phadoh a athi jong mi 73,000 lang lhing kigo a
Manipur State neocha khat a jong athi mi 40 lhing kigo ahitai. Hiche hi phatah a inungvet leh Kathunei e Kathanei e tiho Prime Minister leh aseijui holeh State a CM ho mitmona ahipen in ahi.
Hiche tobang thil hi khatveicha soh ngailou ahijeh a athunei athanei hon anatoh uhi khonung a akimudoh vanga ilo ding ham ti koiman ahechom tichu English a experience nei umchomlou ahi.
Hijongleh akhohpen chu hiche Corona Virus Covid19 ahilou leh Lockdown ho boipi dinga hi Govt. in public to kitho a Expert Committee khat ana semding dol ahi.
Ahinla thunei thanei na anei uchu akineisah nom behseh jeh uvin midang dohding mithu lahding adonse pouvin Kathu Thu ti khat achepi jeh uvin hibang lom lom a hi tosetna leh Vangset na English a Manmade Disaster kiti hi ichung uva chu ahitai.
Ipi kisei jongleh India Prime Minister Narendra Modi kitipa apen a kipat School khatvei cha kai khalou School varanda jong chon khalou pa in miching mithem ho Contempt taimo sinmo a anei jeh a ima jouse hi mihem semthu Vangsetna hi India sung ahi 2014 a kipat a hunglhung ahitai.
Amasapen in November 6th 2016 in koimacha doh dinga kilom donglou in Reserve Bank of India ah Finance Ministry leh Economy Expert ho donglou in sum achelai 500 note leh 1000 note asubei in leiset chunga Economist hon asei dungjui in Demonetization hin khatvei cha a success ngaipoi atiuvin ahi.
Aman asei leh Black Money tam behseh leh Terrorist ho Black Money ajah jeh a sum chelai 80% chu ana tha ahi. Ahinla RBI ho seidan in sum currency note 99% bank a ahung kinung koilut kit e atiu chu ahoilai tah chu Black Money hi a a 2 na a terrorist activity suhnem na ding kati ahi atihitam?
Terrorist la akhenem in aphachompon ipi phachom hiding hi tam?
Aphat chomna umlou Semthu Vangsetna leh Genthei na asem ahi. ATM booth mai a queue a ding tehse chatmo 100 val alhu kam uvin athilo in ahi. Ahivangin ama in khatvei cha jong kabol khel ahitai ni ngaidam uvin atipon ahi. Titah sangin aban in tukum March 25th ni in koimacha dohding lom State a Chief Minister ho ahilou leh Home
Ministry ho dong toh a Management Team ding gontoh na neilou beh in nidan 4 phatbou mi ape in ni 21 India pumpi chabi akilkhun in ahi.
Hiche tobang thil len hohi atoh dingleh mi adoh tohjep ding ngai ahi. Hitia aboljeh chun hiche ni a Covid positive March 25 a mi 500 bou umchu chomkhat jou in akithe jal in gam jouse a akithejal in tun natna nei lakh 42 ahin athu jong 73,000 ahin chuche jou lha 2 jouin mijouse na inlang a na chethei u ahitai atileh a in agam ahindel uleh natna ahin pohlut uva State jouse a natna dimset akhohse jep New Delhi khopi Maharashtra, Andra Pradesh, Karnataka, Tamil Nadu kiti ho North East langa Assam hung hi a State neo Meghalaya, Tripura, Nagaland, Manipur, Mizoram kiti ho a jong hung kithe thanga Chief Minister hon jong alo naje ahet louphat a atil abul a gah tenga SOP ana sem uchu achaina a anatna nei kicheh tailou in Home a naki ven ding uh ahi tia athah got uh ahi.
In a kijen chu nom inte kipa jong aum e. Ahinla eiho thinglhang mihi i in uva bathroom khat latrine khat val nei kitamlou ahi. Adamopa/nu chu insung mitoh chengkhom kivop khom ahi in itobang hamkhat a natna nei ana hitale insungmi jouse natna veiding aban a kikholai lenpi inveng louveng ho jong natna hungvei kit ding hichu Community Transmission kiti khu hung umdoh ding ahi.
Gampam a kon a in a hungho Rapid Antigen Test [RAT] kibol hi 100 lah a 100 tahsan thei leh dih ahipoi. 50-60% bou dihchet ahi. Ahithei leh Imphal a Babina Diagnostic lah a 2000/- ham val a test kibol khu adih pen ahi.
Tuni a iseinom pen uchu hiche lang chu ahi behseh pon eiho thunei thanei na jong ahipon.
Abul a kipat hung kisuhlou danho thujoh isei uh ahi.
Manipur a jong Management Task Force khat kisem henlang hileh phalheh ding ahi. Chief Minister pa in keima chang in jong kajou nai ati tobang a abol jeh a hichan kigei ahi.
Iseinom pen uchu hiche natna jeh a Lockdown um hi itih kichai ding ham?
Lockdown hi Govt. in aphachom behseh poi ti ahet phat uva SOP athah asem uva Containment Area bou a Lockdown umding mundang hi Lockdown umtalou ding atiu hi anukhah pen ahi.
Achuti leh Lockdown hi akichai tobang ahitan ahi.
Ahinla Covid19 hi itih leh a kichai dem? Covid19 jeh a iki kul khup uva imacha bol theilou School, College, University jouse kikhah toh leh tham neh leh chah hol na kikha jeh a mipi hesoh dan hi itih kichai ding ham?
Tun Govt. Of India in October langleh School, College hon ding thu asei uvin College a Exam ho jong September 18 langleh bolding ti asei ging uvin ahi. Hiche langchu ipi kisei jongleh thunei naleh thanei hon athunei na avetsah ahi.
Hiche Covid19 natna hi itih leh akichai dem tijoh hi kaseinom pen ahi.
Tutah hin gam ija hamkhat in Covid19 suhdam na ding Vaccine kasem e ti Covid19 Vaccine Candidate ti aum sao sao in ahi.
Italy te,
Israel te,
Russia te
China te
leh
American te
Scientist hon kasem uve Clinical Test kibol lai ahi atiuvin atah ham ajou ham akihepon khatvei lang khat chun Russian President pa Putin in kasem jou taove atin asem chai nailou khat michung a ahi ti nading a asei hileh akilom in ahi.
Tahsan thei pen India gam a Union Health Minister Dr. Harsh Vardhan tukum kichai langle India te sem Vaccine chu manthei hitan te ati hi thungai umpen leh kipa umpen hitante.
Hiche Vaccine chu hin sem u ahung kichai leh Govt. in manbei a akapding ham ahilou leh sum ija lut ding ham?
Hiche chu mijousen i ki kap thei phat leh hung kichai ding ahi.
Aum dan hi ivet leh 2021 langle Covid19 hi suhbei hung hiding in tahsan leh kinep aum in ahi.
Mihem hi Kinepna a kihing ahin
akisemdoh kah a ina thi louleh akisemdoh phat leh Covid jeha thi hi umtalou ding ahi tithei hung hitante.
Kinem in 2021 ngah jing ute.Anaitai lha 3 bou aumtai.Christmas jong nomtah in kimang thei tante ti hi kinepna ahi.
PATHEN IN I UMPI TAOHEN.
HOUBUNG Labu in,
NGAHHAT IN
LUNGNENG IN
PHUNLOU IN ,
ti la chu sahding in ilheng un ahi.
Thusim hi anom lheh e nati le anoiya “LIKE” button khu meh in writer ho na support nau vin, chule seinom nanei le anoiya comments nahin bolthei u ahi.
Thusimbu Machal jing thei na ding a pan lanom ho kipah tah in lem ahijing in ahi anoiya button “Click Here” khu meh utin details anasim ute.
