North East tribal ho iti doh hitam?
Hoi lang um ham ?
Kuki te Political Right ahi tivang a kinem a mutheiding chi ahipon ahi.
Asun:
N.Lhungdim
Thangting House
Molnom- West
Date-07/08/2020
2019 Civil Service Exam chu ningkum September a ana kibol February- July sunga gam boijeh a interview ana kichai in khatvei ni August 4th ni a final result hungsoh mi sang tamtah Exam nalah ah Candidate 829 bou
lhendoh in ahung um in hiche result hi kum dang a bangin North East a tribal ho akimu behseh tapon ahi. Adeh in Meghalaya, Mizoram, Nagaland leh Manipur ahi aum lou tobang i akimun ahi. Ipi jeh pen hita ding ham? MIZORAM hi tillai a chum IAS, IPS leh Central Service ho tamnapen anahiu vin insung khat tulaiya Mizoram Chief Secretary Lalnunmawia Chuanngo te khu ucha 3 IAS ana um un atahpen pa Lalthara jong Nagaland a Chief Secretary anahin ahi, abana Service kabol lai a ka Boss pa V.Tochhawng te jong ,chu ucha 4 abon in Central Sevice a Custom & Excise ah 2 , Postal Service a 1 Incometax a 1 ana um un ahi. North East a atamllhinna pen gam ana hi in tun khatcha aumlou hi iti dan hita ding ham? Amahon TV discussion aneina uva asei uh kajah khatchu Mizoram Public Service Commission a MCS, MPS leh adang ho alah nao hi ahoi in atheng in Mizo khangthah hohi
All India Service leh
Central Service tiho sangin Mizoram Civil Service ho adeijo taovin hiche jeh a chu hung lhom suh ahi atiuvin ichan ham khat gei in dihthei nante ajehchu MPSC chu Chairman dingin miphatah mi dihtah apansah uvin chukit leh ajeh dangkhat chu 1986 a kipat a state lhing ahin mu leh kivei na hihen adang dangtohding jong gam chom a chedoh a tohmun leh nehding hol sangin amaho gam a natoh chu nom asa uvin ahi.
Aban a Meghalaya a Khasi leh Naga hohi IAS ana semdoh tamloi ahiuvin kei ho batch 1973 kum in jong Jorsingh Syiem kiti khat ana um in o Garo Lkhat Peter Bazely jong ana um in ahi. Khasi IAS ho lah a ana minthang pen J M Lyngdoh ,Chief Election Commissioner a nakaidoh pa chu midi h a kithang ahi.,
Tun amaho jong alhom cheh cheh taouvin ahi. Nagaland leh Manipur hi a Public Service Commission ho hin ,kumseh in jong Exam abolpon chukit leh a Chairman ding hi mi dihtah leh thengsel ana mu pouvin Manipur a jong 2016 kum in Exam jong chu dihlou tah a anabol jeh uvin kumkhat kum 2 natong sa ho jong Manipur High Court in ana kah lhahpeh uvin jachat umtah ahi. Chukit leh Chairman a ana pang jouse hi seiset na ana umjing in kahet khshchu masang a Manipur University a Vice Chancellor a anapang Professor I.S Khaidem kitipa bouchu seisetna umlou in ana hin ahi.
Tukum Manipur a anukhah result chun ,Manipur leh Mizoram tribal ho Nil ahin Nagaland ah Richard
Yanthan 138th na
.aum in North East a sei dingin Assam ah 5 aum in Jorhat District keo keo ah 2 Sizal Agarwal 112th na leh Niveditta Dutta IPS musa nungah a um in ahi. Manipur a seiding in Meilhei leh Pangal khat aum in hiche ho hi ivet leh lungnop mo jong aum in lhaset jong aum in ahi.
Ajehpen ding a ginmo chu Rajasthan a tribal a kisim Meena kiti ho hi kumdang in 4 leh 5 ana um jongleh tukum in kidangtah in 32 ahung umdoh in ahi. All India Service a ST Quota hi 7.5 % bou ahi. Angko a ikhot doh leh tukum a kilheng ho lah a chu akeh khat sanga tamjep 50+% Meena ho achan uleh adang hohi kichang joutalou hiding ahi. Meena kiti hohi amin a tribal ahivanga abang khat chu amelujong ngou hoi a hoi aum uvin ahi. Kajahdan leh kahetdan in masanga Rajput lengte Nei le Gou Sana Dangka [Treasury ] ngah leh ching a ana pang peh ahiuve akitin ahi. 1973 IRS batch a jong chun Meena khat Madan Lal Meena kiti aum in M.Com Degree nei ahi in IRS subject a kathepmo na pen
Double Entry Book Keeping kiti chu ahin aman eina hil jui in ahi.
IAS, IPS, IRS atam a tam ahi taovin tukum a lhing ho jong chu apa te Group A Officer tamtah um in akisei in ahi. Amaho hin atup tah tah uh ahijeh in coaching hoina pen ,jong chu Kota kiti mun jong chu Rajasthan a um ahi. Ki ,engbol mong mong a aboipi uva atup uh ahi. Nagaland gam hi ahileh amaho hi a Govt. uh NSCN[IM]
hon imajouse a kikum uva Nagaland a Govt. 2 um tobang ahijeh in imacha akisuh aumpon ahi. Nagaland Public
Service Commission akisei phat lam kaja khapon ahi.
ASSAM PUBLIC SERVICE COMMISSION jong hatahin ana theng mo in a Chairman pa jong jail ah a a lut in ahi. North East a Public Service Commission ho lah a Mizoram a aphapen in ahi.
Manipur a thinglhang miho adeh a Kuki leh Kuki toh kimat tribe ho jouse a khangthah nungah gollhang hohin Civil Service iti uva amitakip class-xii 1st Division a hung pass jouse chuleh Graduate level a division hoi tah tah hin nga jouse amoh thanop uva Civil Service tia asei vang uvin THOH HAT
,
na leh POT THONA alhasam in atamjo hin kiphasah na fashion tobang a anei uva abol tobang uvin kamu in ahi. Mun tamtah a TV talk a jong kasei jing in India sung a mi 1000 tobang bep kilhendoh na dinga ST Quota 70 val bep hung kilhendoh na ding a Exam Prelim um a, Main um a , Interview um jou a hung kilhen chil chep holah a jao ding chun moh a Exam jaolou ding THOH HAT
tah a pang a
Thi Thi leh Hin le Hin tia English a Do or Die KILLING SPIRIT kiti lungput neilou hohin boipi lou ding ahi jehchu sum le pai,thale jung chule phat le nikho kimang ho chu panna bei ahi. Hiti jeh a chu tulai a Officer tamtah ho chate ho
lekha them kahe tihon tohmun mujoulou a um ahitaovin ahi. Hiche mu le mulou kihelou mulou na ding 99% joh hi a mu na ding a 1% sanga lhomjo Civil Service kiti !hi boipi sangin Khangthah Lekhathem Nungah leh Gollhang hon service dang dang Defence, Bank leh Engineering chuleh Service Selection Board SSB, a tohmun tamtah kihol hokhu boipi le chun vangphat a khatbeh namu lou nading u aumpon ahi.
Govt. Service mu chu Inchen Louchen Kipatna hi. Tun mikhat sum lakh 5 kipe hen lang kivei in kiti jongleh hiche business instinct sum holna lhagao chu tribal hon akineipon ibol itoh jouse hi kumkhat kah a haodoh ding ti lungput leh lunggel inei jeh uvin sum kipe hi phachom lou ahi. Hiche sanga chu service lah a aneopen masang a Grade-IV anatiu tulai a ,Group-D atiu ho khat khu mikhat in amu jongleh a inchen hung kipan a ji acha ahin vettup a achate lekha ahin simsah na lampi hoipen leh phapen hijo .ahi. Khamneo a kipat chu jachat na a nagellou diu mijouse jing an jan an muna ding a kihol chu itoh ding uva lenpen imu pen nao ahi. Eima changcheh a ikeng a
dinthei [Self reliant]ding kiti chu athupi pen ahi. Ipi service kibol henlang itobang in len jong leh neh leh chah muna dinga kibol ahi. Hijeh a chu thinglhang mite dinga Aims of Education hi Bread and Butter Policy ahibou in ahi.
Achaina a iseinom uchu Mizoram Govt. banga Public Service Commission a kumseh a MPS, MCS, alah na abol lou uh ahin Manipur a jong hi kumseh a kibol ngailou ahi. UPSC a hohi muhah cheh cheh ding ahijeh in Civil Service hatup na nei hon MPSC noia kibol MCS le MPS leh adang dang MFS hohi mutei na ding in kihabol ding, thohhat ding angai in ipi hijong leh imajouse hi vang in jong apo in Vangphat hung kon na chu Pathen ahi in Pathen a kingai a Pathen kom a Damtheina, Lunghat na, Potthona leh Thohhatna kithum jing pum a thile thi hinle hin ti ho chun mulou a umtheilou diu ahi.
Civil Service Examamination 2020 Result ahung so leh pasal sang in nu mei lang inabolpha nomjui in abang leh khatna topper No.1 jong ana. hijui inahi. Tukum in jong 3rd position na
Tukum a No 1 na Pradeep Singh.
jong chu masanga kum 4 tah Incometax Inspector anapan jou a IRS Cusom & Central Excise ahin mu a tulaiya hi training lai ahin a toper No.2 na
Jatin Kishore pa jong chu IRS Incometax khat chapa ahin ahi
toper No.3 na
Pratibha Verma UP akonhi IRS Incometax anahi sa ahitai akitin ahi. Nungah melhoitah Aiswarya Sheoran 2016 kuma Miss India kitetna a finalist lah apang jong 93 na ahinama hin Beauty leh Brain atho kit ■ahi.Hiche tobang hi aum tep tep jui pon ahi. Odisa langa tribal numei Anisha Tomar 94th th na ahin IAS amuding khat ahi.Assam a Jorhat. District a numei 2 a lhung in khat nu hi IAS amuding ahin a 112th position ahoi lheh e. .Aminchu Sizal Agarwal112th na ahi. Tukum a top 25 lah a 12 chu numei ahi akiti kit in ahi.
Numei ho hi a thil tup leh doi khat uhi single minded a agut jeh un pasal sang in alolhing atam jon ahi. Nungah leh gollhang kidei leh kingai jong nungah ho hi adet un adei leh angaipao chu toh kichen teiding atiovin gollhang ho hin nungah dang toh akop nomunahi.
Hinkho ahi mikhat in attention hi 100% apeh theileh lolhin lounading a um pon ahi. Jinei jousa jong pasal numeidang a boi hi numei pasal danga ? boi sang in hatam in atam jon jon ahi.
Tukum 2020 C S Exam Result a chun North East state ho a kon in 11 alolhing in mi 5 Assam ,mi 1 Nagaland , mi 2 Manipur Manipur leh Nagaland a teni hin anilhon in IAS chang lhon inte, Richard Yanthan 133 na ahin IAS amu ding leh Nongjai Mohommed Ali Akram Shah top 188 th na ahin IAS amu tei ding ahim.
Assam a Jorhat District a Sizal Agarwal jong 112th position ahin Jorhat te mi 2 ahin khatbeh in IAS ahin muding dan ahi. numei dang khat Niveditta Dutta jong IPS musa ahin a position hi 697 na ahi.
Ahinla Rajasthan a Meena ho 32 tah alo lhing un NorthEast state 7 ho sang a tamjo ahi. State 7 a mi 11 lhing bep a Rajasthan a Meena kiti ho keo keo jong aki phah lou chu da aum lheh e. Jachat jong a um in ahi.
North Eastern States jouse hin kitho khom in Combined Civil Service Coaching Institute
khat bol dohthei uleh dei a um in ahi. Masang laichun Maharastra State hi state dang ho sang in ana lhasam lheh un Maharastra Govt in IAS Institute khat ana tungdoh un hia pat chun akum akum in alolhing atam cheh un ahi.
Thusimbu Machal jing thei na ding a pan lanom ho kipah tah in lem ahijing in ahi anoiya button “Click Here” khu meh utin details anasim ute.
