Home N Lhungdim CIVIL SERVICE EXAM HI ITI KIGOT A LOLHIN THEI AHIDEM?

CIVIL SERVICE EXAM HI ITI KIGOT A LOLHIN THEI AHIDEM?

32
0

Hardwork,Luck leh Systematic Planning ngai inte katin ahi.

Asun
N.Lhungdim
Thangting House
Molnom-West

n lhungdim
N-Lhungdim

13th October, 2021.

Civil Service Exam a lolhin nahi Kuki chate lah a KEL FAMINE alhah nahi asot tan ahi.

Tukum in kipa umtah in nungah
Hatchinghoi Haokip in Changpal
ahin lhodoh hi akipatna hiding ham ahilou leh akichaina hiding ham?

Hiche Civil Service Examination hi abul akipat in IAS Etc. Examination ana kitin ahi.

India chamlhat mumasang in Indian Civil Service ICS akitin
STEEL FRAME OF INDIAN ADMINISTRATION
akitin Examination jong London a bou ana bol jui u ahi.

India mi a pass masa pen chu Poet minthang Rabindranath Tagore upa chapa Satyandranath Tagore anahin1864 ahi. Subhas Chandra Bose chun anabol ana lo lhin vang in Gam ngailut jeh a analahlou ahi.

1972 kum in a ken jong kana bol chun IAS Etc. Examination akiti nalai in ahi.

Itih kum a kipat a Civil Service Exam hung kitiham kenjong kahepon.

Amin kikhel lo najeh pen hi Examination Pattern chu ahung kikhel in alui System chun Compulsory Paper 3
No.1 Essay
No. 2 General Knowledge
No. 3 General English ahin
Optional Subjects chu Paper 3 ahi in ahinla IPS ho dingin alhangpi a kum 21 kiti jongchu kum 20 a attempt bolthei ahi.

IPS bou tup leh delho dingin Optional Paper 2 bou ana hin ahi.

Category I ah
IAS leh IFS
ana um in
Category II ah IPS
chuleh
Category III ah Central Services Class I and Class II ana hin ahi.

Hiche ho chung ahin Category I attempt bolho dingin
Advance Paper 2 ana umkit in ahi.

Hiti ho jouse jeh a hi Civil Service Exam tia amin ahin lheh uva chun ahung kilheh in Category a hom hitalou in abon a dingin Preliminary Exam leh Main Exam tin ahin khel un Preliminary Exam ahin Paper 2 General Study Paper I leh Paper II Objective Type Test aum in hichu
Aptitude Test jong akitin ahi.

Main Exam chu
Paper 9 aum in Paper 2 chu Qualifying Paper ahin hiche Examination ahi Candidate khat Nidan 32 Examination hall a atouding angai in ahi.

Civil Service Exam hi Stage 3 ahin
No.1 chu PrelimExam
No.2 chu MainExam ahin
No.3 chu Personality Test INTERVIEW chu ahi.

Hiche Stage 3 hinpal gal kai ho chu Civil Service Exam ahung lolhing ho chu ahin ahi.

Hiti chun Civil Servic Exam kitichu ahung hahjep tidingin mi tamtah Prelim Exam achun ahung lolhing jui tapon Final Exam ah ana pangthei tapouvin ahi.

Hiche Objective Test ahijeh in Prelim Exam a pass hi kei geldan leh mudan in atamjo hi vangthu hijo dingin katahsan in ahi.

Vetsahna dingin 2020 Examination a Rank No.1 pachu amasapen in
Prelim ah ana Fail in ahi akiti amasa a Prelim a aFail vanga 2nd attempt a IDAS ahinmu a 3rd attempt a Topper hunghi ahi.

Tuni a hiche Exam chungchanga khangthah athanom ho hetdinga kaseinom chu hiche Exam lunglut nanei leh Civil Servant khat hitei ding lungtup neiho in kigot dan leh kigin dan hi phatah a geltoh lou a amoh bol bol ding uhi sumlut sah leh thachol sah hibep dingin kagel in ahi.

Nuijat um thusim khat kisei leh lekhathem masaloi tah aumtalou Pu Ngamhao Haokip of Maokot, Co Operative Dept a ana um chun Office suti lah a kicholdo toh gome Shillong kholjin in kumseh leh IAS etc ana bol jui in ahi.
Khatvei chu U Ngamhao na IAS Exam bol itobang nam tia mikhat hin adoh uleh mitotse tah ahin khongai uvo kibol bol leh ka B A Certificate jong eihin lahpeh uvin te ana tin ahi.

Ajehchu alhangpi a Prelim Exam a form fillup hi mi lakh 5 tobang ahi in lakh 5 lah a chu kaginchat dan aPrelim Exama 30,000 tobang ahin lhendoh uva Main Examination abolsah uva Main Exam a kona mi 3000 tobang lah a achaina a mi 1000 tobang ahin lhendoh kit uh ahi.

Hijeh a chu the India sunga the TOUGHEST, Exam kiti ahi.

Mi lakh 5 lah a lhendoh a pangkhat hung hiding chu vang jong hi nantin masang a slogan khat in
LUCK IS ANOTHER NAME FOR HARDWORK
khat kana mun ahi.

Itoh theichan tohding gellou a Vangphat mu dingchu tahsan umlou ahi.

Bible injong natong lou chun an nehda hen ati ahi.

Tulai in masang sangin Civil Service Coaching Centre hoitah tah ahung umta in Correspondence a pan nathei jong ana um in masang chu
Brilliant Tutorials kitiho a note semsa u sumpeh a jao na khat ana umchu kahe in ahi.

Iseinom pen uchu sotlai peh chun Allahabad University ah Coaching Centre khat Govt. in SC/ST ho dingin ana hongin tulai hin hiche Coaching Centre ho a panding hi Sumlut keo hilou a Thalut na jong tamtah ngai ahi.

Kum ija hamkhat masang chun class XII 1st Division a hung pass jouse chun
IAS CIVILC SERVICE a kapan ding ahi tikhat ahin moh nei uvin ahi.

Keigel danin hiche kiginna hi Class XI lehXII a kipat a ana nei uchu akhohpon Graduate ahin chai ule bou hiche hi atah tah a ahin neijoh diu hi phadingin kagel in ahi.

Phat masalai in Kuki chate IAS etc. Exam ah mi tamtah ina lolhing uvin PACHAT an um in ahi.

Ahinla ahoilou jep a kamu chu ana lolhingsa hohin aban a mi ahung lolhin kitding hi adeisahlou tobangin ana um uvin ahah a hah koiman ahin jolou dingdan in ana seijui uvin ahi.

Hiche jehchu hiding ham hiche Civil Service Exam ahin FAMINE KEL lha tobang in kum phabeppi ana umtan ahi.

Kadei danchu ahileh KHANGTHAH athanom hohi amuhah behseh ding ajong seilou ding moh mubai dinga jong seilouding ahahdan Systematic a kigontup chet angai dan hi hilchen joh dinga phadingin kagel in ahi.

MIKHAT IN AMUTHEI CHU MIDANG KHAT IN JONG AMUMONADING
AUM PON AHI.

Ken kana sei juichu ahileh kenService kahin Jihdoh leh Service kahin mudan chu midang atoh kibanglou achombeh ana hin ahi.

Ajehchu midang in copy bol theilou kapenna leh School leh College kana kaina ka Background in atalou jeh ham tulai a Civil Service Exam dingchu kana tuplou hel khat ahi.

Hiche hi kana tup gunkei hileh 1964 a B.A kapass ahita in 1966/ 67 vel a chu Service khatbeh kana jihdoh teidingin katahsan in ahi.

Kahinkho a kaki got nalou na behkhat Central Govt.
Service a kana lut khah hi hiche va tulai KHANGTHAHHO hetdinga phakhat chu lekha hi ipi lekha hijong leh
kana hasim in kahetna knowledge hi ka memory ahi midanga sanga
ana kikhol tamjo Matric ka pass jou a chu ginchat sanga ana sangjo ahi.

Hiche WIDE KNOWLEDGE kanei chun IAS Exam achu hatah a eina panpi ahi.

Achaina dingin tulai KHANGTHAH ho kathumop nom khohtah khat aumin hichu ipi ham itileh hiche CIVIL SEVICE EXAM lunglut a CIVIL SERVICE OFFICER khat hiding natup uleh
tup tahtah in tup uvin milah a hoitho nadingin tup hihbeh uvin.

Keiho bol 1972 laijong chun tupgun na nei behseh lou IAS Exam bol in ache e atina dingin mitamtah in Exam ana bol jui uvin ahi.

A nina ah single minded in tupdang leh doidang neilou in Officer khat hina dingin lekha nikhat leh nidan 6 lha 3 hasim in sim in.

Lekha ihasim a ahileh kisonna ahung um in
hiche kisonna
Self Confidence akona chu lolhinna mulou dingjong hung kimuthei ahi.

Hitia chu kigotna nanei uleh khovei Examination Result so phat leh aga tamtah mu tei tei dingin ki nep a um in ahi.

Articles hi anom lheh e nati le anoiya “LIKE” button khu meh in writer ho na support nau vin, chule seinom nanei le anoiya comments nahin bolthei u ahi.

Site nalut a notification pop up hung potji ho allowed anabol ji uvo maban a thusim thah ahung ki post teng notice namu ji diu chule Bell button a subscribe kiti chu meh un.

Previous articlePHATKHAT CHUN LEISET CHUNG A MIHAOPEN CHU BILL GATE ANAHI
Next articleKACHUN LE KASEN GOLNGAI-I

LEAVE A REPLY

Please enter your comment!
Please enter your name here