Home Lahkhom CHOM KHAT KIPANA-I

CHOM KHAT KIPANA-I

520
0

Lalpu lotjem…
6009048006.

Part – Khat (1)

Pol som (Class 10 ) kasim kum ahitan, keiho khoa kona kigam lha beh louva hin, Catholic School khat na hin kakaiyin, keiho kaloi mi them khat toh hin, phat sim seh tobang le hin, school kikhen le numei kana dai jiuvin, kei ho nop sah nakham in hinkho kahin mang peh uve. Class 9 kasim kum ahin, lungset khat kana neiye, ama chu kei ding’in kalungset masat pen ahie. Ken iti kadeiya, kalungset vang chun, ama lungset navang kana chang jou poiye. Kana deival jeh chun, akingai bang kana um lhon in, ahinlah ; aguh in kana genthei ji lheh ae. Ajeh chu, mi vet dinga kana hel ahijeh chun, kagah kilhon lele ji lhon teng le, akingai danna eina gel jiu ahe. Chinu chu kalung adong jithouve, mi ijat lom lom toh kidei kigo ham😂? Kisei val jeple, hapta seh a akhel tobang ahiye.

Ama kana dei jeh chun, school kikhen na kilhon ding bou kana ngah jinge. Chiphat laihi, june suty kilha laitah ahin, keiho school vang kana kilha pouve. Nikhat hi school kaki khen jou uva hin, waiting sheed nahin katou uvin, mi kangah un ahile, kana mukhah lou; keiho lang ho mama ahin, anao puiya ahung kamu chun, kalunga chun, jatchom beh a deina khat kanein paiyin ahile, kaloiho katem in; kaga jui uve. Amel kamu akipat chun, masanga kana dei kalungset sa aum vang chun; kalungin, ama jeng akilang’in kadei val jeh chun, kaloiho kadong lele in ahile, akicheh in kahin he chen taiye. Amahon jong asei dan uchun, miphatah umchan hetah, hidan in aseiyun, chiphat chun kadeina asang cheh jeng taiye. Ajinga kipat chun, ama bou kangah pan taove.School kikai jong chu lungset melmu ding kinepna jalla kikai tobang in aum taiye.

School kikhen khen in ama kamu nom jeh chun, kilap da khan te katin; kino tah chun, kamu naji mun lang kaloiho kahin delpi tan ahile, anao ho jong ana kilha doh naipouvin chiphat chun, hung pai tante katin, kinem tah in kangah e. Chom khat jouvin vang, mijouse jong akikhen tan ahinlah, ahung mong mong tapon, chiphat chun kagellin ; ana juida leng, tunia jong kimu kit dinga katin kachang’in themmo kaki channe. Lunggel nommo tah in inlang in kahung kile taove. Phat jong ahung chal challin ahile, ama jong; School akai namun langin akile taiye. Achi doh thu kajah apat chun, kum le lha , phat le ni challoi le katin, ama jeng ngah in hinkho kahin mange. Munchoma kai ahijeh chun, itobanga hinkho aman, ipiti kiman chah ham? Ti kahet lou jeh chun, alang khat in kaki songlel jie.

Ama kamu jouva kipat chun, masanga kana lungset nu, kanung ngai tapoiye. Kangai tapoi, kalungset tapoi kati vang chun, kalung in vang mil ni aumpoiye. Lungset nu mel mu ding kinem a phat ho kasima kanga bang chun, kanga jing phat ahung lhung tan ahile, kei ding chun, haina hu eiki happih be kabang’in kipa na jengin kadimme. Ahung doh phat chun, ken jong amel kamu nom’in nikhat Ball peh din kaki gong un, chia chu chipai pai ding tia hi kagel ahiye. Kalunggel bang chun, kachi taovin ahile, kakigotnao asuh sah ana umlou phat chun, lungset nu kom kajon taove. Kachi un ahile, ama umna (api komma umma ahin) masang chun, Wiating sheed aumin chia chun, katou un kangah taove. Hoilang ipi le ipi hung kisu to kit ham? Masanga kana lungsetnu, toh chun ahung umkhom lhon tan ahile, kei ding chun, koijoh chu vet ding ham? Ti chu kana lungnoh phah den jie, 😂.. 😂…

Hitia chu katou un ahung doh ding kangah un ahile, ama jong ahung pot doh in, agamlhat chi dinga ahile, jui ding katin kagah ding doh in ahile, amasang chakhat na chu alut pai tan ahile, kinepna jouse leh lunggel ho jouse chu aloung mang jenge. Athao a thao laitah ahin 😂, ivet le moh dei dei aum laitah ahiye. Ahung kile lang chun, kaven ahile mailhaisel la ahung nui chun, kalungsung kipanan adim’in kana ngolpi jenge. Kei dinga chu amel kamu seh seh jong chu kahunglo aumme tia hi kana gel ahiye. Kalungset na kasei lou vang chun, kaum chan na vang chun, kalunggel jouse akiphong chai taiye. Chutia moh um umjong ahithei lou jeh chun, lunggel sei ding kati tan ahile, kasei masang in kaloipa kadong’in kingaipi aneia aneilou ham? Hin khol chenno aneiloule kalunggel kasei ditai kana ti ahie. Iti lampanga sei ding ham? Iti gah sei ding ham tia kaki gel jing lai chun, aman jong ahin dong’in ahile kingaipi ana neitan, kalungthim ana nommo lheh jenge.

Kalungthim anopmo lheh vang chun, kana seijin, kanga di ahe. Katin, hiti chun ; ama thu jeng bou khol lin kamah thah taiye. Kum le lha jong ahung chal challin ahile, kum ahung lhung tai. Christmas ding kon ahiphat chun, aman jong exam ho ahin chai phat in inlanga din ahung kile tai. Kidong kit hen katin, jahchat najouse dalhan, kadong kit nin ahile, Vo henu; Achom khat toh kidei kit hidan te🧐🧐..
Itih kah chu ong man ham? Lungdon aum thouve. Achuti vang chun, kakinepna adai deh pon, aphat lhing nailou ahe. Katin kei le kei kana kilhamon jie. Numei dang ijat ham khat jong idei aum dapon, ahinlah ; kageljin, Phat kingah a tua mi kajol la ahile, kalungel kamolso lou di ahe. Katin, chijouse akon chun kana kitim doh jie. Keijong class 10 exam kahin pitan, Pathen lungset chun kahung lolhing taiye. Masanga chu facebook kana man vang chun, akan na ana umpoiye. Tun vang aman jong ahin man phat chun, kei ding’in lolhin na ding chun, facebook hin pan lentah ahin latai.

Kahung kihou ji lhon in ahile, aman jong kalungel ho ol-olin ahin hethem’in keini kikah chun, neo khat khat in kihou ahung nom taiye. Ken jong phone na kon ahivang chun, kalungset dan le kanga dan ho kaseiyin ahile, aman jong, kiletsah pi ding jong nom asah lou hintin, kum kim lang in kahin kijol doh taiye. Ama anop chu kei dinga kipana sangpen khat jong ahiye. Ken vang kamu nia kipat kalungset na kana pih sa ahitaiye. Keiya konna kanei lungset najouse leh khonung chan gei dinga, lunggel kana gelna ahitaiye. Aman vang lungset tah tah jong eina lungset lou maithei ahin hinlah, ken vang ; Ichan gei hijongle lungset na chan jing dia kana kigellhah ahite.
Auma mun lang akile jou ahin, genthei aum lheh ji e. Ajeh chu, high school ahinalai jeh chun, phat sim seh in akiki hou thei jipoie. Lha khat le 2nd saturday seh seh le kihou na phat kimu ji ahijeh chun; genthei aum lheh e.

Hiche nikho ding bou chu kingah jinga ahijeh chun, ahung lhun le phat kichai ding ana ki it lheh jie. Aphat jong sottah tah kihou thei ana kihi lou jeh chun, message a kihou le ki reply to gei ana umkha ji poiye. Alang khat in, message a kihou sanga atin, eihin call jin; Call la kaki hou jilhonne. Kei phone akichoi jeh chun, game kakap pet dungle, call ahunga ahi jongle, ama ana hikha ding ham? Kati jin, abon in kana pick tei tei jie. Ama ana hiji teng le, ka kichep kanga jin, lungmon tah in kaki houlim ji lhonne. Aphat chom dan chu, lunggel seina ding phat jong umman behseh jilou ahiye. Nadam dam hinam? Nom nom nam? Tia chom khat iki houlim leh, kapi chi dite, atijin kingai lheh jongle, alouthei lou ahiphat chun, ngailou bang kisan kathat ji taiye. Phat jong ahing challin, kum lhun na ding jong naicha ahitai. Melmu ding kanga lel dan chu, khal laiya, go juh ding ngah kabang jie.

TO BE CONTINUE…..

PART KHAT (1) HICHAN CHUN AKI CHAITAI. LUNGLUT TAH HIN SIM HO JOUSE NABON CHAU CHUNG’IN KAKIPANA KAHIN PHONGE. CHULE ISIM NABAN UVA LUNGGEL SEINOM NEIYA IUM ULE KIPHALAM LOU HELLA ACHUNGA KIPE CONTACT NUMBER AKHU CALL AHILOULE WHATAPP A IKI JAH MAT DIUVIN TEMNA KAHIN NEIYE.

KAKIPAH AE…..

Thusimbu Machal jing thei na ding a pan lanom ho kipah tah in lem ahijing in ahi anoiya button “Click Here” khu meh utin details anasim ute.

Previous articleIMA JOUSE A LIMIT UM CHIH CHEH AHI. IDEI VANGA AHIDING CHAN VAL A KIHI SAH THEILOU AHI
Next articleNAPATHEN HOUHI NA LUNG NA CHIM HINAM SOPI?