Bro.Shonkhogin(Hegin)Haokip Maranatha Cottage, Hebron Veng, Phaipijang, Langol, Imphal West Manipur.
CHENNA DING BULDING PUCCA FOUNDATION A
ISAH-NOM, BANGUVIN
ACHENGDINGHO JONG
PUCCA FOUNDATION,
TICHU HOLY MARRIAGE
A PAT DINGIN GUT
UHITE-1.
_*Mijouse lah a kichen hi ja umhen, chuleh jal khun jong suhboh in um dahen; jonpan le mijitoh jongho thu Pathenin atan ding ahi. Heb.13:4.*_
Kichen kitihi Pathenin aphudoh ahin, kichending chungchang thuhi jachat pi ding imacha aumpon, ahinla amijousen kichen thuhi ijachat pilheh uvin, achuti na lamin thengtah leh dihtah a kichenna ding ngaitoho kisan jong ijammang lo jitaove. Khang dong ajinei loulaiho jousen Holy Marriage hi natoh phatahtah natup banga natup ding ahi. Ipi dinga nangin natohpha natup ham itileh inchen lou chen noptah a chenna ding nati ahi. Hiche lunggel nanei tabang chun, Holy Marriage tupin, adihtah a seidin, insung nomtah semding nati leh Holy Marriage neitei ding tupin. Abul pucca foundation ahileh achung nadei deija nasah thei ahi. Abul kaccha foundation ahileh achung nadeideija nasah thei lou ding ahi.
Pucca foundation kiti chu hinkho thengsella Holy Marriage bol kitihi pucca foundation ahi. Tulai mitamtah in Holy Marriage vang chu abolnai, ahinla pucca foundation akitithei poi. Hijeh chun, kichen hinkho anopding dolin anom theipoi. Hijeh chun, inungah igollhan lai hinkho chu inupi iupat phatleh aga kine ahi. Nungah thengsel nahia ahileh gollhang thengsel mudinga lom nahi, gol lhang thengsel nahileh nungah thengsel mu dinga lom nahi. Ikhang donlaija inopnop a hinkho kimanga, ijinei ding phatleh nungah thengsel, gollhang thengsel kiholji hohi ja chat umtahleh akilomlou tah ahi. Nungah theng gollhang theng nadeileh nakhangdon laijin, theng selin umin, tulai khanga koi atheng umding ham tin satan kilheplhah sah hihin, Pathenin nungah thengho dingin, gollhang theng tamtah akoijin, gollhang thengho dingin nungahtheng tamtah akoije. Iti naholdoh ding ham, taona a naholdoh ding ahi.
Iti nahol dingham, amasan natahsan lalna ho chu ladoh inlang napa Pathen tahsanin, Elijah in, Pakai koma, Baal pathen houhon, nangma themgaoho athatlih gamuvin, keimajong tha dinga eihol leleu ahi, ati nalo pentah chu, nang dinga ahing kei kachang seh kahitai atina ahi. chuphat chun, Pathenin, nangin nahetlou vangin, Baal pathen anga dil sukha loubeh mi 7000 kaki khennai ati. Rom.11:4. Hitabanga chu, nangin tukhangin, koima cha Pathen deibanga hing jong umtaponte nati ahin, nangchu kigon, nang dinga napa Pathenin nagonpih thou thou ding ah. Vannoi leiset phatlouna hi tukhang sehseh ahipoi, Noah khanga mite jong chu alunggel angaitou aphaloujeng phaloujeng ahi akiti.Gen.6:5. Mipha lou tamtah akisepdoh vangin apha Pathen he jong akisepdoh thou thouve, hijeh chun Pathen thangvah in um hen. Hiche ahi nungah gollhanghon tahsan exercise ibolu angaitai, inule ipate taopih na seh seh in nangma najaolou leh imacha ahitheipoi tihi phatecha nahet ding ahi. Nanuleh napa taona sanga chu nang taona chu khohjo ahi. Tekahin, najidinga nangaito nungahnu chun, nanu napa thusei sanga nang thusei joh chu agelkhoh joh ahibanga chu Pathen in jong nang taona chu agelkhojoh ahi.
Abanjom umding ahi…
*Nitinthusoh Dailynews*
