~Story By
Nick Hangshing~
Khosung neo khat ahin innsung khat ana um in ahi. Amaho hi akhosung a dinga minom saloi chuleh khosung min aja loi tah khat inn sung ahi uvin ahi. Hichi innsunga inn neipi leh inn neipu chun cha pusal 3 anei lhon in ahi. Hiti chun nikhat hi anule apa kin a apot pet in, achate se2 bou inna aum uvin ahi. Chom khat jou in ainn mai uva lamlen a amaho gol chapang ho kichep chu innsunga kon in ave uvin ahileh, hetman lou in munkhat akon in chapang lha 8/9 velbep khat chu ahung lhai le2 in ahi. Hichi amu uchun amahon jong chapang lha 8/9 velbep hitia alhai le2 chu kidang jong asa uvin chuleh hichi chapang mel chu chapang mel aput lou jeh in kijong aki cha uvin ahi.
Hitia akichat jeh uchun amahon jong vesot ngam talou vin, a room sung uva ajam lut un, alup nachung uva atou un thusim asei un akihou lim uvin ahi. Hitia akihou lim pet lai tah chun a chaksang uva kong lebel kikoi hochun ahung khelhan ahi. Hichun amaho ucha lah a amilai pa chu angam dom pen ahijeh chu kitchen a e p t ham ti veding in achi phei tan ahi. Aman jong kichen aphah2 chun ave le2 in ahileh ema amulou phat chun, room lang jong a hung kile ding ati lai tah chun, anunglang sangkhol chu ahung kiloi in ahi. Hitia ahung kiloi loi a chu anunglang ave in ahileh ema amulou phat chun ama jong a U toh anao umna room lang chu thi del in ahin del tan ahi.
A U leh anao injong kichatah a ahung lhaiphei amu2 lhon chun, chaksang a thil khat vang aum e t ahet lhon phat in kichat nan adim lhon in, amani jong amaiso lhon aki khel leu hon tan ahi. Hitia amaho thum jong kicha tah a lup na chunga atou lai tah un, a room kot a kon in milu khat ahung dah doh in mitphe lou in amaho ucha chu ave in ahi. Hichi jou2 chun amang pai2 tan ahi. Hichi nilhah a anule apa ahung kile le chun amahon jong thil umdan chu anule pa kom a asei uvin ahileh, anule pan jong chapan ahijeh uchun ana tahsan lhon pon, chapang kichat man a ajat2 asei u ahibou e ati lhon in ema injong ana gel pih lhon pon ahi.
Hichi joua pat chun ema wang ati tapon ahi. Hiti chun phat ahung chi2 in ahileh anu in nao ahin vop in, chuleh cha pusal khat ahin neibe lhon tan ahi. Anu chun nao anei ahet2 uchun hichi chapang ho chunjong nao khat kanei be tao e t ahet phat un, kipah leh thanum tah in anao u lim veding in anuleh naosen um nalang chu ajong phei tao un ahi. Hichun anao mel amu2 uchun amaho ucha thum jong amaiso u kipa nan adim jeng uvin ahi. Ahin vangset umtah in anao neijou pung 2 jouin naosen chu athi pai2 tan ahi. Hichun Doctor pan jong apet2 in naosen chu e p t thi ham ti akhol pai2 tan ahileh, naosen chu atahsa chunga thisan alhahsam jeh a thi ahi t chu ahin phongdoh tan ahi.
Naosen athi anu in ahet2 chun anujong angol bang in akoh kaa tho jeng tan ahi. Achate hon jong anu kaa chutoh anao u thi chu avet uleh chapang ahiwang un ana pona lheh jeng uvin ahi. Chom khat jouin, apa chutoh innsungmi them khat akihou un, anao nei utoh anao thi uchu koima hetsah lou a vuidoh pai2 d tin ahung kihou lha tao un ahi. Ajeh chu akhosung uva amaho innsung hi khosung miten aja jeh uva chu, achapa thi chu heleu khosung min ei munem diu ahe ati jeh uva koima het lou a vuidoh pai2 dinga ana kihou lha uva ahitai.
Hiti chun akihou nabang un, naosen athijou pung makhai jouin munthip lai khat a, mi umlou namun khat a thip beh in aga vui doh tao un ahi. Hichi nilhah chun ucha thum hochu a emut pet un anule apa room langa kon a naosen kaa gin ahin ja uvin ahi. Hichi ajah2 uchun amahon jong anao uchu hing kit a, anule apa jong hospital akon a hung kile hiding a agin mo phat un, abon un anule apa room lang chu akidel tet tao un ahi. Ahin vangset um tah in anule apa room achun koima ana um tapon ahi. Anule apa room chu athip chet jeng in ahi. Hichi pet laitah chun anung uva chun naosen nui gin ahin jakit tao un ahi. Hichi ajah2 uchun amahon jong anao u ahiloh ahet phat un, aum na uva kon a chat ngam talou in amoh din den jeng tao un ahi.
Hichi pet laitah chun amahon jong room langa chi tailou upai dang anei louphat un kichatah in alupnalang chu jon in ol2 in achi phei tao un ahi. A room u alhun2 uchun a blanket u aki khu khum chah kheh tao un ahi. Chom khat jouin akom avel uva mi chaloh gin ahin jatao un ahi. Hichun amahon jong blanket chu neo cha ahoh doh un ave uvin ahileh. Til a ana mu u chapang lha8/9 vel chun anao athisa chu ahin kai in akom avel achun avah le2 lhon in ahi. Hichi amu2 uchun amaho jong blanket chu hoh doh talou in, blanket nui a aum khovah tao un ahi. Ajing jingkah a apa ahung lhun2 in amahon jong athil to uchu asei pih kit tao un ahileh, apachun til a bnga akichat jeh uva amoh sei2 ding in agel p kit in ahi.
Sotlou in hichi nilhah ma2 chun apa emut pet in alup nachung mi akichem tabang khun ahen, hichun aman jong ave in ahileh achunga achapa nosen athipa toh achaten anasei ji chapang chu ana kichem lhon in, apa in amu2 chun amanin jong mitphelou in mit tol kiu keu in ave lhon in ahi. Hichun ama jong aki acha val in jaam d atileh atahsa chu akituh chah thet bang in achat jou tapon ahi. E t akitom got wanga acha joulou phat chun amajong ahung lel in, akichat toh ahileh khohelou in ana lum lha pai2 tan ahi. Jingkah ahung tho2 in aman jong hichi thuchu khosung a houbung upa ho kom asei in ahileh, houbung upa honjong ahet them phat un, achapa kivui na achun phatan maicham asem un lhah na anei uvin ahi. Hichi nia pat chun amahon jong ema atoh tapo vin ahi.
Ahin phat ahung chi2 in ahileh akhosung ma2 uva innsungkhat a kon a hichi chapang lha 8/9 vel lai le2 amu dan u ahin sei un, hichi jou sot lou in hichi innsunga inn neipi in nao anei2 chun acha jong athi pai2 tan ahi. Hichi chapang lha 8/9 vel chu koi hija, hoi a kon a hung hija, e p hidan ham t chu koiman ana hedoh jou tapo vin ahi.
~BEITA~
