Home Sasat Baite CHAGA LE MINU DINMUN

CHAGA LE MINU DINMUN

162
0
chaga le minu dinmun
chaga le minu dinmun

By:Sasat [email protected]
Chalwa IT Road
7628959366

Leiset hinkho a dinga tonom umlou pen chu chaga hinkho hi ahi. Ichan gentheina sang hen lang iti hah jong le inu le ipa aum laisen lungmon na iki neiyin ahi.

Nikhat jong inu imulouva ahile mukal ingah lel un, chengkhat chengni ikivat jongle kanu ahoule kapan ana neitei nante tia jong lungmong tah in ium theijun ahi. Nu lepa neihon avang aloupi nale akul dan iha hetlou dingu ahin chaga hinkho manghon vang nikhat cha hijongle Chunle Jo to nom a lenkhom ding ngaiyun te. Igenthei nikho tengleu lhase tah in inu ahiloule ipa komin lhisoh le kinuh pum pumin ikap un lungna tahin ium ji uvin ahi. Hitobang genthei ho nato teng le kahin nompoi nati kom jong umtei ding ahi.

Ahile nangbon nalhembi ding nanu napa um a hito banga nalhaset thei le nunei lou panei louten genthei na ahinto tengleu ichan geiya hahsat n atoh tading uvem? Ahiloule akipa niteng leu koi koma lhut taovin tem? chapang nuipum pum a inn hinjon jong chu inn alhun teng lonlhin lamto jengin te.

Ahile nangin chaga kahin kahin nomtapoi nati khah ta em? Leiset hinkho hi drama kitho tobang ahijenge… genthei a
pang jong aumin ahaova pang jong aumin ahi. Natho chai teng nagah nungvet ding hile chun genthei nahi na a nasuh khel ho mule chun nanuijat nakom jong umding ahi. Ahao hon jong ahao hi na a abolval hou kimu leu kisih ding.. Oh! agenthei joh a ana pangleng tia akisih nading phat jong umtei ding ahi. Ahao hihen alengvai agenthei hijong leu eima eima panmun(scene) cheh ahoi na thei channa isuh bulhit ding uchu thusim/drama sempa lunglam chu hiding ahi.

Achesa kum 2015 a pat a chu Eklavya Model Reaidential School Gamnom Sapormeina school a kana kai ahin keiho school achu genthei chaga jong atamin mi jong aphatah tah aumin ahi. School a chu mijouse um ahijeh chun nule pa ahiloule insungmin ni second saturday nile bou eihung vil thei-u ahi.
Keichu nule pan jong aphatcha eihung vilthei ji pouvin, kadei kangai jong aphat cha kamu louna atam a tam ahi. Second saturdayni hung lhun teng inkoten chate nehding bule me atui tui neh ding ajat jat ahin poh peh ji uvin ahi. Kei nule pa ten vang midang bol bangin abol joupon ahi. Second saturday ni chu mite dingin maikimni kipa ni hijongle kei a dingin vang kipa ni aso louna atamin ahi.
School a dinga alenpen lang ikihi jeh a chun naote(junior) nule le pate ito bang nam tia kaga ve ji in ahile kah khat khat chu nule pa hung thei lou jeh in guhthim in akap in kah khat khat vang chu anule pa hung vaigeo jeh in akap ji uvin ahi. Ahin mi phabep vang chu kipah theilouvin aloiho umchan chu amoh vet ji un ahi(amaho chu chaga ho chu ahiuve).
Nule pa nei a hungvai gei ahiloule khatvei hunglou mana hibang aka uva nule pa mel mukal angalel leu nule pa neiloute chun ito banga nule ngaichat na anei ta dem tia kagel le avoujang anan kathoh jouji pon ahi. Ken kanule kapa kamu lou chun phatchom khat a ding bou hibang na kisah a, aitih a mulou hon vang mium chan mi khan chan chu thangsetpi lheh inte tin kalungthim aboi ji lheh in ahi.
Sumle pai pehding vang kenjong kanei jipon hinla kataona a kana kopjin ahi. Ama ho koma vang kasei nomji pon ahi, ajeh chu kapoh nat naho seileng ama hojong moh ka kit jeng diu ahijeh in kapoh nat naho jong kana im ji e.
Nule le pa neilou hoding chu kagel jile kapoh jouji lou jeh chun kalungthim in ama hovang Pathen in moh dalhah ponte tin kagelin Pathen chu anule apa a kisong inte kati.
Phat chesa ho koukit nom untin kipa ni nopni jongle lonlhin lamto inte tin lagel in kapoh nat naho chu Zaila gol in kajih doh in ahi.
Ala cheng

Aw chung Pathenin hinve temin
Chunnu a dalhah chapangte hohi
alungkim nadiu vem chunnu beiyin
Chunnu to lenkhom ding ngaingei junte.

Mong joulou Chunnu beiyin
Kadiuvin Chunnu in hungpang jengin
Lhasamte kaithouvin aw Pakai
Nangma bou nahi e kaki pa nao.

Achunnu hinlai a ahinkhou
Koukit ding nomun te phat chesa ho
Koukit thei ding hile koukit unte
Ahinla nung koukit thei hita lou.

Kipa ni nopni

Previous articleLHADAM NUNGAHNU
Next articleNANUNG A HUNG CHU KOI HAM?