CHAGA HINKHO
Part-1
Luncyno HK
6909559560(WhatsApp Only)
Anasim pan taote;
Kum 8 dung kahi chun ka Jon (kapa) eidalha tan, chapang kitol chem, ima helou kahi vangin, kapan eithisan chun ka lungthim anom pon, ka gol ka pai ho chula insungmi kikim in hinkho amang uve, kei dingin kahinkho’a genthei kipat ni chu kapan eidalhah ni ahe,
ka chunnu hi mibangin hinkho amang jou pon, ama hi mitcho ahi jeh in mite musit kachang lheh hin e, ahin chunnu mingailut dan kin ka hetthem jeh chun kanu chu ka lungset in ka engbol kha poi.
Phat le nikho kum le lha ahung kihei’in, kei jong gollhan hinkho kahin mang pan tan, *CHAGA*pabei kahi jeh in kahinkho chu genthei na jeng bou ahi, ka chunnu kavet leh kapa puldou’a hinkho aman jeng jeh’in atahsa alel lheh jin, alung mon nading ahipou le katin akipa na ding thachol lheh jong le ka bol pih in hijeh chun amai ahung vah doh jin ahi, thinglhang lei kahin bol’in kachangin nehding kihol in ka hung khosan, phat ong jong nei man lou in na katong jin katahsan alel lheh jin, Pasal kahi vangin chapang banga guhthimma ikaa na jong tampi aum in, kin na katoh loule insunga atong ding aum pon, kanu la mitcho ahi jeh in eikitho pi nom lheh vangin ahithei pon, jingkah ahcha ahung khon leh kaki thou doh jin an kahon jin,nilhah lou akon inn thachol pumma kahung jiteng jong le an kahon jin, abang kom le kaki gel silheh ji e.
Ka Chunnun ka genthei dan eihet peh in boi napa umna laile hibang lom in genthei pon nate,kin la ima ka bol peh jou pon ahin tin, iti kaki gel ham kanu thusei chu ka lai anan ka moh kaa doh jeng in kanu komma Henu koi ham kei a genthei e tia sei chu, itih’a kei ka genthei khah ham ven Henu nachapa nang na umlai sen genthei ponge katin mitlhi long pum’a ka kaa lai tahchun ka pute chanu ngaithem ahung kamu chun ka mitlhi kaki theh gangchel’e, Ngaithem in gal akon kakaa pet chu eimu dan ahe, insung ahung lut chun heu ibol’a naka ham atin kin jong hoilah kakap kha poi kati vangin aman ahet jeh chun hitin asei e nang hitia na um le *KANI* lungleng vai’a hinkho aman dihe tukal kigel se tahih in eiti’e.
Ngaithem in ka genthei dan eihetthem peh jehchun phat ong anei seh le inn’a ahungin kong le bel aum sun chu anot thengjin, koiman vetmit a jong anei lou ka chunnu chu asil theng sel jin, kin kahet lou vangchun kagol kapai hon aki ngai’a eina gel dan u ahe, kei chula dongma ipi ham jong kahe nai poi,
aniseh tobang’a Ngaithem in eihung kitho pi ji chu kaki phat lam lheh jin ama komma nikhat kasei in Nao tukal hung tahih in khosung miten eimu set ding ahi katile heu koiman na mu se pon te Bible in CHAGA GENTHEI TE KITHOPI DING ati chula, min ijat in sei jongle kahung thou thou dihe nang kahung kitho pi ahi poi KANI kahung kitho pi ahibou’e atichun ima sei lou in thipbeh in kaum tai.
Nikhat Haosapan khosunga kihou na ahinsem in, kakho chaga koi hile tunia kon changa gamva kiti ibol lou deu ahitai, isopi’u NSCN-IM hon lekha ihin piu vin ahung lhung ding hapta ma sanga na chennao kho na dalhah deu ahe atiuvin, khosung dalhah dinghi ka gel thei pon hijehchun chamkhat gamva, kholche kiti ho hi ibol lou deu vin kahin tem uve
Haosapa akon hichi awso kajah chun kaJo
ka gel doh in hetman lou in gal hung um le kanu la mitcho ahin, kin iti ka vet jou dinam katin ka lungthim chu akichol tapoi,
Kihou chai’a inn kachi chun ka Chunnun eina lam dot in, Boi tutah’a ipi kihou na um ham, kin jong ka sei peh in henu i gamsung’u aboi tai, i chengkhompiu Naga thingnoi mi hon khosung dalha din lekha eipiu vin, tunia kipat khosung gollhang, Upa kihe lou’a kivenbitna ding gellnan duty poh ding ahi tai,hiche kasei vangin henu lungneo hih o nachapa kei ka um laisen koiman ima na lo pon te katin alung mong nading in thu tampi kasei peh tai.
Nilhah an kaneh chai akon khosung gollhang, Upa jouse kihou khom na inpi te inn’a kan nei taovin ,duty po dingin mi kahung kilheng uvin, hiche nilhah chun kei ka jao pon, ajing a ding joh in kei eilheng uvin, chuphat’in inn kahung tai, insung kalut’a imu dea ka um lai tah’in ka CHUNNU taona awgin kajan, kalung among chom lheh e, jingkho ahung vah tan nidang phatdang bangin gamva aki bol thei tapon, mijousen itih tah le gal thal ahung ging dem tibou chu ki gel gel jeng ahitai, galmiten eitep peh nau nikho le phat ahung lhung tan chini kho chun mijouse kaki ging uvin hinlah koiman ima ihung lo pouve, Haosapan thunup ahi sah phat in duty poh jong kaki lha ong jep taovin.
Vangset um tah in Pathen nikho (Sunday) nilhah mipi houkhom lai tah in galmiten khosung ahin bulu taovin, hiche nilhah tah chun koima duty po ka um pouvin,hiche jeh chu inn mei in ahal uvin mipi kaa le mao awgin aki thong in, kanu inna kan dalhah’a houin hung kikhom kahi jeh in ka lunggim in, houin akon kapot doh lou le kanun vangset na ato thei ahijeh chun ka pot doh leh galmiten thal in eihin kap uvin ka masang dung chu goju bangin thalchang achun hinlah katahsa ima kaki tong khapon hiche nilhah chun Pathen in eium pi hoitah in kahe’e, ka inn u kahung leh galmi hon inn hal dinga ana got lai tah ahin, insunga ka CHUNNU panpi ngaiya akaa chu kajan bol thei la kanei pon kamoh dellut ale kei jong thiding kanu jong thiding ahi jeh chun, ka lunggel aboi lheh e, thal choi pou pou leng galmi ijat ham khat thilong ka jam ding ahin hinlah khutgoh kiu’a um kahi jeh in ka umna’a chun kaki sel den tai.
Hichan hin part-1 ana chai ute aban teng galmiten eidalhah jou u thilsoh ina ngai deu ahe
Kakipah e lunglut tah a hinsim jouse chunga🙏
