2020 VALENTINES DAY
based on true love story
。，。，。，。，。，。，。，。，。，。，。，。，。，。，。，
somasa banjom
Aman ka kong akoi in kin angong ka koi in, lamlen street light vah nui a chun ol ol’in kahung kijot lhon tai.
khojin til ahi jih chun mi jong aum sou sou nalai’e, Beer bottle ni kahin lah lhon chu lamjot toh thon kahin don phei phei lhon in ahile, kol ho’n ei havet lhon dan chu, kei ni jong khoh sa lou hel in ki *Western* sah tah in kahung kijot lhon’e. mihon eihavet val jih lhon chun ama jong jahcha thim hintin kajah ah, _”Heu,ebola mi khubang’a avet u hamo, jachat aum’e na, eumchan lhon hi melse ahidem?”_ kin jong ka donbut in, _”epi melse ding ham, na,melhoi val jih’a chu na vetnom’u hinah ta.”_ katile, _”Ko, hih o.”_ atin ka oivun ahin sih in ahile, na kasa val in, tuol ah ka toulha tan ahile. _”Heu, ngaidam o,”_ atin ka beng velkhat ahin kiss chu, kavet na jouse meisi apah lah lah jing tan ahi. Hiti chun kahung vah suh suh kit lhon tan ahi.
Chomkhat jou in ka jah ah, *_LHINGCHA:_* _”Heu,ka chapa hi kum 5/6 lah hitante na?”_
*_KEIMA_* _”umm, *2015* a nanei ahile tukum kum 5(nga) hiding ahitai. tua hoi a um hitam?_
_*LHINGCHA:*_ _”Kahe poi, hoilai a aumsah u ham jong kahe pha tapoi. velkhat beh amel mu ingting, velkhat beh “Boi” tin kou ingting, velkhat beh ka anglum in pom leng kanom e.”_
_*KEIMA:*_ _”Nao, lungneo hih in, Pathen in pha asah le nikho khat le na kimuto thou thou lhon ding ahi.”_
_*LHINGCHA:*_ _”kahinkho man hi mi vet dinga musit umtah khat kahie. Heu, nang in jong nei musi lheh veh tachun na?”_
_*KEIMA:*_ _”Nao, ebol’a kamusit ding ham, na themmo na ema aum poi, nahinkho man dan le nahinkho thusim hi lungsed naum e. ahile nao, Hospital a naosen nahung lah pih jou uva chu, aban eti hitam, naosen pa hung jao lou ham?”_ tin kadong kit tan ahile aman jong ahin sei kit tai.
_*LHINGCHA:*_ _”Ahung jao e, ahivang in eikimusah poi.”_ Naosen ahung kilah jou’u, ajing in kei jong, hospital a kon in discharge in bol taovin ahi. kachapa kangai in akhankho ding gel in kakap kap ji tan ahi. hiti chun sunle jan in room ah ka kikhum in hoima pot doh talou in kaum tan ahi. kahinkho man dan ho le kachunga thil lhung ho kagel in vangse ka kisa lheh ji’n ka kap kap ji tan ahi. hiti’a sunle jan a an le tui asuh sah a ne lou’a , lhiso le kana’a hinkho kaman jing phat chun ka tahsa ahung kem lha tul tul tan vet thei jong kahi tapo’n, angol kabang tai. min eihou pi jong le asuh sah jong kaum thei tapon ahi. Hiti’a hinkho kaman chu kanu le kapan jong avet jou lhon lou hitan tin, kahinkho chesa ho kasuhmil thei a, kipah a hinkho kathah man thei khat le tin *Rangon* (Capital of Myanmar) langa eisol lhon tan ahi.
Chuti’a mun gamlha tah a kikhan kahitah vang uvin, kalungthim vang kacha toh akikhan thei poi. kangai na adai chom poi. jingkah katho phat le kageldoh ji’n, _”Oh, kanao hi athou tadem.”_ tin keima le keima ka kidong ji’n, jan ahung hi jong leh, _”kanao a emu tadem, nom in samang ajal nadem,”_ tin keima le keima kakidong ji’e. ka kigel jin kinep na ding him him kanei thei ji tapoi. Pathen phatsah ahile, nikho khat le dam’a kachapa toh ka kimuto a, ka ngongkoi a _”kachapa,”_ tia kakou a aman jong “henu” eiti ding bou chu ka kinepna ahitai. Inlang kiche le kachapa’n “Henu,” tia eina lamto ding in ka kigel jin, inlang che ding kanom ji lheh’e. Hitichun kaumna jong kum thum lang alhing tan, inlang’a kahung doh tai.
Nom leng da leng nuthoi hinkho mang chu kahi tai. nupi hinkho man ding jong ahithei tapon, nungah hinkho man ding jong ahithei tapoi. loi le gol lah a jong dei bang in aki lha thei tapoi, ajih chu ajo le min ei seise khan te tin chingthei tah in hinkho kahin mang tan ahile, ahahsa lheh jing’e. Hiti chun phat le nikho ho jong ahung chal chal in, ei lungsed, ei deicha jong khat le ni ahung um nai. hijong le dongma hin nei a hung jinei kit ding chu ka ngapcha tapoi. min ka kom a lungsed thu ahinsei ji teng le, kahinkho chesa ho kasei pih jin, dongma kanei nom lou thu ho le, ka jinei nom lou thu ho kaseipih jin ahile, koiman kakom ah lungsed thu aseitei tei nom ji tapoi. ahinlah eihel ho lah a *Thangcha* kiti khat hin ei lungsed lheh e. khosung khat ka hi’uvin, kahinkho kathusim abon a ahet soh kei ahi. ahinlah a inkote’n vang ei dei pove. ajih chu jinei, chanei’sa kahijih a chu ei dei lou’u ahi.
Nikhat hi kanaote school kai in ache uvin, kanu le kapa lou kon in ache lhon in, kachang in in a kaum in ahi. bol ding umlou ka umchim jih chun insung’a von sop ding kahol in, von kana sop in ahile. *Thangcha* ahung in, von kasop ahijih chun ahung lam ka nahe pon. ama jong thip chet in ahung in kamit ahin sip in kajah ah.
_*THANGCHA:*_ _”Koi kahi nahet le, methy kapih ding.”_
_*KEIMA:*_ _”U, Thangcha nahi chu, koi het lou ding dan dan a.”_
_*THANGCHA:*_ _”karei, nei hetlou ding ham kiti’a,”_
_*KEIMA:*_ _”ko’n ng O ahai ding ham. hoiche ong na methy?”_ katile methy eihin pe in kajah ah.
_*THANCHA:*_ _”Lhingcha, nachang’a naum ham. nang vang na pontho mong mong e von na nasop kit.”_
_*KEIMA:*_ _”Hoilang pottho nasei hih’e. Heu Thangcha tou o kachang a kaum ahie. houpi ding jong umlou.”_ hiti chun ka kihoulim lim lhon’in ahile,.chomkhat jou in ka jah ah.
_*THANGCHA:*_ _”Lhingcha, amasa’a nakom a kasei chu eti nagel’a? kalungsed nahi nei sanpih jing tango,”_
_*KEIMA:*_ _Heu Thangcha, emajouse nahet sa sohkei hilou ham. kei jinei chanei sa kahi’n, ng golhang thengsel nahie. tuhin kingai lehen mihon eti nagel diu ham, nang’a ding jong kigel in.”_
_*THANGCHA:*_ _”Jinei chaneisa nahi he pum’a lungsed nathu sei ding’a hung kalsong kahi. kalungsed kangai nang lungsed kachan pou le mi’n eti eigel jong le khoh kasa poi.”_
_*KEIMA:*_ _”Ahipoi, heu Thangcha, kichen kingai kiti hi chomlou kah a, edei dei phat a khel jing thei ahipoi. tu’n nei lungsed lheh jong le chun nikho khat le nahung kisih ding ahi. among mong’a jong na inkoten eidei ponte.”_
_*THANGCHA:*_ _”Lhingcha, gelkhel hih in. ka inkoten epi sei jongle kei toh kicheng ding, kei toh kingai ding ehi bou’e. ven, nei lungsed poule nang ding’a hinkho phal a kapan ding ahi. thichan gei’a kisih lou ding’a lungsed kachan nahi, lungsed tah in kalungsed’e nei ti jing in.”_
_*KEIMA:*_ _”Chuchan gei a nei lungsed ahile henu le hepa hin kipui inlang cha hin dom uvin. kanu le kapan aphatsah le kanom’e.”_ hiti chun ka kihoulim lim lhon in ahi.
Jinei kit ding vang ka gelthei lou ahi tai. Thangcha in hibang’a ei lungsed vang’a jinei chaneisa kahi jih a inkote’n ei deilou ahi. Nikhat jong hi Thangcha nu le kanu ana kina sa ahi lhon e. hiche jih’a chu nei lungsed le nanu, napa hin kipui inlang hung uvin kati ahi. Thangcha in ka in uva chadom ding’a anu le apa asei sei jing vang’a kidoisa lou ahitai. hijih’a chu guh thim a kei hi guhdoh a munchom a jam mang pi ding eigot jing ahi. kei vang kho hephalou kahi kit e.
Nipi lai le hin Kol hon *Water festival* amang ji uvin ahi. *2019 Water festival* lai ahitai. nikhat hi keiho jong Water festival mang ding in kache taovin ahi. Thangcha jong ahung jao in tui ka kithe khum ji uvin sun nilhum in ka lhop nilhum kei uve. chule nehthei thei kane uvin nom satah in hinkho kamang uve. kei’in kahetphah lou vang’a chu plan kigontup sa hung dan ahitai. nilhah lang kahung kile lang uhin ama gari a tou dingin eijol tan, kin jong eti ding ham tin kanom tan ahi.
kho jong ajing kigu tan kache nao lampi chu ka kho’u jut na lampi ahi tapon ahi. chuphat in kin jong, _”Heu Thangcha hoilang lampi ham tua eche nao hi”_ katile eihin donbut in ka jah ah, _”Lhingcha, gelkhel hih in ka kipui ding nahitai.”_ ti’a eihin donbut chu ka kap tan ahi. ei nungthah diuva ka tao vang in anom tapon lam lhung kei in eijol jol tan ahi. ka kigel in aman eilungsed jong le a inkoten ei deilou tin ka masang hinkho ding kagel le alhum ding ema kamu pon, ajo le genthei kibe nabep hung hikha ding ham tin dipchah pum pum in ka lhisoh soh tan ahi. hiti chun ajan jan in *Hoimaland* langah ei pui tan ahi.
*Hoimaland* ah hapta ni kaum lhon in, epu epua custom dungjui’a alou theilou a ki inlut ding angai tah jih in, hapta ni jou in inlang kahung kile lhon tai. kei kigel’a chu hahsa lheh jong le ka U Thangcha in eilungsed pou le ki kichen pi jing hen kati ahitai. ajih chu tuchung kisan a kanung che kit le kei titah lou’a kanu kapa ding’a jong jachat um ding ahitai. hiti chun khojin nung hin in ka hung lhung lhon tan, in kahung lhun chet lhon le ka inkote ahung uvin ei hung nung kai taove. keini’n kahet phah lhon lou vang’a chu *Hoimaland* ka umkah lhon a chu, ka U Thangcha inkoten eidei lou jih uva ajat jat anasei ule ka inkote toh chun nasatah a ana kibol dan u ahi. kapa le kanaopa toh kanu ahung uvin ei hung kaidoh kigu taove.
Keivang kanom pon kap pum pum in ka U Thangcha ka kou in, ahile ama jong a inkoten atuh uvin, kei khan tei ding eigu taove. aman jong eikou in hiti chun ka kikaa lhon tan ahi. ka jochan’a kapan vang in kajou tapon in ah ei kailut taove. keivang kanom pon ka chuti ka tai, kaneo a pat osang’a jong eihou khalou ka pa chun mol akilah in jep ding eigu tai. ka kichat jih chun kanu nung ah ka kisel tai. ahin kapa chu alung na val jong hin tin, gokeh khat in ei chuti jep tan kap pum pum in, _”Hepa, ana val e, hepa nei ngaidam in tukal bol kit taponge, heno, nei huhdoh loi in ana val e”_ tia ngaidam kathum vang in anga thei tapoi. eijep na ho na kasa val in ka kap kap tan, ka chunnu ei huhdoh ding in kakou kou tan ahile, ka umchan avet jou lou phat in ka pa mol chu achu tan, ei jep lou nading in achung’a akikhai liu tan ahinlah kapan vang anga thei tapoi. chuin amol ajep boh phat in polang ah alhai doh kit in, leitol a thingkeh kikoi ho chu khat ahin kichoi kit phat chun, kachunnu in kathoh nading avet ngam lou jih chun eihin jamsah tai.
Hiti chun kahung jam tan ahile ka pan eihin del in, anung’a kanu ahung lhai in ahi. kap pum in ka pa ka kichat jih chun kahung jam tan, khopam lang kahin phah hin, gamlah lang ah ka jamlut tan ahile eiholmo tai. hiti chun gamnui ah chun kicha tah in kahung jam tan, inlang nungche ding jong ka kicha’n jam pei ding jong che nading ka hetapo’n munkhat ahin Dol thing phung nui a katou tai. hiti chun gamnui’a chun lhase tah in, eilhem ding bei in ka kap tan ahi. ka u Ginneo jong themmo kachan poi, ka u Thangcha jong themmo kachan poi, ka pa jong themmo kachan thei poi. ka vang kavang in atah lou ahi tin janthip nung gamthip nui a chun ka kap kap tan ahi. kahinkho atil abul’a pat in kahin gel gel jin ahile, vangse ka kisah val jih leh ka kigelset val jih chun. _”leiset a hin kei tabang hi hing hing jong leng aphatchom na aum tapoi. leiset’a hin nisa hung soh soh jong le,kei dingin kipana kolni soh taponte. Oh, kipana umlou lhaset nale kana kei hinkho hi leiset a hin hing hing jong leng genthei kibe nabep ahi. hiti’a kahin hin sang hin thidoh jing tange.”_ tin gamnui a chun khao kahol jin ahinlah kamu lou teng ka kap den ji tai. hiche ni jan chu kei ding’a ka na jan ahi tai.
Jingkho ahung vah tan, inlang’a kile ding chu kanom tapon, hijih chun *Moreh* lang’a ka ni te kom kahin jon tai. ka ninu, injong athu umdan ho ahetthem jih chun, kanu toh akija mat lhon in, *Moreh* a kaum tai. Ajing in ka ninu in bahara eito pih in *Lamka* a ka Palen te kom kahin jon tan. hiti a kinung le lou a ka *Lamka* a hi umden kahitai.
_*LHINGCHA:*_ _”Heu, agom lam’a sei dinga kahinkho thusim hiti chu ahi. Heu, kathusim kasei soh tan kathemmo na um em?”_ tin eihin dong in alhisoh tan ahi. chuphat in kei in jong alhi ka theh pih in ajah ah.
_*KEIMA:*_ _”Nao, ka kipah e nathusim kichih tah a nei seipih jih in. Nao, ebol’a lhisoh nahim na themmo na aum poi.”_ hiti’a ka kihoulim lai lhon chun, het man lou kah in *Tuibung peace ground* lang ka napha lhon tan ahi. Chu in Lhingcha in ka keng akham e, ati jih chun Peace ground ah kalut lhon in Gallery ah katou kit lhon tai.
alel jih chun a emu in ka pheichung ka khapsah in ahi. kho hephalou’a a emut chu amel kavet le lungsed aum lheh e. ahinkho thusim chu kagel le kalung ase lheh in ahinlah bolthei ema kanei deh poi.
*_Hiti chu ahi. hitobang hinkho hi ahahsat ding dan chu atoh kha hon ahet ding ahi. nang to ding’a jong nadei louhel ding ahi. na sopi na’u na nao to ding’a jong nadei louhel ding ahi. hiche tabang lungput hoilou, namphu lungput hi eiho lah a jong aum nahlai ding ka tahsan e. hitobang lungput hoilou nei eum khah uva ahile lungsed tah a engah tah ding uvin ekitem nom uve. ajih chu mi chung’a nathilbol chu nang chunga, na insunga, na’u na nao chung’a jong lhung thei ahi, ti geldoh jing leu hen dei aum lheh e. ajih chu tulai pap kiti hi ani ani’a lhung ahitah jih in._*
*_Namphu lungput hoilou ho jih in Lhingcha ahinkho agenthei lo in ahi._*
*_Nungah khat in adei, angai, alungsed tah a na kichenpi chu na pasal hina khat ahi_*
Hiti chun pung kaven ahile *08:30pm* aval tan, ahin Lhingcha vang ka phei chung’a kho helou in lungmongsel in a emu’n ahi. gah suhkhah ding chu a emut anup val jih chun ka sukhang nom pon, hiti’a kaum lai chun ahung khang in, _”Heu, ka emut sot em, pung ejat hitam?”_ ka donbut pei’n, _”08:30pm aval tai, Nao, in a kahung thah ding hitam?”_ katile anom in chuphat in a inmai chan ka gathah tan ahi. chuin kaloipa ka cll in eihung pui dingin kasei in ahile ama jong chomlou kah in ahung lhung pei tai. kaloipa’ _”Baii, etoh nabah lhon hinam? na jankhang jing lhon in.”_ kin jong ka donbut in, _”Epi sei nahi hih e, Valentines nikhat tabang kiman be le lonlhi’a long kang tei tei ding ka hilhon e.”_ katin hiti chun inlam kahin jon lhon tai.
~*_BEITA_*~
*_Apat a pat achai chan lunglut tah a nei sim chai pih jih in ka kipah e, Pathen in phatthei naboh hen.*
*Hiche story kahin jih na a jih khel jih val aum khah le pathen min in ngaidam kahin thum e. Chule hiche thusim’a kon a nahet nom nadon nom, nasei nom aum le anui a No a hi nahin sei thei hinte. 9402985823*
*_Ka kipah e_*
*_By-Lelen Kipgen_*
，。，。，。，。，。，。，。，。，。，。，。，。，。，。，。
*Presented by.*
*THUSIMBU WHATSAPP GROUP*
