2020 VALENTINES DAY. based on true love story
14/2/2020: Ka chunnun, “Boi, Boilen, thou loi in nisa lhum kit ding ahitai, ole na mut galkai kigut ngap ham,”_l ahin ti chu ka khangmang mang in kaja in, pon kahin hodoh a window lang kavet le nisa asoh tan. Tua nisa soh pan pan a nisa lhum kit ding ahitai, hung kiti ham. katin aphun toh kop in kahung thou doh in phone kaven ahile, 09:45am lang alhing phat in kaphun chu ka jah acha thim kit in. chuphat in gangchel in brush kabol in, ka kisutheng in, an neh phat ahi phat in an ne dingin kitchen lang kajon tan ahile, call ahung in kin jong ka pick le kaloipan. “Baii, na kigut chai tah le hung vah phei o,” ahin ti chu kahung kin jap in, VALENTINES DAY a vah dinga ka kitep uchu kahin geldoh in. “Baii, kahung pei ding ahitai eina ngah uvo,” katin an jong ne talou in ka kigong in, kahung pot doh pei pei in ahile. ka chunnu in, “Boii, hoi a pot ding nahim an beh jong ne lou a,” ahin ti in kin jong, “Hema, kaloi hon Saron park a che ding atiu ahie, kache e ei ngah lel taove,” katin kahung pot pei tai.
Kaloiho toh tuibong a ka kisuto uvin ahi. kaloiho dongma nei ho chu adongma ho’u toh kimuto ding in akikou jah jah uvin ahile, kei jong BURMA NUNGAHNU toh VALENTINES DAY mang khom dinga ka kitep lhon jih chun kaloiho kapui in a inuva ka gapui doh taovin ahi.
BACK TO 5 MONTHS
BURMA NUNGAHNU Kati hi amin, Lhingcha ahi. Lha nga masang(before 5 months) chun, nikhat hi Whatsapp group khat a hin eihung ki add in ahi. jan ahung hitan group ho jong mi ahung pao pan tan ahi. kei jong akihou na hou chu kave ve jin ahile, nungah khat hi voice in ahung pao in a Dp chu kavet le hoi kasa lheh tan. Amanuv lim kamu doh a kipat chun akihou na hou jong don talou in a Dp ah chun ka chuti ngol tho tan ahi. chuphat in alim chu ka screen shot in ka Gallery agei lei tai. chomkhat jou in Gallery a aum mei mei chu kanom kit tapoh wall paper a ding in promotion ka bol kit tai.
Ajing nilhah hin, ahung pao kit dem tin group a chun jahchasa sa’n, “Hello, ep nabol u tam loite,” ka gah ti le ahung pao sou souvin, ahinlah kalungsung leng nu chu ahung pao tapoi. chomkhat jou hin msg ahung lut in ka gahvet le a Dp chu ka lungsung lengnu chu ana hitan, “Heu, kin ema ka bol lou ng la,” Heu, ati na laitah tah chu kana ngol pi kit tan, kahet lou kah in inbox lang kana lut kit tai. inbox a kahung ki txt lhon chu, jachat, kiphatlam le kisonlel na in kadim in sei ding jong ka gobet tan ahi. hiche pat tah chun sei ding chu kicho thei henlang inkal kichoi liu a choh ding hijong le kicho ngap cha’n te.
hiche ni a kipat chun kahung kihou jing lhon tan ahi. gah hel jing ding chula dongma ka nanei man kit tan, ka dongma toh ka kingai laitah ahikit jih chun ahithei tapon, meilhai film khat a Olen in, “khat la kalungsed, khat la kadei,” ati chu ana kinuisat sat in ahinlah
ahahsat dan chu mi 3/4 ki kiso thei le thanup aum liu ji e.
Hiti chun kahung kihou hou lhon tan ahi. gah kop jing ding chula ahithei lou jih chun loi le pai hina’n kahin kivop pi tai. akum kadong in ahile kei sang in hatah in atah jo’n, ahinlah amel vang kum14/15 ho toh abang in vetnom nom aum in ahi. Ama hi mineo ahin angou in amel hoi dan hi kisei val jep le, pu Benny in asah, _”Pathen semkhel lanu,”_ ati chu ahijing e.
Kahung kihou jing lhon tan ahile ahinkho thusim thamkhat khat ahin sei jin, ahivang chun ka mantoh thei ji pon, msg a kisei chu achamkim thei pon hijih chun velkhat kimuto ding chu kanom lheh tan ahi. Hiti a ka kihou jing lai lhon chun, Khangdong ho’n angalel lheh ule a kinep nao, *2020 VALENTINES DAY* chu ahung nai kit tan ahi. Hiche Valentines day hi, Khangdong nungah golhang dongma nei hon, a dongma houtoh thimthu lel nikho, ki muto nikho, *(Dating)* akilungsed akingai hon hinkho nom aman niu, chule abang khat kit chun kilungsed hinkho’a lungtup molso nikho’n amang kit un ahi.
Kei in jong dongma chu kanei e hijong le munchom chom a um akihi jih chun, kimuto na ahahsa’n hijih chun, *BURMA NUNGAHNU* *Lhingcha* toh hiche nikho, *2020 VALENTINES DAY* mangkhom ding in ka kitem lhon tan ahi.
lha nga masang(before 5 months) a kana kihet nalhon chu agom lam a sei dingin hichan chu ahi.
Hiti chun kaloiho kakipui in a in uva ka gapui doh tauvin ahi. kaloiho abang khat khat chun akingai eihisah uvin, eihin thim si ji uvin, _”ahoie, na vangpha e,”_ ahin ti ji uvin, kei chu kaloiho masang a chun ki phaosah tah in kaum jin ahi. ajih chu ka partner nu afuh jih chun, hahaha….. hiti chun tuibong bazar kahung lhung kit taovin ahi. kaloiho dongma neilou ho chun munkhat a vaa khom ding ati ji uvin, ahinlah pair a um se se vang chu kanom kit pouvin ahi, hahaha…..g
chuti a ka kitot uva ka kinel bui laitah uvin, kin jong kaloiho kom a, _”nang ho nache na nom nom uva che vo keini bazar kache lhon d ahie, nilhah lang le ka kichai lhon phat le kn cll ding nahive,”_ katin ahile *Lhingcha* in kakhut ahin tuh in mesiu siu in keng in bazar lang kajon lhon tan ahile, kaloiho atot uvin ajat jat asei uvin keini jong kijah lou sah tah in kihei lou in kache pei lhon tan ahi.
Hiti chun kaban atuh a bazar a kakijot lhon chu new bazar me kijoh na lah dunga kava lhon jong le amoh nup nup jing in ahi. hahaha…..
bazar kava lhon vang chun choh ding jong kahe lhon pon chomkhat jou in *Lhingcha* in, _”heu, sangkhol a khui ding, sangkhol pon khat cho hite,”_ ati jih chun 3500Rs in sangkhol pon khat kn choh pih in ahi. kachoh jou lhon in, _”nao, na neh nom khat sei o,”_ katile, _”Heu, emacha ka neh nom hih e,”_ atin, chomkhat ka kihou hou lhon le Beer don ding in kahung kihou lha lhon tan ahi.
Hiti chun new bazar lang kahin jon lhon tan kalhun lhon in room khat a kalut lhon tan ahi.
chutin king fisher bottle ni le nehthei kadu du lhon ka ki order lhon le ka masang lhon a table adim jing tan, ka kiveto lhon in e Oi lhon alet toh val e kati lhon inkamoh nui lhon tai.
Nehthei thei kane lhon in, nomtah in Beer kadon lhon in ka kihoulim lim lhon in ahi.
hiti a dating che pi dinga ama kalhen na ajih hi, kadeichat jih, ka dongma banga ka bol nom jih jong ahideh poi. ka kom a ahinkho thusim thamkhat khat anasei ji ho chu ka kin kathou jaolou a kahet nom ten jih a chu 2020 VALENTINES DAY ka partner dinga ama hi kahin lhan khah ahi.
Nehthei kaneh pat til lhon a jahcha thim tah a changkang thet dan a kine chu, King fisher bottle ni kadon chai lhon jou vang chun, koi jachat malah kane hamlah lah lhon tan ahi. aum dan chu akham thim dan kahi lhon tai. hahaha…..
Bottle ni, bottle thum kadon chai jou lhon chun, tunvang kihoulim nom tante katin, kahet nom thu ho chu kahin dong pan tai.
KEIMA: “Nao, thukhat kn doh thei d hm?”
LHING CHA: “Heu, dongo, nadoh nom chan nei doh thei ahie,
KEIMA*: “Nao, kahet nom, kadoh nom adang jong ahipoi, lunghan na’n vang sang hih in. ng dinga jong nalungthim’a na pohnat thu ho chu sei doh le chun nalungel jong jang chom intin, nom chom inte. hijih chun kakom a na nasei ji nahinkho thusim ho chu nei seipih thei ding ham”? katile, Beer glass khat akisun in adon jou in akun chah kheh in ahung dah doh tapoi.
Hiti’a aum phat chun kei jong ka kigel le, kathusei ho chu ka kisih lheh in ka kiphatlam lheh jing e. ahung dadoh lou beh phat chun alhisoh ahi ding chu kahe in, moh vet thei ahilou jih chun ka kikhin phei in akom a katou tan ahi. aban katuh in olcha’n kaphong doh in ahile, amai jouse alhin ana chup jing e. chuphat in amai olchan katham in ka khutpi teni ah alhi chu kathih pih in ahile, hoitah in eiven, amitha nguiheu heu chu kalungse val in moh koi jing ding chu kanom lheh e. hijong le akidei akingai kahi lhon lou jih chun kiphatlam na in kadim kit e. kathusei doh ho chu kagel le kakisih lheh e. chuphat in kin jong, “Nao, kathusei ho chu nei ngaidam ta o. Nao,nga kum o, nalhiso kave jou poi”. katile, kakhut ahin tuh chu kavet le abeng teni kana tham nalai in kahung kindot e. hichun kakhut kalah doh kigut le atuh chah kheh in amai toh asip beh in kajah ah, olcha’n, “Heu,ebol’a ngaidam nathum hm, ngaidam thum nading aum poi.nasei jouse ase ema aum poi. Heu gelkhel hih in, hitobanga lungel kasei nathei ding mihem umlou hitam kati ahi’n, ahinlah tunin ng kom a kasei doh theilou kalungthim a ka pohnat ho kasei doh thei tah ding jih a kipana mitlhi hung longdoh ahi. Heu, tua pat a ka upa tobang’a kagel ding nahi tah chuo.”_ atin, eihin ngong koi in ka beng ahin chop chu……. kamit ah asan/aeng/avom aki kaplah lah jing tan, kapum in ka chah den in kachat thei tapon ahi. chuin kajah ah, “Heu, gelkhel hih ta o, ka upa banga kagel nahitai. insung nom a kaum lai uva ka ute ka naote kabol na bang’a kabol nahie,”_ ahin ti chun kati ahung kilham in kahung chat thei tan ahi. Chuin kin jong ajah ah, _”Nao, kahethem e, kin jong ka nao banga kagel ding tua pat a eki jachat lou ding ki mai ngal tah a eum ding ahi,” katin, ka glass lhon chu ka sung dim kit in, kape in kadon lhon tai. aman vang eingong koi in eilha nom tapoi.
Chutin akhut kaladoh in, don ding jong abei kit phat in bottle ni ka order kit tai. pung kaven ahile 02:30pm alhing kigu tai ahivang in kei ni ka naisai lhon pon ahi. hitichun Beer kadon kit lhon tan ahi. chomkhat jou in kajah ah,
LHING CHA: “Heu”…
KEIMA: “EP ham nao sei in,”
LHING CHA: “Heu, leiset mihem hinkho che dan hi ka hethem thei ji hih e. Heu, leiset a hin kei tobang’a vangse ding le, kei banga genthy ding hi kihol le aum nadem”?
KEIMA: “Nao, ebol’a hiti’a chu nasei hm. mi vangse pa jong avangphat nading nikho gontohsa a um ahi. chu tobang a chu avangpha pa jong avangset nading nikho gontoh sa a um ahikit e. ven ei bou avangse a ekigel ji teng le mihem hina’n akithoh jou ji poi, hijong le achan chunga lunglhai thei mi chu leiset chunga alolhing pen le mi vangpha pen ahi”
LHING CHA: “Heu, kahinkho thusim ho hi kasei ji teng le lhaset na in kadim ji e. Heu,kin jong sot a pat a kahinkho thusim kalungthim a kapoh lel ho hi nakom a kasei kigut teng le nei theida ding ham kati ji a ka kiphatlam ji chuo”
KEIMA: “Nao, kiphatlam hih in nasei nom chan nasei thei ahi. na upa bang in nei gel in, nasei jouse ngai lha ding’a gonsa kahi,”
LHING CHA: Heu, kakipah e tuni nakom a kalungel kasei thei ding jih in
LHING CHA: “Heu, kahinkho thusim chu hiti hi ahi.”
Part-II ol in sim kit taote。，。，。，。。，。，。，。，。，。，。，。，。，。
*Presented by*.
*THUSIMBU WHATSAPP GROUP*
