BOI NAPA CHU MIPHA AHE
Part-1
….. heart-touching-story….
Luncyno HK
6909559560(only WhatsApp)
Ana sim pan tao te;
Molvailup kho hi inn 70-85 ho vel cheng u ahin khosung hi anop in gamsung thinglhang lei lho nadin anom in khosung mite chu neh le chah in ana lungkham ji pou ve ajeh chu agam sung u hi PATHEN phatthei boh na jallin lousoh ga ahoi jin, gamleng sakap them atam uvin, aniseh tobang in same ane ji uve ,HAOSAPU jong khankho hetthem mitah ahi jeh in khosung kivai poh dan chu anom in koima otcha lou in ana khosa uve,
Hiche khosung a hin sahlang veng, noilang veng, Vengkoi veng, tin ana kimin sah uvin Sahlang venga chun Pa Hegin leh Nu Thethem teni nupa jong ana cheng lhon in ama ni hi amihina lhon chu ahile mikitah, miki tho pi hat, Khankho hetthem tah ahi lhon jeh in khosung mite amani ngailu lou chu aum povin mitin in aki neppi cheh uve, Khosung kihou na aum teng jong le Pa Hegin chun HAOSAPA toh ding sei ding jouse chu abol jin ajeh chu HAOSAPA hi mikam mol chih na thep na lhasam mi ahi jeh a Pa Hegin chu ana man chah ji ahe
Nikhat Helhing pa chu Pa Hegin komma kholai leng in ahung in khosung um chen asei lhon in nom tah a kolchaphan adon pet lhon chun Gamleng din aloi pan ahin tem lhonnin ama nin jong ipi kisei ham jong jaman lou khop in anum le lhon e, Gamleng dingchun aki gong pan ngal taovin Nu Thethem in aji pa komma chun ahi poi heu eijong nao kivop a kei dalha a hapta khat lang gamleng a nache ding chu ka gel thei poi janlhah kamang jong anom poi kigot datan atin ahile Pa Hegin chu alungthim anom tapon che lou ding ati lela aloi teni jong ama kom ahung lhon tan, chuphat in Joule iloi ipai ichunga lhasen te ati jeh chun ajinu komma boi idea nei sonlel ham ven ka hung kah in Hepu te komma ana umm in lang kin sa nang neh dea kaga kap ding ahe atin (ajinun cha hinnei hen lang hile hung gongsan intin eila Gamleng a la kiche jou pon tin ati jeh a kigong nah nah ahe) aji nu chu availhah in ahung kipat doh taove
Lampi a ahung naovin go ha tah in ahung jun vadung ahin pha taovin hichi gal kai ding chu vadung twi alen in chuphat in ama hon jong go hung thip ding phat chu amoh nga tho tave, gola phatlang ama no ta pon nilhah lang gei a go chu ajuh jom phat in,kinung Le ding atiu lela hung hah a kihung a pasal aki tiuvin gina ding buh aki sem ule kho ahung jing tan, lupna aki sem uvin aki hou lim lai uchun lho peng gin ahin jao vin ahileh kichat tijatnan adim uve, hinlah pa Hegin hi Pasal hangsan ahi jeh in kichat na ima anei pon, hitia lho peng gin chu ahung nai tul tul phat in imut na thei him him atuh tapon, Pa Hegin in loite ni kithou doh o Tahcha pa tunilhah vang kivet lhah pi ding ahe (gam lenga iche teng ham dan kichih thei angaiye ) atin aloi teni chu ahin til doh tan ahung ki gong uvin lho peng gin na lang chu ahin nai lut taove, Pa Hegin hi mi hangsan ahi jeh in aloite ni komma Bai nang le loipa hichi munna hin pang lhon in lang, kei tou che in katin hin suh gep inge atin aki vailhah taove
Pa Hegin in ache na ding mun ahin jon tan
hitia Lho peng gin chu ahung thip tan kho la athim chit in chomkhat pi aki ngaito nan hetman lou beh in lho chun ahin bulu in thal a khatvei akap vangin chomkhat pi aki del lhon e, mihem leh Lho chu ana ki bang ta pon, vangset um tah chun Pa Hegin chu Lho in ana khut chandeh in khatvei hapeng in apengin ahileh aloiteni jong atijat lhon toh ipi thu um hitam tin aloipa peng na lang chu ahin del lut lhon e, gal a kon avet lhon leh kho athim jeh chun ima aki mu thei pon, torch light a akho lhon leh Pa Hegin chu tolla chun ana kijam in akomma chun Lho chu ana um tan ( ajeh chu Lho jong thal a khat vei kikap khasa ahitan chukit leh Pa Hegin toh jong chomkhat pi aki del lhon jeh a atha cholla hiche munna chu moh um den ahitai ) amanin jong amu mu lhon chun agem lhon in akap lhon tan ahileh vangphat um tah chun alhoh bu akap jah lhon e, Lho jong athin aloipa lhon jong athi in chinilhah vang chu ohe koi din num pon te o
Lunggim tijat nan aloi teni aum lhon tan, Pa Hegin chu thise a thi ahi jeh in khovah sah ding adet thei lhon lou phat in, aloipa lhon chu apo ahung kilha hin tan, lampi a ahung naovin mikhat ahung kap in loiteni kei jong nei ngah lhonno idea nei dalhah lhon
ham kiti awgin ahin ja lhon tan, amanin jong Pa Hegin lha chun ahin lhep hin ding atahsan lhon jeh a helou bang akisa lhon in ahung na ding lampi chu ahin jui jui lhon in ahileh khosung phah kon in Pa Hegin lha ahung ham in loiteni kajinu Thethem kangai Valle kacha mel kamunum e, ahin tin ahileh aloiteni chu akicha val in athil poh lhon tolsenan anei lhon in khosung chu thi del in ahin del lhon tai,
Khosung ahung lhun u chun Haosa pa kom ache masa pen lhon in, thil um dan asei pih lhon phat in khosung gollhang, Upa jouse ahin kou khom uve, mithi long po a che ding in mi 5 tobang alheng doh uvin Gamleng them mi 10 tobang sa po ding chun aki pat doh tauve, hitia mipi aki sah bui lai chun Nu Thethem (Pa Hegin jinu) chu naonei din ahung um tan, ajipa thilam jong koiman asei pih poi ajeh chu ama chu nao vop ahin, cha nei ding ahi jeh’a a- im u ahi, pung 1: 30am dung in chapa melhoitah khat ahin nei tan, acha ahungpen chun anu komma alup sah uvin ahileh Nu Thethem in Boi NaPa chu NuNu nehdea Sa kap a che ahin ahung teng leh Papa toh eiho inna ium deu Hepu te komma i um lou diu ahi tai ( Pa Hegin Gamlenga ache doh kon a chu Hepu te inna ana um in Tia ana vailhah ahe ) atin acha chu ahou pin akomma um Nupi UPA jouse chu alhisoh lou aum pon athu japha chen aka pi lou aum poi,
Hichen hin part-1 ana chai utin aban teng Nu Thethem in ajipa thi ahin het doh dan ina ngai deu ahe
Kakipah e lunglut tah a hin sim jouse chunga
🙏🙏
