BOI NAPA CHU MIPHA AHE
Part-3
Luncyno HK
6909559560(WhatsApp only)
Anasim pan taote;
Henu kapa chu aphat tuh e na…! Henge BOI NAPA CHU MIPHA AHE atin chamkhat pi aki hou lim lhon leh khosunga thidah ahung ging in Boipu teni nucha alungdong lheh hin tan, mijouse haosate inn lang acheu chu amu lhon tan,amanin jong koi thi a tutah a thidah kiteh hija ati lhon in lungdong thim tah in mipi kisuh khom namun chu ahung lhon tan ahileh, mipi kaa le mao awgin aki thong in
mi kihou gin chu angai lhon leh Haosa pa athi tai aki tin Boipu in Henu nang inn langa gaki sutheng in lang hung kit o atin, Boipu in guhthimma alungset pen Hoinu avet leh a Jopa tongdon thei lou a khohelou a kijam chu akaa pin, Boipu jong Pasal ahi vangin alungset pen chapang banga Jopa lhangai’a akaa chu ave joupon, ni dang phatdanga alungset sangin hichi nikho akon alungset na asang jo tai.
Boipu in guhthimma alungset pen Hoinu Jopa bei’a ahinkho man ding dan agel leh sun le jan in lungmon na anei thei tapon, jing hapta hung lhung lela simlai ahijeh in athemjil namun jon a chi kit ding ahi tan, Boipu lunggel a chu phat le nikho jong chal tahih le atin hinlah mihem lunggel mei mei ana hijeh in ahithei pon, khosung aum nading phat le nikho alhom tan, guhthimma alungset pen Hoinu dalha a CCP khopi Jon dinga aum chu aki gel mo lheh ji’e, nikhat agolpa Mangboi ahungin Boipu komma bai nang la chedoh vah tadea tuchan gei’a idea Hoinu komma kam chang khat a jong na lungset na thu seipeh lou’a um nahim, hibanga lungmol din jong katah san hih e atin ahileh, Boipu in bai lunggel thangvan asange, tun kalungset na thu seile ama jong genthei ding kei jong ka genthei bep dihe atileh, Mangboi in bai tua thu kajah toh abah le Hoinu apan adalhah akon an jong ane kha ta poi atiuve, khosung na um sung beh in ga lha mon ji o ati peh le Boipu in bai hiti chun kei bou nei ngan se hih ta o phale sile kagol pa nang um’a kei bou kachi dichu anom thei poi ini lhon in chekhom te atin ahung kihou lha hin tai.
Nilhah ahung hiphat in Boipu teni golcha Hoinu te inn a che din ahung lhon tan, Hoinu vang room’a aJopa lhangai in ana kap kap jeng na lai e, Boipu teni a-inn u ahung jeh chun Hoinu jong amani toupi din room akon mitlhi long pummin ahung pot doh tan, Boipu in gal akon Hoinu avet leh alim le mel kikhel asah lheh e ajeh chu ni ijat ham an nelou a um ahi, ahung kihou lim uvin Mangboi in agolpa komma nang ni ana kihou lhon o kin neh ding gacho inge atin aloiteni chu adalhatan,Boipu in chance lahnan anei in Hoinu komma nei ngaidam o phat hitih chan na komma ka lungset nathu kahin sei lou atin Hoinu in vang iman adonbut pon, chamkhat pi thipbeh’a aum le Boipu in Hoinu komma alungset nathu ahin sei kit tan ahile Hoinu in hitin adontbut e “U Boipu nang in nei lungset masanga ka lungset nahitan, numei kahi jeh in ka lungset lheh vangin kahin sei ngam poi nang akon lungset nathu kajah khah lou sung chun kaki gel silheh ji e, U Boipu kan lungset Valle atileh Boipu in tunia kon Kei U tin nei kou jin lang kin jong kei nao tia kan kou ji dite na keilungset atin, Hoinu in jong henge kei u atin hichi nilhah akon amani kikah a kilungset na gui ahung jam tan ahi”.
Boipu leh Hoinu kilungset chu khosung mi ahelou aum tapon,guhthimma Hoinu ana dei cha ho din Boipu chu agalmi uvin apang tan, jingkho hung vah le Boipu CCP khopi Jon kit ding ahi tan, alungset pen Hoinu vang adalha joupon hinlah makho ding gel na’a adalhah te te angai tan, Guhthimma Hoinu deicha a Boipu vet da ho dingchun Boipu alekhasim na langa chi doh le atiu ahin,vangphat um tah ti ding ham vangset um tah ti ding ham Manipur indefinite bandh ahung um in ahile, Boipu ding chun kipana ahin khat ho din vang lunghang na ahe, nilhah khat lhavah noiya Boipu leh Hoinu aki mu to lhon in, lhavah em sel sel noiya chun lungset thimthu asut lhon in itih chan hijong le kikhen lou dingin aki tem lhon tan, Hoinu in Kei U CCP lang itih nachi diham atile kachi lou dite keinao, Manipur sung indefinite band aum e, Hoinu chula Aki pa dan Kei U nang che doh ding ka gel jiteng guhthim in na pul kadou ji e atin, Boipu in keinao tun indefinite band um jong le nikhat nile kache thou thou ding ahin, Kei um lou na nikho ho a jong lungleng vai’a hinkho na man lou dihe atin aki lhamon hin tai.
Phat le nikho ahung chal chal in Boipu jong alekhasim namun Jon in achi tan aman khosung adalhah akon Mangpu in sun le jan umlou in Hoinu ahel tan, Hoinu inla Mangpu komma Boipu toh aki lungset dan asei vangin iman agel pih pon,Mangpu te hi mihaosa ahi jeh uvin anei le gou akison piuvin khosung mi koima toh akituh pove, nilhah khat Mangpu ten Hoinu thum in cha ahin dom uvin, vangset um tah in athil thum uchu Hoinu insungmiten aphatsah peh uvin, kicheng na ding nikho ho aki hou tuh taovin, hichi Thu Hoinu in ahet chun Boipu loipa Mangboi komma asei pih tan, Mangboi injong agol pa hetsah dingin CCP khopi ajon tai, Mangboi in Boipu ahin hol doh tan thil um dan jouse asei pih le Boipu mitlhi ahung long doh tan, Boipu hi chaga chuleh mi genthei te ahi jeh uvin Hoinu toh aki cheng ding chu Hoinu inkoten aphat sah pih lou u ahe, Mangpu in Boipu leh Mangboi khosung ahung hin tai ti ahet phat in golllhang phabep amani lamtin dingchun aki pui tan, Boipu teni golcha khosung ahung lut kon hin chun lampi’a Mangpu hon voh din ana ngah uvin, Boipu tenin gal akon Mangpu ho amu lhon chun tuni vang koicha hijong le kidim lou di he atilhon in ama ho mi atam vang uvin aki cha lhon pon, khosung phah kon lamkot achun aki del taovin, Boipu hi aneo a pat natong lou a anun munchom a school ana kaisah jehchun atha alhasam pei in aloipa Mangboi hi lounatong mi ahi jeh in ahat in Mangpu ho loi chu mi atam vang uvin voh tan avon inn langa ajam taove.
Boipu khosung ahung lhun Thu Hoinu inkoten ahet phat uvin achanu’u inn akhal sah tapouvin, aki mu jong akimu sah tapouve, nikhat Boipu Hoinu te inn achi leh aki hou gin u ajan Hoinu hi Mangpu toh iki chengsah gang lou ule Boipu toh hung kicheng kha dihe atiu vin, Boipu aki gel leh athangtom in inn sung alut in akisen jah jing e nachanu u hinkou doh uvin kei toh Mangpu koi alungset joh ham dong uvin Kei eilungset le Kei toh kaki cheng ding Mangpu alungset leh Mangpu toh kicheng sah uvin, hitin mibol hih vin atin, Hoinu in alungset pen a U Boipu awgin ajah chun a room sunga kon ahung kap doh tan, Hoinu inkoten Boipu chu a-inn uva kon ano doh uvin,nilhah in Mangboi aloipa Boipu kom ahung le Boipu inn ana um tapon hoiya chi ham tia ahol leh khosung ground panga achanga ana tou chu amun Mangboi in aloipa agal mu chun adellut in ahileh chapang kap in Boipu ana kap in Hoinu inkoten abol nau chu agel leh alhasen, chaga ahikit toh ahileh ana ki gel silheh e,
Mangboi in Boipu alhem bin bai hungo tuni lhah ma ma’a Hoinu iga guh dihe ibolla hitia um nahim na loipa Kei ka um laisen lungneo hih in atin,Hoinu gu dingin ahung lhon tan vangphat um tah in Hoinu a inn uva kon ahung jam doh toh aki toh in, amani golchan ahet hin lou vanga Hoinu inn akon ahung jam doh chu Boipu angoh uvin a-inn u avet leh Boipu aum lou jeh chun anu ahin man taovin tunia kon khosung na dalhah dihe atipeh uvin jan lai changin khosung dalhan suh nading thei lou a gamlah lang ahung pet tah in Hoinu toh aki toh in Henu tutah’a hoiya chi gu nahim ka U Boipu hoiya um ham atin, inn akon nahung jam doh chu na U Boipu na inkoten angoh uvin ama inn aum lou pet ahijeh in Kei sel doh dan in agel uvin hichi jeh chun khosung dalha dea eisei pih u ahe, lhisoh pum in Na U Boipu hoiya um ham kin jong kahe poi atin, hitia aki hou pet lhon Boipu teni loichan ahin toh kha lhon in, Hoinu in Boipu amu mu chun angong koi in Kei U inn akon kahung jam doh a nang kom adinga hung kahitai, ka inkoten eihol uve ama ho hetlou na mun khat a Henu toh che taote atin, Boipu in keinao kakom akon koiman na hung pui doh ponte kicha hih in, Mangboi in Bai nang le Hoinu nahet nalhon khat a jam hin tan kin Henu hi Kei ho inna um sah tange, ikino gang lou ule eihin lap den diu ahe atin, ahung kivailhah taove
Hichan hin part-3 ana chai utin aban teng Boipu leh Hoinu kijam na thusim ina ngai deu ahe
Kaki pah e Lungluttah a hin sim jouse chunga
