(‘soldier,administrator &diplomat combined 3 in 1 person’)
Manipur thinglhang mi Govt office langa ama khokhel ding hi
Manipur thinglhang mi Govt office langa ama khokhel ding hi
akium nadem ?
Manipur thinglhang mi lah a mi nasapen khat ahi katin ahi. Mijousen amin lhem a Bob Khathing tia ahet amin tah tah chu Ralengnao Khathing ahin ahi. February 8th, 1912 in Ukhrul ah ana peng in January 12th 1990 in Mantripukhri Imphal ah ana thi in akivui na mun hi Valley View akitin ahi.
Bob Khathing in Kangpokpi Mission M.E School ah lekha ana sim in aban ah John stone High School Imphal ah Matriculation ana pass in Cotton College Gauhati Calcutta University noi ahi lai in B.A ana pass in ahi. Amahi Manipur a tribal laha graduate B A ana pass masapen ahi. Akipatna in British Army ah ana pang in 2nd World War ah ana jao in ahi. Amasapen in 19th Hyderabad Regiment chomkhat jou a *Kumaon Regiment Commissioner in apang in aban ah V. Force operation Manipur ah Captain in ana pang in ahi.
Manipur lengpa in thumop dungjui in Army a kon in ana hai in Manipur Govt. 1947, 48 lai a chun Minister for Hill Administration ana po in ahi. India chamlhat(Independent) mu jou in 1948 in Manipur Assembly masapen ah Sadar a kon in MLA ana kai in Minister for Hills Administration leh Manipur Rifles 1949 a akisuh bei tokah in ana pang in ahi. 1949 in Manipur state chu Indian Union ah merged ahitai. A kum kit in Assam Rifles 2nd Battalion ah *Assistant Commandant in ana lheng uvin hiche va apan lai chun Assam a 1950 a Earthquake ling kiho lai a rescue leh rehabilitation operation ah nasatah in ana pang in chuche jou in North East Frontier Agency(NEFA) ah Assistant Political Officer in apang kit in ama makai na noi ah Assam Rifle Platoon 2 in 1950 in Tawang ana toupha uvin Mac Mohan Line kom a Bumla area ah Indian Administrative Control ana phutdoh in ahi.
1953 kum in Govt. of India in
Indian Frontier Administrative Service IFAS ahin semphat uchun Khathing jong chu Civil Service a kon a officer 2 kilalah a khat in ana pang in ahi. IFAS Officer a a posting na masapen chu Tuensang Frontier Division *Political Officer in Village Volunteer Force chu ama mapuina ana okiphutdoh ahi. Chuche post a kum 4 na atoh jou in Nagaland Mokokchung District ah Deputy Commissioner in promotion amu in ahi.
1961 in National Defence College, New Delhi a tribal lah a ana lut masapen ahikit in ahi. 2nd batch a a course chu ana chai in akum kit in Sikkim ah Development Commissioner in posting amu in ahinla chomkhat jou in NEFA a Security Commissioner in a transfer taovin ahi ajehchu India China gal hung um jeh ahi. Tezpur a 4 Corps
Chief Liason Officer in ana pang in tulai a SSB kiti *Sasastra Seema Baal Para Military Force 1960 gal jou a kiphutdoh chung changa chu aman jong pan nasatah in ana lan ahi.
1967 in Nagaland a Chief Secretary in ana pang in hiche ama phat lai in Nagaland Arm Police(NAP) leh Naga Regiment ana ki phutdoh in ahi. Kum 5 jou in India ah Indian Ambassador in Burma ah ache in thinglhang mi tribal Ambassadoor masapen ahi. Hiti chun kum 3 Rangoon ah na atong in ahi. Hiti chun kum 3 na atong in ahi. State khat a Governor ding offer amu vang in ana la nompon Manipur Governor Advisor i Chairman, Administration Reform Commission leh Tribal Law Commission ah ana pang in chukit leh Administrative Reform Commission Nagaland in jong Chairman in ana pang in ahi. Aban ah Nagaland State 1964 a semdoh na ding a committee member in ana pang in hiche dungjui chun 1975 a Shillong Accord kiti chu ana kisemdoh kit ahi.
R.Khathing chu Mantripukhri a a in Valley View kiti ah 12th January 1990 in ana mollen tan ahi. Ama chun cha 4 anei in chapa 2 leh chanu 2 anei in a chapa khat JSR John Somi R. Khathing IRS chu kum ija ham masang chun Chief Commissioner of Custom & Central Excise in ana retired in aban a Dr D.T. Khathing chu a Central University of Jarkhand a Vice Chancellor in apang in chanu tah pen chu Leballa akitin All India Kitchen Garden Association a Secretary in apang in adong jo nu chu Lady Kean College Shillong a English a Head of Dept. English ahi.
R. Khathing chu British in 2nd World War lai a British Army a toh phatjeh in Military Cross M C an apeh in chomkhat jou in England lengnunQueen i Member of the Order of British Empire MBO Title jong anape in ahi. Govt. of India in jong Civilian Award asangpen lah a 4 na Padmashree 1957 in ana pen ahi.
Manipur a ding a amachu hiche Award mumasapen ahi. Indian Army a jong tah Commander in Chief Gallantry Award 2 veitah amu ahi.
Kaneo lai a kajah khat in Major Khathing British Army a anapan lai in Ukhrul gam a Japanese Camp khat Tangkhul khut a natong labour ho (disguised) a kilep in asam jong Tangkhul ho song nei a kihou (cut) bang in akiho in hiche mun a chun sunni lhum kei in na aga tong in a camp uh lupdan leh ima jouse ahin mel chih in ni chomkhat jou in Bristish Indian Army in abulu in hiche camp a um Japan sepoy jouse abon in athat chai kei uve tithu kana jan ahi. Hiche ho jeh chu hinte British Govt. in Military Cross sepai hangsan military award kipe lah a a 2 na anapeh uh hiding dan ahi. Chin Kuki Mizo ho lah a Military Cross khat le ni um intin Kuki pholah a khat chu aum chu ( L) Thanghem Lhungdim Molnom phaosapu chu Ukhrul leh Nagaland kikahJessami battle March 28 to 1st April 1944 Ist Assam Regiment Brave Rinos kiti sepoy hang san Coy khat leh 31 Division Japanese Army a hiche gal akisat uva Japan U Go Army advance hungho ho ana tin nao achu M C ana mu ahi, hiche Jessami battle a anatin jeh uva Battle of Kohima chu Bristist Army in anajo thei u ahi. Hiche ni 5 kidouna chu Japan te machal be na tin na a battle poimo tah ana hi ahi.Hijeh chunJessami town ahi War Memorial Stone khat akitung in ahi. Ist Assam Regiment Brave Rinos Coy in ahansan nao ana musah jeh a Pu Thanghem Lhungdim chu Military Cross Award chu anapeh uh ahi.
Jessami hi Manipur Border town Nagaland lang nai ch Nagaland border town Meluri toh kinaicha ft 3996 high altitude a um lhang chung a kho um ahi. Hiche mun a Japan sepoy leh Britist Indian troop gal kisat hi Burma sector a India gamsung Indian soil a Japan te toh kisatna masapen ahi .Hiche gal a Japan Army hungkon ho anatin jeh uva Battle of Kohima April 2 apat 22 June 1944 chan stages 3 a Japan Army leh Allied force ho kisat a chu Britist Indian troop hon Gal anajo uva ahi. Hijeh a chu Battle of Kohima chu Stalingrad of the East anati uva chuleh Kohima leh Imphal Battle chu BRITAIN’S GREATEST BATTLE anatio ahi.Japan Army in lampi anakha uva siege of Imphal
kitichu Kohima leh Imphal a British Indiantroop te ni milestone 109 a kimuto a Japan te chu kinung no jou ahi. Second World War a ding Battle poimopen loi tah ahi jeh a Kohima War Cemetry hi guntah leh loupi tah a Commonwealth War Graves Commission avetkol u ahi. Kohima War Cemetry a kitung song a kisun ,
WHEN YOU GO HOME,
TELL THEM OF US
AND SAY FOR YOUR
GAVE OUR TODAY.
kitichu lunga mang mo ahi..