Home N Lhungdim BIBLE NEW TESTAMENT MATTHEW 25:14-30 KIKAH A LHACHA 3 THULEM

BIBLE NEW TESTAMENT MATTHEW 25:14-30 KIKAH A LHACHA 3 THULEM

43
0

NEW TESTAMENT

Asun
N.Lhungdim
Thangting House
Molnom-West

n lhungdim
N-Lhungdim

16th September 2022

Ahileh talent kitihi ipi tina mong ham?Advance English Dictionary a ivet leh (1) natural abilities or quality (2) a person who possesses unusual innate ability in some field or activity. Google a ivetleh natural attitude or skill tin asei in ahi.

Leiset chunga hungpeng mihem hohi munkhat munkhat ah penpi thilbol theina mi tamtah in abol theilou boldoh theina nei akimujing in ahi.
(1) Sport langa sei ute.
Masang a football pehthem a ana akithang Pele kitipa chu King of Football tia jong ana kihe ahi. Kajahdan in ama chu centre a kona khatvei ball apeh leh goal akhum in ahi kiti kajan ahi. Aban a minthang chu Argentina te captain Diego Maradona. Tulai a minthang penhi Argentina te football pehthem Leonel Messi kitipa hi ahikit in ahi. Amaho hin midang tamtah in aneilou football pehthemna aneijeh uvin sum tamtah anei uvin multi millionaire ahin ahi.
(2) Table Tennis them a kidang Serena William leh Venus William Grandslan vei 7 tah mu ahin ahi. Anukhah pen a kihe chu Roger Federer kitipa chujong ahi. Amahohi sport a aminthang keo hilou injong sum ahao dan uhi seitheilou ahi.
(3) Tulai a India aminthang pen Javelin Throw a minthang chu Neeraj Chopra ahin ahi.
(4) Talent nei tamtah umjongleh politics langa talent nei British Prime Minister Winston Churchill jongchu khat ahi in India gam ahi Prime Minister tamtah ana um jongleh Prime Minister masapen Jawaharlal Nehru ana hi in aban ahi tulai a Prime Minister Narendar Modi hi ahi kitileh kiseikhel ponte. Amahin Gujarat state ah Chief Minister kum 15 ana pohjou in centre ah aum in tua hi kum 10 ahinpoh dingin aumtan ahi. Prime Minister Modi hi athilbol ngolkai phabep leh ahoilou umjongleh thusei athem in thusei nadinga athusei ding sutpeh speech writer angaipon kiginglou beha jong thu ngaitah aseithei ahi. Masang jep a BJP Prime Minister ana po Atal Bihari Vajpayee kitipa jongchu talented politician ahi in kiginglou beha jong aseiding a kilom seithei mihem ahi. Politician ahi kidang ahina khatchu opposition a aumlai injong Congress Govt. in UNO ah thusei in ana soljui in ahi. Ama tobang mihi tulai in aum tapon ahi. Adeh deh in BJP Govt. ahin talent nei sangin Modi thusei ngaiho alen in thunneina aneijon ahi.

Achunga isei uh mi jatchom chom in field jatchom chom a talent nei thusim isei bang uvin Pathen thusei nalam ajong talent neimi aum in amaho phabep khatchu American mi Billy Graham kitipa jongchu ahi. Billy Graham in thu aseiding ahi akitileh mi alakh lakh in akikhom in ahi. India gam ajong anaipen in kumkhat Kohima a crusade ahungbol in ahi. North East a phabep khat kisei leh Shillong a um Mizo Vanlalngaka kiti jongchu khat ana hin ahi. Anaipen in Churachabdpur ajong Pathen thusei them a kahet khatchu Rev. Ginkhanmung kitipa jongkhu thusei ding kichatlou mihem khat ahi. Ipi thu seijongleh hoitah leh ngainom umtah a seidoh mi ahikit in ahi. Amahi phung le chang langah kisei leh kei phung Lhungdim chapa khat ahi. Ahinla Zou pao atho jehin Zou akitin ahi.

Achunga field jatchom chom a mi bolthei lou bol boltheina nei isei bang uvin tuni a ithupi uh Jesu’n lhacha 3 thusim asei a talent 5 apeh a ani na pa talent 2 apeh a athumna pa talent khat apeh a khol a che a anei jouse asohte ngensepa thusim asei hi Christian te dinga kihilna phatah leh hoitah ahi. Ajehchu talent 5 neipa in apupa ahung nung lhun in kapu talent 5 neipeh chu talent 5 ma in kaveipung in tun talent 10 ahitai atin apupa apeh leh apupa chu akipahlheh jengin tahsan umtah sohpa nabolpha lheh jenge thil themcha chunga kitah nahi tampi chunga vai kahomsah ding nahi atin napu kipa na ah hung kipah in ati. Hiche tobang machun talent 2 neipa jong talent 2 ma asuhpung jehin apupa akipah in apupa in hungin napu kipana ah tin akou in ahi. Ahinla talent khat kipe pa chun kapu, mikikhel tah nahi in, natu nalou ah at thei ahi, nathe nalou a chom chom khomthei nahin, nang kaging jehin kachen na talent chu leinoi ah kaseltai hiti chun nasum mama nakilah kit ahi atin ahi. Apupan ipi asei em? Vo soh gilou leh thase katu nalou a ka at je, kathe nalou na kachom khom ji nahet ahiye ong? Kasum chu sumkol veiho komah apung in ana koile chun itim? Chuleh kahung phat a kasum leh akan kakilahtha tading a hichepa talent chu lahpeh unlang talent 10 neipa chu pehbe taovin IJEH INEM ITILEH INEM ITILEH ANEI AH KIPEH BE A ANEI LETSET DING ANEILOU VANG ANEISUN JONG KILAHPEH DING AHI. Chuleh hiche soh phachomlou hi mumthim lah a gapaimang un hikom a chu kap le hagel a umding ahi.

Tuni a iseinom pen uchu Pathen in eipeh uh hinna damna thale jung lungthim hohi eima deilam leh Pathen deilam a suhpung ding tamsah ding mihem ten igelsoh keidiu ahi. Ipi dinga tha eipeh uham itileh Pathen in tha eipeh uhi eima ding phachom nakeo hilou a midang panpi nathei a tha inei dinguh achuti leh eiho leh mi a chu akigop leh eima leh midinga phatchomna ahitan ahi. Hiche chu ahi talent suhpung kiti chu. Natha leh najung nalungthim Pathen in napeh chu nangma dinga jong naman nomlou leh hiche tobang miho chun anneh dingjong aneilou ding ahi. Pathen thu Kipana Thupha ihet uh inei ujong miding a seidoh nomlouna seidoh theilouna inei uchu phachomlou ahi. Aphachomlou talent neichu eima dinga leh midinga manna ahi.

Achaina keia kaseidoh nomchu keima leh keima kiphatseina tobang hijongleh kaseinom chu keijong hi ipi talent kanei ham tihi atil in kana kinetpon kahinkho a talent phatah kanei khatchu Melchihna(memory) kiti hoitah kanei hi mi tamtah in aneilou ahi tihi kaseidoh nom in ahi. Ahinla keiho kanu leh kapa cha ahinglah a memory phapen a kahetchu kanaopa Pastor Ngulkhongam chu kei memory sangin ahoijoi katinom in ahi. Ajehchu amakhun mikhatvei amu a amin chu adoh a aseileh amukit phatleh amin a akouthei ahi. Pastor ahi tillai in a biel sunga ache abiel sunga miho chu khatvei amusa jouse amin in akouthei in ahi.

Achaina kei kei a kaseinom chu khonung a kahetdoh talent phatah kanei hi lekhasut English a article sut kiti hi keidinga hahsa loubeh ahi. 2017 lai apat in article kana sun in tuni chan a kasutdoh hi 1000 lang lhing tante. Hiti hohi chomkhat jouleh ata nading sum kaneileh lekhabu a tadoh a khonung a gou dinga dalhah ding kati ahi. Lekhasut kitihi asun theilou hoding a thibai ahipon ahi. Thusim khat kisei leh Jorhat a kaum lai in Mizo ho megazine khat soding atiuvin article hinsun in atiuvin ken jong nungah leh gollhang in ji itobang lhending ham ti kana sun in ahi. Hiche megazine chu ahung sodoh phat a kavet leh Mizo student khat in article sutding katileh kapen ka pen kalahdoh a kasut kigot leh lekha golkhat jong kahepoi thusim asei a aman asei chu lekhasut hi asun theilou hodinga hahsa ahin amahon lekha kisun jouse hi simlou a akoi loudiu atin ahi.

NA TALENT KIHET IN NA TALENT SUPUNG IN NANG DINGLEH MIDING A PHACHOM IN NA TALENT MANGIN.

Articles hi anom lheh e nati le anoiya “LIKE” button khu meh in writer ho na support nau vin, chule seinom nanei le anoiya comments nahin bolthei u ahi.

Site nalut a notification pop up hung potji ho allowed anabol ji uvo maban a thusim thah ahung ki post teng notice namu ji diu chule Bell button a subscribe kiti chu meh un.

Previous articleMiss Vahhoichong Haokip, Miss Beautiful Smile Title
Next articleKIPUMKHAT SANGA KIKHENTEL JOH HI HATNA LEH MACHALNA JOH HIDING HAM?

LEAVE A REPLY

Please enter your comment!
Please enter your name here