KHAAL TUI THENG presents
By: St kuki
Based on true story from brother Mynhao of kangpokpi..
Hetding: Hiche hi thusim tah ahijeh in, sopi mynhao in apoh nat nathu ahinsei leh ken jong kaven lainat aum pilheh jeh a mipi simdoh thei dia hung kibol ahie.kah lah a a anal jep tei nadia a hapba hung kibol ahie..
Ana pan tau hite….
Sopi mynhao hi kangpokpi akon hung khanglen khat chu ahi, ahi nauva migen thei te ahijeh uchun a inchen adin mun u avet leh anu leh apa seh² in jong asot jou tah lou ding ahet phat in,high school life ahin chai² hin amatah jong aban sim be thei nading in athagum in sum ahin kilo pantan, apu te kho lang a inn sah a sum loding chun apu pan ahintem tan, mynhao in jong nilhah ahi hi in aloipa akitep in, jeng a jingkah matah a chepai ngal ding ahilhon jeh chun manchah ding eja kai apot ding, akigot lhon in jeng khovah ding chu ajal khun a angah lhon tai.
Kho avah tan.. mynhao pa chun matah in ahung thou lhon in ama ni jong a maicha phet man hon lou hel chun apu te kholang jonding first bus lap ding chun parking lang chu adel lhon tai, amun alhun lhon leh bus jong chu ahung lhung chet in, ama ni jong apu te kholang jonding chun bus chung achun ahung kitung doh lhon tai, ahetman loukah lhon chun bus chun a pute kho ahin lhut lhon tan ama ni jong
Vaikon lap chet in alhung kha lhon in, a pute inn alhun lhun lhon chun api nu chun bu neding in akou pei ngal lhon in ama ni injong avaset lhon ding in aki neh lhon in, hinlah koi hung lhung pan² kichol umlou in a inn sah nalang uva natong ding chun akou pei ngal phat uchun ama ni jong akigong pei kit ngal lhon in, anatoh nalang lhon ajon in ahung kimang khojeng kei lhon e..Hiti chun mynhao jong niseh innsa a akimang cha jeng tan, Hitia anatoh uchu ahung sot thim tan, khat vei hi aloipa chun mynhao jah a, “ashh!! Bhai, eum nalhon lah asot thim tan khatvei beh khosung a kholai galeng hite” agah tin ahileh, mynhao jong ahung kigel gel in,”hengot hio!! Potdoh masang beh a ba khatvei tou gava ding ahe akiti lhon tai..
Ajeng chu sunday ahipei ngal jeh chun, ama nin jong kilem asah lhon in sunday ni anilhah in matah in bu akineh lhon in kholai leng dingchun apot lhon tai, amani jong akihet pi aum lou jeh chun koima inn a lut chomlou chun lampi a avah le² lhon in ahileh, houin kai dia hung doh nungah phabep toh chun lampi a ahung kitoh khatau vin alah uva alai nuchu mynhao chun ahin mudoh tan, hichu amadia alungset pen nu Kimmy mel amu masat pen nichu anahi..hoi asah ma² jeng hitan tin achuti vet jeng leh numei nuchun akihet hitan tin ajah ahung chatan toul noi lang avet a lampi ajot chu mynhao teni first bus del chu abang jeng tai..mynhao in jong alhum mang jel tokah chu achuti vet tan, avet lamcha ahet lou hitan tin aloipa chun agah ven ahileh mynhao chu ana kadan tan, agah beh pohsot leh ahung khang doh in aloipa kom achun;
Mynhao: ashh!! Bhai, ejo lang a alainu chu nahet khah em? atileh
Aloipa: Eti Hung kikilhon khom peh a kei neidoh kit ham? Che hitin a houin kai kikhen u gangah hite akiti lhon in ama nijong houin gate mai a akikhen u ngah din ading le² lhon in ahileh, nungah khat anao te pui a hung chu kho lah athim tan, mynhao loipa chu atot in numei nu kom achun, ” Nao, kahung thah lhon ding ham? Atieh!! Ahung nom tahbah tan, atot kisa jong leh anop tah ngal jeh chun thah lou ding chulah nom sathei talou mynhao chunla lang khat a ami nga nu kichang khel inte tin dipchah tah in aum kit in, alang khat a athah gel kit leh numei jan a achang a lamkah a epi ato kithei lou atikit in, athah ding chun ache lhon tai, lampi ahin jot2 uvin pung vet toh achuti kop peh lhon tai, a inn lampi uchu saothim hintin,numei nu kom jah achun “Nao, na inn u naitam? Tin adong ji² lhon in, akhat nu ma chun “elhun vah diu ahite” ati ji² in, alampi jot u hetman nalou ding chun atot toh numei nu nao nu poh achuti kilhah peh jeng lhon in, anah nah in aga thah doh lhon e apung lhon agah vet leh lang khat a houin kikhen phat toh akitoh chet tan chuphat in ema sei talou in anilhon chun marathon race a kilhei tet hobang chun houin lang jon chun ahung lheitho lhon tai, amun alhun lhon chun ana kikhen chet in mipi ho chu gate apat ahung pot sou² tauve, mynhao jong kadei khat chan lalsang sang in ati in maivun satah in houin sung ti apolam ti achuti hol leh amu chom deh tapoi lang khat a aloipa in jong gate mailang a ahol ahin amuchom deh poi, mi doh ding ati lhon leh la amin lhon ahet kit honlou mynhao chun amin beh ana kidong hita leh aw!! Tin themmo akichan lheh e,moh touva hung chom ding lah ahilou phat chun alung gel bang hitalou in lungthim nommo tah chun inn ahung kile tai..hiche nijan chun mynhao chu lum jong lum doh thei talou in khat nu achuti gel tan, alung thim chun hoilai apat hidi hija? tin achuti gel tai, khutia amut lou phat chun, aloipa chun: ashh!! Bhai, hagel ngai hih e sunday niseh hung kikhom ji ahileh eini jong aban sunday nileh ama hol tohgom a ega kikhop tah hih ding ham? Atin chuphat in mynhao jong alung thim ahung nomdom tan aban sunday ngahlal nan hinkho ahin mang kit tai, hitichun ni gup sung chu amading chun asao ma2 jeng e, ( ajeh chu thil engai chat khat aum teng kingah lal ji khu sot kisah ji mong ahine..)
Aman jong natong a ache konseh leh etih ni hitam? Tin calendar chu ave cheh² jitai, aman anga lal vang chun ahet manlou kah in Sunday nikho chu ahung lhung kit tan, ama jong nidang a kikhop ding geldoh lou pachu houin kai ding chun matah in akigong chaitan, houin lang chu ahin jontai, hinlah akinep nabang talouvin mynhao chun a numei hol nuchu hung hinam? Atin ada le² vang chun amu tapoi, ahung lou ahi ahetphat chun lung thim nommo tah in ahung kile kit tai, aman jong kamu phah lou ding hitam? Tin alha aselheh jeng tai, eti doh ding ham?ti jong ahet lou phat chun lungnom mo tah in koima hetpeh lou chun a hinkho man anom thei tapoi, hitichun anatoh naho a jong alung alut tapon, numei nu bouchu alung a agel jeng tai…
Hita phat chomkhat ahung kiman chah jeng lai in, khat veihi anatoh nalang jonding in kino cheng in dukan a thil ahin kilah pa in, ahung tou leh eitih a kamu phah lou ding hitam? Tia anagel jeng numei nuchu school form a ahung chutoh akitoh chet in..
Mynhao injong kidang asalheh in seiding amei mo phat chun,mynhao chun kiphatlam tah in…
Mynhao: nao, hoilai nache ding onk?agah tileh,
Lung dong thim tah chun!!numei nuchun, ” School cheding kahie heu” piti na?
Mynhao : Aw!! Eja nasim hita onk nao?kan het nom mei² ahie…haha
Numei nu : som(10) sim nalai kahie..(som asim nahlai vang chun mit a vetdin,nungah lhingset khat chu ahitai) ahileh, heu nang koi na?
Mynhao: ( _maeseu seu chun) ashh!! Khat veini sunday a lampi a nakito pi pachu kahie,mynhao kahe, nang min lah nisei peh hih beh e , agah tileh…
( Kiphatlam tah chun ) Numei nuchun, kamin ‘ kimmy ‘ ahie heu,, ahileh kagei ditai gache kit tange atin mynhao chun numei nu alut mang jel tokah chu achuti vet tai….mynhao jong thanom tah in anatoh namun lang chu ahinjon tan, koiman ahet peh louvang chun alungthim chu kipa nan alodim tai..hiti chun mynhao in jong kimmy school kai na ahet phat chun a olmo tapon, jeng apat nga pan ding in agong tai..ajeng in school timing ding chet chun mynhao chun angah tan dukan mai lang a athim ngatan ahileh, anga jeng lai in kimmy chu pasal khat toh ahung kilhon phei tan, gah houpi kitding atileh ‘ejoleh adongma hi khaleh asuboi a kipang bep ding atin’ ahoupi tapoi,hita pasal khat toh ahung kilhon jeng amuphat chun alung anom thei tapon, koimong mong² ham ahet chen nom jeh chun khatvei hi lampi a athah nga kit tan, hinlah kimmy mel amuteng aseiding jouse amang gam jitai,nikhat hi mynhao hin lampi ahin jot leh kimmy in ahin ki lhonpi ji pasal pachu toh akisuto lhon in, hiche pasal pachun mynhao chu ahin hou in, bro!! Khongai tadin, nang nahi ham? Kimmy dei chu ahinti leh mynhao chun kidang asa in eti ha bro!! Agah tileh khat pachun kimmy chun nang thu ahin sei² ji e, nadei mong² leh kitho khom thei ahie..ahinti chun….
