THILHA THUSIM KIDANG
(True Story)
~Helun Elson Haokip
1972 kum chun Bombay (Mumbai) khopi koma Thane police station a hin Inspector Rajesh Dixit hi nikhat file ho check abolle a atoupet hin mi khat ahung in, mi kithana thu khat report ahungbol in ahi. ‘Koijin koi atha ham?’ tin aman adong in ahileh report hungbolpa chun “kei Kunal kahin, kaloipa Srinath in eithana nithum ahitan, koima chan ahetlou jeha ken report kahung kibol ahi” atin ahi.
Inspector pan “ipi naseina ham, kei eikithat tai natichu” tin angoldan in agellin ahi. Kunal in ‘neitahsan lou leh hung in lang kanung hinjui jin, kathilong navetsah inge’ atin achetai. Hichun itidan mong ham ti hetna din Inspector Rajesh leh constable mi thum in anung ajui uvin ahi. Chom khat achejou u hin, Kunal chun ‘kathilong chu hiche inpang langa nullah ( nala) a namu diu ahi’ atin ama amasa tai. Hichun inpang alep jouvin amahon jong anung ajui uvin ahileh inpang lang khat aphah phat uvin ama chu aumta pon, amang heltai.
Hinlah akom tah a nullah a chun thilong khat twi lah ah aum in, amai aphohdoh uva avet u leh tutah a akom uva report hungbol pa chu ahiphat in, atija thei lheh jeng un ahi. Hichun inspector Rajesh in achunga ho ahetsah in gangtah in Srinath chu aman tai. Hichun chom khat deny abollin, gahtah a ahinbol phat uvin athu chu ahin seidoh tan ahi. Kunal le Srinath hi golcha ngaitah ahiuvin, Kunal ahung jinei phat hin ajinu hi Srinath in jong anungah laija pat a ana deichat jing ahijeh in akichen jou hon in jong adeicha jing nalaijin ahi.
Kunal in hichu ahephapon, hitichun neh khom le judon khom tiho abol jing un, Kunal jinu vang chun Srinath in jong eideicha e tichu ahe in, chance jong apen, Kunal hetlouva alupkhom hon jong aum jing tai. Hiche hi Kunal in ahin hetdoh phat in ajinu voh kitin avo in, Srinath jong chu akivoppi tapoi. Nikho tamtah jou hin nikhat Srinath hin Kunal kom ah ngaidam ahungthum in, hitobang bolkhel chu avella abol kit lou din kitepna aneitai. Hiche jeh chun kingaidamna din tin ju adonkhom hon tai. Hinlah Srinath hin julah a chu poison alhah ahin, ama ahung kham phat in, bailam tah in avolih in, nullah ah apaimang tan ahi.
Hiche thua court thutanna ahung um nia Inspector Rajesh in mi thatpa Srinath chu iti ahin matdoh ahidan asei ni chun court a um mi jousen kidang asauvin, police Inspector khat in hitobang chu ajou aseilou ding ahijeh in daily newspaper hoa jong athu chu anakiso thang jeng in ahi. Srinath jail a aum jou hapta khat jou hin, jaanlai tah in, ama chu mutheilou khat in tichu Kunal lhagao chun attack abollin, apeng in akilih lele jeng in, ‘neihuh uvin, Kunal in eitha ding ahitai’ ativang in achanga kilih lele ahijeh in, akithopi je jong ahetlou jeh un amoh vet jeng un ahi. Atahsa chu molla kivei tobang in abeh beh in aduplha jeng in ahi. Hiche a pat Lha khat jouvin, jaanlai mama in attack ahungbol kit in, alei (tongue) ahung lotdoh leuvin, athipai pai tan ahi. Hiche thu hi World Famous Ghosts Stories kiti lekhabu a chun akisun in ahi.
Thusimbu Machal jing thei na ding a pan lanom ho kipah tah in lem ahijing in ahi anoiya button “Click Here” khu meh utin details anasim ute.
