By:-Shonkhogin (Hegin) Haokip
Maranatha Cottage Hebron Veng
Phaipijang Langol Imphal West.
9774096152
Pakai Jesun Cross chunga akikhaipetna aseidoh Thu 7 ho lah a,,
Anina : Tahbeh a kaseipih nahi, Tunia gamloupia keimatoh i-umkhom ding ahi, ati. Luke.23:43.
Hiche muna Pakaijin, gamloupia i-umkhom ding ahi e tia aseipahi koiham itileh, amahi, mithat miman ahibouve. Ahinla aman athikon ahijeng vangin ama koiham Pakai Jesus koiham tichu ahetjehin ahinkho akichaikon hijongleh Jesu koma taona neocha ananeija, Jesu nagam nalhunteng neihe jingin atichu ama a din tonsot hinna ana hitai.
Ajehchu aloipan, Jesu koma , nangma Christa chu nahileh nangma jong kihuhhing inlang keini jong nei huhhing lhon tang, ahivangin hiche mipahin aloipa chu aphoh in, nangman Pathen jengjong naginlou hitam, einihi athidinga lom itohgalhon ikineh lhon ahin, hichepa (Jesu) hi imacha suhset aneilou ahi anatijeh chu ahi, ama kisihna.
Hijeh a chu Pathenin mihemte kisihthei na dingin last minute jong apenalaije ti imudoh thei juve. Amavang last minute changei apenai tin ngah hih beh in, hichehi ahinlai dam sunga Pathen thu mu joulou ho a ahibouve.
Anichan a iseinom pentah u chu ahileh, mi khat chun Penthah na dih tah anei masangsea amahi itabangin teh jong leh athidinga lomloulai ahi. Chuleh koihijongleh mikhat chu dihtah a apen thah mongmong leh leiset chunga boldinga lom tamtah umjongleh damun meidila cheding ho huhdoh ding kalla natoh len aumpoi tin R.Stanley aseije.
Ajeh chu michonse khat thi jehin kaki pahhih hele tin Pakaijin aseije. (Ezekiel.33:11). Hijeh a chu ihin petna hi phat ho mang khel louhel dingin jong ikitem uve. Hitabanga chu mihaopa jong chun aboldingdol anabol loujeh a tichu, Lazar akhohsah dingdola anakhohsah lou jeh a chu mihaopan damun meidilla kona Lazar Abraham angsunga atou chu anamu a chubang se a anakisih a, ahivangala geisang anahitai.
Achaina a iseinom pentah u chu ahileh IPakaiju Jesu Christan athi-kon geija, eiho hinna ding agelkhoh banga chu, eihonjong hinna dihtah ineijuva ahileh lhagao mangthah huhdoh kitihi ikin-len pentah u hiding ahi. Achutilouleh nikhat leh mihaopa le Lazar umchan itho kit diu ahi. Mihaopa chun Lazar chu akithopi thei mama ahin, anakhohsah loujeh ahibouve.
Pathenin phatthei cheh tauhen.
KAKIPAH-E!
“God Loves You!
And
Wants You To Love Him Back”
Thusimbu Machal jing thei na ding a pan lanom ho kipah tah in lem ahijing in ahi anoiya button “Click Here” khu meh utin details anasim ute.
