By:-Shonkhogin (Hegin) Haokip
Maranatha Cottage Hebron Veng
Phaipijang Langol Imphal West.
9774096152
Pakai Jesun Cross chunga akilhaipetna aseidoh Thu 7 ho lah a,,,
ATHUMNA (3):
Numei, Ven, nachapa chu ati. Chuin aseijui jah achun, Ven, Nanu chu ati.
John.19:26-27.
Pakai Jesun athikon changeija insung akhohsahna in avetsah chu ahileh, Christian dihtah khat chun, a insung akhohsah ding hi tahsa lam hihenlang lhagao lam hijongleh thilkhohtah ahi ti photchetna ahi. (I.Timothi 5:8) in Koihijongleh ama mite ding ngaitolou, ahideh chu ama insung mite ding ngaito lou chun, tahsan chu aledoh ahitai, atahsanlou sanga chonsejo ahitai. Joseph sopihon, Joseph thina ding le mana ding ana ngaito vanguvin, Joseph ahunglet phat’in, asopihon abolnao lethuh louhelin,amahole ainsung mite nehle chah ding, chena ding Egypt gama athi masangin ana gonpih e. (Gen.47:5-6). hitabang ma chun, David jong insunga aneopen ahivangin ainsung mite chuleh anule apa anamopoh e ti imu uve. (I.Sam.22:1-4). Inkote imacha mopohna neilou hella, Pathenin nakithopi nante tiho hi Pathen thutoh kitohlou ahi. (2.Corinth.12:14,Prov.19:14). Insunga chatelah a sihnei langnei tichu chapa dinga achan dinga gou kikoipih’a chanu dinga goukikoipih lou kitihi Pathen thu toh akitona ding aumpoi. Hichehin sihnei langnei apodoh e. Chutitah sanga chu alhasamjo Chanute joh chu kihathopi a lom jo lou dingham tin, Pathen mitehon aseijuve. (I.Cor.12:24-25). Pathen in asimho jouse phatthei boh tahen.
ALINA : APA PATHEN TOH AKIKHEN LHON NA ASAH A AKA.
Ka Pathen, Ka Pathen ibola neidalhah hitam ? (Mt.27:46).
Jesuhi Pathen mongmong ahin, alangkhangna mihem lhing set jong ahi. Atahsan te dingin thina kitihi, Pathen lenggam lut na ding hijongleh, koimacha athi nompoi. Pathenin amijouse hi thisangin hinnomna eipe soh keijuve. Hijeh a chu Thi kichat kitihi angaina a umjeng ahi. Ahinla hiche thi kichatna a konin Jesun eilhadohtaove. (Heb.2:15.) Amatah in thi hasatdan leh thina tah chu atotah jeh chun hitabang genthei nikho chuleh aman eikithopi theidiu ahi tihi tahsan lentah ineijuve. (Heb.2:9. Mathew. 26:37-38). Hezekiah lengpa jong chu nathiding ahitai ti thu ajah chun, hakan akap in ahi. Pathenin akana akisihna amun kum 15 asuhsao pihtai. I Pakaiju Jesu jong athina nidan ahunglhun phat’in apan anungsungtan, apan adalhah chun na asah behseh jengin, Ka Pathen, Ka Pathen ibolla neidalhah hi tam tin akap in ahi. Sopiteho, tahsa a thina seh seh ahipoi, Pathen lhagaotoh kikhen jonghi anatna a na ahi. Pathen umpina changjousen ahet ding chu ahileh Pathenin nadalhah nichu restless nahiding ahi. Ajeh chu ibolla Pathenin nadalhah dingham itileh, Pathenhi atheng chuleh chonphatna dimset ahijehin eihon chonset hinkho imanphat uleh Pathen umpinan eidalhah jiu ahi, ajehchu Amahi athenglou abohtoh umkhomtheilou ahijeh a chu eidalhahjiu ahi.
Pathenin phatthei naboh tauhen.
KAKIPAH-E!
“God Loves You!
And
Wants You To Love Him Back”
Thusimbu Machal jing thei na ding a pan lanom ho kipah tah in lem ahijing in ahi anoiya button “Click Here” khu meh utin details anasim ute.
