Dan semding a kilhengdoh hon Dan palkeh a suhchop touchop atho u dal na Dan ahi.
Mihem tho get hahsa.
Asun:
N.Lhungdim
Thangting House
Molnom- West
Date- 15/07/2020
India sungah adeh in state phabep ah MLA ho party khat a kon a khat a chom le le ana um in ana ha um na pen hi Haryana leh Manipur jong hi ana hin ahi.
1990 lai chun Manipur Legislative Assembly chu suhchop touchup ana habol lheh in hiche hi adihtah a chu Manipur statehood mujou 1974 – 1980 lai a kipat a chu ana kipan ahitai. Manipur Legislative Assembly Speaker H.Bora Babu kitipa phat lai a chu ana khohse deh in khat vei chu Singjamei MLA
I. Tompok Singh in Speaker pa Chair ah ajun aga thah khum in ahi. Hiche sanga khohjo Haryana state ah Defection thu a thucheng minthang Ayaram Gayaram hung kondoh na chu hiche suhchop touchup tho ho jeh a hung umdoh ahi.
Hiti ho jouse ahet jeh in Rajiv Gandhi Prime Minister hilai 1985 chun The Constitution [52nd Amendment] Act 1985 mi jousen Anti-Defection Law kiti chu Indian Parliament ah January 24th 1985 in Rajiv Gandhi in ana polut in January 31st in pass ana kibol in President in approve dungjui in 15th February 1985 in The Constitution 52nd Amendment Act 1985 mijousen Anti-Defection Law kiti chu hung kimang pan ahi.
Hiche dan dungjui ahi MP hileh MLA hileh member ahina Party chu amacham a voluntary a adalhah leh ahilou leh house a a vote na ding lang aki thupeh dungjui a a vote louleh akaidoh na political party in phatsah na ahilouleh ngaidamna aneilou leh disqualification kiti chu member hina a kihai sah ahi.
Ahinla aki lhendoh na political party ho se thum so a se hi two thir in party dang jopna anei leh hiche Act hi applicable hilou ahi.
Chukit leh Speaker, Deputy Speaker, Legislative Assembly a ahilou leh Legislative Council a Chairman leh Deputy Chairman hohi ahop lou ahi.
Hiche chungchang a boina hi athu tan ding a Speaker ahilou leh Chairman thanei na kipe hi aki lhengdoh Speaker leh Chairman hon akaidoh nao party langa apan jui jeh uva hiche Act hi ahi ding banga hitheilou ahi.
Assembly Speaker hohi sihnei langnei na neilou a natoh ding kiti hi athu a akisei vangin atah tah in asohdoh theipon ahi. Hiche hi khatvei June lha a Manipur Assembly Speaker Y. Khemchand in anop nop disqualify abol a anop nop alhadoh chu mijousen amu sohkei ahi. Mona nei MLA 7[Sagi] 4[li] kilha ong a adang 3[thum] gotna kipe chu adih hitchet chu ahi tapoi ti hetsa ahi.
Anukhah pen in Nagaland Assembly Speaker in janni chun NPF MLA 7[sagi] NPF adalhah a NNDP party ajop jeh in NPF hon case abol uchu kumkhat jouin Gauhati Hugh Court inphat ahin tep peh jeh in Speaker pa in MLA[sagi] hohin achamtah [oluntarily [a NPF adalha uvin kahepoi ti in tutu a Nagaland Govt. langa pang in a case disqualification case chu dismiss abol in ahi.
Anaipen a Manipur a jong imu uvin Assembly Speaker pan donse a aneilou jeh in Congress ho Manipur High Court ah ache uvin Manipur High Court a kon in Supreme Court ah ache uvin Supreme Court in hapta 3 sunga nasuh chai ding ahi ativang uvin Speaker pan donse in anei hih in Manipur Rajya Sabha MP election kon in kino thethu in June 22nd a kason ahitai atichu 19th ni in order aso in datmo leh detmah umtah asohdoh tan ahi.
State dang dang Karnataka tilou ahin chute lom lom a boina aum pon adeh a state neo ho ahi MLA 60 bou um ahijeh a hiche MLA ho suhchop touchup hi aha um chom deh hih in masang jep chun Madhya Pradesh ah BJP hon atilset jeh uvin Congress MLA 22 ana hai in hiche dungjui chun Madhya Pradesh a Congress Govt. jong alhuh lo in BJP hon Govt. asem uvin MLA a haisa MLA hitalou mi 8 tah Minister in akihahsel sah uvin ahi.
Hiche tobang thim chun tulai in Rajasthan a jong aboi in Rajasthan a Congress leader khangthah kum 42 mi Deputy CM leh Rajasthan State Congress President hina a kon in lahdoh in aum in ahi. Amahin CM kahi lou ngal leh imacha kahi nom tapoi ati tobang ahi.
Madhya Pradesh ahi ahileh Congress a milui tah Kamal Nath kitipa hi CM ahinom behseh
jeha agam mi Jyotiraditiya Scindia Gwalior lengte chapa apa Mahavrao Scindia jong central a Congress Cabinet minister anahi chu
mun a ot nomlou jeh ahipen in ahi. Adih tah a chu Kamal Nath hi emergency masang a Calcutta business mi khat ahi in Madhya Pradesh gam mi ahi tithei ahi behseh poi. Central a Cabinet sottah ana pang khat ahi.
Hiche Anti- Defection Law hi atamjo a thil phatah hijong leh alhahsam na loop holes kiti atam jeh in tulai MLA ho in abol le le uvin matdoh hahtah chop lele tobang in aheidoh thei uvin ahi.
Manipur Govt. Stable ahung hina ahijeh in Manipur a dingin aphae tiu te.
Okram. Ibobi chu hiche Act jeh a hi bailam tah a kum 15 Chief Minister anapoh thei ahi. Achuti louleh amachu miching mithem jong ana hideh pon ahi.
Congress a jong pan mun le nana len kipe a anatuh khajong ahipon ahi. Treasurer in ana pang e ti kaja kha bep in ahi.
Langkhat a sei ding a chu Okam Ibobi in aphatchompi pen e kiti leh kisei khel ponte.
